1 Ai: thao Pilaid wa Yesu re jhui" yu2 mung: be, nhao: ra". – Gyezo: qe wa zau: maug nag: yu mung: Yesu re zhaung: byid' ako". Yao: re bau: qhang ane mo, rere:3 vhe' ako". – AsAng jhao" qui" ye: mung: Yuda jhaung zug: we" ngaui bau: yaug yo qao" zin" shao: wo" ga: ta" yang: bo pyo'4 ceim" pyo' ako". – Pilaid wa dam: thug' ye: mung: ngo yao: mae pe" qobo mamyao: ra" khyo naonhaung" ba genae" tau: mae" yao: re naonhaung" jhao" jhui" thug' li" nae"5 ga: ta" ra". – Yesu wa zau: maug zhaung: bau: qhang mo, ne ve, mung: thug' li" lao" Pilaid wa byu ceyaug re qu" ge, ga:6 ta" ra". – Khin jaung qe gug: gam qe wa yao: re myao lao" zag: hug' mung: yao: re pyao: mae be; jin" se' pye' wa, ga: ta" ako". Pilaid wa nao-nhaung" yao: re yu mung: ye: be; jin" ge, ngo wa yao: mae pe" qobo7 mamyao ga: yao: bam re ta" ra". – Yuda qe wa ce: yaug wa Mo"so: yao: zo: ngaid: ga: ta" pyag' mhug' ra" mathao mae ngo nhaung" mae jo; ra" phung: li we' dakhyo:8 shid main" ra" ga: hug' ako". – Pilaid wa ai:9 dao: re the' gyo: lao" je: gyaug: ra". – Qe, khug khyo dam: vao lo" mung: Yesu re nao khai: khyo" li" ru ngaid: i"? ga: myid' ra".10 Yesu wa dao: dakheim: re: majhau. – Ai mung: Pilaid wa nao ngo re dao: dakheim: re: majhau i"? nao re pyao: mae be; jin" nae" we' nao re lhoe' ke' nae" kheim: so' ngo qo" rure nao maba i"? ga: yao: re11 ta" ra". – Yesu wa tho' khyo" za: nao re mabyid: re nga" dao mae nao pe" kheim: so' maqo". Airu: mung: ni" lo, khyo ngo re li" qhaug' byid: yaug wa qi" ra" qobo qo"12 ra". – Ai: thao Pilaid wa Yesu re nhao: ke' nug gyai nug: ra". Ngaid qere: Yuda qe nao ceyaug re nhao: ke' lao" wa nao Siza: ba nam mangaid: .Yao" gaung re yao: jhaung zug: toe' nug yaug wa Siza: jhaung zug' gye13 ngaid: ra" ga: zag: hug' ako". – Ai: thoe re qhug' gyo: lao" Pilaid wa Yesu re jhui" thug' li" mung: Hebre" myain" khyo" Gabata ga" laug thin dao mae" tarha" pyam" tao" mae14 zaung jo; ra". – Ai: ne, wa lai loe, poe seim" ba ayo, khyaug' yo, kho ngaid va". Pilaid wa naonhaung" jhaung zug: pho" re15 qu" ge, ga: ta" lao" – Yuda qe wa ai: yaug re yu: pye' wa, yu: pye' wa, pyao: mae be; jin" se' wa, ga: zag: hug' ako". Pilaid wa naonhaung" jhaung zug: re pyao: mae be; jin" se' nae" i"? ga: ta" ra". Khin jaung qe wa ngonhaung" jhaung zug: Siza: mae" lai16 yang: geyaug mana lo: ga: tau" ra". – Gau: thao" lao: mae Pilaid wa Yesu re pyao: mae be; jin" se' pye' nae" qhaug' ke' ra". Alao" yao: bam AsAng re jhui" thug' lo: ako".17 Yesu wa yao" pyao: re vo, mung: Hebre" myain" khyo" Golagota Au: gye;18 ga" jo, qo khyo ye" lo" ra". – Ai: jo, qo mae AsAng re getau shid' yaug we' daga" pyao: mae be; te' to" ako". Ai: shid' yaug:19 agaung: mae Yesu ngaid: ra". – Pilaid wa the: mae tung" mung: pyao: zang mae te' to" ra". Tung" ce' kam" wa Yuda jhaung zug: Nazared byu Yesu ga" ru ngaid: . –20 Yesu re be; jin" se' ra" jo, qo wa vomo" yae mae" ajhao" za: ngaid yang: Hebre myain" , Latin: myain" we' Greek myain" khyo" tung" ru mung: Yuda qe myo: sho' mo, ba:21 nghe' ako". – Khin jaung qe wa Pilaid re Yuda qe: jhaung zug: ein: datung" ngo wa Yuda qe: jhaung zug: ngaid: ga: yao: ta" ra"22 ein: tung" byid: la, ga: ta" ako". – Pilaid wa ngo tung" va" khyo: ngo tung" va" ga: kyid'23 ke' ra". – Gyezo: qe wa Yesu re bin: be; jin" to: yang: yao" bau: re khyaid' yu mung: byid gao khyo" yang: dayaug dacug' jho" gae: ako". Yao" akhug: bau: qhang rere: ai we' dakhyo: jho" caid' gae nae" seim" ako". Ai: akhug bau: wa khyab' khyo: made, yang: lang zang: mae" athao joe" sho' khye' geim" qo; ru ngaid: ra".24 Yao: bam wa bau: cere macaid' gae gejhao" pha" khyo" mung: aung yaug yu gelang: ga: jho" ta" ako". Pe" mung: ein: re nga" adao: mai bau: re yao: bam jho" gae va". Nga" akhug: bau: qhang rere: pha" khyo" ko" ra" ga: jham: dao: mae bo: ru dang: lo nae" tau: mae" ngaid: ra". Gye zo:25 qere: ai re"ru yao: kaid' veko". – Yesu pyao: zang yae mae yao: myhi" we' yao: myhi" yao: nhaung: Kalopha yao: myi: Mari we'26 Magadala Mari bam ye; na: ako". – Yao: myhi" we' yao: jhid' de; ra" naungcao qe ayae mae ye; jo, ko" rure myao lao" Yesu wa yao: myhi" re myiqe: we" ai: ni" zo: re27 qu" wa,. – Naungcao rere: myhi" re qu" wa, ga: pin: ra". Ai: ba mae" naungcao wa Yesu yao: myhi" re yao" yham mae jhui"28 nha: to" ra". – Yesu wa mau" zo" alhab' bin va" rure ba mung: jham: tung" mae bo: ru we' dakhyo: dang: lo nae" tau: ngo qid shab' kyi: ga: ta" ra".29 Ai:tau mae ajhin qang: byang" sho' bo: ra" qid am dalam: jo; ra". Yao: bam wa qid mug said' re yu yang: qid jhin mae jam: tag' mung: je jid: yao" yang thug' ze, yang: Yesu30 nhaid' mae tag' byid' ako". – Yesu wa ajhin qang: re shaug' ke' thao re ana" wa mau" zo" bin va" ga: ta" na zo" yao" au: nghoe" gam" lo" mung: kao gyo" lo" ra".31 Ai: ne, wa poe seim" ba ngaid yang: thao: ne, wa dug no: ba ngaid: ra". Yuda qe wa ai: dug no: poe mo" ba mae mao gaung pyao: mae be; jin" lhao" kai" to" rure manug ko". Aimung: yao: bam wa be; jin" to: mo; khyid re be; khyug' mung: mao gaung jham re pyao: mae" yu: khyo" pye' nae" tau: Pilaid32 re ye: mho' ako". – Gyezo: jham wa AsAng we' daga" be; jin" to" ra" shid' zo: re wa dayaug: khyid bin: be; khyug' lao" dayaug:33 khyid dam: be; khyug' byid' ako". – Yesu jhao" joe" lao" kao gyo" va" rure myao mung: yao" khyid re mabe; khyug' ngaid:34 ako". – Ai qere: gyezo: dayaug wa yao" nae dain: mae lhae taid' yang thug' khyab' zhaug' ke' ra". Alao" jao" sa: we' qid byi:35 thug' li" ra". – Ceru: boe" ra" akhyo re the' myao yaug sagso: kham: ra". Yao" sagso: wa dang: ra". Naonhaung" lam" nae" tau: mae" yao: myao: ra" dang main: khyo re ta" kyo"36 ra". – Cere" ru: boe" lo: ra" akhyo wa yao: shoqug: dakhe' re: magyug: nae" ga: jham: dao: mae bo: ru we' dakhyo: dang: lo: ru37 ngaid: ra". – Jham: dao: getau dakhyi" mae re: yao: bam thug' kyab' yaug re yao: bam qu" genae" ga: bo: ashi".38 Ai: thao Yuda qere gyaug yang: vho' na: ra" Arematea vo mae" Yoseb wa Yesu mao gaung re yu nae" ga: Pilaid re mho' ra". Pilaid akhang" byid: lao" yao: bam li" mung: Yesu mao gaung re dao: lo" ako". –39 Lai: lo va" yo, Yesu jhao" li" qu" yaug Nikodi re: cug' gyid: we' lag: ra" Mura xau40 sam xe joe: kho vin: li" ra". – Yuda qe byu nyhab' li we' dakhyo: Yesu mao gaung re yu mung: nae pyo" ra" xau gyaid yang: jid:41 mo" pin" yang: thab' ako". – Yao: re be; jin" se' ko" jo, qo mae khyae dakhyae jo; ra". Ai: khyae khug mae khag' rere: make' shi" lab42 sag' dalam: jo; ra". – Yuda qe: poe seim" ne, ngaid yang: lab re: ajhao" za: jo, mung: yao: bam wa Yesu re ai mae ye: to" ako".