1 Ai: thao Po"lu wa Derabe we' Lugta- ya vomo" khyo joe" ye" ra". Lugtaya mae Timoti mang: ra" naung cao dayaug na: ra". Yao: myhi" wa lam khug: byu Yuda, myiqe: ngaid: ra". Yao: pho" wa Helani2 byu ngaid: . – Ai: yaug wa Lugtaya, Ekoni vomo" mae na ko" mao: nhaung: qe mae3 nga: bo su dayaug ngaid: . – Po"lu wa ai: yaug re jhui: nae" myid mung: yao: pho" Helani byu ngaid; rure ai mae na ko" Yuda qe wa ba yang: yao: re nyaug phyid' byid'4 ako". – Yao: bam vomo" khao: ngo" cao" kam" lo" ko" au: Yerusalem: mae na: ra" logyo: qe we' Phung: ug qe mho: ke' ko" khang" dao: re phung: mae zaui" cao" na genae" tau: qhaug' byid' ako".5 Phung: byu qere: lam khug: khyo tang koe, na mung: dane, tho' dane, myo" laug: lo va".6 Phugi mang: , Galati mang: khyo" kam" lo" mung: Asia mang: mae mung dao: mahau: nae" tau: shaogyang" Solo tam"7 yang: – Muti mang: mae" Bitung mang: khyo lo" nae" seim" na: au: Solo qam: o:8 akhang" mabyid; mung: – Muti mang: anhae khyo" Tora vomo" joe" ye" ra". –9 Myi" re Po"lu myo, myhung" the' myao mung: Makedoni byu dayaug Makedoni mang: khyo de, wa, ngo re nhag' myain:10 wa, ga: ye; jo, mung: mho' bain" na: . – Ai: lamyhung" qo" the' myao lao" Makedoni mang: mae ngaui bau: lau dao: re hau: nae" tau: mae" Mo"so ngonhaung" re khai va" ein: myid; ngaui bau: yang: ai: mang: khyo ye: nae" alao" jao" seim" nyhang" va".11 Aimung: Tora vomo" mae" lha khyo" Tamotared gogyo: kao" khyo vang" vang" lo" yang: thao: ba re Napoli vomo" joe"12 ra". – Ai: vomo" mae" dam: thug' lo yang: Roma qe ug: ra" Makedoni mang: Philibui khyo joe" mung: dayo, dataung na co' ako".13 Dug no: ba re ngonhaung" vomo" taung gaung thug' yang: vo yae taung gaung qid lao yae mae zaung: na: bam: re myiqe: qe daqhae: ham phaung: li" gemung: ai bam re hau" kyo" bam va". Ai: jo, qo wa jhaung:14 lhaung" mho' ko" jao: ngaid: ra". – Ai: au: pin: ne aung" ra" Tvatiye vomo" mae Ludi mang: ra" myiqe: dayaug wa Mo"so re lam khug yaug ngaid mung: Mo"so wa yao: re Po"lu hau" ra" mung dao: gyo: veshao: ga:15 nhag' lam: kham: phung" byid' ra". – Ai: myiqe: wa yham byu qe we' daga" Babti- zan: re khae: yu thao ngo wa Mo"so re dang dang lam khug: ra" khyo naonhaung" myid; lam: ngaid: re nga" yham li" na ge, ga: ngon- haung" re maqaid maqui" lhaung: ra".16 Ai: thao ngonhaung" jhaung: mho' jao: khyo ye" au: yui vao mung: joe" lo nae" akhyo: re boe, phyid' byid; yang: yao" asang qere jo, nho" qo" nhao: ra" myiqe: nau"17 dayaug ngonhaung" re lham: tug: ra". – Ai: myiqe: nau" wa Po"lu we' ngonhaung" thao cao" mung: cebam wa loe, nae" tarha" akhyo: re ngonhaung" jhao" hau" kyo: ceim" shid' ra" myhao: thao" Mo"so: jeim qe ngaid: ra" ga: thoe mo" we' mho: ra". –18 Airu: myo: sho' lhang mho: ru mung: Po"lu nhag' lam: mayo zang ga: yang: lhang: qu" ke' mung: nao wa yao" akhug mae" thug' lo" wa, Yesu mang khyao mae pao yang: ngo mho: ra" ga: ai: yui re mho: ke' dazab mae yao: ai: yui thug' lo" ava".19 Yao" asang qe wa dalhang jo, nho" dam: qo" li" nae" khyo magai jo, lo" ru myao lao" Po"lu we' Sila tao re myhag' yang: yung"20 khyo dai" ako". – Zug: ade, qe jhao" joe" lao" cebam Yuda byu qe ngaid gau ngon- haung" vomo" re anhaung" akhoe' kaid'21 ako". – Roma byu qe maqo" gai: khae: yu: ra" lalam lakhug; akhyo jham re hau" kyo"22 ako" ga: zug: kug: ako". – Ham phaung: na ko" mo, re: ai bam: thao de; ako". Zug: ade, qere: yao: bam: bau: lao" caid' yang: qam thaung" yang be; nae" tau: mho: ke'23 ako". – Be, yang: dae de; thao gam za: lhaug' zaung" ge, ga: kyam: lhaug' yaug re pyang: ke' mung: kyam: xao" to" ako". –24 Pyang: ke' ko" khyo: kyam: lhaug' yaug je: gug' ra" qe, mae kham: kyao" lhaung" to"25 ako". – Gae gaung: myi: re Po"lu we' Sila tao jhaung: mho' mung: Mo"so re caung: khin" zo" nghaui" thoe nghaui" ako". Kyam: xao" to: qhug' mo, re: tae" gyo" na: bam26 ko" ra". – Ai: dazab mae myid gaung wa myid lab; lab' laui" lo mung: kyam: zang qao: re: laui" lo: ra". Kham: de; gu: alhab' ai jao" bung" lo" mung: byu alhab' bam re taui" to" jao co: taui: gyaid:lo" byaug; ra". –27 Kham: zaung" yaug beim" li" mung: kyam: kham: jham bung" jo; rure myao lao" taui" to: qhug' mo, wa phao: thug' lo" genaeva" ga: jho yang: shae byao mae" shae she: yu yang: yao" gaung yao: thug' shid naeva" ga:28 seim" ra". – Po"lu wa ni" gaung re qobo dakaid' ngonhaung" alhab' na: bam: ra" ga:29 qam: ke' hug' ra". – Kyam: qu" yaug wa theim" te' to" ra" myi: re mho' yu yang: tao: mung: Po"lu we' Sila tao: khyid qao: mae30 ko, ko, nin" goe; pa" ra". – Yao: tao re taung gaung jhui" thug' mung: asang tao we" ngo khyaid' yu: ru qhug' nae" tau: khoru: kaid'31 ca" nae"? ga: myid' ra". – Ai tao wa AsAng Yesu re lam khug wa, ai lao" nao we' ni" yham byu qe khyaid' yu: ru qhug' nae" ga:32 mho: ako". – Aimung: yao: we' yham byu qere Mo"so: mung dao: re ta" kyo" ako". –33 Ai:myi ai: ayo, re yao: kyam: qu" yaug wa Po"lu we' Sila tao re jhui" thug' mung: dae cid' byid: yang: yao" byu alhab' bam we'34 daga" Babtizan: re khae: yu: ako". – Po"lu we' Sila tao rere: yao" yham khai: yu yang: yao: tao re bang" da" mung: Mo"so re lam khug yang: yham byu alhab' bam: ngaui bau: khyo qo" yu: ako".35 Thao: ne, re zug: ade, qe wa yung" daui daui qere nhao: ke' mung: ai bam re36 nhao: ke' wa, ga: pyang: ke' ra". – Ai: dao: re kyam: qu" yaug wa Po"lu re ta" kyo: mung: AsAng naonhaung" re nhao nae" tau: mae" zug: ade, qe nhao: ava". Aimung: ana" thug' mung: yaug yo za: lo" ge, ga:37 mho: ra". – Po"lu kam" Roma byu ngaid: ra" ngonhaung" re zug; ade, qe mamyid' ca: qu" lo: za: be; nhin" yang: kyam: lhaung" to: va" thao sae za: gai: nhao: ke' gezai i"?. Ai:ru: magai: kaid' yao: bam: ade, qe yao: li" she: yu geshao: ga: yung" daui daui qere38 ta" ke' ako". – Ai: dao: re yung" daui daui qe yung" ade, qe jhao" lo" ta" kyo: mung: Po"lu we' Sila tao Roma byu ngaid ko" khyo zug: ade, qe the' ba: au: gyaug; byaug;39 ako". – Aimung: yao: bam yao: li" jhui" caung: she: yu yang: ai: vomo" mae" thug'40 lo" nae" tau: mho' bain" ako". – Po"lu we' Sila tao wa kyam: mae" thug' yang: Ludi yham khyo vao mung: mao: nhaung: qere lo" myao yang: yaug yo thao thug' lo" ako".