1 Tarha" qe, do, phaung geim" alhab' to" yang: Yesu re Pilaid' qhid' kheim: khyo2 jhui" ye: mung: – Ceyaug wa mang: byu qere khyo nghung: jhui" nghung" na: ra".Yao: wa Siza: jhaung zug: re khang" daug make' nae" tau: mae" volo byu qere ta" mung: yao: yao" gaung rere: Meshia jhaung zug: ngaid: ga: ta" na: rure ngon- haung" the' gyo: va" ga: Yesu re qobo3 zhaug' ako". – Pilaid' wa nao Yuda, qe: jhaung zug: ngaid: i"? ga: myid' ra". Yesu wa nao ta" ru we' dakhyo: ngaid: ra" ga:4 phaug' tau" ra". – Ai: thao Pilaid' wa khin jaung qe we' volo byu qere ngo ceyaug mae pe" qobo mamyao ga: mho: ra". –5 Yao: bam wa nhag' je: yo" li" geyang: byu ceyaug wa Galile" mang: mae" ru cemae joe" sho' Yuda, amyu" alhab' mo, re mho" byid: mung: volo byu qe lu" to" li" nae" tau: mae" poe: na yaug ngaid: ra" ga: qam: ke' yang: qobo zhaug' ako".6 Pilaid' wa ai: dao: re the' gyo: lao" yao: wa Galile" mang: byu ngaid: ra" i"? ga:7 myid' ra". – Yesu wa Herod' ug: ra" mang: mae" ngaid: rure ba lao" Yesu re Herod' jhao" dai" ke' ra". Herod' wa ai: ayo, re8 Yerusalem: mae lo" na: jo; ra". – Herod' wa Yesu re myao lao" gyai ngaui bau" ra". Khoru: ga" re yao: wa Yesu akhyo re the' gyo" qu" va"ru mung: Yesu re myao nug: ru myao" ava". Ailao" yao: wa Yesu kaid' qhu" ra" mug' pho: mau" zo" ve, lho daja:9 ja: re myao nae" myid: lao" na: ra". – Airu: mung: Herod' wa Yesu re dao: myid: myo: sho' ja: myid' ra". Ngaid qere: Yesu wa10 matau: ngaid: ra" . – Khin jaung mo" we' jham: ba pho" qe wa qhid' au: khyo qui" ye: mung: Yesu re qi: sho' qobo zhaug'11 ako". – Herod' we' yao" gyezo: qere: jung" ru we' maphug' makhyaid' kaid' ako". Ai:thao yao: bam wa Yesu re mai bau: nyhang" shaung vhe' mung: Pilaid' jhao"12 dam: tug' dai" ke' ko" ra". – Ai: ba mae" Herod' we' Pilaid' wa dam: jho" nyang vang" ako". Qhid' phyao: wa yao: shid' zo: majho" nyang ngaid: ra".13 Pilaid' wa au: she qe- lau: de, khin jaung mo" we' volo byu qere khai: zhang"14 yu mung: – Naonhaung" wa byu ceyaug re mang: byu qere khyo nghung: jhui" nghung" yaug ngaid: ra" ga: ngo jhao" jhui" li" ako". Naonhaung" yao" qhid' kheim: mae ngo yao: re myid' ca: qhu" va".naon- haung" zhaug' ra" qobo daja: re: yao: kaid' shaid' rure ngo mamyao ga: mho: ra". –15 Herod' re: yao" qobo re mamyao ngaid: ra".Ai ru: mung: ngo jhao" dam: tug' dai" ke' ra". Ceyaug wa shid nae" main: qi" ra" qobo daja: re: makaid' shaid' ngaid: ra". –16 Airu: mung: ngo yao: re be, mung: nhao:17 ke' nae" ga: mho: ra". – Pilaid' wa lai loe, poe khao: ngo" volo byu qe: tau: kyam: laung" byu dayaug yaug re lhaung" lhoe'18 ke' byid' ra" li jo; ra". – Volo byu qe wa Yesu re se' pye' wa, Banaba' re ngonhaung" tau: mae" lhoe' ke' byid: la, ga: zag: hug'19 ako". – Banaba' wa vogaung: mae tau: lhain: mau" zo" mae byu se' yang: kyam:20 gyo" yaug ngaid: ra". – Airu: mung: Pilaid' wa Yesu re nhao: ke' nug yang: re: yao:21 bam re dam: myid' ra". – Ngaid qere: yao: bam wa Yesu re pyao: mae jin" se' pye' wa, Yesu re pyao: mae jin" se' pye' wa,22 ga: zag: hug' ako". – Ailao" Pilaid' wa sam lhang ein: lhang yao: bam re pe" mung: se' nae"yao: wa pe" qobo kaid' shaid' ra"? ngo wa yao: re shaid' qobo pe" mamyao. Airu: mung: ngo wa yao: re be, mung:23 nhao: ke' nae" ga: mho: ra". – Ailao" yao: bam wa Yesu re pyao: mae be; jin" se' pye' nae" tau: thoe myhao: thao" mae" zag: hug' ako". Lo" thao" mae yao: bam24 hug' aung: yu: ako". – Aimung: Pilaid' wa yao: bam o: ra" khyo: ngaid shao: ga:Yesu25 re dao: phyid' ke' ra". – Pilaid' wa tau: lhain: mau" we' byu se' mau" yang kyam: lhaung" to" ra" yaug re yao: bam mho' ko" we' dakhyo: nhao: ke' byid: mung: Yesu re wa yao: bam o: ra" khyo: kaid' genae" tau: qhaug' ke' ra".26 Gyezo: jham wa Yesu re she: thug' ye" lo" ako".Yao: bam ye" lo" na ko" au: seyo vogaung: mae" vomo" khyo lo: na: ra" Simon ga: mang: ra" Kureni' byu dayaug re myao: ako".Yao: bam ai: yaug re myhag' yu mung: pyao: re vho' mung: Yesu thao mae su: nhao: ako".27 Volo byu ajham ataung wa Yesu thao cao" ye" ako". Ai:byu phaung mae" myiqe: damyo" wa Yesu tau: kaug' mung: ngug28 byid ngug nhe' we' cao" ye" ako". – Yesu wa yao: bam shaid' khyo lhang:qu" mung: Yerusalem: myiqe: qe we" nga" tau: mae" dangug ge, naonhaung" yao" tau: mae" we' naonhaung" zo: myid: qe: tau: mae" kam"29 ngug ge, wa, . – Khoru: mung: ga" re zo: dau maqo" qu" ra"myiqe: , gaung mala" qu" ra" myiqe: , nug' majhaug' qu" ra" nug' am wa nga: lho" ra" wo" ga: ta" nae" bana joe"30 lo nae". – Ai:ba mae byu qe wa bam jham we" baid: zag: nhai" gela, wo". Bug gaung qang: zo: qang: zang jham we" ngon- haung" re lo: nghoe' bam" pye' gela, ga: ta"31 li" genae". – Pe" mung: ga" re sag' jam: re lao" ceqhi" kaid' ko" re sag' kyaug' re wa khoqhi" kaid' genae" i" ?ga: mho: ra".32 Makhyang: mashab: ra" byu shid' yaug rere: Yesu we' daga" se' genae" ga: jhui" ye" lo" ako".33 Yao: bam wa au: gye; bug ga: mang: ra" jo, qo khyo jhui" ye" ako".Yesu we' makhy- ang: mashab: ra" byu shid' yaug re Yesu lo, yo shaid' mae dayaug lo, kaung: shaid' mae dayaug to: mung: pyao: mae be; jin"34 to" ako". – Yesu wa pho" we" yao: bam: qobo re khyaid' pye' byid: la, pe" mung: ein: re yao: bam wa yao: bam pe" kaid' ko" rure maba ko" ngaid: ra". Bau: qhang re35 pha" khyo" mung: gae: yu: ako". – Volo byu qe ai: tau mae qu" na mo, we' zug: ade, qe wa qi yang: su geje qere wa yao: khyaid' yu: ra".Yao: wa Mo"so: yang: khyin: to" ra" Meshia ngaid: re wa yao: yao" gaung re khyaid' yu veshao: ga: Yesu36 re gaui mho: ako". – Gyezo: qe yao: jhao" qui" ye: mung: yhid jhin qang: byid: jhaug'37 ako". – Nao Yuda, qe: jhaung zug: ngaid: re wa nao yao" gaung re khyaid' yu wa, ga:38 khyoe' dao: ta" ako". – Aimung: yao" au: dao mae re: ceyaug wa Yuda, qe: jhaung zug: ngaid: ra" ga: Grid' , Hebre , Roma' tung" ce' khyo" tung" te' to" ako".39 Pyao: mae be; jin" to" ra" cang tau: shid' zo: mae" dayaug wa nao Meshia ngaid: re nao yao" gaung re lhoe' yu mung: nga" shid' yaug rere: lhoe' yu la, ga: ta"40 ra". – Ngaid qere: getau dayaug wa yao" byin cao: re ta" peim" ra". Nao ce:yaug we' dakhyo: za: qobo dae khae: yu nae" yaug41 angaid: ru Mo"so re magyaug i"?. – Nga" shid' zo: wa nga" shid' zo: yao: kaid' shaid' lhoe" ra" qobo dae khae: yu nae" main: qi" ru we' dakhyo: dao: phyid' ru qhug' va". Ngaid qere: yao: wa pe" mazai" shaid'42 ngaid: ra" ga: qeim: ra". – Aimung: yao: wa Yesu re AsAng we" Nao mug: gaung: mang: din" zhaug' tang nae" tau: mae" joe" li" ra" au: ngo re myid: beim: la, ga: ta"43 ra". – Ailao" Yesu wa yao: re dang jhaug' za: ngo nao re mho li". Ana" ne, yao: nao ngo we' daga" Pharadisu" mae qhug' na: li" nae" ga: mho: ra".44 Na" gaung: kao" ayo, mae" myi" thao tam" sam yo, joe" sho' myidkin dagye, geim" no, sang: kyid mug: caid' lo" byaug:45 ra". – Ba zho sham: lo" mung: pa" jhaung: yham mae" qe, kyo pin: lung: re: shid' gao46 go; lo" byaug: ra". – Ailao" Yesu wa pho" we" nga" kao so' re ni" lo, khyo qhaug' ke' ra" wo" ga:thoe mo" zag: hug'mung: yao"47 kao gyo" lo" ra". – Airu: boe" rure gyezo: dayo ug: ra" zug: pho" myao lao" gai gai: yao: ceyaug wa dang main" ra" yaug dang dang ngaid: ra" ga: mho mung: Mo"so re48 caung: khin" ra". – Ai: akhyo re li" bo: the' myao: ra" mo, alhab' wa qao gao theim49 yang: phao: lo"ko" ra". – Yesu re ba se" ra" mo, alhab' we' Galile" mang: mae" yao" thao cao" ra" myiqe: qe wa va: va: mae ye; jo, yang: qu" na: bam: ako".50 Ai:au: re Yuda, mang: mae Arimathe vobyu Yoseb' ga: yaug na: ra". Yao: wa Yuda, tarha" qe, do, phaung vao byu re: ngaid:, dang main" ra" byu gai dayaug re:51 ngaid mung: – tarha" qe, do, mae dao: phyid' ko" rure mabo: myid vang" yaug52 ngaid: ra". – Yao: wa Pilaid' jhao" ye: mung: Yesu mao gaung re ye: mho' yu:53 ra". – Mao gaung re pyao: mae" khyo" yu yang: phug' de; ra" jid: mo" pin" yang nyhang" thab' mung: laug baui mae kyaung" to" ra" khag' rere: manyhab' qu"54 shi" lab sag' khug mae ye: ke' to" ra". – Ai: ne, wa poe seim" ba re: ngaid mung: dug55 no: ba re: joe" ava". – Yesu we' daga" cao: ra" Galile" mang: mae" myiqe: myhi" qere: cao" ye: mung: lab qo rere: , mao gaung rere: , khokhyo: mhao" to: co' ko" rure qu"56 xam" to: co' ko" ra". – Yao: bam dam: tug' phao: lo" mung: sheim nae pyo" ra" ja: we' Mura: xau lo" nyhang" to: mung: khang" dao: tarha" jo; ru we' dakhyo: dug: no: ba mae mau" mazaui: lo: thang: na: ako".