1 Ngo wa dang main" ra" sabyi' naui dai ngaid: .Nga" pho" wa khyae kaid' yaug2 ngaid: ra". – Ngo mae ashi: mazaui" ra" kaung re xe" pye' mung: ashi: zaui" ra" akaung jham re je: myo" zaui: veshao:3 ga: caung kin byid' na: ra". – Ngo naon- haung" re ta" kyo" ra" mung dao" yang naonhaung" wa ana" yao: lao" beim: gyang:4 veko". – Ngo naonhaung" mae na mung: naonhaung" re: ngo mae na ge, . Akaung wa naui dai mae" gao" lin yang: yao: za: ashi: maqo" zaui" ru we' dakhyo: naon- haung" re: ngo mae" gao: yang: ashi: maqo"5 zaui: nae". – Ngo wa sabyi' naui dai ngaid: naonhaung" wa akaung ako' jham ngaid: ako". Nao wa ngo mae tang: de; na: ru mung: ngo re: nao mae tang: de; na nae". Ai: yaug wa ashi: myo: sho' zaui: nae". Naonhaung" ngo mae" gao: lin: yang: pe"6 maqo" kaid' nae". – Ngo mae maxo' taui" ra" yaug wa kyaug' lo" ra" akaung ako' jham ru" ru ngaid: ra". Ai wa su: yang gaug: zhang: mung: myi: mae pye' zaui: ngha"7 pye' ru qhug' ako". – Naonhaung" ngo mae xo' taui: yang: nga" dao: kheim: naon- haung" mae bo: ngaid: re wa naonhaung"8 pe" mho' re pe" qo" genae". – Naonhaung" nga" naungcao boe" yang: ashi: myo: myo: zaui: mung: nga" pho" yang khin" ru qhug' nae".9 Pho" wa ngo re jhid' de; ru we' dakhyo: ngo re: naonhaung" re jhid' de; ra". Nga"10 jhid' nhag' khug mae na ge, . – Ngo wa pho" jhid' nhag' khug mae daui: na yang: yao" khang" dao: re cao" pyang" ru we' dakhyo: nga" amyin" naonhaung" cao" pyang" ko" ngaid: re wa nga" jhid' nhag'11 khug mae naonhaung" na genae". – Nga" ngaui bau" ru naonhaung" nhag' khug mae bo: jo, nae" ru we' naonhaung" ngaui bau: myid byang" li" nae" tau: mae" dao: cegu: ngo naonhaung" re ta" to: co' ru12 ngaid: . – Ngo naonhaung" re jhid' de; ru we' dakhyo: naonhaung" yao: cao: re: jho" jhid' de; na ge, . Ai wa nga" khang" dao:13 ngaid va". – Yao" ba nam qhid' mae" yao: yao" kao re dain: pye' ra" jhid' myid tho' je: qi" ra" jhid' kao: myid wa khoyaug mae14 re: majo, lo:. – Naonhaung" nga" khang" dao: re cao" ko" ngaid: re nga" ba nam qe15 ngaid genae". – Ana" mae" thao phyao: ngo naonhaung" re jeim ein: mamhang" nae". Khoru: ein: re jeim wa yao" asang pe" kaid' rure maba. Ngo wa naonhaung" re ba nam ein: mhang" to: va". Khoru: ein: re ngo wa pho" mae" the' gyo" ra" gu: alhab'16 ngo naonhaung" re ba nhao va". – Naon- haung" ngo re khyin: to" ru mangaid: ngo she, naonhaung" re akhyin: to". Naon- haung" thug' ye" lo" mung: ashi: myo: sho' zaui: ge, . Naonhaung" zaui" ra" ashi: gang: tang ge, alao" naonhaung" nga" mang mae pho" jhao" pe" mho' re pe" byid: nae". –17 Ngo naonhaung" re byid' ra" khang" dao: ce ngaid: ra". Naonhaung" yao: cao: yao: jho" jhid' de; na ge, .18 Myid kin byu qe naonhaung" re nhag' gyid' re wa ngo re shi" nhag' gyid' rure19 beim: ge, . – Naonhaung" wa myid kin we' tin: ko" ngaid: re myid kin wa yao" byu re" ru: yao: jhid' de, nae". Ngaid qere: ngo wa myidkin mae" naonhaung" re khyin: thug' yu va" ru mung: naonhaung" wa myid kin we' tin" ru mangaid: . Amung: myid kin naonhaung" re nhag' gyid' ra".20 Jeim wa asang tho' je: qi" ru ma ngaid: ein: ngo naonhaung" re ta" va" ru re xam" to: ge, .Ngo re yhin" ko" ru we' dakhyo: za: naonhaung" re re: yhin" genae". Nga" dao: re yao: bam gyo" ngaid: re wa naonhaung"21 dao: rere: gyo: genae". – Ngo re nhao: ke' yaug: akhyo re yao: bam maba gemung: nga" mang: mathao mae ai jham alhab'22 naonhaung" re airu: kaid' genae". – Ngo yao: bam re ai: gu: mali" ta" kyo: ngaid: re wa yao: bam qobo maqo" gezai ngaid: ra". Ai:ru ana" wa yao: bam qobo maqo" ha lo:23 gezai ngaid: ra". – Ngo re gyid' yaug wa nga" pho" re nhag' gyid' yaug ngaid: ra".24 Yao: bam: qhid' kheim: mae khag' makaid' ra" mau" zo" re ngo makaid' qhu" re yao: bam qobo maqo" gezai ngaid: ra". Ana" wa mau" ai: gu: re myao mung: ngo25 rere: nga" pho" rere: gyid' ako". – Airu: ngaid: re yao: bam mae pe" si: mabo: ru ngo re nhag' gyid' ako" ga: yao: bam: tarha" paug' mae tung" to" ru dang: lo:26 ra". – Nga" pho" mae" naonhaung" jhao" nhao: ke' ra" bao" thaug' yaug dang main" Obedse solo joe" li" nae". Yao: wa nga"27 akhyo sagso: kham nae". – Naonhaung" re: saoqhid' mae" ngo we' daga" na: na va" mung: sagso: kham: li" genae".