1 Mung dao: tae" gyo" na: ra" mo, re Yesu wa bin: ta" kyo: lao" Kapranaum: vogaung: khyo vao ye" lo" ra".2 Gye zo: dayo ug: ra" zug' jeim dayaug wa gyai: no: na: ra". Zug: pho" wa ai: yaug re gyai jhid' de; ra". Ai: yaug wa kao gyo" lo"3 na: ava". – Gye zug: pho" wa Yesu akhyo re the' gyo: lao" yao" jeim re no phyo: li" gai byid: nae" tau: ye mho' vegeshao: ga: Yuda,4 qe mae" lau: de, qe re nhao: ke' ra". – Yao: bam wa Yesu jhao" joe" we' Yesu re ce: gye zug: pho" wa nao bao" yu nae" main: qi"5 ra" yaug ngaid: ra". – Khoru: ga" re yao: wa ngonhaung" amyu" re jhid' de, mung: ngonhaung" tau: mae" ham phaung yham dalam: re kaid' byid: yaug ngaid: ra" ga:6 ceim" ta" kyo" ru we' mho' ako". – Amung: Yesu wa yao: bam jhao" cao" ye" ra".Yao:wa yham we' jhao" li" na lao" gye zug: pho" wa yao" byu qere nhao: ke' mung: AsAng we" nao wa aqug: akhai: kaid' yang: ngo jhao" ali" i"? khoru: ga" re nao nga" yham khyo vao li" nae" tau: ngo mamain: qi" yaug7 ngaid: – Ngo yao: re: AsAng jhao" li" nae" mamain: qi". Ngaid yang: re: dao: dakheim: zo: ta" ke' re nga" daui daui yaug wa gai:8 lo" li" nae". – Khoru: ga" re ngo re: kheim: so' qo" ra" gye zug: mo" qe: o mae na: ra" su ngaid: . Nga" o mae gyezo: myo: sho' na: ako". Gyezo: dayaug re ye: wa, ein: lao" ye" ra". Lo wa, ein: lao" lo: ra". Amung: nga" jeim pho" re re: cekaid' wa, ein lao" kaid'9 ra"ga: ta" nhao: ke' ra". – Yesu wa ai: dao: re the' gyo: lao" mug' mung: yao" thao cao" lhau ko" ra" byu jham re lhang: qu" yang: naonhaung" re ngo mho geli". Israel amyu" mae lao" re: ce:yaug: lam khug: myid qhi" bo: ra" yaug ngo mamyao: qu" shi: ga: mho:10 ra". – Nhao: ke' qhug' ra" mo, yham khyo dam: joe" loko" re no: na yaug gai: byaug: ru lo: myao: ako".11 Ai: thao: ba mae Yesu wa Na-in: ga" vogaung: khyo vao ye" lo" ra".Yao" naung cao qe we' byu phaung mo" zang re: cao"12 ako". – Yao: vo kham: dung: mae joe" vao ye" ra" au: su shid' mao dao: thug' li" ko" re myao: ra". Shid yaug wa zo: te: zo: ngaid: ra".Yao: myhi" re: cug' mo" ngaid: ra" vobyu qere: ga" go" zo: myo" ako". Ai13 bam wa yao: we' daga" li" ako". – AsAng wa myiqe: myhi" re myao lao" nhag' qu" khyag' mung: yao: re da ngug ga: nhag'14 tang" ra". – AsAng wa mao gaung khyo te' ye: yang: gaung re soe' qu" ra".Mao dao mo, re: thang byid' ako". Ailao" Yesu wa zolau: zo: we" nao re ngo ta" li" , to"15 wa, ga: mho: ke' ra". – Ailao" sushid wa to" zaung mung: dao: jhau: li" ra".Yesu wa zolau: zo: re yao: myhi" jhao" dam: qhaug'16 byid' ra". – Ailao" yao: bam alhab' mo; geim" gyaug mug' pye' ako". Amung: yao: bam wa ngonhaung" khug mae lapa mo" dayaug bo: thug' li" ava". Mo"so re: yao" byu qe re li" cao" du" kam" qin" ava" ga:17 Mo"so re caung" ako". – Ce: Yesu lau dao: re Yuda, mang: geim" we' avai: ayae khyo hau" nhao"lo" ko" ra".18 Yohan: naung cao qe ai: akhyo alhab'19 Yohan re lo" zhao: kyo" ako". – Yohan wa yao" naungcao shid' yaug re khai: yu mung: yao: tao re Yesu jhao" nhao: ke' yang: .AsAng wa joe" li" yaug ngaid: ra" i"? ai ru mangaid: lao" ngonhaung" geyaug re lao" na shi: zai i"? ga: myid: nhao: ke' ra". –20 Yao: shid' tao Yesu jhao" joe" lao" nao wa joe" li" nae" yaug ngaid va" i"?mangaid: lao" getau dayaug re ngonhaung" myid: lao" na shi: zai: i"?.Qid nyhab' byid: yaug Yohan wa nga" shid' tao re myid: nhao: ke'21 ra" ga: ta" ako". – Ai: ayo, mae Yesu wa no mo, , phyo: mo, , yui de, mo, , re gai byid' ra". Myo, jid mo, re re: myao nhao:22 ra". – Amung: Yesu wa yao: tao re myo, jid mo, myo, myao: ako". khyid qeim mo, su" ako". Ye, gyaid de, mo, gai: byaug: ako". no: jid mo, qo" gyo" ako". Shid mo, dam: daui: li" ako". Amung: myaung mo, wa ngaui bau: lau dao: the' gyo" yu: ako". –23 Ngo re ma-aug' o: yaug wa nga: lho" ra" ga: mho: ra".24 Yohan naung cao tao phao: lo" ge thao re Yesu wa Yohan: khyo we' tin: yang: byu phaung mo" re naonhaung" wa seyo khyo pe" re qu" nae" ein: ye: ko" i"?.La: yang hug' lhaui" na: ra"je jid: gae jham re25 i"?. – Naonhaung" wa gaigai: yao: pe" nam re yequ" ako" nhe"?. Mai bau: gai ve; ra" yaug re i"?.Mai bau: gai ve, mung: ngaui hhang dao mae langa: khyo" na: na mo,26 jhaung zug' yham mae na: ako". – Ngo re ta" kyo: gela, naonhaung" pe" re qu" nae" ein: thug' ye: ko" i"?.Lapa re qu" nae" ein: ko" i"?gaigai: yao: dang: ra" lapa aqi: re naonhaung" wa ye: the' myao: aveko".27 Pe" mung: ga" re jham: tung" mae ngo wa ni" khyo re seim" nyhang" to: nae" tau: mae" nga" logyo: re Ni" qhid' au: mae ngo nhao: ke' nae" ga: Mo"so ta"to" yaug28 ngaid: ra". – Ngo naonhaung" re mho geli".Myiqe: qe mae" khau: li" mo, mae qid nyhab' byid: yaug Yohan: tho' je: qi" ra" lapa dayaug re: mana: qu" shi: ngaid: ra".Ngaid qere: Mo"so: mang: din" mae je: ngai: thao" ra" yaug wa Yohan tho' je:29 qi" ra". – Yohan: dao: re the' gyo" ra" volo byu ajham ataung we' khang: gaug mo, wa yao" lo, mae qid nyhab' khae: yu mo, ngaid: ako". Ai ru: mung: yao: bam Mo"so30 re jao dang yu nhao nug: ako". – Ngaid qere: jham: ba pho" qe we' Phareshe" qe wa Mo"so: yang mho" kyang" khyo re pe" shui manho ngag: lhaui" pye' ge mung: Yohan: lo, mae re: qid nyhab' khae: yu nae"31 ha: pye' mo, ngaid: ako". – Yesu wa xo' mung: ana" ce: ta mae" byu qere ngo pe" nam we' dau tau" nae" i"?.Yao: bam wa pe" we' dau: i"?.32 Yao: bam wa poe go" jao: agaung: mae zaung: qain" bam mung: naonhaung" wa ngonhaung" khulhao: maid qere: mago" ge ngaid: ra". Ngonhaung" ngug yao" yao" ngaid qere: naonhaung" makaug' ngug ko" ngaid: ra". Daphung: we' daphung: zozai" jho" zai" yang: yao: cao: jho" yao: na ko"33 ra" zoshao jham we' dau: ako". – Ngo mho nug: ru wa Yohan wa zo re: mazo: yhid re: ma shaug' ai: ru naonhaung" wa yao: re yui34 de, yaug ga: ta" ako". – Byu: yao: zo: wa zo: yang: shaug' yang: li" lao" naonhaung" wa yao: re zo: shaug' re au: am: yaug qobo qo" mo, we' khang: gaug mo; byin cao:35 kaid' ra" ga: ta" ako". – Ngaid yang: re: Mo"so: juyi laba lajhao wa yao" byu alhab' mo, re dang main: va" ga: jao dang yu nae" ga: mho: ra".36 Phareshe" qe mae" dayaug wa yao: we' myi" xeim zo:nae" ga: Yesu re lhaung: ra". Yesu wa ai: Phareshe" yham khyo vao ye:37 mung: zaung: jo; ra". – Ai: vogaung: mae qobo gyai kaid' ra"myiqe: dayaug na: ra". Yao: wa Phareshe" yham Yesu na: ra" ga" ru the' gyo: lao" nae pyo" xau bo: ra" laug38 phyu thaug' dathaug' yu: li" ra". – AsAng: nhaung thao" khyid qao: mae ngug: ye; jo; ra". Amung: AsAng: khyid re yao" ngug byid re xae: yang cid' pye' byid: mung: yao" xau: yang re: khyid mae boe, byid'39 ra". – Ceru re Phareshe" pho" myao lao" ce:yaug wa lapa gai: gai: dang: re wa yao: re the' tin" na: ra" myiqe: khag' ngaid: ru we' qobo jab ngaid: ru re ba nae" ngaid: ra" ga: yao" nhag' khug mae myid: na:40 ra". – Yesu wa yao: re Simon we" ngo nao re da ja: mho nug: ra" ga: lao"Simon wa mho" pho" we"mho wa, ga: dam: tau"41 ra". – Ailao" Yesu wa ngaui jhid' zo" ra" byu dayaug jhao" jhin de, byu shid' yaug na: ako".dayaug thang: the: ngo" yo kye' jhin de, mung: dayaug wa ngo" xe kye' de;42 ra". – Yao: tao wa ngaui madam: qo" xe' gemung: ai: ngaui sang wa yao: shid' tao: geim" re jhin lhoe' pye' byid' ra". Ailao" ai: shid' tao mae" khoyaug lam: wa ngaui sang re je: jhid' de, nae" laug i"?ga: myid'43 ra". – Simon wa je: laug sho' re lhoe' byid: qhug' ra" yaug ngaid nae" ein: ngo jho: ra" ga: tau" ra". Ailao" Yesu wa nao ta" ru jo44 va" ga: mho: ra". – Yesu wa myiqe: shaid' khyo lhang: lo mung: Simon we" nao myiqe: myhi" re myao: i"?ngo ni" yham vao li" re khyid cid' qid masheim byid: ngaid: ra". Ngaid qere: yao: wa nga" khyid re yao" ngug byid: yang cid' byid: mung:45 yao" xae: yang said' byid' ra". – Nao wa ngo re bobaug malham: baug ngaid: ra". Ngaid qere: yao: wa ngo jao" vao li" mae" nga" khyid re bobaug baug: ru mathang46 ngaid: ra". – Nao wa nga" au: mae xau magyaid byid: ngaid: ra" ngaid qere: yao: wa nga" khyid mae nae pyo" ra" xau gyaid47 byid' ra". – Airu: mung: ngo nao re mho li".Yao: wa myo: sho' qobo re lhoe' byid' ru qhug' mung: je: jhid' kao yaug ngaid: ra".Dajhid' za: qobo khyaid' pye' ru qhug' ra" yaug wa jhid' de, myid dajhid' za: qhu"48 ra". – Amung: yao: wa myiqe: myhi" re ni" qobo khyaid' pye' byid: va" lhe" ga: mho:49 ra". – Zobo" mae yao: we' daga" zaung: jo, mo, wa qobo jham re lao" qo" khyaid' pye' byid' ra" byu ce yaug wa khag' ngaid: i"? Yao: bam: aung khug mae myid: na:50 ako". – Ai mung: Yesu wa myiqe: myhi" re ni" lam khug myid wa nao re khyaid' yu: ava" yaug yo gai" lo" se, ga: mho: ra".