1 Apo"lu Korinthu mae na: na shi" au: Po"lu wa dao mae" mang: khyo" cao" kam" gyo" lo thao Ephesu mae joe" mung: naung2 cao damyo" we' qhug' lao" – Naonhaung" lam khug thao shaogyang" solo re the' khae: yu veko" i"? ga: myid' qu" re shao- gyang" solo joe" ra" akhyo ngonhaung"3 maba ga: zhao: kyo" ako". – Alao" Po"lu wa naonhaung" pe" ru" Babtizan: re khae: yu ko" ga: myid; lao" Yohan: Babtizan: re4 khae: yu: va" ga: mho: ako". – Po"lu ta" ra" Yohan wa nga" thao cao" li" yaug re lam khug ca" ga: byu qere hau" kyo" na azo" nhag' lam: atha" we' tin" ra" Babtizan: re byid' ra". Airu: mho: ru wa Yesu re mho: ru ngaid; ra" ga" ra" dao: re qo" gyo: gelao" –5 Aibam wa Yesu Khristu: mang khyao: mae6 Babtizan: re khae: yu: ako". – Po"lu khyo" yao: bam: adao mae lo, kai: byid: lao" shao- gyang" Solo gyo" li" yang: ai bam wa aja: ja" myain" jhau: thug' li" mung: lapa pa:7 ako". – Aibam wa daxe: shid' yaug ngaid:8 ra". – Ai: thao mae" Po"lu wa ham phaung yham vao mung: lho" mo" sam khye' lam: lam: Mo"so: mang: din" akhyo re jho" myid' ca: pang" qu" mung: vae" vae" za:9 lao" ngaug; mho" te' yu: ra". – Damyo" wa nhag' lam: qao yang: malam khug; ko" byu qe: qhid' mae ai: lam khug; khyo re jung" khyoe' lo: au: Po"lu ai: phaung gaung: mae" thug' mung: naung cao qe re gethaung: sain10 kho' nha: to: bin thao – Turanus mang: ra" yaug; tung" ce' mho" jao: mae shid' zin lam: lam: hau" kyo" ra" khyo" yang Asia mang: byu ngaid ko" Yuda byu Halani byu qe wa AsAng Yesu mung dao: re qo" gyo" khae: yu: ako".11 Mo"so wa Po"lu lo, khyo" yang mug' pho" ve, lho phung bao jham re qhu"12 ava". – Po"lu ci: ra" phajaid phyid' cui: daja: ja: no de, mo, jhao" byid' ke' re za: lao" re: yao: bam: no gai: lo" byaug; ra". Yui13 dae: re: thug' lo" byaug; ako". – Ai:au: jo, qo lam: khao: ngo" kam: mung: yui cao" pye' byid' ra" Yuda byu damyo" kam" wa Po"lu hau" kyo" ra" Yesu mang khyo" ngo naonhaung" re khe' thug' ra" ga: yui vao ko" mo; adao mae AsAng Yesu mang khyao:14 lao" ako". – Sakeva ga: mang: ra" jaung yin" pho" yao: zo: nhaid' yaug rere: airu:15 kaid' byid' ako". – Yui dae: wa Yesu re ngo ba: Po"lu rere: ngo ba: naonhaung" khag'16 ngaid ko"? ga: bin: mho yang: – Ai: yui de, yaug wa aibam: adao mae zaung yang: zhaug' lhang" ke' ra". Aimung: aibam wa ma-aung lo" mathao: yang dae de' ru we'17 gaung pyaid' phao: thug' lo" ako". – Ai: akhyo: jham re Ephesu mae" Yuda byu qe we' Halani byu qe the' gyo: gelao" gyaug gemung: AsAng Yesu mang kheim: re18 caung: khin" ako". – Lam khug mo, myo: sho' li" mung: yao: yao" suna ayaug; re ta"19 kyo: mho' bain" ako". – Yui dae: juyi re ci yhung" na mo, myo: sho' mo, re: yao: yao" boe, dang: paug' jham yu: li" mung: byu myo: sho' mo; qhid' kheim: mae ngha" pye' ako". Apaug' aphug' qhain" zhang: qu" re20 ngaui ngo" tug kho main" ra". – Aire" ru: Mo"so: sosuna mau" zo" wa phung bao we' qi" qhang ce" lae aung myaug; lo" ra".21 Aithao Po"lu kam" ngo Makedoni mang: we' Akhaya mang: bin: cao" kam" lo" thao Yerusalem: khyo lo" nae". Ai vomo" bin: joe" lao" Roma vomo" re the' myao nae" ga: aung khug mae myid; to"22 ra". – Yao: re caung: da" na: byu shid' yaug Timote we' Erastu re Makedoni mang: khyo nhao: ke' thao yao: wa Asia mang: mae dazab lo" na: ashi".23 Ai: au: lalam lakhug; mathao: yang joe" lo: qug: khai: mau" mo" ein nae" ru wa –24 Demetare mang yaug ngaui sheim: kaid' su dayaug wa Atemyi' yui myiqe: ngaui yham alho ngaui kaid' ra" mathao: yang yao" mau" zaui: cao: qere qo" jhui" na: dai:25 ra". – Ai: yaug wa yao" ngaui sheim: cao: qere ai: juyi: yang mo, cao: zhag' to: mung: byin cao: qe we" ce: juyi mau" re pao yang: ngonhaung" qo" na: dai: lo: ru naonhaung"26 ba veko". – Ana" ai: Po"lu ga: yaug byu: lo; yang kaid' ru wa Mo"so mangaid: ga: mho yang: Ephesu , Asia mang: damang" geim" mae" byu qere cao" ju" phyo' ru naonhaung" myao: na gau the' gyo" na gau27 ngaid va". – Aimung: byu qe wa ngon- haung" juyi re jung" ru za: mangaid: qi" thao" yui myiqe: Atemyi' jhaung: yham pe" mangaid: boe" lo" yang: Asia mang: damang" geim" mae" mo, we' myidkin byu qe lam khug: phung bao nga: gyoe; byaug; ru boe" nae" gaung yug ca" ra" ga: mho:28 ra". – Ai: dao: kheim: the' gyo: lao" ai bam wa nhag' lam: mageim: zab zab zhau: li" geyang: Ephesu byu qe Atemyi so wa qi"29 thao" va" ga: hug' jhu" ako". – Vomo" byu alhab' bam wa jho" lhau: zhung" ke' mung: Po"lu we' daga" tarha" cao" hau" qin" ra" Makedoni byu Gayu we' Arestakhu bam re cam" she: yu yang: poe kaid' jao: akhug khyo daqam: daqhi za: tao" vao ye" ako". –30 Po"lu wa ai: byu qe qham ko" jao: khyo vao ye" qu" nug qere: naung cao qe khyo" tam"31 ako". – Po"lu banam jham ngaid: ra" Asia mang: zug: damyo" re: poe jao: jo, qo khyo nao yao: wa daye: ga: byu nhao mung:32 kyo" ke' ako". – Ham phaung: ra" byu qe wa jho" yhai mung: dayaug dakhyo" zag; hug' ra" mathao: yang byu myo: sho' mo, wa yao: bam ceim" zang" qham ko" ru lao" pe" ngaid: akhyo maqo" ba ko" ngaid; ra".33 Yuda byu qe wa ai byu phaung re kyo' sho' kyo: mung: sae za: na nhao nae" tau: Alexanda re qhid' kheim: khyo deim" jhain" nhao: ke' ako". Yao: wa dao: jhau34 nae" ga: yao" lo, re vhag' ke' ra". – Yao: wa Yuda byu qe ngaid ko" ru ba lao" Ephesu byu qe: Atemyi' wa qi" thao" ru va" ga: shid' yo, qug kho myao" sho' byu qe dathoe35 ru: za: zag; hug' na: ako". – Vomo" mae" tung" su pho" wa byu qere bin: yo nhao thao Ephesu byu qe we" Ephesu vomo" wa Zuta so mae" gyo" li" ra" sulho ngaid; ra". Qi" thao" Atemyi re zho: jhaug' ra" Mo"so: jeim ngaid: rure maba ko" byu dayaug yaug36 bo ko" i"?. – Ce: akhyo jham jho" ngag; yhai nae" akhyo majo; ru mung: naon-37 haung" sae za: na gese, – Myid: tau" qu" ra" khyo majo, lo: pe" mau" rere: magai: zaui: yao: bam wa pa" jhaung: yham phyo' qheim" mo, re: mangaid: naonhaung" so rere: ma jung" ko" ru va: cebam re naon-38 haung" taui" she: lo genhaung – Demetare we' yao" mau" zaui: ngaui sheim: mo, wa dayaug yaug we' mau" thug' li" re yung" jo; ra" mhao".Vomo" ug zug; re: na: ra". Mau" thug' lao" yao: cao: jho" qham: nyang" yu39 vegeshao: . – Ai mangaid: lao" naonhaung" getau: mau" zhao: kyo: nug; gelao" tarha" vao: ra" ham phaung mae jho" zhao: khyo:40 ta" phyid' yu ca". – Ana" ba ceru: jho" yhai: ra" mathao: yang naonhaung" re qobo byid: nae" de; ra".Pe" mung: ga" re ce: tarha" mavao: ham phaung: ra" ru yung" jho"41 zaung nae" akhyo mabo ga: . – Bin: ta" lao" ai: ham phaung re thang nhao: pye' ra".