1 Naonhaung" myid damyo: ge,. Mo"so2 re lam" ge,. Ngo re re: lam" ge, . – Nga" pho" yham mae na jo, qo myo: sho' jo; . Ai majo, re jo; ein: khoru: ba: ta" nae". Naon- haung" tau: mae" na jo, qo nyhang" nae"3 ein: ngo lo" ru ngaid: . – Ngo naonhaung" tau: mae" gaigai: yao: na jo, qo bin: nhyang" to: lao" ngo na: ra" jo, qo mae naonhaung" re: qo" na genae" qhid' mae" naonhaung"4 re ngo yao: li" dam: jhui" yu nae". – Ngo lo" ra" jo, qo rere: gau: khyo rere: naon- haung" ba: ako" ga: ta" ra".5 Thoma wa AsAng we" nao khai: ye: nae" rure lao" ngonhaung" maba re ai: ni" gau: khyo re khoru: ba: ba nae" ga: mho:6 ra". – Yesu wa ngo wa khyo ngaid: . Dang main: ru we' kao re: ngaid:. Ngo khyo" za: mangaid: re nga" pho" jhao" khag' maqo"7 joe" nae". – Naonhaung" ngo re ba ko" ngaid: re nga" pho" rere: ba genae" ngaid: ra". Ana" mae" thao phyao: naonhaung" nga" pho" re ba mung: yao: re myao: aveko" ga: ta" ra".8 Philib wa AsAng we" ngonhaung" re pho" ceim" shid' la, alao" ngonhaung" nhag'9 shid' nae" ga: mho: ra". – Yesu wa Philib we" ngo naonhaung" we' cemyhao" na: lo ngaid; qere: nao ngo re maba shi: i"?. Ngo re myao: qu" va" yaug wa pho" rere: myao: ru ngaid: va". Airu ngaid: re ngonhaung" re pho" ceim" shid' la, ein: pe" mung: ta"10 ga: mho: ra". – Ngo wa nga" pho" mae na: ru we' nga" pho" re: ngo mae na: rure nao malam" i"?. Ngo naonhaung" re ta" dao: kheim: jham wa ngo yao" nhag' myid khyo" ta" ru mangaid: . Nga" khug mae na:11 ra" pho" wa yao" mau" zaui" na: ra". – Ngo wa pho" mae na: pho" wa ngo mae na: ru re lam" na ge, . Nga" dao: re malam" ko" qere:12 nga" lo, mau" re lam" ge, . – Ngo jhaug' za: ta" geli" ngo re lam" ra" yaug wa ngo zaui" ra" mau" re qo" zaui: genae". Ai: tho' mae je: qi" ra" mau" rere: qo" zaui: nae". Khoru: ein: re ngo wa nga" pho" jhao" lo"13 nae". – Aimung: pho" wa yao: zo: khyo" yang phung bao qo" nae" tau: mae" naon- haung" nga" mang lao: yang: pe" mho' pe"14 ngo byid: nae". – Naonhaung" nga" mang lao: mung: ngo jhao" mho' ko" re mho' ra" ja: ngo byid: nae".15 Ngo re jhid' de; re wa nga" amyin" dao:16 re gyo: yang: cao" ge, . – Ngo wa pho" re mho' mung: mung dao: pheim: myhao" nae" Obedse solo wa naonhaung" we' khonhae" re: daga" na nae" nhag' tang" su getau dayaug re pho" yang naonhaung"17 jhao" nhao: ke' byid: ra". – Yao: wa dang main" ra" solo ngaid: ra". Myid kin byu qe wa yao: re mamyao maba yang: yao: re maqo" khae: yu. Naonhaung" wa yao: re ba: ako". Yao: wa naonhaung" we' daga" na mung: naonhaung' khug mae na nae"18 ngaid: ra". – Ngo naonhaung" re cug' zo: ru: manha co' nae".Naonhaung" jhao"19 dam: li" nae". – Ana" daso' gyo: mae myid kin wa ngo re mamyao lo: nae". Naonhaung" kam" wa myao genae". Ngo daui: na mung: naonhaung" re: daui: na20 genae". – Ngo wa nga" pho" khug mae na: ru we' naonhaung" wa nga" khug mae na mung: ngo naonhaung" khug mae na: ru21 re ai: ne, re naonhaung" ba genae". – Nga" khang" dao: amyin" re cao" yaug wa ngo re jhid' su ngaid: ra". Ngo re jhid' de, yaug re pho" yang re: jhid' nae".Ngo re: yao: re jhid' nae". Amung: yao: re nga" gaung khyao qhu" byid: nae" ga: ta" ra".22 Yudaskarud mangaid: yaug Yuda wa AsAng we" ni" gaung khyao ngonhaung" re za: qhu" byid: mung: myid kin re pe" mung: maqhu" byid: nae" ga: myid' ra". –23 Yesu wa khag' ngaid qere: ngo re jhid' de, yaug wa ngo ta" dao: re dang dang cao" ra". Nga" pho" wa ai: yaug re jhid' ra".Ngon- haung" yao: jhao" ye: mung: yao: mae na24 jo, qo toe' nae". – Ngo re majhid' de, yaug wa nga" dao: macao".Naonhaung" the' gyo" ra" dao: wa nga" dao: mangaid: ngo re nhao: ke' ra" pho" dao: ngaid: ra".25 Ngo wa naonhaung" we' daga" na shi" au: mae" dao: cegu: re ta" kyo: co' va". –26 Nga" mang mae nhao: ke' nae" nhag' tang" yaug shao gyang" Obedse solo wa ja: cao jab naonhaung" re mho" shid' li" nae". Ngo naonhaung" re ta" kyo: co' gu: alhab' naonhaung" re dam: myid: beim: nae"27 nyain: byid' li" nae". – Yaug yo ru ngo nao- nhaung" mae to: byid: co' va". Nga" yaug yo: ru naonhaung" re byid: va". Ngo byid' ra" ngaui bau: yaug yo wa myid kin re byid' ra" ru" ru mangaid: . Naonhaung" myid re:28 damyo: ge, kaug' re: dakaug' ge, . – Ngo lo" byaug ngaid qere: naonhaung" jhao" dam: li" nae" ein: ngo lhaung" ta" rure naonhaung" gyo: veko" ru we' dakhyo: naonhaung" ngo re jhid' de, ko" ngaid: re wa pho" jhao" lo" ru naonhaung" ngaui bau: genae" ngaid: ra". Khoru: ein: re pho"29 wa ngo tho' mae je: qi" ra" – Airu: boe" li" lao" naonhaung" lam" nae" tau: maboe" shi: mae" ana" ngo naonhaung" re ta" kyo:30 co' ra". – Ana" mae" thao khyo ngo naon- haung" we' myo: sho' dao: maqhug' jho" jhau lo: nae". Pe" mung: ein: re ce: myid kin: zug: wa jhao" li" ava". Yao: wa nga"31 dao mae pe" kheim: so' maqo". – Ngo wa pho" re jhid' de; ru rere: pho" ngo re kheim: vhin: ra" khyo: ngo kaid' ru rere: myid kin ba nae" tau: cejo, qo mae" to" mung: ye" lo" gelang: se, .