1
Yesu wa jhaug' za: ta" geli". Yao khyae khug khyo kham: dung: khyo" mangaid: lo: getau khyo" do; lhoe" vao li" mo, wa khug'2
zo: phyo' zo: mo, ngaid: ra". – Kham: dung: khyo" vao yaug wa yao zaung" yaug3
ngaid: ra". – Kham: lhaug' yaug wa yao: re kham: phung" byid' ra". Yao: wa yao" yao dau: khao: ngo" mang khai lao" yao" thoe4
re gyo" se" ako". – Yao jham re jhui" thug' lo" au: qhid' khyo su" ye" lo" mung: yao jham wa yao" thoe re gyo" se" mung: yao"5
thao cao" ako". – Su: ge je: thoe re wa yao: bam magyo" se" mung: macao" lo: phao:6
tao" lo" ko" ra" ga: ta" ra". – Yesu wa dao: tau" cegu: yao: bam re ta" qere: yao: bam maba: gyo: ngaid: ako".7
Ai mung: Yesu wa ngo naonhaung" re jhaug' za: dam: ta" geli". Ngo wa yao8
kham: dung: ngaid: . – Ngo mali" shi: mae" li" ra" mo, wa khug' mo; qe we' cang tau: qe ngaid: ako". Yao jham wa yao: bam:9
thoe re matae" gyo: ko". – Ngo wa kham: dung: ngaid: . Ngo khyo" vao: ra" yaug wa gug: gam: ru qhug' mung: thug' lo" vao lo" mhin: nau" ra" gyo, zo: jao: myao nae". –10
Khug' mo; wa khug' nae" se' nae" phyo' zo: nae" ga: li" ru ngaid: . Ngo kam" wa yao: bam: kao qo" nae" we' magain: mago" kao so' qo" daui: na genae" qhid' mae" joe" li"11
ru ngaid: . – Ngo wa gai: ra" yao zaung" yaug ngaid:. Gai: ra" yao zaung" yaug wa yao jham qhid' mae" yao" kao re dain: pye'12
ra". – Yao sang mangaid' ra" lao jhao: wa zagne li" qo myao lao" yao jham re nha co' mung: phao: lo" thao zagne wa yao jham re13
she zo: yang: khe' sin" pye' co' ra". – Lao jhao: wa o: kaung phug' qo" nae" za: zaui: so: mung: yao jham re pe" gaung mayug. –14
Ngo wa gai: ra" yao zaung" yaug ngaid: ra". Nga" pho" wa ngo re ba: . Ngo re: nga" pho" re ba: . Ai we' dakhyo: ngo wa nga" yao jham re ba: .Yao jham re: ngo re ba:15
ako". – Yao qe: tau: mae" nga" kao re byid'16
pye' ra". – Ce: yao khyae mae mabo shi" ra" yao getau re: ngo qo" shi". Yao: bam re ngo jhui" yu nae". Nga" thoe re yao: bam tae" gyo: mung: yao khyae dalam: yao zam:17
dayaug za: na nae". – Ngo wa nga" kao re dain: pye' mung: dam: qo" yu nae" ngaid mung: nga" pho" wa ngo re jhid' de; ra". –18
Nga" kao re khag' yang re: ma qo" lhaid' pye' nae". Ngo yao" nhag' myid khyo" dain: pye' nae". Dain: pye' mung: dam: qo" yu nae" akhang" ngo qo" ra". Akhang" ai wa nga" pho" mae" ngo qo" yu: ga: ta" ra".19
Dao: cekheim: mae Yuda qe dalhang20
dam: byo; gao" ako". – Byu qe wa yui vao yaug ngaid: ra". Ko" yaug ngaid: ra" yao" dao: re pe" mung: cetae" gyo" na: ako". –21
Daqhae: wa yao" dao: wa ko" yaug: dao: kheim: mangaid: . Yui wa myo, jid yaug re myo, qo" myao nhao nae" i"? ga: mho: ako".22
Ai: ayo, xaung: gaung ngaid mung: Yerusalem mae pa" jhaung: yham qhaug'23
yo, ngaid: ra". – Yesu wa pa" jhaung: yham nhae mae" Solomon ga" ra" bang"24
do, ginbyae: mae su" lhau: ra". – Yuda qe li" lhang" kham" ci mung: nao wa khomyhao" joe" sho' ngonhaung" re aug' o: nhao nae"?.Nao Khristu ngaid lao" wa ngonhaung" re khyang: khyao za: ta" kyo:25
la, ga: mho: ako". – Yesu wa ngo ta" va" naonhaung" she, malam" ko". Nga" pho" mang mae" ngo zaui" ra" mau" zo" jham wa nga" akhyo sagso: kham byid' ra". –26
Ngaid qere: naonhaung" malam" ko".Pe" mung: malam" ein: re naonhaung" wa nga" yao zhain mae" ma ngaid: . Lai: lo" va" yo,27
ngo ta" ru we' dakhyo: – Nga" yao jham wa nga" thoe tae" gyo" ako". Ngo yao: bam re ba mung: yao: bam re: nga" thao28
cao" ako". – Ngo yao: bam re apyaid ato: kao byid' to: yang: yao: bam khonhae" re: byo; qeim: ru qhug' nae" mangaid: . Nga" lo, mae" yao: bam re khag' yang re: maqo"29
lhaid' yu nae". – Ngo re ai: yao jham re byid: yaug nga" pho" wa alhab' tho' je: qi" ra". Khag' re: ai: yao jham re nga" pho" lo,30
mae maqo" lhaid' yu nae". – Ngo wa nga" pho" we' da dang: dalam: za: va" ga: ta"31
ra". – Ai: au: Yuda qe wa yao: re pye' nae"32
ga: laug baui dam: gaug: ako". – Yesu wa ngo wa nga" pho" mae" mau" gai myo: sho' ngo naonhaung" re zaui" qhu" va". Mau" zo" ai: gu: mae" kholam: khyo" yang ngo re laug baui: yang pye' nae" ein: ko" ga: myid'33
ra". – Yuda byu qe wa gai: ra" mau" zo" mathao mae" nao re pye' nae" mangaid: . Mo"so re khyoe' dao: ta" yang: angaid: . Nao byu za: ngaid: to: yang: Mo"so lho34
yhe' ra" ga: nhag' yo" ako". – Yesu wa naonhaung" wa Mo"so jham ngaid: ein: ngo ta" ru naonhaung" tarha" paug' mae35
tung" to" ru mangaid: i"?. – Jham: dao: re magai: ngag: pye'. Mo"so: dao: re qhug' gyo" yu: ra" mo, re mo"so jham: ein:36
mhang" ngaid: re – Pho" yang kyang" shao: pye' mung: myidkin khyo nhao: khyo" ke' qhug' yaug ngo Mo"so: yao: zo: ein: ta" ru mung: Mo"so re khyoe' dao:37
ein: gai: ta" i"?. – Nga" pho" mau" mazaui:38
ngaid: re wa ngo re dalam" ge, . – Ngo re ma lam" yang: re: ngo zaui" ra" mau" re lam" ge, . Alao" pho" wa ngo mae na: ru ngo re: pho" mae na: ru ba: myao: beim"39
li" genae". – Ai: au: AsAng re myhag' nae" ga: seim" lo gelao" yao: bam: lo, gyo: khyo" phao: thug' lo" ra".40
Yohan Babtizan: byid' qhid: ra" Yodain: gyaung: thoete' khyo dam: gau" de; ye"41
ra". – Byu myo: sho' mo, zang" li" mung: Yohan wa mug' pho: pe" makaid' ngaid yang: re: ce: yaug: akhyo yao: ta" ra" dao:42
wa alhab' dang: ra" ga: ta" ra". – Ai mae byu myo: sho' mo, wa AsAng re lam" lo: ako".