1 Ana" lai loe, poe majoe" shi: mae" Yesu wa ce: myidkin mae" mung: yao: pho" jhao" dam: lo" nae" ayo, joe" li" rure ba mung: myidkin mae" yao" byu qere jhid' de, yang: yao: bam re jhid' de; myid lo" thao" sho' ci:2 qhu" na: ra". – Yesu we' yao" naungcao qe myi" xeim zo" na ko" au: yui wa Simon: yao: zo: Yudaskarud nhag' lam: khug mae AsAng re qhaug' pye' nae" myid ke' byid'3 ra". – Yesu wa ja: cao jab alhab' re yao" lo, mae yao: pho" yang byid' to" ru we' yao: wa Mo"so mae" li" mung: Mo"so jhao" dam: lo"4 nae" rure ba: ra". – Myi" xeim zo" na: ru mae" to" mung: yao" adao: bau: re khyaid' to: yang: pin: cug' re yu: mung: yao" phyid'5 dam: mae cui" ci: ra". – Ai: thao Yesu wa qid lhao: mae qid vhe' ke' yang: naungcao qere khyid cid' byid' ra". Yang" ci: ra" pin:6 cug' yang re: said' pye' byid' ra". – Simon Petru jhao" joe" lao" AsAng we" nao wa nga" khyid cid' byid: nae" i"? ga: lham: ta"7 ra". – Ngo pe" kaid' rure nao ana" maba shi: thao lao" beim: nae" ga: Yesu phaug'8 tau" ra". – Petru wa AsAng we" nao nga" khyid re dacid' ga: ta" lao" Yesu wa ngo ni" khyid macid' re nao ngo we' matin" ru9 ngaid: ra". – Alao" Simon Petru wa AsAng we" khyid za: mangaid: lo: lo, we' au: rere:10 cid' byid: la, ga: ta" ra". – Yesu wa gaung cid' va" yaug kam" khyid cid' ru mae" jain" yang: cid' maqo lo: gaung geim" shao: byaug va". Naonhaung" wa shao veko" qere: damyo" mashao ko" ga: mho: ra". –11 Naonhaung" damyo" mashao ko" ga: mho: ru wa yao: re qhaug' pye' nae" yaug re ba yang: ta" ru ngaid: ra".12 Yao: bam khyid bin: cid' lao" yao" adao: bau: re yu ve, mung: zaung: jo, yang: yao: bam re ce ru: ga: ta" ra". Ngo naonhaung" re pe" nam kaid' byid' rure ba: ako" i"?. –13 Naonhaung" wa ngo re AsAng Mo"so we" ga: mhang" ako". Naonhaung" mhang"14 ra" khyo: dang va". – Ngo wa AsAng re: ngaid: . Mo"so re: ngaid: . Aire lao" naon- haung" khyid cid' byid' re naonhaung" re: yao: cao: yao: dayaug we' dayaug khyid15 jho" cid' byid: ge, . – Ana" ngo ceru: kaid' ra" ru wa naonhaung" lag qu" yu genae" tau: mae" ngaid: . Ngo khoru: kaid' re16 naonhaung" re: airu: kaid' ge, . – Ngo jhaug' za: ta" kyo: geli". Jeim wa AsAng tho' maqi: Logyo: wa nhao: ke' yaug tho'17 mae maje: qi: . – Cekhyo: alhab' ba mung: cao" ko" ngaid: re wa naonhaung" nga: qo"18 genae". – Naonhaung" alhab' mo, geim" re ein: ta" ru mangaid: . Ngo khyin: to" byu re ngo ba: ra".Nga" zo zo: yaug ngo re khu nhag' thaung: thao: yang zab: thang" ra" ga" jham: tung" dang: lo nae" tau: ngaid:19 ra". – Ai: khyo: boe" lo: au: ngo ngaid va" rure naonhaung" lam" geshao: ein: maboe" shi: mae" gau: qhid' khae" yang: ana" ta"20 to" ra". – Ngo dang dang za: ta" geli". Ngo nhao: ke' ra" yaug re lham: khae: yu yaug wa ngo re lham: khae: yu: ru ngaid: ra". Ngo re lham: khae: yu yaug re: ngo re nhao: ke' ra" yaug re lham: khae: yu: ru ngaid: ra" ga: ta" ra".21 Yesu airu: bin: ta" lao" myid gyai myo" li" mung: ngo naonhaung" re jhaug' za: ta" nae". Naonhaung" mae" dayaug ngo re dain: pye' nae" ngaid: ra" ga: ta" phung"22 ra". – Naungcao qe wa kho yaug re ta" nug: ru maba: gyo: geyang: yao: cao: yao:23 jho" qu" aug' o" na: ako". – Yesu jhid' de; ra" yaug wa yao" tao: kheim" nhae mae24 zaung: jo; ra". – Khag' re qang yang: ta" i"? ga: myid: nae" tau: Simon Petru wa ai: yaug25 re lo, nyhug' ceim" ke' ra". – Ai: naung cao wa Yesu qhid' kheim: khyo lang kae" ke' yang: AsAng we" ai khoyaug nhe" ga: myid'26 ra". – Yesu wa ngo khug' mae cin main" jam yang: byid: yaug ngaid: ra" ga: mho: ra". Cin main" re jam mung: Simon: yao:27 zo: Yuda skarud re byid: zho" ra". – Ai: yaug wa cin main" bin: zo: yang: satain: wa yao" aung khug mae li" vao: ra". Alao" Yesu wa yao: re nao zaui: nae" mau" re phyaid28 za: zaui: wa, ga: ta" ra". – Zo bo" mae na: ra" mo, wa Yesu yao: re airu: pe" mung: ta"29 ga" rure khag' magyo" se" ko". – Daqhae: wa Yudaskarud wa ngaui thaung zam: yaug ngaid mung: poe mae ca" ra" zai aja: ja: vai nhao sam" ra" , mangaid: lao" myaung mo, re danam nam byid: nae" khyo: Yesu mho:30 ke' ang: ra" ga: jho: ako". – Yudaskarud wa cin main" re qo" yu zo: we' ajao" yao: phyaid za: thug' lo" ra". Ai: ayo, wa myi" re ngaid: ra".31 Ai: yaug thug' lo" thao Yesu wa Byu: yao: zo: wa ana" phung bao bao nae" yo, joe" va" ru mung: Mo"so re: Byu: yao: zo:32 khyo" yang phung bao bao: ava". – Mo"so wa Byu: yao: zo: khyo" yang yao" phung bao bao va" ngaid: re Mo"so wa yao: khyo" yang byu: yao: zo" phung bao rere: bao nhao: li" nae". Mamyao" gyo: mae yao" phung bao:33 myhao" qhu" naeva". – Nga" zo: bam we" ngo naonhaung" we' dazab za: ana lo". Naonhaung" ngo re qho genae". Ngo lo" nae" khyo naonhaung" maqo" joe" genae" ein: Yuda qere ngo ta" ru we' dakhyo: ana" re: ngo naonhaung" re ta" kyo: va".34 Ngo naonhaung" re amyin" dao: asag' daja: byid: geli". Ngo naonhaung" re jhid' de; ru we' dakhyo: za: naonhaung" re: dayaug we' dayaug jho" jhid' kao: na ge, ein: Ngo35 khang" dao: sag' byid: va". – Naonhaung" yao: cao: yao: jho" jhid' na gelao" wa naon- haung" nga" naungcao qe ngaid: rure su alhab' ba: qu" genae" ga: mho: ra" .36 Simon Petru wa AsAng we" nao khai: khyo lo" byaug nae"? ga: myid' ra". Yesu wa ngo ye: nae" khyo nao ana" maqo" cao" shi: nae".Thao phyao: kam" wa qo" cao" nae"37 ga: ta" ra". – Petru wa AsAng we" ngo pe" mung: nao jhao" maqo" cao" nae" i". Ni" tau: mae" nga" kao dain: pye' nae" ga: ta"38 lao" – Yesu wa nao nga" tau: mae" ni" kao dain: pye' nae" i"? ga: myid' ra". Ngo nao re jhaug' za: ta" nae". Qo, mateim shi: re nao ngo re sam lhang ha: pye' li" nae" ga: yao: re mho: ra".