1 Dane; ne, mae Yesu wa Genesared' qid dae yae mae ye; jo; au: byu phaung mo" jham wa Mo"so: mung dao: re tae" gyo: nae" ga: Yesu jhao" jhin" jhe' ye"2 ako". – Ailao" Yesu wa tham: yae mae taui" to" ra" lha shid' khye' re myao: ra". Ngo: kung" mo, lha mae" thug' mung: yao: bam: myho we' geim jham re cid' shaung:3 na: ako". – Ai: lha shid' lam: mae" Simon: lha khug khyo vao ye: mung: Yesu wa lha re gyoegao: mae" qid gaung: shaid' khyo dajhid' zo: qhui" ke' nae" tau: mae" Simon re mho' ra".Yesu lha dao mae zaung: jo, mung: volo byu qe re mho" shid' byid'4 na: ra". – Bin lao" Yesu wa Simon re qid no; ra" khyo qhui" ye: mung: ngo: jham re myhi" yu nae" tau: geim re pye' zaui:5 ke' nhao: ra". – Ailao" Simon wa tau: mung: AsAng we" ngonhaung" amyi damyi khyeim mayab macam: kung" yang: re:ngo: dadau: re: mathe'. Ngaid qere: AsAng: dao: thoe khyo" yang ngo myho re khyo" nae"6 ga: ta" ra". – Yao: bam myho re khyo" ke' mung: ngo: myo: sho' re qo" sham" kung" yu: ako". Ngo: saung" laug yang: yao: tao:7 myho lao" alaug laug jaid: lo" ra". – Ailao" getau lha mae na: ra" yao" byincao: qe re li" bao" yu genae" tau: lo, tu" tu" yang: khai: ako".Yao: bam li" mung: lha shid' khye' geim" alaug laug nab: lo" sho' ngo: qo"8 ako". – Ce: ru re myao lao" Simon wa Yesu khyid qao: mae goe, mung: AsAng we" ngo wa qobo qo" yaug ngaid: . Ngo khyi" mae" phao: lo" wa, ga: ta" ra".9 Simon we' yao" byincao: Yaku' we' Yohan bam alhab' wa yao: bam the' sham" kung" yu: ra" ngo: bam re qu" mug' ako".10 Simon we' ngo: kung" byin cao: ngaid ko" ra" Zebedi yao: zo: Yohan we' Yaku tao re: ai we' dakhyo: mug' ako". Yesu wa Simon re ana" ba mae" thao khyo nao wa byu kung" yaug ngaid: li" nae" ga: mho:11 ra". – Yao: bam wa lha re qid yae mae lo" thang: to: yang: ai jham alhab' re to" pye' co' mung: Yesu thao cao" ako".12 Yesu wa vo davo mae na: na: au: gaung geim" ye, gyaid no de; ra" byu dayaug wa Yesu re myao lao" goe; pa" mung: AsAng we" nao qaid: ngaid: re wa ngo re no qo"13 gai: shao" lo" nhao la, ga: ta" ra". – Yesu wa lo, yheim" ke' yang: yao: re tin: byid: zo" re" ngo qaid: ra" gai shao: lo" se, ga: ta" ra". Ailao" jao" ye, gyaid no gai: shao"14 lo" byaug: ra". – Yesu wa yao: re ce: akhyo khag' re re: da ta" kyo: shi: ngaid qere: khin jaung pho" jhao" din: za: lo" mung: ni" gaung re yao: re lo" qhu" wa, amung: nao gai: shao: lo va" khyo byu qe: tau: sagso: boe" veshao: Moshe' amyin" byid' to" ra" xeim: lo" ngaui" byid: wa, ga: mho:15 ke' ra". – Ngaid qe re: Yesu lau thoe wa je: je: hau" nhao" lo" mung: volo byu qe ajham ataung wa yao" mung dao: tae" gyo" yu nae" we' no phyo: gai nhao nae" tau: Yesu16 jhao" zang" ham: li" ako". – Yao: wa cae: tae" ra" seyo khyo ye" lo" mung: jhaung: ye: mho' ra".17 Dane; re" ba mae Yesu mho" shid' na: au: Yuda, mang: Galile" mang: vogaung: khao: ngo" mae" mo, we' Yerusalem: mae" joe" lo ko" ra" Phareshe" we' jham: ba pho" qe wa ai: tau mae zaung: na: bam ko" ra".No phyo: gai byid: nae" qam: so'18 Yesu mae bo: ra". – Qu" ge, byu daqhae: wa khyid lo, shid: ra" byu dayaug re yab qo we' daga" Yesu jhao" dao: li" ako". Ai: yaug re Yesu jhao" jhui" joe" nae" khyo19 qho: ako". – Ngaid qere: mo, paug' saung" thau: ru: yang yao: bam wa ai: no yaug re yham dao khyo dao: do, lo" mung: mhao: mug: khao: re tau: qhid' pye' yang: yab qo geim" we' mo, phaung gaung: Yesu qhid'20 kheim: mae yhoe" khyo" ke' ako". – Yao: bam: lam khug myid re myao lao" Yesu wa ai: khyid lo, shid yaug re lau: de, pho" we" ni" qobo re khyaid' pye' byid: va" ga: mho:21 ra". – Phareshe" qe jham: ba pho" qe wa Mo"so re ceru: khyoe' dao: jhau: ra" yaug khoru" byu ngaid: ra" i"?. Mo"so mae" je yang: qobo re khoyaug qo" khyaid' byid' i"? ga: nhag' khug mae myid: qu" na: bam:22 ako". – Yesu wa yao: bam: aung khug mae ai ru: myid: qu" na ko" ru re ba yang: naon- haung" ai ru: pe" mung: myid: qu" na ko" i"?.23 Kholam: shi" ta" nae" ni" qobo khyaid' pye' byid: va" ein: ta" nae" je: laui: i"? mangaid: lao" to" ye, yang: su" lo" wa,24 ein: ta" nae" je: laui: i"?. – Ngaid qere: Byu: yao: zo: wa myid gaung: dao mae qobo khyaid' byid: nae" kheim: so' qo" yaug ngaid: ru re qhu" byid: geli" ga:mho mung: ai: khyid lo, shid yaug re ngo nao re mho li" to" wa, ni" yab qo dang" vo, mung: yham khyo phao: lo" wa, ga: mho:25 ra". – Aijao" yao: khyid lo, shid yaug wa yao: bam alhab' mo; qhid' kheim: mae to" ye; li" mung: yab qo re gaug: dang" vo, mung: Mo"so re caung: khin" zo" yham26 khyo phao: lo" ra". – Yao: bam wa matho' mho lo: sho' gyaug: mug' ru we' ana" ba ngonhaung" mug' pho" mau" zo" re the' myao va" ga: ta" mung: Mo"so re caung: khin"ako".27 Ce gu: boe" thao mae Yesu wa dam: su" ye" lo" re Levi ga: mang: ra" yaug khang: gaug jao: mae zaung: na lao"ru re myao lao" yao: re nga" thao cao" wa, ga: lhaung:28 ra". – Livi wa zai alhab' re to" pye' co'29 mung: Yesu thao cao" ra". – Livi wa yao" yham mae Yesu re bang" da" poe qi: yao: kaid' ra". Ai:poe mae khang: gaug mo, myo: sho' getau: bang" vo qe myo: sho' mo, we'30 daga" zo zo" na: ako". – Amung: Phareshe" qe we' jham: ba mo, wa yao" naung cao qe wa khang: gaug mo, makhyang: mashab: ra" mo, we' daga" zo qhain: zo" ako" ga:31 gaui qu"ru we' nyung: na:ako". – Ailao" Yesu wa yao: bam re qao" zin" mo, macid' pho: su maca" ko" ngaid: ra" no mo, za:32 aca" ako". – Dang main: va" mo, re khai nae" ein: li" ru mangaid: qobo qo" ra" mo, re nhag' lam: tha" lhag' nhao nae" tau: ngo li" ru angaid: ga: phaug' tau" ra".33 Byu damyo" wa Yesu re Yohan: naung cao qe we' Phareshe" qe wa dazab makyo zo: shaug' jao" jhaung: mho' mung:kaid' ako". Ni" naungcao qe wa zo: yang: shaug'34 yang: za: ana: ako" i"?.ga: ta" ra". – Ailao" Yesu wa yao: bam re myivhin" poe mae" bang" vo qe wa pho" sag' we' daga" na shi" au: yao: bam re zo:shaug' zang: nhao35 genae" i"? magai: zang: nhao nae". – Ngaid qere: yao: bam: phaung mae" pho" sag' re li" jhui" ra" bana joe" li" nae". Ailao" kam" yao: bam zo: shaug' zang" li" genae"36 ga: phaug' tau" ra". – Yesu wa dao: tau" ceyang re: yao: bam re mai bau: xug' re pin: cug' sag' yang khoyaug mapho ai: khyo: pho lao" pin: cug' sag' yang axug' re lao" zhain: caid' pye' nae". Pho: to" ra" pin: cug' sag' re: axug' we' madau nae". –37 Ai:we' dakhyo: sabyi' qang: asag' re re: sho: qid thaung axug' mae khoyaug re: malhaung" ke' ko" ngaid: ra". Airu: ke' lao" sabyi' qang: asag' yang shoqid thaung xug' re jhin" lhae: ke' mung: sabyi' qang: yug: sheim: lo" mung: sho: qid thaung re: qeim:38 lo" byaug zai ngaid: ra". – Sabyi' qang: asag' re wa shoqid thaung asag' mae ke' to: qo: ra". Ailao" za: thaung we' sabyi' qang:39 shid' ja" geim" maseim nae". – Sabyi' qang: axug' lhaung" shaug' yaug wa sabyi qang: asag' re ma o sabyi' qang: axug' she, agai: ga: ta" nae" ngaid: ra" ga: mho: ra".