1 Ai: thao Yesu wa Galile mang: mae su" kam" qin" ra". Yuda qe Yesu' re se' nae" ga: qho geyang: Yuda mang: mae manug:2 su" kam" qin" ngaid: ra". – Ai: au: Yuda qe khin zaung poe joe" li" yang: yao: nhaung:3 bam wa – Nao kaid' ra" mau" zo" jham re ni" thao cao" mo, myao vegeshao: ce: jo, qo mae" thug' mung: Yuda mang: khyo4 ye" lo" wa, . – Ham: hung: re o: ra" yaug wa azug' avho' khag' malhaung" kaid' ko". Nao cenho" mau" zaui: nae" ngaid: re wa myidkin gye, geim" ba nae" khyo: de: de: za: kaid' qhu" wa, ga: Yesu' re mho: ako". –5 Yao: nhaung: qe lao" yao: re malam" ko"6 ngaid: ra". – Yesu wa yao: bam re nga" ayo, wa majoe" shi: naonhaung" ayo, kam" wa7 khonhae" re: joe" gau ngaid: ra". – Myidkin wa naonhaung" re nhag' gyid' ru mangaid: ngo re za: nhag' gyid' ra". Khoru: ga" re yao: bam magai: ra" ave, asam" re ngo paui:8 qhu" shid' byid: yang: ngaid: ra". – Ai: poe khyo naonhaung" do, ge, ngo mado, lo"9 shi: nae". – Nga" ayo, majoe" shi: ga: ta" ra".Yesu wa airu: ga: ta" mung: yao: wa Galile mang: mae na: thang co' ra".10 Yao: nhaung: qe do, lo" gelao" sab za:11 yho" do, lo" ra". – Yuda qe wa ai: poe mae Yesu re khotau na: ra" laug ga: qho: ako". –12 Ai: byu phaung mae yao: we' tin" akhyo gyai jho" so' na: ako". Da myo" wa byu gai angaid: ga: ta" ako". Daqhae: wa mangaid: yao: wa byu jham re jhui" nghung" lo" ra"13 ga: ta" ako". – Ngaid qere: Yuda zug: qere gyaug geyang: yao" khyo re de: de: za: khag' mavae" ta" ko".14 Poe gaung" ba mae Yesu wa pa" jhaung: yham khyo do, ye: mung: mho"15 shid' na: ra". – Alao" Yuda qe wa mug' ru we' ceyaug wa mamho" zhao: yu: qu" ru airu" juyi khai: mae" ba: laug i"? ga: mho:16 ako". – Yesu wa ngo mho" shid' dao: wa nga" dao: mangaid: ngo re nhao: ke' yaug17 dao: angaid: . – Ai: yaug o: ru cao" nug yaug kam" ce wa Mo"so: mung dao: ngaid: i"?. Ngo wa ngo yao: o: khyo: ta" ra" dao:18 i"?ga" ru ba: kho' khaui: genae". – Yao" nhag' myid' khyo" ta" yaug wa yao" myo, nho qho: ru ngaid: ra". Yao: re nhao: ke' ra" yaug; myo, nho qho yaug kam" wa lam ga" yaug ngaid: ra". Yao" aung khug mae19 apyag' asham" mabo. – Moshe wa naon- haung" re tarha" byid' to" ma ngaid: i"?. Ai: tarha" re naonhaung" mae" dayaug re: maqo" cao" ko".Ngo re se' pye' nae" pe"20 mung: qho ko" ga: ta" ra". – Byu phaung mo" qe wa nao mae yui vao: ra". Nao re se' pye' nae" tau: khag' qho: ra" i"? ga: dam:21 tau" ako". – Yesu wa ngo mau" daja: shi" zaui" qhu" re naonhaung" mug' na: aveko"22 ga: tau" ra". – Moshe wa naonhaung" re nyaug phyid' li byid' to" ra". Moshe mae" qhid: ru mangaid: phug' kai: qe mae" gyo" lo: ru angaid: . Amung: dug: no: ba mae23 nyaug phyid' ako". – Moshe tarha" re mashaid' lo: dug no: ba mae byu re nyaug gai: phyid' re dug: no: ba mae ngo wa byu dayaug: gaung geim" re gai: nhao: ra" ru: yang naonhaung" ngo re nhag' yo" ako"?. –24 Myo, nho qho yang: dao: daphyid' ge,. Dang main" ra" khyo" dao: phyid' ge, ga: yao: bam re ta" ra".25 Yerusalem byu daqhae: wa se' pye' nae"26 ga: qho: ru ceyaug mangaid: i"? – Qu" ge, yao: wa myo, dakyug ta" kyo" ra". Ngaid yang: re: yao: re pe" maga: ko". Ceyaug yao: Khristu ngaid: rure zug: qe ba vege27 sam" ra". – Ngaid qere: ceyaug khai: mae" ngaid: ru ngonhaung" ba va". Khristu joe" li" au: yao: khai: khyo" li" ru re aqao: qag28 maqo lo: ga: mho: ako". – Yesu wa nao- nhaung" ngo re ba: ako". Ngo khomae" ngaid: rure: ba: ako". Ai qere: ngo wa ngo o: khyo: joe" li" ru mangaid: . Ngo re nhao: ke' yaug wa dang main" ra".Ai: yaug29 re naonhaung" maba ko". – Ngo kam" wa ba: ra". Khoru: ein: re ngo yao: mae" li" ru ngaid: . Yao: re: ngo re nhao: ke' ru ngaid: ga: pa" jhaung: yham mae hug' yang:30 yang: mho: na: ra". – AsAng re myhag' yu nae" seim" ako". Ngaid yang: re: yao" ayo, majoe" shi: mung: yao: re lo; yang khag'31 maye: de; zaui: ko". – Volo byu qe mae" myo: sho' mo, wa yao: re lam" lo veko". Ai bam wa Meshia li" lao" byu ceyaug tho' mae je: myo" ra" mug' pho: mau" re zaui" qhu" li" nae" i"? ga: ajho" mho: na: ako".32 Volo byu qe Yesu akhyo re airu: jho" ta" na ko" rure Phareshe qe we' khin jaung qe qhug' gyo: lao" yao: re myhag' yu nae" gug:33 gam qere nhao: ke' ako". – Yesu wa ngo naonhaung" we' dazab zo: za: na mung: ngo re nhao: ke' ra" yaug jhao" lo" byaug34 zai va". – Naonhaung" wa ngo re qho gengaid yang: re: maqhug' genae". Ngo na: ra" khyo re: naonhaung" qo" joe" li" genae"35 mangaid: ga: ta" ra". – Yuda qe wa ngon- haung" mamyao lo: sho' ceyaug khai: khyo ye" lo" nae" i"?. Byo: sin" lo" ra" Helini qe jhao" ye: mho" byid: nae" ga: sam" ra". –36 Naonhaung" ngo re qho ngaid: yang: re: mamyao genae". Ngo na: ra" jo, qo khyo re: naonhaung" maqo" joe" genae" ga: mho: ra" dao: wa pe" ga" ru ngaid: laug i"? ga: yao: cao: jho" ta" ako".37 Poe gaung: lo" thao" ba re Yesu wa ye; jo, mung: qid shab' ra" yaug khag' ngaid38 qere: ngo jhao" li" shaug' geri: . – Jham: dao: mae ngo re lam" ra" yaug wa kao bo: ra" qid gyaung: yao" aung khug mae" yug:39 thug' lo" nae" ga: tung" to" ra". – Yesu airu: ga: ta" ru wa yao: re lam" ra" mo, the' yu nae" shao gyang" solo re qang yang: ta" ru ngaid: ra". Yesu wa phung bao byid' ru ma qhug' shi: yang: shaogyang" solo mabyid: shi: .40 Airu: ga" dao: qhug' gyo: gelao" phaung: na: ra" mo, mae daqhae: wa ceyaug wa gaigai: yao: lapa ngaid: ra" ga: mho: ako". –41 Daqhae: wa ceyaug wa Khristu yao: ngaid va" ga: ta" ako". Damyo" wa pe" ga: ba: ngaid nae" Khristu ga" re Galile mang:42 mae" thug' li" nae" i"?. – Khristu wa Davi amyu"mae" khau: li" mung: Davi jo, qo Belehem vogaung: mae she, thug' li" nae" ga: jham: dao: mae bo: mangaid: i"? ga: ta"43 ako". – Volo byu qe wa yao" mathao mae byo; sin" lo" mung: damyo" wa AsAng re44 taung" yu nug: ako". – Ai qere: khag' re: mavae" de; zaui: ko" ngaid: ra".45 Ai ru: gug: gam qe joe" lo lao" ai: yaug re pe" mung: majhui" lo ko" ga: khin jaung qe we' Phareshe qe lham: myid' ako". –46 Gug: gam qe wa ai: yaug hau" kyo" ru: khag' re: mata" hau" qu" shi: ga: lo" zhao:47 ako". – Phareshe qe wa Naonhaung" lao"48 bo: lam" veko" ma ngaid: i"?. – Zug: qe we' Phareshe qe mae yao: re lam khug mo, dayaug yaug bo: ga" ru gyo" qu" ko"49 i?. – Tarha" re maba gemung: Mo"so: nhang: kheim: qao: mae ngaid veko" ga:50 ta" ako". – Yao: bam: phung: mae" qhid' phyao: AsAng jhao" ye: yaug Nikodi kam"51 wa – Ngonhaung" tarha" wa byu re shi" mamyid: qu" lo: dao: khonhae" maphyid' qu" mangaid: i? ga: yao: bam re myid'52 ra". – Nao re: Galile byu ngaid: i"?. Galile mang: mae" lapa dayaug lao" mathug' qu" shi: .Nao cao" myid' qho: qu" wa, ga: yao:53 re ta" ako". – Aibam alhab' mo, wa yao: yao" yham khyo phao: byo: lo" ako".