1 Ai: thao Yesu wa Tebere tham: yae mae naungcao qere yao" gaung da lhang dam: li" qhu" ra". Qhu" byid' ra" akhyo ceru:2 ngaid: ra". – Simon Petru we' D’dumu ga" ra" Thoma , Galile" mang: kana vo mae" Nathanela, , Zebedi yao: zo: tao we' naungcao getau shid' yaug ham: phaung:3 na: bam: ako". – Simon Petru wa ngo ngo: ye: kung" nae" ga: ta" ra". Yao: bam wa ngo nhaung" re: nao we' daga" cao: li" nae" ga: ta" ako". Yao: bam wa ayao: jao" thug' ye: mung: lha mae vao ye" ako". Ai: myi yao:4 bam ngo: dadau: re: mathe' ko". – Mug: bo" li" re Yesu wa qid yae mae li" ye; ra". Ngaid qere: Yesu ngaid: rure naungcao qe5 dayaug re: maqu" se" ko". – Yesu wa Nga" zo: qe we" naonhaung" zo: nam pe" maqo" ko" i"? ga: myid: lao", yao: bam wa pe"6 maqo" ga: tau" ako". – Alao" Yesu wa lha mae" lo, yo shaid' khyo myho re khyo" ke' ge, naonhaung" the' genae" ga: ta" ra". Ta" ru we' dakhyo: yao: bam myho re khyo" mung: myho maqo" she: thaid' yu lo: sho'7 ngo: the' ako". – Yesu jhid' de; ra" naung- cao wa thoeyaug wa AsAng ngaid: ra" ga: ta" shid' ra". AsAng ngaid: rure the' gyo: lao" Petru wa gaung pyaid' ngaid: yang: mai bau: re gaug: yang" ci co' mung: qid8 khyo byae: vao lo" ra". – Naungcao geje: gu: wa lha ngai mae jui: mung: ngo: byang" sho' bo: ra" myho re she mung: qid yae khyo gau" lo ko" ra". Yao: bam wa qid yae we' mataung" va: shid' yo daung" kho za:9 ngaid: ra". – Yao: bam qid yae khyo joe" lo: re fa: myi: mae ngo: we' cin main" yho'10 kao: to" rure myao: ako". – Yesu wa yao: bam re ana" the' ra" ngo: dadau: yu: lo ge,11 ga: ta" ra". – Simon Petru lha khug vao ye: mung: ngo: qi: dayo: ngo" xe: sam dau: byang" sho' bo: ra" myho re taung gaung mae she: thug' bam: to" ra". Aqhi" myo:12 qere: myho majaid ngaid: ra". – Yesu wa yao: bam re ne, xe: lo: zo: geri: ga: lhaung: ra". Naungcao qe wa yao: re AsAng ngaid: ra" ga: qu" se" gemung: nao khag' ngaid:13 ga: dayaug re: mavae" myid: ko". – Yesu wa te' li" mung: cin main" re yu mung: yao: bam re gae byid' ra". Ngo: rere: yu mung:14 gae byid' ra". – Ceru wa Yesu dam: daui li" thao naungcao qere na: qhu" ru sam lhang ein: lhang ngaid: ra".15 Yao: bam ne, xe: bin: zo: lao" Yesu wa Simon Petru re Yona yao: zo: Simon we" ce bam tho' mae nao ngo re je: jhid' de; i"? ga: myid' ra". Yao: wa ngaid va" AsAng we" ngo nao re jhid' de; rure nao ba: ra" ga: tau" ra". AsAng wa nga" yao jham re caung16 da" wa, ga: yao: re ta" ra". – Thao dalhang Yona yao: zo: Simon nao ngo re jhid' de; i"? ga: myid' ra". Ngaid va" AsAng we" ngo nao re jhid' de; rure nao ba: ra" ga: tau" ra".Yesu wa nga" yao jham zam: wa, ga: ta" ra". –17 Yesu wa Yona yao: zo: Simon we" nao ngo re jhid' de; ra" i"? ga: paug' myid' ra". Ai:ru: mung: Petru wa AsAng: yang nao ngo re jhid' de; ra" i"?ga: sam lhang paug' myid: yang: nhag' lam: mae co, ga: lo" zao" yang: nhag' ngai: ra". Aimung: Petru' wa AsAng we" nao cao jab alhab' re ba: ra". Ngo nao re jhid' rure nao ba: ra" ga: tau" ra". Yesu18 wa nga" yao jham re caung da" wa, . – Ngo jhaug' za: ta" kyo: li". Nao zoqae: yo, re nao yao" gaung re nao yao: phyid' cui: cui: mung: ye: nug: khyo qo" ye" ra". Nao mao" lo" lao" yang wa ni" lo, shid' shaid' yheim" ke' mung: su geje: taui" yang nao manug: ye" khyo jhui" ye: genae" ga: mho: ra". –19 Airu: ta" ru wa Petru khoru: shid yang: Mo"so: phung bao re qhu" nae" tau: mae" ngaid: ra" . Akhyo ta" yang: Petru re nga" thao cao" la, ga: ta" ra".20 Petru lhang: qu" ke' re Yesu jhid' de; ra" naungcao yaug cao" li" rure myao: ra". Ai: yaug wa myi" xeim zo" na: au: Yesu qhid' kheim: mae zaung: ngha: jo, mung: AsAng we" nao re qhaug' pye' nae" ru khoyaug21 ngaid: i"?ga: myid: yaug ngaid: ra". – Petru wa yao: re myao lao" AsAng we" ceyaug wa pe" ru: ngaid: nae" i"? ga: phyaid za: lhau"22 qo" myid' ra". – Yesu wa ngo joe" li" sho' ngo yao: re na nhao ngaid yang: re: nao we' pe" tin" i"? ngo jhao" za: acao wa, ga: ta"23 ra". – Naungcao ceyaug wa mashid nae" ga: mao: nhaung: qe: akhug mae ta" hau" lo" ako". Gaigai: yao: ga" re Yesu wa naung- cao ceyaug khonhae" re: mashid nae" ga: mata". Ngo li" yo, joe" sho' yao: re ngo na nhao nug: ru wa nao we' pe" tin" i"? ga: za: ata".24 Ce nho" cegu: re sagso: kham mung: tung" to" ru wa naungcao ceyaug yao: ngaid: ra".25 Yao: kham: ra" sagso: wa dang: rure ngonhaung" ba: ra".Yesu zaui" qhu" ra" mau" getau myo: sho' jo; ashi". Ngaid qere: ai: gu: cao jab jid' jid' naug naug tung" ngaid: re wa jham: tung" paug' ai: gu: to: nae" jo, qo myid gaung gye, geim" mae lao" maqui" nae" ein: jho: ra".