1 Ai: thao sam ba lao" Galile mang: Kana vo mae myi: vhin" poe jo; ra". Yesu yao:2 myhi" re: ai: poe mae na: ra". – Yesu we' yao" naungcao qere re: ai: poe mae bo:3 khai: to" ako". – Sabyi' qang: gain: byaug lao" Yesu yao: myhi" wa yao: bam sabyi' qang: gain: veko" ga: Yesu re ta" kyo" ra". –4 Alao" Yesu wa myiqe: myhi" we" nao we' ngo pe" tin" i"?. Nga" ayo, majoe" shi ga:5 yao: re ta" ra". – Yao: myhi" wa naon- haung" re yao: mho: ra" khyo: kaid' ge, ga:6 daui mung mo, re ta" ra". – Ai: jo, qo mae Yuda qe: kyang" shao: ra" li we' dakhyo: shid' sam tang vao: laug yae: mo" khyaug'7 yae: jo; ra". – Yesu wa yao: bam re ai: yae: jham mae qid byang" sho' khae: ke' to: ge, ga: ta" ra". Alao" yao: bam wa yae: mae qid byang" sho' khae: ke' to" ako". –8 Yesu wa khau" yu mung: poe ug re lo" byid: ge, ga: ta" lao" poe ug pho" re khau:9 byid' ako". – Poe ug wa qid mae" boe" li" ra" sabyi' qang: re shaug' tau" qu" ra". Qid khae: ke' ra" daui mung mo, wa khai: mae" boe" li" ru ba geyang: re: poe ug pho" wa maba mung: pho" sag' re khai: yu yang: , –10 Supe" wa sabyi' qang: amyho' re shi" jao mung: shaug' gyi: thao re aphai: alhaung" jao: ako". Nao wa sabyi' qang: amyho' re ana" joe" sho' ato" to: nhaung i"? ga: mho:11 ra". – Yesu saoqhid' kaid' qhu" ra" mug' pho" mau" wa Galile mang: Kana vo mae ngaid: ra". Ai phung bao re myao lao" yao" naungcao qe wa yao: re lam" ako".12 Ai: thao re Yesu wa yao: myhi" yao: nhaung: bam we' yao" naung cao qe we' daga" Kapenaum: vo gaung: khyo gyo" lo" ako". Ai mae myo: sho' ba mathang ko".13 Ana" Yuda qe: lai loe, poe joe" li" mung: Yesu wa Yerusalem vogaung: khyo do, lo"14 ra". – Pa" jhaung: yham mae nung:, yao , phaung" kyug' aung: mo, we' ngaui tha" gau pai: kaid' mo, zaung: bam: ru re myao15 lao" – Taui: jang vai" yu mung: yao: bam we' nung: , yao alhab' mo, re khe' thug' pye' ngaui tha" zo: mo, ngaui rere: vhe' khyo" pye' byid: mung: gai" jham re re: tau:16 mhaug' pye' byid' ra". – Amung: phaung" kyug' aung: mo, re ce: zai jham re cemae" yu: lo" ge, nga" pho" yham re gau mung myho" khyo" jao: dakaid' ge, ga: ta" ra". –17 AsAng: yham re jhid' de, kao taui" ru: gaung yug ja" yang ngo re myug: pye' va" ga: tung" to" rure yao" naungcao qe myid: beim"18 ako". – Yuda qe wa nao ceru: kaid' ru wa ngonhaung" re pe" kheim: so' ve, lho kaid'19 qhu" nae"? myid' ako". – Yesu tau: mung: ce: pa" jhaung yham re phyo' pye' mung: sam ba gyo: mae ngo ai re dam: tau: yhe' to:20 nae" ga: mho: ra". – Airu: ga: ta" lao" Yuda qe wa byid xe: khyaug' zin myhao" kaid' ra" pa" jhaung: yham re nao wa sam ba za" gyo: mae dam: qo" tau: yhe' nae" i"? ga: mho:21 ako". – Airu: ga: Yesu ta" ru wa yao" gaung khyao yham re tau" mung: ta" ru ngaid: –22 Aimung: yao: wa shid: ru mae" dam: daui: to" ru qhug' va" thao yao" naung cao qe wa yao: ceru: ta" to" ru re beim: mung: jham: dao: we' Yesu ta" to" ra" dao: re lam" ako".23 Ai: lai loe, poe gu: mae Yerusalem vogaung: mae na shi" au: byu myo: sho' mo, yao: kaid' qhu" ra" mug' pho" ve, lho re myo gemung: yao: re lam" jang" ako". –24 Yesu wa volo byu qe: nhag' khug mae pe"25 myid: rure alhab' qo" ba ru mung: – Sosu byu qe: akhug mae bo: ru alhab' re ba: na: ru mung: byu qe: akhyo re sagso: kham nae" tau: khag' rere: ma-o ngaid: ra".