1 Saoqhid' maqhid mae mung dao: na va". Ai: mung dao: wa Mo"so we' daga" ngaid yang: ai: mung dao: yao: Mo"so2 ngaid va". – Ai: mung dao: wa saoqhid'3 mae Mo"so we' daga" na: ra". – Ja: cao jab alhab' yao: khyo" boe" lo va" yao: mabo4 lo: boe" lo: ru daja: re: majo, – Yao: mae kao so' bo: ra" ai: kao so' wa Sosu byu: tau:5 mae" bo" bao ngaid: ra". – Ai: bo" bao wa caid' mae bao: na mung: caid' wa bo" bao re ma-o mangaui ko".6 Yohan ga: mang: ra" byu dayaug re7 Mo"so nhao: ke' ra". – Yao: wa bo" bao: sagso: kham: byid; mung: byu alhab' wa yao" dao: thoe gyo: yang: lam: lo genae"8 tau: ngaid: ra". – Yao: wa bo" bao mangaid: bo" bao akhyo re sagso: kham byid: yaug za: a ngaid: .9 Byu alhab' re bao byid: nae" bo" bao agyang" wa myid kin khyo gyo" li" va". –10 Yao: wa myid kin mae li" na va" myid kin wa yao" yang phain" to: ngaid qere: yao:11 re maba ngaid: ra". – Yao: wa yao" mang mae joe" li" ngaid qere: yao" mang: byu12 qe malham: khae: yu ko". – Yao" mang re lam" mung: yao: re khae: yu: ra" mo, alhab' re Mo"so: yao: zo: boe" lo nae"13 kheim: so' yao: re byid' to" ra". – Ai:zo: bam wa sa: sho: khyo" byu yug gyaung: khyo" re: mangaid: . Gaung sho: o: ra" khyo" re: mangaid: byu o: ra" khyo" yang re: mangaid: Mo"so: yang khau: ke' ra" mo, ngaid: ra".14 Ai: mung dao: wa gaung khyao boe" li" mung: ngonhaung" we' da ga" na mung: jeju we' dang main" ru jab byang" yaug ngaid: ra". Pho" ra" phung qab bao re ai:15 zo: mae" qo" the' myao va". – Yohan wa AsAng: akhyo re nga" qhid' mae joe" li" yaug wa ngo tho' je: qi: yaug ngaid: ra". Khoru: ga" re ngo mana shi: mae" yao: wa na va" ein: naonhaung" re lhaung" ta" ru ce yaug va" ga: zag: hug' yang: ta" ra". –16 Ngonhaung" alhab' wa yao" jab byang" khug mae" jeju tho'jeju byang" sheim sho'17 qhug' yu: bam va". – Khoru: ga" re khang" dao: tarha" re Moshe lo, mae" qo" yu: , jeju we' dang main" ru wa Yesu Khristu khyo"18 yang joe" li" va". – Mo"so re khonhae" khag' mamyao: qu" yao: pho" we' te' na: ra" Mo"so: zo: te: zo: wa yao: pho" akhyo re pheim: qhu" ta" shid' kyo" ra".19 Yerusalem: mae" Yuda qe wa khin jaung qe we' Levi byu qere Yohan jhao" nhao: ke' mung: nao khag' ngaid: ga: ye:20 myid' au: – Yohan wa sagso: kham mung: ngo wa Khristu mangaid: ga: mazug'21 mavho' lo: de: de: za: ta" ra". – Alao" yao: bam wa nao Elia ngaid: i"? ga: dam: myid' ako". Yao: wa Elia mangaid: ga: ta" ra". Nao wa Lapa ngaid: i"?ga: dam: myid:22 gelao" mangaid: ga: phaug' tau" ra". – Ai ru: ngaid: re ngonhaung" re nhao: ke' ra" mo, re lo" ta" kyo: nae" tau: nao khag' ngaid: i"? nao yao" gaung re nao yao: khoru: ein: mhang"?ngonhaung" re ta"23 kyo: la, ga: myid: gelao" – Lapa Esaia ta" ru we' dakhyo: AsAng: khyo re din: din: za: nyhang" ge, ga: seyo mae zag: hug'24 ra" dao: thoe ngaid: ga: mho: ra". – Ana" nhao: ke' ra" mo, wa Phareshe mae" ngaid:25 ra". – Nao wa Khristu re: ma ngaid: , Elia re: mangaid: , Lapa re: mangaid: re nao pe" mung: Babtizan byid' i" ?ga: myid:26 gelao" – Yohan wa , Ngo wa qid: yang Babtizan byid'ra". Naonhaung" agaung: mae naonhaung" maba: ru da yaug na:27 ra". – Yao" khyid zhaung: taui: pheim nae"28 lao" ngo mamain: qi" ga: ta" ra". – Cejham wa Yodain: gyaung: thoete' Bethani vo mae Yohan Babtizan: byid' na: ra" au: boe" ru ngaid: ra".29 Thao: ba mae Yohan wa Yesu joe" li" ru myao lao" myidkin: qobo re yu: pye'30 ra" Mo"so: yao nau" re qu" qu" ge, – Ngo mana shi: mae" na mung: ngo tho' mae je: qi" ra" yaug nga" thao mae joe" li" nae" ein:31 ngo lhaung" ta" ru ce: yaug yao: va". – Ngo yao: re maba ngaid qere: yao: re Israel qere qhu" byid: nae" tau: ngo wa qid: yang: Babtizan: li" byid' na: ru ngaid: ga: ta" ra". –32 Ai mae" getau shaogyang" solo wa mug: gaung mae" phaung" kyug' ru" ru gyo" li" mung: yao" dao mae li" no" rure ngo myao:33 ga: Yohan wa sagso: kham: ashi". – Ngo yao: re maba ngaid qere: ngo re qid: yang Babtizan: byid: nhao: ke' yaug wa khoyaug: dao mae solo gyo" li" mung: no" rure nao myao lao" ai: yaug wa shao gyang" solo mae Babtizan: byid: yaug ngaid va" ga: ngo34 re ta" yaug ngaid: ra". – Amung: ceyaug wa Mo"so: yao: zo: ngaid: rure ngo the' myao mung: sagso: kham va" ga: ta" ra".35 Thao: ba re Yohan wa yao" naung cao36 shid' yaug we' daga" ye; na: ra" au: – Yesu lai: lo" rure myao lao" Mo"so: yao nau" re37 qu" qu" ge, ga: mho: ra". – Naungcao shid' yaug wa yao: ta" ru the' gyo: lao" Yesu thao38 cao: lo" ako". – Ai shid' yaug cao" lo: rure myao lao" Yesu wa lhang: qu" yang: ni" shid' yaug pe" qho ko"? ga: lham: myid' ra" yao: shid' yaug wa Rabbi we" nao khai: mae na:? ga: tug' myid' ako". Rabbi ga" ru39 wa mho"pho" ga" ru ngaid: ra". – Yesu wa li" qu" ge, ga: ta" ra". Yao: shid' yaug cao" ye: mung: yao" jo, qo mae dane; geim" yao: we' daga" na: gyam: ako". Ai: au: wa daxe yo, khain ngaid mung: mug: caid' sho' na40 co' ko". – Yohan ta" dao: re gyo: mung: yao: jhao" cao" ye" ra" shid' yaug mae" da yaug wa Simon Petru yao: nhaung: Andare41 ngaid: ra". – Aimung: yao: wa yao: mao: Simon re myao lao" ngo tao wa Meshia re myao va" ga: mhao: ra". Meshia ga" ru42 wa Khristu ga" ru ngaid: ra". – Andare: wa Simon re Yesu jhao" jhui" ye" ra". Yesu wa yao: re lham: myao lao" nao wa Yona yao: zo: Simon ngaid: ra".Nao re Kepha ein: mhang" nae" ga: ta" ra".Kepha ga" ru wa laung: mo" baui ga" ru ngaid: ra".43 Thao: ba re AsAng wa Galile mang: khyo ye: nae" seim" na: au: Philib re myao44 lao" nga" thao cao" wa, ga: ta" ra". – Philib wa Andare we' Simon Petru na: ra" Bed45 saida vomo" mae" ngaid: ra". – Philib wa Nathaneal re myao lao" Moshe wa tarha" paug' mae tung" to" ru we' Lapa qe tung" to" ra" khyo: ai: yaug re ngonhaung" myao va". Yao: wa Nazared vo mae" Yoseb yao: zo: Yesu ngaid: ra" ga: yao: re ta" kyo"46 ako". – Nathanela wa Nazared vo mae" pe" zai gai thug' qu" ra"? ga: tau" ra". –47 Philib wa za: ali" qu" wa, ga: mho: ra". Yesu wa Nathanela li" rure myao lao" Geim kaid' nhag' lam: mabo: ra" Israel byu gyang" re48 qu" ge, ga: mho: ra". – Nathanael wa nao ngo re khomyhao" mae" ba: i"? ga: myid' ra". Yesu wa Philib nao re makhai shi: re pho' ham" gae qao: mae na: rure myao va"49 ga: tau" ra". – Nathanela wa AsAng Mo"so we" nao wa Mo"so: yao: zo: ngaid: ra". Nao wa Israel jhaung zug: re: ngaid: ra" ga: mho:50 ra". – Alao" Yesu wa ngo nao re pho' ham" gae qao: mae na: rure myao: ein: ta" yang: nao lam" i"?. Ai tho' qi" ra" mau" re nao51 the' myao shi: nae". – Ngo naonhaung" re dang dang ta" shi: nae". Mug: gaung bung" li" mung: Mo"so: mug: logyo: qe wa Byu: yao: zo" dao mae do, do, gyo" gyo" kaid' na: rure nao myao nae" ga: yao: re ta" ra".