1 Ai:thao mataung" myao" re Yesu wa vozo: vozang jham gam: sho' du" qin" mung: Mo"so: mang: din" we' tau" ra" ngaui bau: lau dao: re cao" ta" mho" shid' qin" ra". Naung cao daxe: shid' yaug wa2 Yesu we' daga" bo: cao: qin" ako". – Maky- ang" ra" yui jham we' no phyo: mae" gai: shao: lo" byaug ko" ra"mo, mae"myiqe: damyo" ngaid: ra" yui nhaid' dau: re khe' thug' pye' byid: qhug' ra" Magadala ga"3 Mari. – Herod' yham mae" zug: pho" khuza: yao: myi: Yohana-Susanna: bam we' getau myiqe: myo: sho' mo, re: yao: bam yao" ngaui hhang: yang Yesu we' naung cao qere bao" thaug' byid: mung: bo: cao: lhau: ako".4 Vo khao: vo ngo" mae" volo byu ajham ataung yao: jhao" zang" ham: li" ako".Yesu wa yao: bam re dao: tau" khyo" mho" shid'5 byid' ra". – Qho: vo: myug: shi: sin: su dayaug wa yo mae myug: shi: yesin" ke' re daqhae: wa khyo dang mae gyo" lo" ko" ra". Byu jham zab: nhaug' pye' ru we' ngho' jham: yang gaug zo" pye' ko" ra". –6 Myug: shi: da qhae: myid mathau: ra" laug qain" mae gyo" lo" ako".agae yaug thug' li" qere: myid zhai: mathau yang: kyaug'7 shid: lo" ko" ra". – Daqhae: wa zau: bye, mae gyo" ang ko" ra". Zau: bye, we' daga" yaug: qi" li" mung: zau: bye; yang hab' pye'8 ra". – Amung: myug: shi: daqhae: wa myid myain mae gyo" ang mung: agae yaug qi" li" gemung: bun dayo nho" ashi: zaui" bai" li" ra"ga: mho: ra". Ailao" Yesu wa no: de, ko" re wa gyo" yu ge, ga: mho mung: dao: pin" pye' ra".9 Yao" naung cao qe wa dao: tau" ce pe" nam re ta" nug: i"? dam: myid' ako". –10 Yesu wa tau: mung: naonhaung" wa Mo"so: mang: din" no; thao" khyo re ba: gyo: nae" akhang" Mo"so naonhaung" re byid' to" ra". Ngaid qere: geje wa yao: bam qu" gengaid qere: ma myao gyo: gengaid yang: re: maba: gyo: genae" tau:mae" dao: tau" khyo" yang ta" ra".11 Azhao: mae" dao: tau" wa ceru: ngaid: ra", myug: shi: wa Mo"so: dao: kheim:12 ngaid:. – Khyodang mae gyo" ang: ra" myug: shi: jham wa Mo"so: mung dao: re gyo" yu ge ngaid:qere: khyaid' yu: ru ma qhug' geshao: ga:yui wa yao: bam: nhag' lam: khug mae"mungdao: re yu: pye' byid'13 ru ngaid: ra". – Laug qain" mae gyo" ang: ra" myug: shi: wa mung dao: re the' gyo: mung: ngaui bau: taung" khae: yu veko". Ngaid qere: nhag' kao" mavao" yang: agyi: no, sho' maqo" cin" yang: lag yu: ru thaung" qhug' lao" dam: phaug' lo" mo, ngaid:14 ra". – Zau: bye, mae gyo" ang: ra" myug: shi: jham wa mung dao: re gyo" khae: yu ngaid qere: myid qug: myid ci" ru , Ngaui hhang jo, nho" qo" nug: ru ceta mae" zo: pyo: shaug' pyo: na pyo: ye, pyo" ru: yang nghoe' gam: lo" mung: mo lho" ra" ashi:15 maqo" zaui" ra" mo, ngaid: ra". – Myid myain mae gyo" ang: lo" ra" myug: shi: jham wa ai: mung dao: re nhag' khug mae gyo" khae: yu mung: akao" vao" taung" lam jang" cao" pyang"yang: lalam lakhug mae gang" tang: na mo, ngaid: ako".16 Myi: dam re te' mung: dao" yang mazhaung" lhaung" to: . Yab jaung: gyid' mae re: khoyaug malhaung" to: ko" ngaid: ra". Qe, khug khyo vao li" mo, alhab' myi: bao re myao genae" tau: mae" tao" dao mae17 lhaung" zhaung: kai" to" ako". – Nyham" to" ra" ja: pe" ngaid qere: myao: thug' li" nae".Amung: nghoe' to" ra" ja: nam jham18 re: de: de: za: bao: thug' li" nae". – Airu: mung: lha" ge,. Gelho: za: gyo" xam: ge, qo" yaug re byid' laung: shi: nae". Maqo" ra" yaug mae" wa yao: qo" dau: ra" gu: re lao" yu: pye' byid' ru qhug' shi: nae".19 Yesu yao: myhi" we' yao: nhaung: bam yao: jhao" li" lo: ako". Ngaid qere: mo, phaug' saung" thau yang: yao: jhao" maqo"20 joe" vao ye: ngaid: ako". – Ai ru: mung: taung gaung mae na: ra" mae" dayaug wa Yesu re ni" myhi" we' ni" nhaung: bam nao re qhug' nug mung: taung gaung mae li" ye;21 na: ako" ga: ta" kyo" ra". – Ailao" Yesu wa Mo"so: mung dao: re tae" gyo: mung: cao" pyang" na mo, alhab' wa nga" myhi" nga" mao: nhaung: bam ngaid: ga: mho: ra".22 Dane; re" ba mae Yesu wa yao" naung cao qe re qid dae thoe te' khyo de; ye: gelang: ga: mho lao" yao: bam wa lha dalam: khug khyo vao mung: gau" ye" lo"23 ako". – Yao: bam gau" ye" lo" na: au: Yesu wa lha mae yab: myhid' jo; ra". Ai: tham: mae nyag din taung" la qam" hug' mung: bang: lhung" to" lo yang:lha khug mae qid: be; vhao" byang" li"na: ru yang yao:24 bam gyai din: gyaug: ako". – Naung cao qe wa Yesu re ye: nhug' mung: AsAng we" ngonhaung" wa shid: jeim: naeva" myao:25 wo" ga: hug' ta" ako". – Ailao" yao: wa to" mung: la qam" we' bang: lhung" re qeim: ke' ra". Ayao: jao" la qam" bang: lhung" yo:26 lo" ra". – Ailao" Yesu wa yao" naung cao qe re naonhaung" lam jang" myid wa khai: mae i"?ga: myid' ra".yao: bam wa gyaug: mug' mung: byu ce: yaug wa khoru" yaug ngaid: i"?. Laqam" we' qid dae re lao" amyin" byid: mung: yao" mho dao: gyo" ako" ga:yao: cao: jho" ta" ako".27 Yesu wa Yao" naung cao qe we' Galile" mang: tau" te' mae" Gadara' mang: khyo gau" ye" ako".Yesu taung gaung khyo" su" do, ye" lo" na: au:gyai myao" mae" yui vao yang: ko" na: ra" byu dayaug yao: re li" tug: ra".Ai: yaug wa gaung cin ko" du" qin" ru myao" va".yao: lab bug khaung: mae za:28 na: qin" ra". – Yao: wa Yesu re myao lao" zag: gyi: hug' mung: Yesu khyid qao: mae goe; gam" yang: myhao: thao" ra" Mo"so: yao: zo: Yesu we" ngo nao we' pe" jho" tin" i"?Nao re ngo mho' ra".ngo re dayhin" la, ga: hug' yang: ta" ra".29 Yesu wa ai: yui re yao: mae" thug' lo" wa, ga: amyin" byid' ke' ra".Yui ai wa byu ai: yaug mae myo: sho' lhang vao: jaung" va" ra". Yao" khyid lo, jham re jao co" yang taui: mung: kyam: xao" to: ngaid qere: jao co: re lao" phyid' pye' mung: seyo khyo30 lhaung" keim" ke' ke' kaid' ra". – Yesu wa yao: re ni" mang pe" ga" ru ngaid:?ga: myid' ra".Ailao" yao: wa nga" mang wa Legio ngaid: ga: tau" ra". Pe" mung: ga" re yao: mae bo: vao: jaung" mo, gyai myo: sho'31 ngaid: ako". – Yui jham wa yao: bam re no; thao" ra" jo, qo khyo makhe' khyo" ke' nae" tau: Yesu re mho' ako".Yesu re: yao: bam re akhang" byid' ke' ra".32 Ai:tau mae vo, dajham mo" zang lao: geim: mae baid zo" na: ako". Aru: mung: yui jham wa yao: bam re vo, jham mae ye: vao nae" tau: mae" Yesu re akhang" mho' ako".Yesu wa yao: bam re akhang"33 byid' ke' ra". – Yui jham wa ai:byu mae" phao: thug' lo" mung: vo, jham mae ye: vao: ako".Ailao" ai: vo, jham mo" geim" wa dang" kam" nhaid' mae" qid tham: khyo tao" byae: gyo" lo" gemung: nab: shid: pye'34 ako". – Vo, zam: mo, ai re myao gelao" vo35 khyo tao" phao: zo" ta" hau" lo" ako: . – Vo byu qere: boe" lo: ra" akhyo re myao: ba nug yang: thug' ye" lo" ako".Yesu jhao" yao: bam joe" ye" re yui jham phao: thug' lo" ra" yaug wa mai bau: ve, yang: Yesu nhae mae nhag' gyang: gyang: za: zaung: jo; ru re ye: myao gemung: gyai yao: gyaug: mug'36 ako". – Ai re the' myao: ra" mo, wa volo byu qere ai: yaug wa khore" ru: gai: lo" byaug: rure lham: ta" kyo" ako".37 Ailao" ai: mang: khaung: mae" byu qe wa gyai yao: gyaug: din: pye' geyang: Yesu re yao: bam: jo, qo mae" phao: lo" nae"38 tau: mho' ako". – Ai: yui jham phao: lhaui" to: co' ra" yaug wa ngo re: nao we' daga" cao" qin" nae" akhang" byid: la, ga: mho'39 ra". – Ngaid qere: Yesu wa ni" yham khyo phao: lo" mung: Mo"so nao re khoqhi" bao" thaug' byid' lo: khyo re lo" ta" kyo: wa, ga: yao: re mho mung: nhao: ke' ra".40 Yesu dam: tug' joe" lo lao" volo byu qe alhab' mo, AsAng re lao" na: bam ko" ru mung: AsAng re lham: tug' yu: ako". –41 Ailao" Ya-iru' ga: mang: ra" ham phaung qu" tarha" lau: de, dayaug joe" li" ra".Yao: wa Yesu khyid qao: mae li" goe, yang: yao" yham khyo lhau" li" byid: la, ga: lhaung:42 ra". – Khoru: ga" re daxe: shid' zin bo va" ra" zote: zo: myiqe: nau" shid: lo" na yang: ngaid: ra".Yesu wa ai: yaug jhao" cao" ye" lo" na: au: volo byuthaui: mo" wa yao: re shaid' khao: ngo" khyo" the'43 jhin" ako". – Ai bam: phaung mae daxe: shid' zin lam: lam: sa: sheim mung: no: ra" myiqe: myhi" dayaug bo: ra". Yao: wa qo" ra" gu: gain sho' mocid' pho su qere byid' pye' mung: pho ngaid qere: yao: re khag'44 maqo" pho: gai byid: ge ngaid: ra". – Ai: myiqe: myhi" wa Yesu nhaung thao" khyo qui" ye: mung: Yesu bau: thao mae ye: soe' ke' ra". Ailao" jao" yao" sa: sheim: ru dam:45 lo" byaug: va". – Yesu wa ngo re khoyaug zao" thaung: ko" ga: myid' ra". Yaug khao: ngo" wa khag' mazao" thaung: ga: ha: ako". Petru' wa AsAng we" byu cenho" mo, lhang" gam: khyo" nao re ceim" deim" jhin" na: ako" re nao wa khoyaug zao" thaung:46 ko" ga: myid' ashi" ga: mho: ra". – Ngaid yang: re: Yesu wa dayaug yaug ngo re li" zao" thaung: va". pe" mung: ein: re ngo mae" qam: so' thug' lo" va" ru re ngo beim"47 ra" ga: dam: mho: ra". – Ai: myiqe: myhi" wa yao: kaid' ru re beim: va" ra" ga" rure qu" mung: ko, ko, nin" ru Yesu khyid qao: li" goe, mung: yao: pe" mung: Yesu re the' tin" ra" akhyo we' ailao" jao" yao: no khoru: gai: lo" byaug: ra" khyo re volo byu alhab'48 mo; qhid' kheim: mae ta" kyo" ra". – Yesu wa ai: myiqe: re nga" myiqe: zo: we" ni" lam jang" myid wa nao re gai byid' ava"49 yaug yo za: lo" se, ga: nhao: ke' ra". – Yesu dao: jhau: na shi" au: ham phaung yham qu" shaung yaug: yham mae" byu dayaug joe" li" mung: ni" zo: myiqe: nau" shid va" ra" mho" pho" re danhaung" khoe' lo: ga: ta"50 ra". – Yesu ai re the' gyo: lao" Ya-iru' re pe" gaung dayug lam" za: lam" wa, ni" myiqe: zo: dam: daui: li" zai ngaid: ga: mho: ra".51 Yesu waYa-iru' yham khyo joe" ye: lao" Petru' , Yaku' , Yohan we' myiqe: nau" myhi" pho" tao mae" je yang: khag' re re: yham khug khyo mavao nhao ngaid:52 ra". – Ai:tau mae na mo, wa myiqe: nau" mathao mae kaug' ngug: na: bam ko" ra". Yao: wa dangug ge, ai: zoshao wa mashid yao: wa yab: myhid' jo; ru angaid: ga: mho:53 ra". – Yao: bam alhab' mo; ai: myiqe: nau" shid va" ga" rure ba yang: Yesu re qi: jung"54 ako". – Yesu wa ai: myiqe: nau" lo, re zaui" ci mung: zoshao we" to" wa, ga: yao: ke'55 ra". – Myiqe: nau" wa so' dam: she: li" mung: ayao: jao" dam: daui: li" ra". Yesu wa myiqe: nau" re zo: nam da ja: ja: re byid: zho: nhao: ra".56 Ai: myiqe: nau" yao: myhi" pho" tao wa mug' hao" byaug: ako". Ngaid qere: Yesu wa boe" ra" akhyo re khag' rere: mata" kyo: genae" tau: mae" yao: shid' tao re zug' nhao: ra".