1 Nhaid' ba mae" saoqhid' ne, seim no' mug: mabo" shi: re Magadala Mari wa lab kam: ye" ra". Yao: wa laug the: qui" to" rure2 myao: ra". – Airu: mung: yao: wa Simon Petru we' Yesu jhid' de; ra" getau naung- cao dayaug jhao" tao" lo" mung: yao: bam: AsAng re lab mae" yu: pye' phyaug' veko". Aibam yao: re khai: mae to" pye' ko" rure ngo maba ga: ta" ra".3 Ai lao" Petru we' byin cao: naungcao4 dayaug wa lab khyo ye" lo" ako". – Yao: shid' zo: daga" tao" ye" ako". Ai qere: naung cao byin cao: dayaug wa Petru re tao" lheim" co' mung: lab khyo saoqhid' joe"5 ye" ra". – Ai: lab khug khyo yao: ye: gam" qu" ke' ra". Pin: lung: khye' lao" yhao" to" rure myao: ke' ra". Ngaid yang: re: lab khug6 khyo mavao ye: . – Simon Petru yao" thao cao" joe" li" mung: lab khug khyo vao ye"7 ra". – Pin: lung: lao" yhao" to" ru we' au: mae" pin: cug' wa daga" za: mangaid: lo: getau tau khyaid' to" rure myao: ra".8 Ai lao" lab khyo saoqhid' joe" ye" ra" naungcao re: cao" vao ye: mung: myao: ru9 we' lam" ra". – Ai: au: mae shid: ru mae" Yesu dam: daui: to" li" nae" ga" jham: dao:10 re yao: tao mabeim: shi: ko". – Ai: thao naungcao shid' yaug wa yham khyo dam: lo: ako".11 Mari wa lab yae mae ngug: ye; na: ra". Ngug zo" mae" lab khug khyo gam" qu" na:12 ra". – Bau: phyu ve; ra" mug: logyo: shid' yaug wa Yesu mao ke' to" jo, qo tau au: thao dayaug khyid thao dayaug zaung: na13 ko" rure myao: ra". – Yao: tao wa myiqe: zo: we" nao pe" mung: ngug: na:? ga: myid: gelao" yao: wa yao: bam nga" AsAng re yu: phyaug' ko". Khai: mae to" pye' ko" laug ngo maba yang: ngug: na: ru ngaid: ga:14 tau" ra". – Airu: ta" na: zo" lhang: qu" ke' re Yesu ye; na: rure myao: ke' ra". Ngaid15 yang: re: Yesu ngaid: rure maba. – Yesu wa myiqe: zo: we" nao pe" ein: ngug: nao khag' re qho: ra" ga: myid' ra". Magadala, Mari wa yao: re khyae lhaug' yaug ga: jho yang: lau: de; we" AsAng: mao re nao cemae" yu: pye' ngaid: re khai: khyi" mae to" rure ta" kyo: la, ngo yao: re yu: lo" nug: ra" ga:16 mho: ra". – Yesu wa yao: re Mari we" ga: yao lao", lhang: qhu" ke' yang: Raboni ga: tau" ra". Yao" lase" wa mho" pho" we" ga:17 ru ngaid: ra". – Yesu wa ngo re dali" soe' shi: khoru: ga" re ngo pho" jhao" malo" shi: . Nga" mao: nhaung: qe jhao" lo" mung: nga" pho" ngaid: ra" naonhaung" pho" , nga" Mo"so ngaid: ra" naonhaung" Mo"so jhao" ngo do, lo" nae" rure yao: bam jhao"18 lo" ta" kyo: wa, ga: ta" ra". – Magadala, Mari wa naungcao qe jhao" lo" yang: AsAng rere: myao va" khyo , yao: re khoru: ga: mho: ke' ra" khyo lo" ta" kyo" ra".19 Nhaid' ba mae" saoqhid' ba caid' sham" zo" mae Yuda qere gyaug mung: yao" naungcao qe wa yham kham: pyid' to: yang: na: bam ko" au: Yesu wa yao: bam: phaung gaung: mae li" ye; ke' mung: ngaui bau:20 yaug yo na geshao: ga: ta" ra". – Yao: airu: bin: ta" lao" yao: bam re yao" lo, we' nae dain: re qhu" ra". Naungcao qe wa AsAng21 re myao lao" ngaui bau" ako". – Alao" Yesu wa naonhaung" ngaui bau: yaug yo za: na ge, pho" wa ngo re nhao: ke' ru we' dakhyo: ngo naonhaung" re nhao: ke' ra"22 ga: yao: bam re ta" ra". – Airu: bin: ta" lao" yao: bam: dao so' maid: hoe" mung: shao23 gyang" Solo re khae: yu ge, . – Qobo qo" ra" mo, re naonhaung" qobo lhoe' byid: ko" ngaid: re ai bam: qobo khyaid' pye' byid' ru qhug' nae". Naonhaung" qobo malhoe' byid: ko" ngaid: re wa ai bam qobo khyaid' pye' byid' ru maqhug' nae" ga: ta" ra".24 Ngaid qere: daxe: shid' yaug mae" D’dumu ga" ra" Thoma wa Yesu li" ra" au:25 yao: bam we' daga" mana. – Yao" byin cao: naungcao qe wa ngo nhaung" AsAng re myao va" ga: ta" kyo" ako". Thoma wa yao" lo, mae" ze, jin" khu re nyang" za: mamyao , tin" zi: dae khu mae nga" lo, nyhug' yang mathug' jhui: qu" , yao" nae dain: mae lo, poe: yang za: maqhug' le;26 qu" re ngo malam" ga: ta" ra". – Ai: thao dadug no: kyo thao yao" naungcao qe wa kham: pyid' pye' mung: dam: ham: na: bam: ako". Thoma re: yao: bam we' daga" na: ra". Kham: kyao" to: ngaid qere: Yesu wa yao: bam: phaung gaung: mae li" vao: ye; jo, mung: naonhaung" ngaui bau: yaug27 yo: na ge, ga: ta" ra". – Ai: au: Thoma re ni" lo, yheim" ke' yang: nga" lo, re qu" wa,. Ni" lo; yang nga" nae dain: re le; qu" wa, , lam khug: khyo dashaid' lam" wa, ga: mho:28 ra". – Thoma wa nga" AsAng nga" Mo"so29 we" ga: ta" ra". – Yesu wa nao ngo re myao yang: za: alam" ra". Mamyao qere: lam" ra" mo, wa nga: lho" ra" ga: mho: ra".30 Jham: cepaug' mae matung" to" ru mug' pho: ve, lho getau myo: sho' ja: re Yesu wa yao" naung cao qe: qhid' kheim:31 mae kaid' qhu" ashi". – Yesu wa Mo"so: yao: zo: Meshia ngaid: ru naonhaung" lam" nae" tau: mae" we' aire" ru: lam" ru: yang yao" mang khyao: mae naonhaung" kao qo" vegashao: ga: cegu: tung" to" ru ngaid: ra" wo".