1 Festu zug: ai: mang: mae joe" thao sam ba re Kesare mae" Yerusalem: khyo do, lo"2 ra". – Aire jaung yin" mo" we' Yuda byu3 ade, qe wa – Po"lu re se' nae" ga: khyo yae lham: na nae" tau" da we' Po"lu akhyo ta" kyo: mung: yao: re Yerusalem: khyo nhao:4 ke' nae" khyo: mho' vhao" ako". – Festu zug: khyo" Po"lu wa Kesare mae kyam: laung" na: shi" shao: . Ai: vomo" khyo mataung" myao" re ngo yao: lo" nae". –5 Ailao" naonhaung" gai: boe" mo, ngo we' daga" lo" mung: ai: yaug mae qobo vhin nae" bo: re qobo vhin ge, ga: ta" ra".6 Ai thao daxe ba kho na mung: Kesare khyo ye: mung: thao: ba re tarha" tao" mae zaung au" Po"lu re khai ge, ga: ta"7 ra". – Po"lu joe" lao" Yerusalem: mae" li" ko" Yuda byu qe lhang" kham" to: mung: sagso: re: maqo" qhu" ru qobo qi: Po"lu re8 vhin: ako". – Po"lu wa ngo Yuda tarha" re mashaid' pa" jhaung: yham rere: mashaid' Siza jhaung zug: re re: mashaid' ga: qobo9 ta" pheim: ra". – Aqere: Festu zug: wa nao Yerusalem: khyo lo" mung: nga" qhid' mae ce: mau" re sho' nae" nao nug; i"? ga: Yuda qere myo, nho qho yang: Po"lu10 re myid' ra". – Po"lu wa Siza jhaung zug: tarha" tao" qhid' kheim: mae ye: ye; mung: ai: tarha" tao" mae nga" mau" ca: sho' gai: ra". AsAng nao ba: ru we' dakhyo: Yuda11 byu qere ngo mashaid' va" re. – Ngo shaid' mung: shid main" ra" qobo the' kaid' ngaid: re shid nae" re ngo majao". Ai bam vhin: ra" qobo daja: re: madang ngaid; re yao: bam: lo, mae ngo re khag' yang re: magai: qhaug' nae". Ngo wa jhaung zug: Siza: mae12 joe" vao nug: ga: ta" ra". – Ailao" Festu zug: wa byin qham cao: qe we' ham mung: nao Siza jhaung zug: jhao" joe" vao nug: i"?. Siza jhaung zug: jhao" the' ye: nae" ga: mho: ra".13 Ai:thao mataung" myao" re Agipa zug: wa yao" yham sang myhi" Bereni we' daga" Festu re qhug' nae" ga: Kesare khyo li" lo:14 ra". – Ai: mae gyai myao" sho' na: na thao Festu zug: wa Po"lu akhyo re ai: zug: pho" re ta" kyo" ra" akhyo wa Filig zug: kyam:15 lhaung" co' byu dayaug na: ra". – Yerusa- lem: mae ngo na: na shi" au: khin jaung mo" qe we' Yuda, ade, qe ai: yaug; akhyo re ta" gemung: qobo qo" khyo: zaui: so: byid:16 ge, ga: mho lao". – Ngo khyo" qobo vhin kham: ra" yaug wa qobo vhin: ra" mo, we' lo, qaug jho" qhug' mung: yao: mae qobo vhin ko" khyo myid; nae" akhang" mabyid; lo: khag' rere: se' pye' nae" tau: magai: byid' ke' Roma thung" li jo; ra" khyo: ta"17 va". – Aibam ce: vomo" joe" li" lo ko" au: ngo re: mano: lo: thao: ne, yao: tarha" tao" mae zaung yang: ai: yaug re khai: ca: qu"18 va". – Yao: re qobo qho mo, li" lo lao" ngo myid: nghae" to" khyo: qobo daja: re: mata" lo: yao: bam: lam khug; khyo we' Yesu19 mang: ra" – shid va" yaug; akhyo we' tin: mung: dao: myid: kheim: yang qobo vhin: ako". Ai: Yesu kao daui: na shi" khyo Po"lu20 ta" ra". – Ai yao: bam: dao: myid: qug; khai: re gelho: maqo" ta" mung: Po"lu rere: nao Yerusalem: khyo ye: mung: ce: mau"21 ye: sho' nae" i"? ein: myid: lao". – Po"lu wa phung qi" ra" jhaung zug: mae joe" nug mung: yao: re kyam: lhaung" to: nae" mho' vhao" yang: Siza: jhaung zug: jhao" manhao: ke' shi" re yao: re kyam: lhaung" to: nae" tau: ngo mho: ru ga: Festu zug: ta"22 kyo" ra". – Agipa zug: re: ai: yaug; dao: re ngo yao: tae" gyo" qu" nug: ra" ga: ta" lao" Festu zug: wa ne, mo" ba yao" dao: tae" gyo" qu" wa, ga: mho: ra".23 Thao: ba re Agipa we' Berni tao langa: bo taung" shaung: ve; ci mung: Sin: thu mo" we' vo ade, qe bo:bo yang: qe, khug mae zaung: na ko" au: Festu zug: khyo"24 Po"lu re jhui" vhao" ke' ra". – Festu khyo" ta" kyo" ru wa Agipa zug: we' ana" ce:mae joe" zaung ko" ade, qe we" ce:yaug re qu" ge, Yerusalem mae re: ce: vo mae re: Yuda byu qe wa ce: yaug; akhyo ngo re ta" kyo: geyang: yao: wa dazab daso' za: lao" kao magai: daui: na lo" yaug ngaid: ga: zag:25 yhid' ko" ra". – Yao: shid main" ra" qobo maqo" ru ngo the' myao ngaid yang: re: yao: wa phung qi" ra" jhaung zug: tao" mae joe" nae" ga: ta" yang: jhaung zug: jhao" nhao: ke' nae" tau: myid: phyid' to:26 va". – Nhao: ke' nae" ein: rere: ai: AsAng jhao" yao" akhyo ada" zo, qo" tung" ke' nae" akhyo daja: re: mathe' myao shi: .Airu mung: naonhaung" qhid' kheim: mae ngo tung" vhin: ke' nae" dao: kheim: ta" thug' li" nae" laug ein: myid yang: nao Agipa zug: qhid' kheim: mae ngo yao: re jhui" qhu"27 ru ngaid: . – Pe" mung: ga" re kyam: laung" byu dayaug wa qobo re maqo" qhu" lo: za: jhaung zug: jhao" nhao: ke' re wa madau ngaid; ra" ein: ngo myid; ra".