1 Bethani vogaung: mae" Matha we' Mari nhae tao: yao: nhaung: Lazaru mang:2 ru no: na: ra". – Mari wa AsAng re khyid mae mura xau gyaid byid: mung: yao" xae:3 yang boe, byid: yaug ngaid: ra". – Yao: bai: tao wa AsAng re nao gyai jhid' de; ra" yaug4 no: na: ra" ga: dao: pyang: ke' ako". – Ai: dao: re Yesu the' gyo: lao" ai: no wa shid nae" no mangaid: . Ai: yang Mo"so: yao: zo: nga: qo" nae" we' Mo"so: phung bao re qhu" byid: nae" tau: ngaid: ga: ta" ra". –5 Yesu wa Matha , Mari we' Lazaru nhae6 tao ho' re gyai jhid' de; ra". – Lazaru no: na: ru qhug' gyo: ngaid qere: ai: mae shid'7 ba na co' ashi". – Ai: thao Yesu wa naung cao qere Yuda mang: khyo dam: lo" gelang:8 se, ga: ta" ra". – Yao" naung cao qe wa AsAng Mo"so we" ana" gyo: shi" Yuda qe nao re laug baui: yang pye' nae" ga: seim" ko" re AsAng ana" dam: lo" nae" ga: ata"9 i"? ga: mho: ako". – Yesu wa daba mae yo, qug: daxe: shid' yo, bo: mangaid: i"?. Byu dayaug wa na" dao: gaung mae khyo su" re atha: athu maboe". Khoru: ein: re myidkin10 gye, geim" mae ba bao zag: to" ra". – Myi" re su: yaug wa bo" mabao yang: atha: athu11 boe" ra". – Nyhao: nhaung" banam Lazaru wa yab mo" myid' jo; ra" ngo yao: re lo"12 nhug' nae" ga: ta" ra". – Naungcao qe wa AsAng we" yao: za: ayab: jo; re dam: so"13 li" naeva" jhao" ga: tug' mho: ako". – Yesu wa Lazaru shid va" rure ata" re naungcao qe wa khonhae" re: lhaung" yab: rure jho:14 ako". – Airu: mung: Yesu wa yao: bam re15 Lazaru wa shid va" ru angaid: – Ngo ai: mae mana: dau: ru wa naonhaung" lam" genae" tau: mae" ngaid mung: ngo ngaui bau" ra". yao: jhao" ana" ye" lo" gelang: ga:16 ta" ra". – Demug ga: mang: ra" Thoma wa byincao: qere nyhao: nhaung" re: AsAng we' daga" bo: shid nae" tau: mae" cao" lo" gelang: ga: ta" ra".17 Yesu joe" lo" ra" au: Lazaru wa lab mae18 nyhab' to" ru byid ba ngaid va". – Bethani vo wa Yerusalem: vo mae" shid' dain: kho19 va" ra". – Yuda qe myo: sho' mo, wa yao: maung: mathao mae Matha we' Mari tao re nhag' tang" dao: ta" nae" ga: zang" li"20 ako". – Matha wa Yesu joe" li" na: rure the' gyo: lao" yao: re ye: tug: yu: ra". Mari wa qe, khug mae zaung: na: jo; ashi".21 Matha wa AsAng we" nao cemae na: ngaid: re wa nga" maung mashid nae". –22 Ana" shid: jo; ru ngaid qere: Mo"so jhao" nao pe" mho' pe" qo" ru re ngo gaigai: yao: lam" ra" ga: ta" ra".23 Yesu wa ni" maung dam: daui: to" li"24 shi: nae" ga: mho: ra". – Matha wa lo" thao" ba byu alhab' dam: daui: to" li" nae" ayo, mae to" li" nae" ein: rure ngo ba: ga:25 tau" ra". – Yesu wa ngo wa dam: daui: to" nae" akhyo we' daui: na: ra" kao ngaid va". Ngo re lam" ra" mo, wa shid ngaid qere:26 adaui: na nae". – Ngo re lam" mung: kao daui: ra" mo, alhab' re: shid: ru khonhae" re: ma qhug' nae". Dao: ceru re nao lam" i"? ga: myid' ra".Matha wa lam" ra" AsAng27 we" ga: mho: ra". – Nao wa myid kin khyo joe" li" ra" Mo"so: yao: zo: Khristu ngaid: rure ngo lam" va" ga: yao: re dam: ta" ra". –28 Matha ai: gu: bin: ta" lao" yham khyo dam: tug' lo" yang: mho" pho" wa li" va". Nao re qho: na: ra" ga: yao: nhaung: Mari re sab29 za: lo" khai: ra". – Airu: the' gyo: lao" Mari wa phyaid za: to" mung: AsAng jhao" ye"30 lo" ra". – Ai: au: Yesu wa vogaung: khyo mavao lo shi: Matha li" tug: ra" jo, qo mae31 na: ashi". – Mari we' daga" yham mae na mung: yao: re nhag' tang" dao: jhau: ra" Yuda qe wa Mari phyaid za: to" thug' ye" lo" rure myao lao" yao: lab mae ye: ngug: na neva" ga: jho mung: yao" thao cao" ye"32 lo" ako". – Mari wa Yesu na: jo; ra" jo, qo joe" we' yao: re myao lao" yao" khyid qao: mae goe, mung: AsAng we" nao cemae na: ngaid: re wa nga" nhaung: mashid nae" ga: ta" ra".33 Mari we' yao" thao cao" ra" Yuda qe ngug byid ngug nhe' we' yao: jhao" joe" li" ko" rure Yesu myao lao" nhag' ngai: ru34 nhag' kaug' myid we' – Mao re khai: mae to: ko" i"? ga: myid: lao" AsAng ye: qu" wa,35 ga: mho: ako". – Yeau wa saung" kaug'36 yang: ngug byid thug' li" ra". – Yuda qe wa qu" ge, yao: wa Lazaru re gyai jhid' de,37 nhaung i"? ga: mho: ako". – Da qhae: wa myo, mamyao yaug re myo, qo" phung" byid' ra" byu ce yaug wa Lazaru re mashid lo: sho' maqo" kaid' nae" laug? ga: ta" ako".38 Yesu wa nhag' kaug' ru we' lab khyo ye" lo" ra". Ai: lab wa laug khyaung lab ngaid: ru we' laug the" yang tau: jhid' to"39 ako". – Yesu wa laug the: re tau: pye' ge, ga: ta" ra". Alao" shid yaug: yao: nhae: mo" Matha wa AsAng we" sheim nae: byaug naeva". Yao: re nyhab' to" ru byid ba va"40 ga: ta" ra". – Yesu wa nao lam" ngaid: re Mo"so: phung bao the' myao: nae" ein: ta"41 va" mangaid: i"? ga: mho: ra". – Ai lao" ai: laug the: re tau: pye' ako". Yesu wa mug: khyo tau: qu" mung: nga" pho" we" nao nga" dao: gyo: byid: mung: ngo nao42 re jeju so: caung: khin" ra". – Nao khon- hae" re: nga" dao: tae" gyo: byid' rure ngo ba ngaid yang: re: ngo re nao: yang nhao: ke' rure lhang" kham" to: ko" ce: byu qe lam" vegeshao: yao: bam: Jeju tau: mae"43 ngo cegu: mho' ra" ga: ta" ra". – Airu: bin: ta" we' Lazaru we" to" thug' li" wa,44 ga: qi: sho' zag: yao: ke' ra". – Alao" shid va" yaug wa khyid lo, mae pin: cug' yang myag: to" ru we' myo, khung: mae re: mai cug' yang thab' to" ru to" thug' lo: ra". Yesu wa pheim: ke' ge, yao: sho' sho' za: su" lo" veshao: ga: mho: ra".45 Ai:au: Mari jhao" li" ko" ra" Yuda qe myo: sho' wa Yesu zaui" ra" mau" re myao46 lao" yao: re lam" lo: ako". – Damyo" wa Phareshe qe jhao" lo" mung: Yesu zaui" ra" mau" re lo" zhao: kyo" ako".47 Ai: au: khin jaung qe Phareshe qe we' lau: de; zug: mo" qe re khai: zhang: yang: ngonhaung" khoru: kaid' nae" i"? byu ceyaug wa mug' pho: mau" gyai yao:48 kaid' qhu" ra". – Yao: re airu: za: nha: to" re wa mang: byu alhab' mo, yao: re lam" lo" naeva" myao: . Alao" Roma qe li" mung: nyhao: nhaung" mang: we' nyhao: nhaung" byu damyu" geim" re li" se' pye' mung: nyhao" pa" jhaung: yham rere: li" phyo' pye' byid' li" genae" ga: byin phyo:49 qham: ako". – Ai: zin shi" khin jaung yin" aya: qo" ra" Kayapha wa naonhaung"50 maba ko". – Ngonhaung" byumyu" alhab' majeim" lo" nae" tau: mae" byu dayaug za: byu qe: tau: shid: ru wa je: gai: ra"51 mangaid: i"? ga: myid' ra". – Yao: airu: ga: ta" ru wa yao" myid khyo" ta" ru mangaid: ai: zin mae khin jaung yin" kaid' yaug ngaid mung: Yesu wa byumyu" qe: tau: mae" shid ca" nae" rure Lapa dao: ta" ru52 ngaid: ra". – Yuda byumyu" qe: tau: mae" za: mangaid: myid gye, geim" mae byo: sin" na: ra" Mo"so: yao: zo: qere daphung: za:53 mae zhang" yu nae" tau: ngaid: ra". – Ai: ba mae" yao: bam wa Yesu re se' pye' nae" byin nyo; to" ako".54 Airu: mung: Yesu wa Yuda qe: phaung mae de: de: za: ma na: qhu" lo: ai mae" phao: thug' yang: seyo we' jhao" ra" mug: Ephrem vogaung: khyo ye: mung: yao"55 naungcao qe we' daga" ye: na: ra". – Yuda qe: lai loe, poe joe" li" va". Vo zo: vo zang mae" mo, yao: yao" gaung kyang" shao nae" tau: mae" Yerusalem khyo do, lo" ako". –56 Yao: bam wa Yesu re qho: ako". Pa" jhaung: yham avai: ayae mae" byu damyo" wa yao" akhyo re naonhaung" khoru: ein: myid ko". Yao: poe khyo li" nae" laug i"? ga: yao: cao:57 yao: jho" myid' ako". – Khin jaung qi: qe we' Phareshe qe wa yao: re qo" myhag' yu nae" tau: mae" yao: khai: tau mae na: rure ba yaug wa li" ta" kyo: ge, ga: amyin" byid' to" ako".