1 Ai: thao Anphipoli vomo" Apoloni vomo" khyo" kam" lo" mung: Thesaloni vomo" joe" vao: ako". Ai: mae Yuda ham2 phaung yham jo; ra". – Po"lu wa yao" li jo; we' dakhyo: ai: ham phaung yham khyo ye: mung: dug no: sam ba jham: mae pao yang:3 ai bam we' jho" qham: ra". – Khristu wa shid kham ca" nae". Shid: mae" daui: to" ca" nae". Ngo hau" kyo" ra" Yesu wa Khris- tu ngaid va" ga" akhyo: re zhaug' zhaug' za:4 ta" kyo" ra". – Aibam damyo" lam khug; lo gemung: Po"lu , Sila tao we' qhain" ako". Mo"so re lam khug: ra" Helani byu alhab' bam we' vin tang" ra" myiqe: myo: sho'5 bam re: lam khug:lo: ako". – Yuda byu qe wa azhaug' amhe' kodug; qere khai: qham: yu yang: vo mae jhui" lhau: zhung" ako". Yason yham re lhang" kham" to: mung: aibam re she: thug' nae" ga: qho: ako". –6 Mamyao lao"Yason we' mao: nhaung: qe damyo" re mang: zug: qe jhao" jhui" lo" mung: myid kin re tau: lhain: lhau: zhung" ra" cebam ce: jo, qo khyo joe" vao lo:7 ako". – Yason re: yao: bam re lham: vhao" yu: ava". Aibam alhab' Siza jhaung zug' dao: re gag: tug' phaug' gemung: Yesu ga: mang: ra" jhaung zug: dayaug na: ga: zag:8 yhid' ako" . – Mang: zug: qe we' ham: na ko" mo; nhag' lam: re ai ru" ra" dao: kheim"9 yang jhui" nhaung" khoe' ako". – Ai qe re: Yason we' getau: byu qere bokham: kham: nhao mung: nhao: ke' ako".10 Myi" re mao: nhaung: qe: yang Po"lu we' Sila re Bere vomo" khyo nhao: ke' ako". Ai: vomo" joe" lao" Yuda qe: ham phaung11 yham khyo vao: ako". – Bere vo byu qe wa Thesaloni byu qe tho' je: nhag' gyang: geyang: mung dao: re khae: yu mung: dang: ru madang: ru ba nae" tau: jham: tung" re12 ne, qug pha: nghe' qu" ako". – Ai: mathao: yang Yuda byu myo: sho' wa lam khug: lo: ako". Vin tang" ra" Helani myiqe: qe we'13 yaug gai qere: lam khug: lo: ako". – Po"lu khyo" yang Bere vomo" mae mung dao: hau" kyo" rure Thesaloni" vomo" mae Yuda byu qe the' gyo" ba: yu lao" Bere vomo" khyo cao" li" lo mung: byu qere li" ju" phyo'14 lhau: zhung" ako". – Ai: au: mao: nhaung: qe wa Po"lu jhao" qid yae khyo" lo" nae" tau: ailao" jao" nhao: ke' ako". Sila we'15 Timote tao na: thang: gyo" ako". – Po"lu re cao" dai" mo, wa Athen vomo" joe" ye dai" ke' thao Sila we' Timote mye, za: cao" li" genae" tau: khai tung" khye' vin yang: dam: tug' lo" ako".16 Po"lu Athen vomo" mae Sila we' Timote re lao" na: au: ai: vomo" wa sulho byang" jo; rure the' myao: lao" nhag' lam: maqu"17 pyo: boe" byaug; ra". – Aimung: ham phaung yham mae Yuda, byu qe Mo"so re lam khug mo, , byu ham: jao: mae ne, qug: jho" qhug' na mo, we' jho" myid' qham:18 qu" ra" khyo kaid' ra". – Ai: au: Epiku thao cao" mo, we' Stui juyi ba mo, damyo" Po"lu we' jho" ngag mung: damyo" wa ce: lhau: pyaug' su pe" re ta" nug; i"? ga: mho: ako". Damyo" ce: yaug wa bag zeim: mang: mae" mo"so: akhyo hau" kyo" ra" yaug ngaid ve, dau: ra" ga: ta" ako". Airu ta" ru wa Po"lu khyo" Yesu tarha" we' daui: to" lo: tarha" ngaid: ra" ngaui bau:lau dao: re hau" kyo:19 mung: ta" ru ngaid: . – Ailao" aibam Po"lu re khai yang: Arepagu bam khyo jhui" do, lo" thao naonhaung" hau" ra" ce mho" shid' khyo asag' re ngonhaung" gai:ba: i"?. –20 Ngonhaung" maba magyo" qu" shi" ja: nao ta" kyo" ra". Ai: akhyo jham pe" re ta" nug; rure ngonhaung" ba nug: ra" ga: ta" ako". –21 Athen vomo" byu qe alhab' we' bang" vo qe wa lau dao: re ta" kyo" khyo tae" gyo" khyo mae" lai yang: getau: mau" mae ayo,22 mazai" kain" ko". – Ailao" Po"lu wa cao jab mae yui so re gyai ba: phug' myao: ko"23 rure ngo the' myao: ra". – khyo su" qin" zo" naonhaung" mo"so jham re qu" lo" re ngonhaung" maba: ra" Mo"so: tau: mae" ga" ru tung" to" ra" phain dalam: re myao: ra".Naonhaung" maba lo: za: lam khug: na: ra" Mo"so: akhyo re ngo hau" kyo" ra". –24 Myid gaung we' ai: mae jo, mae jo, alhab' re phain: to" Mo"so wa mug: gaung we' myid gaung re ug; gam: ra" AsAng ngaid mung: byu qe: lo; yang kaid' to" pa" jhaung: qe,25 mae ab' laung" na: ru mangaid: . – Mo"so wa ja: cao jab alhab' re daui nae" kao we' daga" vao thug' kao so' mae joe" ja: nam jab alhab' re byid' ra" AsAng ngaid mung: daja: ja: ca" nho hab byu qe: lo; yang zho: nae" re khae: yu yaug mangaid: .26 Mo"so wa myid gaung dalam" geim" mae na: ra" byumyu" cao jab re dasa: dasho: za: phain: to: mung: yao: bam re lho" khye' ve, vo; yo, gin rere: yao: bam: na jao: kyo:27 dam: rere: xam" to: byid' ra". – Pe" mung: ga" re byu qe Mo"so re qho mung: myao nae" tau: mae" ngaid: . Airu: mho qere: Mo"so wa nyhao: nhaung" khag' we' re:28 va" na: ru mangaid: . – Nyhao: nhaung" wa Mo"so khyo" yang daui: na, lab; na boe" na: ru ngaid: ai we' dakhyo: naonhaung" mae" dao: zham" zham" mo, damyo" wa ngonhaung" kam" Mo"so: sin" lo pao: shi: qe khyo" lo qu mao: qe ga: mho: ako". –29 Airu: mung: nyhao: wa Mo"so: amyu" akaung ngaid: na qere: byu qe: ba jhao juyi: tau" da: yang kaid' ra" hhang lho ngaui lho laug baui lho we' Mo"so wa dau: ein:30 damyid; yu ge, – Mo"so wa lai lo" va" suna re qu" lhai: ke' va" qere: ana" yao: yao" qobo myao: ba mung: nhag' lam: atha" qo" ge, ga: na mae: na byu qere khang" dao:31 mho: ke' ra". – Pe" mung: ga" re jaung: nha: to: va" yaug lo; yang myid gaung re dang main" ra" khyo" dao: kho' nae" ayo, yao: to" to" ava". Ai: yaug re shid: ra" jao: mae" taui: to" yu mung: byu alhab' bam re lam ga" ra" sagso: to" to" ava"ga: Po"lu hau" kyo" ra".32 Shid va" yaug daui: to" lo: akhyo re the' gyo: gelao" damyo" jung" ko" ra". Damyo" wa ni" dao: re thao dalhang ngonhaung"33 dam: gyo: nug shi" ga: ta" ako". – Airu: ga: mho ko" au: Po"lu wa aibam: akhug mae"34 su" thug' lo" ra". – Byu damyo" wa Po"lu mae pao mung: lam khug; lo: ako". Ai: lam khug; ra" mo, mae Danisi mang: ra" Arep- agu bam zug; dayaug , Damori mang: ra" myiqe: dayaug we' getau: byu qe bo: ra".