1 Khyo mae su" qin" au: yao: myhi" aung mae" myo, jid: ra" byu dayaug re myao:2 ra". – Naungcao qe wa AsAng Mo"so we" ce: yaug yao: myhi" aung mae" myo, jid: ru wa khoyaug: qobo yang i"? yao" qobo: yang i"? myhi" pho" qobo yang i"? ga: yao:3 re myid' ako". – Yesu wa ceyaug yao: yao" qobo: yang re: mangaid: myhi" pho" qobo re: mangaid: . Mo"so: phung bao bao:4 myhao" nae" tau: angaid: . – Na" ayo, bo shi" au: ngo re nhao: ke' yaug: mau" re ngo zaui: ca". Khoyaug re: mau" maqo" zaui:5 lo" myi" ayo, joe" lo nae". – Ngo myid gye, mae na shi" au: ngo wa myid kin: bo" bao6 ngaid: ga: ta" mung: – Myid zhai: mae khata: phoe" tag' yang: tham: bab' yang7 myo, jid' mae gyaid byid' ra". – Nao lo" wa, se, Silem qid lhao: mae myo, ye: cid' wa, ga: ta" ra". Silem ga" ra" dao: wa nhao: ke' ga" ru ngaid: .8 Yham kyo: cao: qe we' qhid' phyao: yao: re myao: qu" ra" mo, wa ceyaug wa zaung: jo, yang: lhaung" mho' zo: yaug mangaid:9 i"? ga: myid' ako". – Daqhae: wa ngaid: ra" ga: damyo" wa mangaid: myo, khung: jho" dau yang: angaid: ga: ta" ako". Yao: wa ngo10 ai: yaug yao: ngaid va" ga: ta" ra". – Yao: bam wa ni" myo, khoru: myao: ga: myid'11 ako". – Yao: wa Yesu ga: mang: ra" byu dayaug: yang tham: bab: lhag' yang: nga" myo, mae gyaid byid: yang: ngo re Silem qid lhao: mae ye: cid' wa, ga: lao" ngo ye:12 cid' re myao: li" ru ngaid: ga: ta" ra". – Byu qe wa yao: khai: khyi" mae na: ga: myid: gelao" yao: wa ngo maba ga: mho: ra".13 Myo, jid yaug re yao: bam wa14 Phareshe" qe jhao" jhui" ye" ako". – Ana" Yesu wa tham: bab: lhag' mung: yao" myo, re phung" byid' ra" ba wa dug no: ba ngaid:15 ra". – Alao" Phareshe qere: ni" myo, khoru: myao: li" ra" ga: myid' ako". Nga" myo, mae tham: bab: gyaid mung: ngo ye: cid' pye' lao" nga" myo, myao: li" ra" ga: yao: bam16 re ta" kyo" ra". – Phareshe daqhae: wa byu ceyaug wa Mo"so mae" li" ru mangaid: khoru: ein: re dug no: ba re maphug' myao: damyo" wa qobo qo" ra" byu ngaid: re wa ceqhi" ceru" ru maba: kaid' nae" ga: yao:17 cao: jho" ngag: byo: sin" lo" ako". – Yao: bam wa ni" myo, re phung" byid: yaug re nao khoru: ein: jho: na: myo, jid yaug re dalhang dam: myid' ako". Myo, jid yaug wa lapa ngaid: ra" ga: ta" ra".18 Yuda byu qe wa yao: myo, jid gau na: li" mung: dam: myao: ra" ga" rure malam" mung: yao: myhi" yao: pho" tao re khai: yu19 yang: – Ceyaug wa nao tao: yao: zo: ngaid: i"?. Aung mae" myo, jid gau khau: ga" ru20 dang: i"?ga:myid' ako". – Yao: myhi" yao: pho" tao wa ceyaug ngo tao: yao: zo: ngaid: va". Myo, jid gau khau: li" ru dang va". –21 Yao: ana" myo, khoru: dam: myao: li" rure ngo tao maba. Yao" myo, re khag' yang phung" byid' rure ngo tao maba. Yao: re myid: ge, yao: re: nhag' bo: va". Yao" khyo22 yao: ba: ta" kyo: va" ga: ta" ako". – Yao" myhi" pho" tao wa Yuda qere gyaug yang: airu: ta" ako". Pe" mung: ein: re khag' ngaid yang: re: Yesu re Khristu ga: khae: yu lao" ham phaung mae" khe' thug' pye' nae" ga:23 Yuda qe jho" phyo" vang" to" ako. – Airu: mung: yao" myhi" pho" tao wa yao: qi: va"24 yao: re myid: ge, ga: ta" ru ngaid: . – Ai mung: myo, jid: qu" yaug re dalhang dam: khai mung: Mo"so re caung: khin" wa,. Byu ai: yaug wa makhyang: yang: qobo qo" su25 ngaid: rure ngonhaung" ba: . – Yao: qobo qo" maqo" ru ngo maba . Qhid' phyao: ngo myo, jid: , ana" ngo myo, myao: ai: gu: za:26 ngo aba: ga: ta" ra". – Yao: bam wa nao re khoru: kaid' byid' ra" ni" myo, re khoru: phung" byid' ra" ga: dam: myid: gelao" ngo dalhang ta" va". naonhaung" maba: gyo:27 ge, i"?. – Pe" mung: dalhang dam: gyo: nug ko". Yao" naungcao boe" nug ko" i"?28 ga: ta" ra". – Yao: bam wa myo, jid yaug re gaui qu" yang: nao wa yao" naungcao ngaid: ra". Ngonhaung" kam" wa Moshe29 naungcao angaid: . – Mo"so wa Moshe re jhau: rure ba: byu ceyaug wa khai: khyo" li" rure ngonhaung" maba ga: ta" ako". –30 Yao: khai: khyo" li" ru maba ngaid yang: re: yao" yang nga" myo, phung" byid' ein: ta" kyo" na: re maba: gyo: ko" ga" ru wa mug'31 zai yao: angaid: . – Makhyang: mo; dao: re Mo"so matae" gyo: byid: ga" rure nyhao: nhaung" ba gau va". Mo"so re phug' myao: mung: yao: o: khyo: cao" byid: yaug: dao:32 re gyo: byid' ra". – Khau: li" mae" myo, jid yaug re myo, myao nhao: ga" ru wa mug:33 thug' saopeim mae" magyo" qu". – Byu ce yaug wa Mo"so mae" li" ru za: mangaid: re pe" qo" kaid' zai mangaid: ga: yao: bam re34 dam: mhao: ra". – Nao qobo gaung khau: li" ru angaid: re ngonhaung" re dam: mho" na: i"? ga: mho mung: yao: re deim" geim: thug' ke' ako".35 Yesu wa myo, jid yaug re khe' thug' ke' ko" ra" akhyo re the' gyo: lao" qho yang: qhug' we' daga" nao wa Mo"so: yao: zo:36 re lam" i"? ga: myid' ra". – AsAng we" ngo yao: re lam" nae" tau: mae" Mo"so: yao: zo: wa khag' ngaid: ra" ga: myid' ra". –37 Yesu wa yao: re nao myao: qu" va". Nao we' jhau: na: ra" yaug yao: ngaid va" ga:38 ta" ra". – AsAng we" ngo lam" va" ga: ta"39 mung: yao: re goe; pa" ra". – Yesu wa myo, mamyao mo, myo, myao: li" nae". Myao mo, wa myo, jid boe" nhao nae" ein: ngo myidkin khyo tarha" pyam" nae" tau: gyo"40 li" ru ngaid: ga: ta" ra". – Alao" yao: we' daga" na: bam ko" ra" Phareshe qe daqhae: wa aire the' gyo: lao" ngonhaung" myo, jid mo, ngaid: ra" i"? ga: yao: re myid' ako". –41 Yesu wa naonhaung" myo, jid mo, ngaid: re wa qobo maqo" gezai ngaid: ra". Ngaid qere: naonhaung" wa myo, myao: ra" ga: geyang: naonhaung" qobo dang: jo; ra".