1 Ai bam we' ngonhaung" gao: thao qid lha khyo" Kota gogyo: kao" vang" vang" ye: mung: thao: ba mae Yodu gogyo: kao" khyo re: ai mae" ru Patya vomo" khyo re: joe"2 ye" ra". – Phinid mang: khyo gau" ye" ra" lha re myao lao" ai: lha mae bo: jui" ye"3 lo" ra". – Kupru gogyo: kao" re myao lao" lo, yo shaid' khyo" gau" lo" mung: Shuri mang: gau" de, yang: Turu vomo" lo" joe" vao va". Ai: vomo" mae lha khug bo ke'4 lo: zai jham re tai: khyo" ra". – Naungcao qere myao lao" ngonhaung" nhaid' ba na co' shi". Po"lu Yerusalem: khyo mado, lo" nae" tau: mae" ai: naung cao qe Solo khyo"5 yang mho: ako". – Nhaid' ba byang" ra" ba naung cao myo: sho' mo, wa myi: zo: bam we' daga" vomo" taung gaung joe" ngon- haung" re cao" dai" ako". Ngonhaung" bin: thug' lo" we' qid dae yae dang" kam" dao paid' thaug' thaug' jhaung: mho' ako". –6 Yao: cao: bin: jho" au" thao ngonhaung" lha dao do, mung: yao: bam wa yao: yaug7 yao" yham lo" byaug; ako". – Turu vomo" mae" Patolin: vomo" joe" we' wa qid gau" de, ca" ra" ru makaid' qo lo: Patolin: vomo" mae mao: nhaung: qe we' jho" au" mung:8 daba na co' va". – Thao: ba thug' lo" yang: Kesare vomo" joe" lao" mho" pho" nhaid' yaug mae bobo: ra" sosuna mau" vin9 Philibu yham mae lo" na: bam va". – Ai: yaug mae lapa pa: ra" zomyi: gyang" byid10 yaug na: ra". – Ai: yaug ngonhaung" mae dayo, zo: na co' thao Agabu mang: ra" lapa11 dayaug Yuda mang: mae" li" mung: – Ai: yaug ngonhaung" jhao" joe" vao li" yang: Po"lu phyid' cui: re yu mung: yao: yao" khyid lo, taui" jab; yu: ra". Shaogyang" Solo ceru: ga: mho: ra" ce: phyid' cui: AsAng re Yuda byu qe Yerusalem: mae ceru: taui" jab mung: taung bug byu qe: lo, khyo12 byid' pye' genae" ga" ga: mho: ra". – Ai: dao: the' gyo: lao" ngonhaung" we' ai: jo, qo mae na ko" mo, wa Yerusalem: khyo13 daye: ga: Po"lu re ta" tam" ako". – Po"lu wa pe" mung: ngug zo" re" nga" nhag' lam: re gaung yug; myid myo: nhao ko"?. AsAng Yesu mang khyao: mathao: yang Yerusa- lem: vomo" mae lham: taui: genae" ru za: mangaid: se' pye' ru lhao" kham nae" tau:14 ngo jin" jin" ngaid: ga: mho: ra". – Airu: mho: rure matae" gyo" ru ba lao" matam" lo: za: Mo"so o: khyo: boe" veshao: ein: za:15 amho: ke' lo". – Aithao ngonhaung" wa ci yhung: ca" zai cao jab nyhang" jhab' ci mung: Yerusalem: vomo" khyo thug' ye"16 lo" bam va". – Kesare vomo" byu naung cao damyo" ngonhaung" thao cao" mung: ngonhaung" re lham: tug da" nae" yaug Manatug mang: ra" Kuparu gogyo: kao" byu kao qi: va" naung cao jhao" joe" sho' cao" dai" ako".17 Yerusalem: khyo joe" lo" au: mao: nhaung: qe wa ngaui bau: taung" za: ngon-18 haung" re lham: tug; yu: ako". – Thao: ba re Po"lu wa ngonhaung" we' daga" Yaku jhao" vao ye" re phung: ug qe qham19 phaung: na genhaung. – Po"lu wa aibam re bin: au" lao" yao: phung: mae mho" pho" mau" zaui: so" ra" au: Mo"so: yang taung bug byumyu" qe mae zaui" qhu" va" jham20 ta" zhao: kyo" ra". – Yao: bam aire qo" gyo: lao" Mo"so: mang khyao: re caung: khin" ako". Po"lu rere: mao: nhaung: we" lam khug; ra" Yuda byu khonho" tug na: rure nao the' myao va". Aibam alhab' mo, wa khang" dao: tarha" shaid' mae qam: qi" na21 mo, ngaid: ako". – Taung bug byumyu" mae bo: na ko" Yuda byu alhab' bam wa zoshao qere nyaug phyid' ru makaid' ca". Qhid' phyao" li ave, macao" ca" ga: nao mho: ru yao: bam Moshe: tarha" re to" pye' nae" tau: mho" shid' qin" rure ce jham lau22 dao: the' gyo: veko". – Airu: mung: khoru: ceim" kaid' gelang: yha". Byu alhab' bam maceim" ham lo: maqo" na ko". Nao joe"23 lo: khyo the' gyo: genae". – Aimung: ngon- haung" mho: ru kaid' wa, mhao" ngon- haung" mae Mo"so re dao: so: byid' to: va"24 byu byid yaug na: ra". – Aibam re khai: yu yang: yao: bam we' daga" ni" gaung shao kyang" wa, yao: bam: au: myhaug' ru mae gain: ra" ngaui byid: wa, . Airu: byu qe wa yao: bam the' gyo" lau dao: madang: ru rere: , nao yao: khang" dao: tarha" phug' cao" na yaug ngaid: ru rere: , byu qe ba:25 gyo" lo" genae" ngaid; . – Lam khug; ra" taung bug byumyu" qe kam" airu" tarha" macao" lo: za: sulho goe; pa" ra" xeim: dau: rere: , Sa: rere: , lang zang: nhag' se' ra" sho: rere: , matarha" phavae mau" rere: jao" genae" tau: ngonhaung" phyo" phyid'26 mung: pyang: ke' va" ga: ta" ako". – Airu: mung: Po"lu wa ai: yaug gai qere khai: yu mung: thao: ba re yao: bam we' daga" yao" gaung shaokyang" mau" kaid' ra". Yao: bam kaid' ra" ayo, ba na khoyo, bin zai ngaid: ru rere: , ai bam yaug nge; xeim: dau: ngaui" byid: nae" khoyo, ngaid nae" ru rere: ta" kyo: co' ra".27 Ai nhaid' ba byang" lo: na: au: Asia mang: mae" li" ra" Yuda byu qe wa pa" jhaung: yham mae Po"lu re myao lao" mo, byu qere lhau: pug; ke' mung: Israel byu qe28 we" bao" yu ge – Ce: yaug wa ngonhaung" byumyu" we' khang" dao: tarha" rere: , Ce: jo, qo rere: madau ma ang: ra" khyo" byu qere mho" shid' yaug ngaid: ra".Ai: tho' mago" Helini byu qere pa" jhaung: yham khyo vhao" mung: ce: shaogyang" jao: mae maca' majhaid' kaid' ava" ga: zag; hug'29 mung: Po"lu re cam" yu: ako". – Pe" mung: ga" re Trophimu ga: mang yaug Ephesu byu dayaug re vomo" mae Po"lu we' daga" na: ru yao: bam the' myao gemung: ai: yaug re pa" jhaung: yham khug vhao" ava" ga:30 myid; yu: ako". – Davo: geim" mo, thaui: mo, yao boe" li" yang: byu qe to" li" mung: ham: zang" lo: ako". Yao: bam Po" lu re zaui" yu mung: pa" jhaung: yham taung gaung khyo she: thug' yu yang: kham: pyid'31 pye' ako". – Po"lu re se' nae" ga: phin: ko" au: Yerusalem: davo: geim" mayaug mayo phai shi phai khao: boe" ra" ga: byu dataung re ug: ra" gyezug: mo" wa lau dao: the' gyo"32 ra". – Gyezo: qe we' mang: zug: qere mye, mye, khai mung: ai bam na: ra" khyo nhao: ke' ra". Aibam wa gyezug: we' gyezo: qe re myao lao" Po"lu re mabe, lo: za: na: bam:33 ako". – Ai au: gyezug: joe" li" mung: Po"lu re jao co: taui: shid' khe' yang taui: yang: ce: yaug wa khag' ngaid: ra"? pe" ja: kaid'34 shaid' ra" ga: myid' ca: qu" ra". – Byu mo, thaui: khug mae dayaug daja: ga: hug' yhai gemung: thoe saung" laug yang: gye zug: wa dao: dang re maqo" ba yang: Po"lu re gye qe, khug khyo jhui" lo genae" tau:35 amyin" byid' ke' ra".– Byu qe se' da: be, yhin" saung" kaid' lo gemung: zam thao adao mae lo" joe" au: gyezo: qe Po"lu re po:36 she: ci mung: jhui" lo" ca" aveko". – Yao: re she: thug' byid: ge, ga: byu qe zag: hug' mung: cao" ako".37 Po"lu gye vang" khug vao lo" au: re ngo nao re dao: dakheim: gai: ta" kyo: nae" i"? ga: gye zug: re myid; lao" gyezug: pho"38 wa Helini myain" ba: jhau: i"?. – Nao lai: lo va" yo, re gye jhui" to" mung: suvhang: byu byid taung re seyo khyo jhui" vao lo" ra". Egutu byu ngaid: i"? mangaid: i"? ga:39 myid' ra". – Po"lu wa ngo wa Kiliki mang: Tashu vomo" mae khau myhung: ra" Yuda byu ngaid; .Ngo na: ra" vomo" wa mageim: za" vo mangaid: cebam re ta" nae" akhang" byid; la, ngo mho' vhao" ra" ga: ta" bain"40 ra". – Gye zug: akhang" byid; yang: Po"lu wa zam thao dao mae ye, mung: ai: byu qere yao" lo, vhag' ke' ra". Yao: bam sae za: tae" na ko" au: Hebre myain" khyo" jhau: ke' ra".