1 Naonhaung" nhag' lam: byo; ru maqhug' nae" tau: ngo ce: dao: ta" to: co'2 ra". – Yao: bam wa naonhaung" re ham phaung yham mae" khe' thug' pye' li" genae". Naonhaung" re se' mo, kam" wa Mo"so: mau" zaui" ra" ga: ta" nae" ayo, joe"3 nae". – Yao: bam wa pho" rere: maba Ngo rere: maba geyang: ai: ru: kaid' li" genae". –4 Ai: ayo, joe" li" lao" ngo naonhaung" re pe" ru: khoru: ta" to: co' ru myid: beim" na nae" tau: mae" ngo cenho" cegu: pin: to: co' ra" lhe". Saoqhid' mae" ngo naonhaung" we' daga" na shi: yang: cejham naonhaung" re mata" qu" ru ngaid: .5 Ana" wa ngo re nhao: ke' yaug jhao" lo" naeva". Naonhaung" dayaug re: nao khai: khyo lo" nae"? ga: ngo re mamyid: ko". –6 Ce akhyo jham ta" kyo: yang: naonhaung"7 myid: kaug' myid: ngai: ako". – Ngo dang dang mho nae" Ngo lo" ru wa naonhaung" tau: mae" je: gai nae". Pe" mung: ein: re ngo malo" re wa nhag' tang" yaug Obedse Solo naonhaung" jhao" li" nae" mangaid: . Ngo lo" yang: yao: re naonhaung" jhao" lo"8 nhao: ke' nae". – Yao: joe" li" lao" yao: wa qobo: akhyo: re: , dangmain" khyo re we' dao: phyid' nae" khyo re myidkin byu qere gyang: gyang: za: ba beim: nhao: li" nae". –9 Yao: bam ngo re malam" geyang: shaid' nghung" ra" qobo re ceim" shid' nae". –10 Ngo nga" pho" jhao" lo" zai ngaid mung: naonhaung" thao phyao: ngo re mamyao lo: yang: dang main: khyo re ba beim:11 nhao nae". – Ce: myidkin: zug: wa dao: phyid' ru qhug' yang: dao: phyid' khyo re12 ba beim: nhao nae". – Ngo naonhaung" re ta" nae" myo: sho' ja: jo, ngaid qere: naon- haung" ana" matho' xam" yu ko" ngaid:13 ra". – Aire" ru: dang main" solo joe" li" lao" dang main" ra" khyo alhab' li" jhui" shid' li" nae". Khoru: ein: re yao: wa yao" nhag' myid khyo" mata" nae". Yao: the' gyo" ra" gu: re za: ata" nae". Qhid khyo boe" lo nae" akhyo jham re: naonhaung" re ta" shid' li"14 nae". – Ceru: li" ta" ru wa nga" phung bao bao: qhu" ru ngaid: ra". Khoru: ein: re ngo we' tin" ra" gu: naonhaung" re pug: qhu"15 li" nae". – Nga" pho" qo" ru alhab' wa nga" mae" ngaid: . Airu: mung: solo wa ngo mae" yu mung: naonhaung" re ta" shid' li" nae" ein: ngo ta" ru ngaid: ra".16 Daso' gyo: mae naonhaung" ngo re mamyao lo: genae". Dazab lao" ngo re dam: myao genae". Pe" mung: ein: re: ngo wa pho" jhao" lo" nae" ga: ta" ra".17 Yao" naungcao daqhae: wa dazab lao" naonhaung" ngo re mamyao lo: genae" daso' zo: mae ngo re dam: myao genae" ga" ru we' pho" jhao" ngo lo" naeva" ga" ra" yao" dao: wa pe" re mho nug: ra" i"?. –18 Dazab lao" ga: ta" ru wa yao: pe" re mho nug: laug i"?. Ngonhaung" maba: gyo: ga:19 yao: cao: jho" ta" ako". – Yesu wa naung- cao qe yao: re myid: nug ko" rure ba mung: dazab lao" naonhaung" ngo re mamyao lo: genae" , dazab lao" dam: myao genae" ein: ngo ta" dao: re naonhaung" yao: cao: jho"20 myid' nhaung" na ko" i"?. – Ngo jhaug' za: ta" geli". Myidkin wa ngaui bau: mung: naonhaung" wa ngug: ru we' kaug' qhui genae". Naonhaung" da au: zo: kaug' qhui ngaid qere: ai: nhag' kaug' ru wa ngaui21 bau" ru dam: boe" lo nae". – Myiqe: wa yao" ayo, joe" li" yang: zo: khau no no: rure nhag' ngai: ra". Yao: wa zoshao re bin: khau: ke' lao" wa yao: no: rure mabeim: lo: . Pe" mung: ein: re myidkin dao mae byu dayaug qo" khau: to: yang: ngaui bau"22 ra". – Ai we' daru: za: naonhaung" re: da au: zo: nhag' ngai genae". Ngaid yang: re: naonhaung" re ngo dam: myao shi: nae". Alao" naonhaung" ngaui bau: genae". Naonhaung" ngaui bau" ra" nhag' lam: re naonhaung" mae" khag' yang re: maqo"23 lhaid' lo: nae". – Ai: ne, mae" naonhaung" ngo re myid: nae" khyo mabo lo: nae". Ngo dang jhaug' za: ta" co' geli". Nga" mang khyo" pho" jhao" naonhaung" mho' ru pe"24 ngaid qere: yao: wa byid: nae". – Ana" ne, joe" sho' nga" mang khyo" naonhaung" pe" mamho' qu" shi: ko". Naonhaung" ngaui bau" ru byang" nae" tau: mae mho' ge, alao" the' genae".25 Ngo naonhaung" re dao: tau" khyo" ce gu: ta" kyo" lo va". Ngo airu: dao: tau" khyo" mata" lo: pho" akhyo re sho' sho' de: de: za: naonhaung" re ta" kyo: yo, joe" lo nae". –26 Ai: ne, re naonhaung" wa nga" mang lao: mung: mho' genae". Nao-nhaung" tau: ngo27 pho" jhao" mho' nae" ein: mata". – Khoru: ga" re naonhaung" ngo re jhid' de; ru we' ngo Mo"so mae" li" ru lam" yang: pho"28 yao: naonhaung" re jhid' de; ra". – Ngo wa pho" mae" thug' li" mung: myid kin khyo joe" li" va". Ana" ngo wa myid kin re to: co' mung: pho" jhao" dam: lo" neva" ga: ta"29 ra". – Yao" naungcao qe wa qu" wa, ana" nao dao: tau" khyo" mata" lo: dao: din:30 khyo" de: de: za: ta" ra". – Nao cao jab re ba: rure ngonhaung" jang" mung: khag' yang re: nao re mamyid: qo lo: . Nao Mo"so mae" joe" li" rure ngonhaung" lam" va" ga:31 ta" ako". – Yesu wa ana" naonhaung" gyag32 za: lam" veko" i"?. – Gyo: ge, ngo dayaug re za: to: co' yang: yao: yao" khyo au: dau: khyo yao: phao: sin" lo" nae" yo, joe" nae". Ana" lao" joe" ava". Ngaid yang: re: ngo wa ngo yao: za: mangaid: pho" wa ngo we'33 daga" na: . – Ngo cegu: ta" ru wa naon- haung" ngo mae yaug yo: ru qhug' genae" tau: mae" ngaid: . Myid kin mae naon- haung" taung khyag' khyi: ru qhug' genae". Ngaid yang: re: qam: yu ge, . Ngo wa myid kin re aung: pye' va" ga: ta" ra".