1
Ai: thao Po"lu wa Athen mae" thug' lo" mung: Korinthu vomo" joe" lo" ra". –2
Ai: au: Yuda byu alhab' bam Roma vomo" mae" thug' lo" ca" akhyo Kolodi mang: zug: amyin" khyo" to: mung: Pung: tu mang: mae" Agula mang: ra" Yuda byu dayaug wa Itali mang: mae" li" mung: yao" yham sang myhi" Priskila we' daga" joe" lo: ru mamyao" shi" ru Po"lu ba lao" yao: tao3
jhao" ye" ra". – Yao: tao we' mau" jho" dau yang: ai tao we' na mung: mau" zaui" ra". Yao: tao wa Pin: zaung khyab' zo" ra" tao4
ngaid: . – Po"lu wa dug no: ba khao: ngo" ham phaung yham mae jho" qham qham kaid' mung: Yuda byu we' Helani byu qere lao" ngaug; na: ra".5
Sila we' Timote tao re: Makedoni mang: mae" joe" lo ko" au: Po"lu wa yao: bam we' daga" tarha" hau" kyo" ra" mau" zo" zaui: mung: Yesu Khristu: akhyo re Yuda byu qere qam: ke' sagso: kham: qhu"6
ra". – Yuda byu qe jung" ngag; khyo kaid' lo ko" au: Po"lu wa yao" bau: ko: khyo" zo" naonhaung" sa: wa naonhaung" au: dao mae kai" jo, shao: ngo kam" shao" jo, va". Ana" ceyo, mae" qhid yang: taung bug7
byu qe jhao" ye: naeva" ga: mho: ra". – Ai: jo, qo mae" thug' lo" mung: Mo"so re lam khug: ra" Yug'tu' ga: mang: yaug; yham khyo ye" ra". Ai: yham wa ham phaung8
yham we' te' za: ngaid; ra". – Krispu ga: mang: ra" ham phaung yham qu" gam yaug wa yao" yham byu alhab' bam we' daga" Mo"so re lam khug: lo: ra". Korinthu mang: byu qe myo: sho' re: lam khug9
mung: Babtizan: re khae: yu: ako". – Myi" ayo, Mo"so wa Po"lu re myo, myhung" qhu" mung: nao dagyaug wa, sae za: dana10
hau" kyo" na wa, – Ngo nao we' daga" na nae". Nao re pyam" yhin" aung zo: nae" ga: khag' re: maqo" kaid' nae" ce: vomo" mae nga" byu qe myo: sho' na: ga: li"11
mho: ra". – Po"lu wa ai: vomo" byu qere Mo"so: mung dao: hau" kyo: mho" shid' mung: dazin: lho" khyaug' khye' lam: lam: na co' ra".12
Akhaya mang: re Galiyu: mang: zug: sang: ug: na: au: Yuda qe wa daqam: daqhi Po"lu re tau: lhain: mung: tarha" tao" khyo13
jhui" ye: yang: – Byu qe Mo"so re magai: ra" khyo" lam khug nae" tau: ce:yaug ju"14
phyo' ra" ga: mho: ra". – Po"lu jhau nae" seim" au: Galiyu: mang: zug: khyo" yang Yuda byu qe we" magai: ra" mau" anyain: avho: mau" thug' lao" ngo naonhaung"15
akhyo: jo; khyo: zaui: so: byid; va". – Ai qe re: ana" wa myain" dao: thoe mang kheim: naonhaung" phug' cao" li mathao: yang angaid: ru mung: yao: cao: jho" ta" nyhang" yu ge, airu" mau" ta" byid: nae" tau: mae" ngo mamyid vang" ga: ta"16
ra". – Yuda byu qere tarha" tao" myhao17
mae"khe' thug' pye' ra". – Ai: au: Helini byu qe wa ham phaung yham qu" su Sothani re tarha" tao" qhid' kheim" mae be; ako". Ai:mau" rere: Galiyu: zug: pe" qo mayu ngaid: ra".18
Ai mae Po"lu gyai myao" sho' na co' yang: mao: nhaung: qe jhao" akhang" mho' mung: ai: vomo" mae" thug' lo" ra". Lai: lo" va" yo, dao: so: to" we' dakhyo: Kince: vo mae xae bin: qaug; pye' lao" Priskila we' Agula tao re khai mung: Shure mang: khyo19
lha khyo" lo" byaug; ako". – Ephesu mae joe" lao" ham phaung yham khyo vao yang:20
Yuda, byu qe we' jho" qham: ra". – Aibam wa yao: bam we' daga" Po"lu na co' shi: nae" tau: mho' vhao" ko" au: Po"lu makhae:21
yu ngaid: ra". – Ana" joe" lo naeva" poe re Yerusalem: mae ngo dang dang bo: bo ca". Mo"so o ngaui: ngaid: re thao dalhang naonhaung" na: khyo ngo dam: li" nae" ga: mho: co' mung: Priskila we' Agula tao re Ephesu mae nha co' yang: lha we' lo" byaug; ra".22
Kesare vomo" joe" lao" Yerusalem: vomo" khyo do, lo" mung: phung: byu qe we' jho" qhug' bin thao Antiug khyo dam:23
xo' ye" ra". – Ai: mae gyai myao" sho' na co' thao dam: tug' lo" mung: Galati mang: Phyugi mang: ada" zo, zo, kam" lo" ra" mathao naung cao qere nhag' lam: qo" cao" zhaug' tang byid' ra".24
Alezenda byu Apo"lu mang yaug Yuda byu dayaug wa Ephesu vomo" khyo joe" li" lo: ra". Ai: yaug wa nhaid' bun bo mung: jham: dao: mae qam: qi" na yaug25
ngaid: . – Mo"so re lam khug; ra" mae bo mung: nhag' lam: qam: qi" ra" mathao: yang AsAng Mo"so: akhyo jham re ada" zo, zo, hau" kyo: phyo mho" dao: ta" ra". Ai26
qere: Yohan: Babtizan: re za: aba: ra". – Ai: yaug ham phaung yham mae vae" vae" za: hau" kyo" ra" mathao: yang: Agula we' Prisila tao yao" dao: the' gyo: ko" au: yao: re lam yang: Mo"so: lam khug; li re je: ba27
sho' mho" xeim: ako". – Ai: yaug Akhaya mang: khyo ye: nae" ga: myid; yaung: lao" naung cao qe yao: re lham: khae: yu genae" tau: mao: nhaung: qe jhao" pyang dao: re byid' ke' ako". Yao: joe" ye: yang: lam khug28
mo, re gyai ye:qo" bao" thaug' ra". – Yesu wa Khristu ngaid; akhyo re jham: tung" khyo" bao bao za: qhu" mung: byu alhab' bam: qhid' mae Yuda qe: dao: re qam: phin: yao: ta" phyo' pye' ra".