1 Ekoni vomo" joe" lao" ai tao wa Yuda, ham phaung yham vao mung: hau" kyo" ra" mathao Yuda, byu Helini byu jham wa2 lam khug: lo: ako". – Malam khug: ra" Yuda, byu qe wa taung bug byumyu" qere nhag' yo: o: lhaung gemung: mao: nhaung: qe qu" yo: genae" khyo: mhug' phyo'3 ako". – Gyai myao" sho' na mung: Mo"so: tarha" re magyaug mavae hau" kyo" ako". Mo"so wa jeju tarha" gau: mae sagso: kham byid: mung: mug' pho: mau" jham qo" zaui" qhu" nae" tau: logyo: qere akhang"4 byid' ra". – Ai: vomo" byu qe wa majho" zhaung: gemung: damyo" wa Yuda byu qe: thao khyo, damyo" wa logyo: qe: thao5 khyo de; byaug; ako". – Mang: zug: qe we' Yuda byumyu" , taung bug byumyu" jham wa logyo: qere yhin" mung: laug baui: yang pye' nae" tau: tao" li" ra"ga" akhyo re –6 Logyo: qe the' gyo: gelao" Lukoni mang: akhug Lustra Derabe vomo" khain phao:7 na: qin" ako". – Ai: jo, qo khyi" khao: ngo" mae ngaui bau: lau dao: re hau" sin" ako".8 Myhi" aung mae" yao: khyid qeim yang: dalhang lao" masu" qu" shi" byu dayaug wa9 Luda vomo" mae zaung: na: na: ra". – Polu hau" kyo" na: ra" akhyo the' gyo" ra". Polu wa ai: yaug re qu" zhaug' to: mung: no gai: shao" nug: ru we' yao: mae lam khug; khyo10 bo: rure the' myao lao" – To" ye, wa, ga: qi" ra" thoe mo" yang ta" ke' we' ai: yaug wa11 nyag din taung" to" su" lo" ra". – Polu zaui" ra" mau" re the' myao: ra" byu thaui: mo, byu qe wa yui dae: qe byu lho yhe' mung: ngonhaung" na: ra" khyo joe" li" ava" ga: Lukoni myain" yang thoe thug' sho' ta"12 ako". – Po"lu wa qam: ke' hau" kyo" ra" mathao: yang yao: re Herma ga: Banaba re13 Zeu ga: re: mhang" byid' ako". – Ai: vomo" taung gaung mae jo; ra" Zeu yham mae" jaung yin" wa vomo" kham: khyo nung: we' bin: kheim" yu: li" mung: volo byu qe we' daga" kug' ngaui" nae" seim" ako". –14 Logyo: Banaba we' Po"lu tao lau dao: the' gyo: lao" yao: tao: bau: re lao" caid' pye' mung: mo, phung gaung: khyo tao" vo lo"15 zo" – Mao: nhaung" qe we" pe" mung: ceru: kaid' ko"? ngo tao re: naonhaung" we' dakhyo: za" byu angaid; naonhaung" ce pe" mangaid' ra" mau" re shelhaui" pye' mung: mug: gaung myid gaung qid mang: dae" jo; qo khao: ngo" re phain" to" ra" kao daui: na: Mo"so jhao" tha" lhang: lo genae" tau: ngotao khyo" ngaui bau: lau dao: re hau"16 kyo" ru ngaid: . – Lai: lo" va" yo, dau mae byumyu" cao jab yao: o ngaui: khyo: cao" lo" genae" tau: Mo"so mageim: nha: lhae"17 to: va". – Ai qe re: naonhaung" re jeju, zo: nam shaug' pho: we' ngaui bau: za: qo" na genae" tau: mug: gaung mae" mug: qu byid: mung: ashi: jham zaui" lo nae" ayo, ve, vo: jham re byid' to" ra" khyo" yang AsAng na: na: ra" rure sagso: makham lo: maqo" na ga: Po"lu we' Banaba tao thoe mo" ke' ta"18 ako". – Airu: hug' na ko" re lao" mo, thaui: byu qe wa xeim: ngaui" byid: nae" seim" ashi: ko". Ai bam re yao: tao khyo" maqo" tam" sho' yao: ngaid: byaug; ra".19 Ai: au: Yuda, byu qe wa Antiug vo Ekoni vo mae" zang" li gemung: mo, thaui: byu qe we' byin khug' qham: pye' yang: Po"lu re laug baui we' pye' mung: shid va" ga: jho yang: vomo" taung gaung khyo she: dai"20 pye' ako". – Naungcao qe lhang" kham" na ko" au: Po"lu wa to" mung: vogaung: khug khyo dam: vao lo: ra". Thao: ba re Banaba we' daga" Derabe vomo" khyo ye" lo" ra".21 Ai: vomo" mae ngaui bau: lau dao: hau" kyo: mung: byu qe re naung cao boe" nhao yang: Lugta , Ikoni , Antiug vomo" khain mae ada" zo, cao" kam: mung: phao:22 lo" ako". – Naungcao qe: myid re tang koe, nhao mung: ai: lalam lakhug; akhyo mae gang" na genae" tau: nhug' peim" ru we' Mo"so: mang: din" khyo qug: khai: myo: sho' thaung" qhug' yang: vao lo" ca" nae"23 ga: mho" shid' to" ako". – Phung: akhug mae phung: ug qere jaung: nha: to: mung: zo: shaug' jao" jhaung: bin: mho' lao" phung: vao mo, re lam khug: ra" Mo"so lo, khyo ai: phung: mae qhaug' to: byid' ra". –24 Pisidia mang: damang" geim" khyo" kam" lo mung: Pain: phuli mang: joe" ye" ra". –25 Pain: phuli mang: Perge vo mae mung dao: hau" kyo: mung: Itali' vo khyo ye" lo"26 ako". – Ai:mae" qid lha jui" lo" mung: yao: bam zaui" lai: lo va" mau" zo" tau: mae" Mo"so: jeju mae qhaug' mung: nhao: ke' ra" jo, qo Antiug khyo dam: lo" ako".27 Ai: vomo" mae joe" lao" phung: vao byu qere khai: zhang: mung: Mo"so yao: tao khyo" yang boe" lai: lo nhao va" akhyo: rere: lam khug; khyo kham: dung: re taung bug amyu" rere: phung" byid' ra" akhyo re28 ta" kyo" ako". – Ai: vo mae re: naung cao qe we' daga" dayo, zo: lo" na: ako".