1 Yesu wa airu: bin: ta" lao" mug: gaung khyo tau: qu" mung: ta" ru wa pho" we"2 nga" ayo, joe" va". – AsAng khyo" zo: re qhaug' byid' to: va" gu: alhab' mo, re apyaid ato: kao so' byid: nae" tau: mae" Sosu byu alhab' mo; dao mae kheim: so' byid' to: va" we' dakhyo: zo: wa ni" phung bao myao myhao" byid: nae" tau: zo" phung bao re3 bao nhao la, . – Apyaid ato: kao ga" ru wa dang main" ra" daso za: ngaid: ra" pho" we' nao: yang nhao: ke' ra" yaug Yesu Khristu4 re ba se" ru ngaid: ra". – Pho" Zo: ngo re zaui: nhao: ra" mau" kyab' mung: myid5 kin mae Zo: Pho" re khin" va". – Pho" we" mug: kin myid kin majo, maqhid shi: mae" Pho" we' daqi" dago" qo" ra" phung bao re ni" qhid' kheim: mae ana" Zo: re byid: la, .6 Pho" yang ngo re byid' to" ra" myidkin byu qe re Zo: Pho" mang khyao: re ba nhao va". Pho" Zo: re byid' ra" ai bam wa ni" byu qe ngaid: ra". Yao: bam ni" dao: gyo" cao"7 veko". – Pho" Zo: re byid' to" ra" gu: alhab' wa Pho" mae" ngaid: ru re ana" yao: bam8 ba veko" ra". – Khoru: ein: re Pho" Zo: re byid' to" ra" lau dao: yao: bam re ta" kyo: va". Yao: bam wa ai re khae: yu veko". Zo: wa Pho" mae" gaigai: yao: joe" li" nae" rure ba veko". Zo: re nhao: ke' ra" yaug wa Pho" ngaid: ru rere: ba veko".9 Nao ngo re byid' to" ra" cebam wa ni" byu qe ngaid gemung: cebam: tau: mae" nao re ngo jhaung: mho' ra". Myidkin:10 byu qe tau: mae" mangaid: . – Ngo we' tin" ra" gu: alhab' wa Nao mae" ngaid: ra". Ai we' dakhyo: nao we' tin" ra" gu: alhab' re: Ngo mae" ngaid: ra". Ai bam: mathao11 mae ngo khin" qhug' ru ngaid: . – Ceyo, mae" mung: ngo myid gye, mae mana lo: nae".Yao: bam na shi: gezai ngaid: ra". Ngo wa nao jhao" lo naeva". Shaogyang" thao" ra" pho" we" nao we' ngo wa dalam: za: ngaid mung: nao: yang byid' ra" cebam re: dajham za: boe" nae" tau: mae yao: bam12 re ni" mang khyo" gam: na la, . – Ngo re nao byid' to" ra" mo, we' daga" na shi" au: re ni" mang mae yao: bam re qu" gam: na va".Ngo yao: bam re gelho: za: qu" gam: na yang: yao: bam mae" dayaug re: maby- aug. Airu: jham: paug' mae bo: ru zo; lo nae" tau: mae" byu: myao: se" ba: to" ra". –13 Ana" ngo nao jhao" lo naeva". Nga" ngaui bau" ru yao: bam: nhag' khug mae byang" nae" tau: mae" ce: dao: re myidgye, mae14 ngo ta" va". – Ni" mung dao: ngo yao: bam re byid' to: va". Ngo wa myid kin mae" mangaid' ru we' dakhyo: yao: bam re: myid kin mae" mangaid' ru mung: myid15 kin wa yao: bam re gyid' ra". – Yao: bam re myid kin mae" yu: thug' nae" tau: mae" ngo mamho' makhyang" ra" mo, mae" yao: bam re gam: yu nae" tau: mae" amho'. –16 Ngo wa myid kin we' mazam" khug; ru: yao: bam re: myidkin we' mazam" khug17 ko". – Ni" dang main" mung dao" yang yao: bam re kyang" shao byid: la, . AsAng: mung dao: wa dang main: tarha" ngaid:18 ra". – Myid kin khyo nao ngo re nhao: ke' ru we' dakhyo: ngo re: yao: bam re myid'19 gye, khyo nhao: ke' ra". – Yao: bam wa dang main" ru mae shaogyang" vegeshao: ngo re: nga" gaung re yao: bam: tau: mae" shaokyang" pye' va".20 Cebam: tau: mae" za: ngo mho' ru mangaid: yao: bam: dao: khyo" yang ngo re lam" lo nae" mo; tau: mae" yao: bam alhab' dalam: za: ngaid nae" tau: mae"21 re: ngo mho' ra". – Pho" we" nao ngo re nhao: ke' rure myid kin byu qe lam" genae" tau: mae" nao ngo mae na mung: ngo wa nao mae na: ru we' da khyo: yao: bam re: nyhao: mae dajham za: na nae" tau: mae"22 ngo mho' ra" wo". – Nao we' ngo dalam: za: ngaid: ru we' dakhyo: yao: bam re: dajham za: ngaid nae" tau: mae" nao ngo re byid' to" ra" phung bao ngo yao: bam23 re byid' to: va". – Yao: bam dajham za: boe" dang: lo nae" tau: mae" ngo yao: bam: khug mae na mung: nao wa nga" khug mae na: . Aimung: nao ngo re nhao: ke' ru we' ngo re jhid' de; ru: yao: bam rere: jhid' de; rure myid gye, byu qe ba nae" tau: ngaid:24 ra". – Pho" we" mug: kin myidkin majo, shi: mae" nao ngo re jhid' yang: byid' to" ra" nga" phung bao re yao: bam the' myao nae" tau: mae" nao ngo re byid' to: mo, re ngo na: ra" jo, qo mae jhui" na nug: ra". –25 Dang main" ra" pho" we" myid kin wa nao re maba. Ngo kam" wa nao re ba: . Byu cebam re: nao ngo re nhao: ke' ga" ru ba26 veko". – Yao: bam re: ni" mang khyao: re ta" kyo: va". Ana" re: xo' yang: ta" kyo: shi: nae". Alao" nao ngo re jhid' de; ra" ru yao: bam mae bo: jo, mung: nao re: yao: bam mae daui: na nae".