1 Yesu wa lai loe, poe joe" nae" khyaug' ba ca" shi" au: Lazaru re yao: daui: to" ke' ra" Bethani vogaung: khyo dam: joe"2 lo: ra". – Yao: bam wa Yesu re myi" xeim lham: da" ko" ra". Matha wa zag mo" kaid' byid: mung: AsAng: nhae mae Lazaru re: bo: zaung: jo; ra".3 Mari wa gyai phug' de; ra" sag' xau gyang" sam xe kye' tang: ci li" mung: Yesu khyid mae gyaid byid: mung: yao" xae: yang boe, byid' ra". Aimung: xau sheim nae: ru wa yham byang" yoha: ngaid: ra". –4 Naungcao qe mae" yao: re qhaug' pye' nae"5 yaug Yudaskarud wa – Phug' de; ra" xau re sam yo: yang aung: mung: sho: jhin: ra" mo,6 re pe" mung: magae byid'? . – Yao: airu: ga: mho: ru wa myaung sho: mo, re gaung yug yang: ta" ru mangaid: yao: wa naungcao: qe: ngaui zam: yaug ngaid mung: ke' to" ra" ngaui mae" khug' myho" zo" min: mung:7 ta" ru ngaid: ra". – Yesu wa ngaid shao: ga: ngo re nyhang" nyhab' shaung nae" ba na8 tau: ai: xau re qaung" to" ava". – Myaung sho: mo, wa naonhaung" we' khonhae" re: daga" ana: . Ngo wa naonhaung" we' khon- hae" re: na: na nae" mangaid: ga: ta" ra".9 Yesu Bethani mae na: rure ba lao" Yesu yao: re myao nug: tho' mago" shid: ru mae" dam: daui: li" ra" Lazaru rere: myao nug geyang: Yuda qe ajham ataung zang" ye"10 ako". – Yuda byu qe wa Lazaru re qang11 yang: ye" lo" ako". – Yesu re lam khug: ra" mathao khin jaung qe wa Lazaru rere: se' pye' nae" tau: qham: ako".12 Thao: ba re Yesu wa Yerusalem vo gaung: khyo joe" li" rure poe vao byu mo,13 mo" thaui: the' gyo: lao" – Yao: bam wa zhun:palun: kyao khyug' ci mung: ye: tug: yu yang: Hosana AsAng mang mae" joe" li" ra" yaug wa nga: lho" veshao: wo". Israel jhaung zug: wa nga: lho" veshao: ga: paug'14 yang: zag: hug' ako". – Jham: dao: mae bo: ru wa o" Ziun zomyi: zo: we" dagy-15 aug daci". – Qu" wa, ni" jhaung zug: wa zaung myao: nau" jui: yang: joe" li" ra" ga: tung" to" ru we' dakhyo: za: ngaid: va". –16 Ce: akhyo re saoqhid' re yao" naungcao qe maba: gyo: ko". Ngaid qere: Yesu phung bao qo" yu thao re volo byu qe yao: re ai: re" ru: kaid' ko" ru wa yao: we' tin: yang: jham: paug' mae tung" to" ru we' dakhyo:17 za: ngaid va" ga: beim" ako". – Yesu wa Lazaru re lab khug mae" dam: daui: to" yu: ra" au: mae bo na: ra" volo byu qe wa paug' lo geyhag' sagso: kham: na: ako". –18 Yao: wa airu" mug' pho" mau" kaid' ra" ga" rure volo byu qe the' gyo: yang: AsAng re19 li" tug: yu: ako". – Phareshe' qe wa qu" ge, ngonhaung" khoru: re: matho' ba: kaid' lo: mang: byu alhab' yao" bo: de; lo" veko" ga: yao: cao: yao: jho" ta" ako".20 Poe mae pa" caung: nae" ga: li" ra" mo,21 mae Helini qe daqhae: bo: ra". – Ai bam Galile mang: Bedsaida: vogaung: mae" Philib jhao" ye: mung: ngonhaung" Yesu22 re qhug' nug: ra" ga: li" ta" ako". – Philib wa Andare re ye: ta" mung: yao: tao wa23 Yesu re ye: ta" ako". – Yesu wa Byu: yao: zo: phung bao baug thug' li" nae" yo, joe"24 va". – Ngo jhaug' za: ta" kyo: geli". Gaug ce' wa myid mae gyo" mung: maqeim" lo" re yao: dace' za: jo; ra". Qeim" lo" lao" she, yaug: li" mung: ashi: myo: sho' zaui" li"25 ra". – Yao" kao re o: byid: ra" yaug wa kao seim" nae". Ce: myidkin mae yao" kao re pe" shui manhao: ra" yaug kam" wa apyaid26 ato: kao so' qo" nae". – Nga" mau" zaui: yaug wa nga" thao cao" shao: . Nga" mau" zaui: yaug wa ngo na: tau na: li" nae". Nga" mau" zaui: yaug ngaid: re ai: yaug re pho"27 yang nga: yhe' li" nae". – Ana" ngo myid myo" na: ra". Ngo khoru: ein: tho' ta" nae" i"?. Pho" we" ein: mho nae" i"?. Ceru" ayo, mae" khyaid' yu la, akhyo: jo, yang:28 za: ai: ayo, joe" li" va". – Pho" we" ni" mang khyao: re khin" ra" ga: ta" ra". Alao" mug: gaung mae" thoe wa nga" mang re ngo khin" va". Xo' mung: khin: shi: nae"29 ga: jhau: ra". – Ai: tau mae ham: na mo, ai: thoe re gyo: lao" daqhae: wa mug: dam: dam" kyi: daqhae: wa mug: logyo: yao: re30 li" jhau sam" ra" ga: mho: ako". – Yesu wa yao: bam re thoe ai wa nga" tau: mae" mangaid: naonhaung" tau: mae" angaid: . –31 Ana" myidkin re dao: phyid' nae" ayo, joe" va". Myidkin: zug: re: ana" yao: khe' thug'32 pye' ru qhug' nae". – Ngo wa myid gaung: dao mae tau: yhe' to" ru qhug' lao" byu alhab' mo, re ngo jhao" lao" lhang: yu nae"33 ga: mho: ra". – Yao: airu: ga: ta" ru wa yao: khoru: shid nae" rure aqab re qang yang: ta" ru ngaid: ra".34 Volo byu qe wa Khristu wa apyaid ato na nae" ga: tarha" paug' mae bo: rure ngon- haung" gyo" qu". Aire nao wa byu: yao: zo: re tau: yhe' to" ru qhug' nae" ga: pe" mung: mho: . Byu: yao: zo: ai wa khag' ngaid:35 ra" ga: myid' ako". – Yesu wa yao: bam re bo" bao wa naonhaung" we' dazab za: ana lo: nae". Bo" bao jo, shi" au: su: ge, airu: mangaid: lao" mug: caid' wa naonhaung" re nghoe' lo nae". No, tang: lang" caid' khug mae su" qin" yaug wa khai: khyo ye" lo"36 rure yao: maba. – Bo" bao: yao: zo: boe" nae" tau: mae" bo" bao jo, shi" au: ai: bo" bao re lam" ge,. Ailao" bo" bao: yao: zo: re: boe" genae" ga: bin: ta" lao" yao: bam mae"37 vho' lo" byaug: ra". – Yesu wa yao: bam: qhid' kheim: mae mug' pho" mau" aja: ja: kaid' qhu" ngaid qere: yao: re malam" ko".38 Lapa Esaia pa dao: wa o" AsAng we" ngonhaung" ta" ra" dao: re kho yaug ba: lam" nae". Mo"so: qam: o: kho yaug re qhu" nae" i"?ga" dao: dang: lo: ru ngaid:39 ra". – Lapa Esaia mho: to: shi" ru wa_40 Yao: bam myo, mamyao nhag' magyang: ave, matha" yao: bam: no mapho byid: byid: wa yao: bam: myo, jid: jo, genae". nhag' caid' re: caid' genae" ga" ra" pa dao" yang yao: bam malam" ko" ngaid:41 ra". – Esaia wa Yesu phung bao re myao mung: yao: we' tin: yang: dao: cegu: pa:42 ru ngaid: . – Ngaid qere: ade, qe myo: sho' mo, wa yao: re lam" ako". Phareshe qe: yang yao: bam zang" ham jao: mae" khe' thug' pye' genae" rure gyaug geyang: de:43 de: za: makhae: yu qaid ko". – Yao: bam wa Mo"so: yang khin" nae" tho' mae byu yang khin" nae" rure je: o: ako".44 Yesu zag: hug' yang: ta" ru wa ngo re lam" ra" yaug wa ngo re lam" ru za: mangaid: ngo re nhao: ke' ra" yaug re lam"45 ru angaid: . – Ngo re myao: ra" yaug wa ngo re nhao: ke' yaug re myao: ru ngaid; . –46 Ngo wa myidkin khyo li" ra" bo" bao ngaid: . Ngo re lam" ra" yaug wa mug: caid'47 khug mae masu: nae". – Nga" dao: re gyo: yang: macao" mo, re ngo dao: phyid' nae" mangaid: . Pe" mung: ein: re myidkin re dao: phyid' nae" ein: li" ru mangaid: myid- kin re kao byid: nae" ein: li" ru angaid: . –48 Ngo re ha: pye' yang: nga" dao: re makhae: yu yaug re dao: phyid' nae" dayaug na: ra". Ngo ta" ra" dao: kheim" yang yao: lo" thao"49 ba mae yao: re dao: phyid' li" nae". – Pe" mung: ga" re ngo wa ngo yao" nhag' myid khyo" za: ta" ru mangaid: ngo re nhao: ke' ra" nga" pho" wa pe" ta" pe" jhau nae" rure amyin" byid' to" ra". Mo"so: amyin" dao: wa apyaid ato: kao so' ngaid: ru re ngo ba:50 ra". – Aimung: ngo ta" ru wa nga" pho" yang ngo re ta" nhao: gu: re ta" ru ngaid: ra" ga: mho: ra".