1 Yesu wa zhanlun: bam khyo ye" lo"2 ra". – Thao: ne, kao pa" jhaung: yham khyo dam: ye" ra". Byu ajham ataung yao: jhao" zang" ham: li" gelao" yao: wa zaung:3 jo, yang: mho" shid' na: ra". – Jham: ba pho" qe we' Phareshe qe wa su: lao shaid' na: ra" myiqe: dayaug re myhag' jhui" li" yang: phaung gaung: mae yhe' to: mung: –4 AsAng Mo"so we" myiqe: ceyaug wa su: lao shaid' na: au: ye: qhug' myhag' yu: ru5 ngaid: . – Ceru" mo, re laug baui: yang pye' se' ge, ga: Moshe tarha" paug' mae ngon- haung" re amyin" byid' to" ra". Ana" nao6 khoru: ein: nae" ga: myid' ako". – Airu: ga: myid: ko" ru wa yao: re qobo zhaug' nae" khyo: myao nae" tau: mae" AsAng re lag yu: qu" ru ngaid: ra". Yesu wa goe, mung: lo, nyhug' yang myid gaung mae7 thug' khyang" na: ra". – Yesu re alhang lhang paug' myid: gelao" AsAng wa tau: qu" mung: naonhaung" mae" qobo maqo" ein: yaug shi" pye' qhid ge, ga: ta" ra". –8 Aimung: yao: goe; gam" yang: myid gaung9 mae dam: thug' khyang" na: ra". – Ai: dao: re the' gyo: lao" yao: bam qobo qo" mo, ngaid: rure yao: yao" nhag' khug mae beim: mung: qi: yaug mae" ngai: thao" yaug joe" sho' dayaug: thao dayaug jhug' phao: thug' lo" ako". Alao" Yesu dayaug za: dang: na mung: myiqe: myhi" re: ai: mae ye; jo, shi"10 ra". – Yesu wa dam: tau: qu" mung: myiqe: myhi" we" are ana" yao: bam khai: khyo lo" veko"? nao re khag' yang re: dao: maphy-11 id' ko" i"? ga: yao: re myid' ra". – Myiqe: myhi" wa AsAng we" khag' yang re: dao: maphyid' ko" ga: tau" ra". Ngo re: nao re dao: maphyid' nae" lo" se, ana" mae" qhid' khyo qobo dadam: kaid: lo: ga: ta" ra".12 Dalhang Yesu wa ngo wa myidkin: bo" bao ngaid: nga" thao cao" ra" yaug wa mug: caid' khug mae masu: lo: kao so' bo"13 bao qo" genae" ga: ta" ra". – Phareshe qe wa nao wa nao yao" khyo sagso: kham: yu mung: ni" sagso: wa madang ngaid: ra" ga:14 ta" ako". – Yesu dam: phaug' tau" ru wa ngo wa ngo yao" khyo sagso: kham yang: re: nga" sagso: wa dang: ra". Pe" mung: ein: re ngo wa khai: khyo" li" mung: khai: khyo dam: lo" nae" rure ngo ba: ra".15 Naonhaung" kam" maba ko".Naon- haung" wa byu gaung re qu" yang: dao: phyid' ako". Ngo kam" wa ai ru: dao:16 maphyid'. – Ngo dao: phyid' qere: nga" dao: phyid' ru wa dang: ra". Khoru: ein: re ngo wa ngo yao: za: mangaid: ngo re nhao: ke' ra" nga" pho" wa ngo we' daga" na: . –17 Naonhaung" tarha" mae re: byu shid' yaug ta" ru zhaung: lao" dang: ra" ga: tung" to"18 ako". – Ngo wa ngo yao" khyo re sagso: kham yaug ngaid mung: ngo re nhao: ke' ra" nga" pho" re: nga" akhyo sagso: kham:19 ra". – Ailao" yao: bam wa ni" pho" wa khai: mae na: i"? ga: yao: re myid: gelao" Yesu wa naonhaung" ngo rere: nga" pho" rere: maba ko" ngaid: ra". Ngo re ba ko" ngaid: re nga" pho" rere: ba genae" ga: mho: ra". –20 Dao: cegu: re pa" jhaung: yham mae" alu: ngaui ke' qe, mae ta" ru ngaid: ra". Yao" ayo, majoe" shi: mung: yao: re khag' yang21 re: mataung: ngaid: ako". – Thao dalhang Yesu wa ngo wa lo" byaug naeva". Naon- haung" wa ngo re qho genae". Yao: yao" qobo mae re: shid genae". Ngo lo" ra" jo, qo khyo re: naonhaung" majoe" genae" ga:22 ta" ra". – Ai: au: Yuda qe daqhae: wa ngo lo" ra" jo, qo khyo naonhaung" maqo" joe" genae" ga: ta" ru wa yao" gaung re thug' shid23 nae" ngaid: sam" ra" ga: ta" ako". – Yesu wa naonhaung" wa o: zhao" mae" mo, ngo wa tho' zhao" mae" yaug ngaid: naonhaung" wa myid gaung mae" mo, ngaid: ako". Ngo24 wa myid gaung mae" mangaid:. – Airu: mung: naonhaung" wa yao: yao" qobo mae shid genae" ein: ngo ta" ru ngaid: . Khoru: ein: re ngo wa ngo ngaid yaug ein: rure naonhaung" malam" gelao" yang wa naonhaung" yao" qobo mae dang dang shid25 genae" ein: ngo ta" ra". – Airu: ga: lao" nao khag' ngaid: i"? ga: yao: bam dam: myid' ako". Ngo nao-nhaung" re lhaung" ta" ru we' dakhyo: ngo ngaid yaug ngaid: ra" ga:26 dam: phaug' tau" ra". – Naonhaung" re ngo qobo vhin nae" khyo myo: sho' qo" ra". Ngaid qere: ngo re nhao: ke' ra" yaug wa dang jhaug' ra" yaug ngaid: . Yao: mae" the' gyo" ra" gu: re za: myidkin re ta" kyo" ru27 angaid: ga: mho: ra". – Yesu wa yao: pho" akhyo ta" rure yao: bam maba: gyo: ko".28 Airu: mung: Yesu xo' ta" ru wa Byu: yao: zo: re naonhaung" tau: yhe' to: lao" za: ngo ai: yaug ngaid: ru , ngo wa nga" nhag' myid khyo" za: pe" makaid' lo: nga" pho" ngo re mho" byid' ru we' dakhyo: ngo jhau:29 na: rure naonhaung" ba genae". – Ngo re nhao: ke' yaug wa ngo we' daga" na: ra" ngo re za: na veshao: ga: pho" wa maphao: lhae" to: co'. Khoru: ein: re yao: o ngaui:30 khyo: ngo khonhae" re: kaid' na: . – Ai: gu: ta" kyo" lao" byu myo: sho' mo, yao: re lam" lo: ako".31 Yesu wa naonhaung" nga" mung dao: mae tang: na: ru ngaid: re nga" naung cao32 agyang" boe" nae". – Aimung: dang main" rure ba mung: ai: dang main" ru: yang naonhaung" re lhoe' ke' nae" ga: lam khug:33 ra" Yuda byu qere mho: ra". – Yuda byu qe wa ngonhaung" wa Abraham zo: myid: qe ngaid: su: jeim dalhang madoe; qu" pe" mung: lhoe' ke' ru qhug' genae" ein: ba: ta" i"? ga: myid' ako". Yesu wa ngo dang34 dang mho geli". – Qobo kaid' mo, alhab'35 wa qobo: jeim ngaid: ra". – Jeim wa yham mae mana. Zo: kam" khonhae" re: na:36 ra". – Airu: mung: zo: wa naonhaung" re lhoe' ke' lao" naonhaung" wa dang dang37 loe, genae". – Naonhaung" Abraham zo: myid: qe ngaid: rure ngo ba ngaid qere: naonhaung" ngo re se' pye' nae" khyo qho: na: ako". Pe" mung: ein: re naonhaung"38 nga" dao: manug: tae" gyo: ko". – Nga" pho" we' daga" na: au: ngo myao: ra" rure ta" ra". Naonhaung" wa naonhaung" pho" mae" the' gyo" ra" khyo" kaid' ako"39 ga: ta" ra". – Yao: bam wa Abraham: wa ngonhaung" pho" ngaid: ra" ga: dam: ta" ako". Yesu wa naonhaung" Abraham: zo: qe ngaid: ru dang: ngaid: re Abraham: ave,40 cao" li" genae". – Mo"so mae" the' gyo" ra" dang main" tarha" re naonhaung" mae xo' hau" kyo: yaug re se' pye' nae" khyo qho:41 ako". Abraham wa ai: ru: makaid'. – Nao- nhaung" wa naonhaung" pho" ave, asam" cao" na ko" ga: mho: ra". Yao: bam wa ngonhaung" wa dae zo: qe mangaid: ngo nhaung" pho" dayaug za: aqo". Ai: yaug wa Mo"so yao: ngaid: ra" ga: zag: hug' ako". –42 Yesu wa Mo"so naonhaung" pho" ngaid: re wa ngo re jhid' de, genae". Khoru: ein: re ngo wa Mo"so mae" thug' li" mung: cemae joe" na: . Ngo yao" nhag' myid khyo" joe" li" ru mangaid: ngo re yao: nhao: ke' ru43 angaid: . – Ngo ta" ra" dao: re naonhaung" pe" mung: maba: gyo: ko" i"?. Nga" dao: re manug: tho' tae" gyo: geyang: ngaid: ra". –44 Naonhaung" wa naonhaung" pho" ga" ra" yui mae" thug' li" mo, ngaid: ru mung: yao: o: ra" khyo" cao" nug: ako".Yao: wa saoqhid' maqhid mae" byu se' yaug ngaid mung: dang main: ru mabo.Yao: wa mhug' dao: za: ta" ru mae genhae" mae" ave, yao: ngaid: ra". Mhug' hab' ngaid mung: mhug' ru mae kao bau: ra". Mhug' dao: ta" mo; yao: pho" re: ngaid: ra".45 Ngo wa dang jhaug' ra" dao" yang ngo46 re malam" ko". – Naonhaung" nga" qobo re khag' qo" ceim" shid' genae". Ngo dang jhaug' ra" dao: ta" ngaid yang: re: ngo re47 pe" mung: malam" ko" i"?. – Mo"so we' tin" ra" yaug wa Mo"so: dao: gyo" ra". Nao-nhaung" wa Mo"so we' matin: yang:48 yao" dao: magyo: ko". – Yuda qe dam: ta" ru wa nao wa samari byu ngaid mung: nao mae yui vao: ra" ein: ta" ru zao" va"49 mangaid: i"?. – Yesu wa ngo yui vao yaug mangaid: nga" pho" re ngo nga: yhe' ra". Naonhaung" wa ngo re khyoe' ako". –50 Ngo wa nga" tau: mae" myo, nho qho: ru mangaid: . Nga" tau: myo, nho qho byid: ru dayaug na: ra". Yao: wa dao: phyid' yaug51 ngaid: ra". – Ngo gaigai: yao: ta" geli" nga" dao: cao" ra" mo, alhab' wa shid: ru khon- hae" re: maqhug' nae".52 Yuda qe wa nao yui vao yaug ngaid: rure ngonhaung" jhaug' za: ba va". Abra- ham we' lapa qe shid: byaug veko". Airu nao wa nga" dao: gyo" cao" mo, wa kho- nhae" re: shid: ru maqhug' nae" ga: ta"53 ra". – Ngonhaung" pho" Abraham tho' mae nao je: qi" i"?. Lapa qere: shid: byaug veko". Nao wa nao yao" gaung re khoru:54 ein: jho: na: ga: myid' ako"?. – Yesu wa nga" gaung re ngo yao: nga: yhe' ngaid: re wa nga" myo, nho wa pe" mangaid: ngo re nga: yhe' yaug wa nga" pho" ngaid: ra". Ai: yaug re yao: naonhaung" wa ngo nhaung"55 Mo"so ngaid: ga: naonhaung" ta" ako". – Ai qere: yao: re: naonhaung" maba ko". Ngo wa yao: re ba: . Ngo yao: re maba ein: ta" re ngo re: naonhaung" we' dakhyo: mhug' yaug boe" nae". Ngo yao: re ba mung: yao"56 dao: re gyo" cao" na: . – Naonhaung" pho" Abraham wa nga" ba na re myao nae" gyai kao bau: ra". Yao: myao yang: ngaui bau"57 ra" ga: ta" ra". – Yuda qe wa nao ngo" xe zin lao" majoe" shi: re Abraham re myao:58 qu" va" i"? ga: dam: myid' ako"?. – Yesu wa ngo jhaug' za: ta" geli" Abraham mana shi: mae" ngo wa na va" ga: dam: phaug'59 tau" ra". – Alao" yao: bam wa AsAng re pye' se' nae" ga: laug baui gaug; ako". Yesu wa yao" gaung re vho' pye' mung: yao: bam: phaung mae" lai: to: co' mung: pa" jhaung: yham mae" yho" thug' lo" byaug; ra".