1 Ai mae ngo" ba lai thao jaung yin" mo" Anani wa Tatulu mang: ra" tarha" tao" qid: yaug we' lau: de, qi: qere Kesare khyo ye: mung: Po"lu akhyo vomo" zug: re ye: zhao:2 kyo" ako". – Aire Po"lu khai: nha: to: lao" Tatulu khyo" qobo vhin yang: ta" ru wa qi" thao" ra" Filig we" ngonhaung" ni" qab mae gyai na pyo" ngaui bau" na: bam: ru we' nao ba: ug gam: ra" khug mae na: dai khye'3 lo va" ru mung: – Ngonhaung" airu" akhyo4 mae jeju gyai so" na: bam: ra" wo". – Ngaid qere: nao re anhaung" akhoe' mazao" boe" veshao: ni" nhag' yin myid; yang ngon- haung" dao: lhau" tae" gyo: byid: shi: la,5 ein: mho' vhao" ra". – Ce: yaug wa makhy- ang: mashab; ru we' myid gye, geim" mae" Yuda, qere phai shi phai khao: boe" nhao: ra" Nazared' phung: lau: de, mo" ngaid:6 ru ngonhaung" the' myao: ra". – Yao: wa pa" jhaung: yham re gaui mho shao" pyao kaid' ra".Ngonhaung" yao: re cam" mung: tarha" jo; ru we' dakhyo: mau" ta" nae" ein:7 myid: yaung: to" ra". – Ngaid qere: sin: thu mo" Luti wa sin: zo: Laka qe we' li" mung: ngonhaung" lo, mae" she: jhui" lo"8 yang: . – Mau" poe: thug' mo, re nao jhao" li" nae" akhyo: nhao: ke' ra". Ce: yaug re nao khyo" ca: qu" lao" ngonhaung" re qobo vhin: ru dang dang qo" ba nae" ga: ta" kyo"9 ra". – Bobo: li" ra" Yuda byu qe re: ce:dao: kheim: dang: ra" ga: mho: ako".10 Vomo" zug: pho" lo, vhag' ke' mung: Po"lu dam: ta" nae" akhang" qo" we' AsAng nao wa ce: byumyu" qere ayo, myao" sho' ug: gam: lai lo va" rure ngo ba mung: te' dai" taung" nga" akhyo re vae" ta" kyo"11 ru ngaid: . – Ngo wa Yerusalem: khyo pa" caung: nae" ein: lo" ru daxe: shid' ba shi"12 angaid; ru asang nao ba: ra". – Pa" jhaung: yham mae dayaug yaug we' ngo jho" ham: byo; rure yao: bam mathe' myao: ko". Ham phaung yham mae re: Vogaung mae re: byu qe phai shi phai khao: boe" sho' ngo jhui" lhau: zhung" ru yao: bam mathe' myao13 ko". – Ana" re: ngo re qobo vhin: ru pe"14 sagso: maqo" qhu" ngaid: ako". – Ngaid qere: daja: kam" wa nao re ta" kyo: nae". Khang" dao: jham: we' lapa jham: mae tung" to" ra" alhab' re yao: bam wa ai: akaung aboe: phung: ga: myid ko" ru we' dakhyo: ngo re: nga" phug' pho" qe: Mo"so15 re lam khug; na: lo yaug ngaid: . – Dang main: mo, madang main mo, alhab' wa shid; ru mae" daui: to" li" genae" ga: yao: bam myid; nghae" ko" ru: ngo re: Mo"so16 mae pao mung: myid: nghae" na: ra". – Ai mung: Mo"so: qhid' kheim: mae re: byu: qhid' kheim: mae re: ca" qo mabo nhag' lam: shao shao za: ngaid: na nae" tau: ngo17 qam: ke' ra". – Airu: zin na gyai myao" byaug thao nga" byumyu" myaung mo, re jo, nho" jhaung qhu" byid; nae" ein: Yeru-18 salem: khyo ngo do, lo" ru ngaid: . – Aire pa" jhaung: yham mae mo, thaui: mo, byu qe mana. byu qe phai shi phai khao: re: maboe". Shao kyang" ra" mau" re ngo zaui" na: ru za: amyao: ko".Ngaid qere: Asia mang: mae" lo: ra" Yuda qe damyo"19 kam" myao: ako". – Aibam khyo" ngo mae qobo vhin nae" jo; re nao jhao" yao: bam li"20 mung: qobo li" zhaug' gezai ngaid: . – Airu: mangaid: lo: za: ngo tarha" qe, do, ade, qe: qhid' kheim: mae na: jo; au: shid; ra" mo,21 mae" daui: to" li" akhyo: yang za: – Ngo naonhaung" qhid' mae ana" ba myid; ca: qu" ru the' kham: na: ra" ga: hug' mho: ke' ra". Ceru: zag: hug' na: ra" mae" lai yang: ngo mae pe" qobo vhin nae" myao shi: ko" re wa cebam khyo" ta" zhao: kyo: veshao: ga: ta" kyo" ra".22 Filig zug: wa ai: akhyo ba: to" ru mung: sin: thu mo" Luti joe" li" lao" za: ngo naonhaung" mau" ta" sho' nae" ga: ta"23 mung: thang: pye' ra". – Po"lu rere: kyam: malhaung" lo: za: lhaug' na: ako".Yao" ba nam qe re: yao: re li" zho: jhaug' genae" tau: gyezug: re pyang: ke' ra".24 Ai thao khonho" ba mangaid' re Filig zug: wa Yuda byu ngaid: ra" Yao" yham sang myhi" Dusila we' daga" li" mung: Po"lu re khai yang: Khristu re lam khug25 nae" li ta" kyo" rure tae" gyo" ako". – Po"lu wa dang main: tarha" we' yao: yao" gaung sho: zang: nae" tarha" rere: . Joe" lo nae" tarha" pyam" khyo rere: ta" kyo: lao" Filig zug: gyaug; nin" byaug; mung: ana" lo" wa, se, thao re ayo, qu" yang: ngo dam: khai26 nae" ga: peim" ke' ra". – Po"lu yang yao: re nhao: ke' nae" khug vag byid; veshao: ga: ai: zug: myid: lao" mung: dazab dazab khai yang: yao: we' dao: jhau: ru ngaid: .27 Airu: shid' zin byang" re Filig aya: mae Poku festu jho" tha" mung: Filig zug: wa Yuda byu qere myo, nho nga: kaid' nug yang: Po"lu re kyam: lhaung" co' ra".