1 Dug no: thao: ba nhaid' ba khug mae" sao qhid' ba ne, seim no' myo, byu byu myao: li" ayo, mae ai: myiqe: qe wa yao: bam nyhang" seim" to" nae pyo" ra" xau jham re ci yang: lab kam: ye" lo" ko" ra". –2 Lab kheim: mae jhid' to" ra" laug the: tau:3 qhui" pye' to: qo ye: myao: ako". – Lab khung: khyo vao ye" ako". Ngaid qere: Yesu mao gaung re yao: bam mamyao ko"4 ngaid: ra". – Yao: bam aire" ru: mug' na ko" au: qu" ge, qhi qhi bao: ra" mai bau: ve; ci byu shid' yaug yao: bam: ayae mae5 li" ye; ke' ako". – Ai: myiqe: qe wa gyaug: din: ru we' goe; na: bam ko" ra". Ai: shid' yaug wa yao: bam re shid: ru mae" dam: daui yaug re sushid to: jao: mae naon-6 haung" pe" mung: qho: na ko". – Yao: wa cetau mae mana lo: daui: to" lo" va". Yao: Galile" mae na shi" au: ta" ra" dao:7 re beim: ge, . – Byu: yao: zo: wa qobo qo" mo; lo, khyo qhaug' byid: qhug' mung: be; jin" se' ru qhug' yang: sam ba ein: ra" ne, mae dam: daui: to" li" nae"ga: yao: naon- haung" re ta" to: va" ga: yao: bam re mho:8 ra". – Ailao" ai: myiqe: qe wa Yesu dao:9 re myid: beim: mung: – yao: bam wa lab mae" dam: tug' phao: lo" yang: ai: akhyo re naung cao daxe: dayaug we' geje rere:10 lo" zhao: kyo" ako". – Naung cao qere lau dao: lo:ta" kyo" ra" myiqe: qe wa Magada- la, Mari' , Yoana, Yaku' yao: myhi" Mari'11 we' getau: myiqe: qe ngaid: ra". – Naung cao qe wa ai: myiqe: qe lo:zhao: kyo: ko" dao: re mageim: angaid: ga: myid gemung: ma lam" ko" ngaid: ra".12 Ngaid qere: Petru' to" yang: lab khyo tao" ye" lo" mung: lab khug khyo ye: gam" qu" ke' re mao gaung re thab' ra" pin: cug' re za: yao: myao: ra". Ailao" yao: wa ai: akhyo re myid: mug' mung: vo khyo dam: tug' phao: lo" ra".13 Ai:ba re yao: bam mae" shid' yaug wa Yerusalem: vo mae" nhaid' dain: kho va" ra" Emaug' vogaung: khyo su" ye" lo" na:14 ako". – Yao: tao wa boe" lai: lo" ra" akhyo15 jham re su: zo" jho" ta" ako". – Yao: cao: jho" ta" jho" myid: mung: ye" lo" na: au: Yesu wa yao: tao: thao khyo te' te' su" ye: mung: yao: tao we' daga" qhain" su" ra". –16 Ai ngaid qere: yao: tao wa Yesu re maqu"17 se" ko" ngaid: ra". – Yesu wa yao: tao re ni" shid' zo: khyo su: zo" pe" nam jho" ta" na ko"?ga: myid' ke' ra". Ailao" yao: shid'18 zo: wa thang: ye; jo, mung: , – Yao: tao mae" Klopha, ga: mang: ra" yaug wa nao wa Yerusalem: joe" li" ra" bang" vo qe mae" ana" gyo: ai: vogaung: mae boe" lai: lo: ra" khyo re maba: ru wa nao dayaug za: angaid19 lo: nhaung ga: ta" ako". – Ailao" yao: wa pe" boe" ra"? ga: myid' ra". Nazared' mae" Yesu akhyo ngaid: ra" mhao". Ceyaug wa lapa dayaug ngaid mung: Mo"so: qhid' kheim: we' byu alhab' mo; qhid' kheim: mae dao: jhau thoe we' lo, mau" zo" qam:20 so' bo: ra" lapa ngaid: ra". – Ngonhaung" khin jaung qi: we' zug: ade, qe wa yao: re shid nae" khyo" dao: phyid' gemung:21 pyao: mae be; jin" se' pye' ako". – Yao: wa Isreal amyu" re khyaid' yu nae" yaug ngaid: ein: myid: lao" qu" va". Ai: tho' mae airu: boe" thao ana" ba: yang sam ba lao"22 ngaid va". – Ngonhaung" phaung mae" myiqe: da myo" wa no' mae" lab kam: ye:23 gemung: jho" ta" mug' na: ako". – Ailao" yao: bam dam: tug' lo" mung: Yesu daui: to" lo" va" ga" ga: ta" kyo" ra" mug:logyo: tao re myao ko" ga" khyo re hau" kyo"24 qin"ako". – Ngonhaung" phung: mae" daqhae: re: lab khyo ye: qu" ko" re myiqe: qe ta" ru we' dakhyo: dang: rure ye:myao : ako". Ngaid qere: yao: bam wa Yesu re25 mamyao ko" ga: ta" ako". – Ailao" Yesu wa lapa qe ta" ra" dao: jham re phyaid za:ma nug: lam" , nhag' magyang" ra"26 nhag' lam: qao mo, we". – Meshia wa airu" qug: khai: re phau: mung: yao" phung bao khug mae vao ye: zai ngaid: ra"27 mangaid: i"?ga: mho: ra". – Aimung: yao: shid' tao re Yesu wa Moshe' tung" paug' we' lapa qe: tung" paug' mae yao" akhyo we' tin: yang: bo: ra" gu: re sho' kyo"28 ra". – Yao: bam ye" lo" na ko" ra" voyae mae joe" lao" Yesu wa su" lai: ye" lo" nae"29 seim" ra". – Ngaid yang: re: yao: shid' tao wa ba vao mug: caid' va" nga" shid' tao we' daga" thang gelang: ga: ta" mung: yao: re tam" ako". Airu: mung: Yesu wa yao: shid' tao we' thang: na nae" tau: mae" cao:30 ye" lo" ra". – Yesu wa yao: tao we' daga" zo zo: nae" zaung: jo, yang: cin main" re yu mung: jeju bin: caung: lao" cug' phai"31 mung: yao: tao re byid' ra". – Ailao" yao: tao myo, bung" li" mung: Yesu ngaid: rure qu" se" ba: ru we' yao: tao: myo, qao: tae32 mae byaug: lo" pye' ra". – Airu: mung: yao: tao wa nyhao: tao we' yao: daga" su" na: au: jham: paug' mae" lase" jham re sho' kyo: byid' ra" au: nyhao: shid' tao: nhag' lam: kao bau: na: ru mangaid: i"? ga: yao: cao: jho" ta" ako".33 Ailao" yao: shid' tao wa to" mung: Yerusalem: khyo dam: tug' lo" ako". Ai: mae naung cao daxe: dayaug we' zang"34 ham: na: bam ko" ra" mo, wa – Ai: AsAng wa gai gai: yao: dam: daui: to" li" va". Simon rere: na: thug' qhu" va" ga: jho" ta"35 na ko" rure lo myao: ako". – Aimung: yao: tao re: khyo mae boe" ra" akhyo we' cin main" cug' phai" ra" au: mae ai: AsAng re yao: tao qu" ba se" ra" akhyo jham yao: bam re lo:ta" kyo" ako".36 Yao: bam ai ru: jho" ta" kyo" na: ko" au: Yesu wa gaung gai yao: yao: bam: phaung gaung: mae li" thug' ye; qhu" ra". Yesu wa yao: bam re naonhaung" ngaui bau: yaug yo geshao: ga: yao: bam re min byid' ra". –37 Ngaid qere: yao: bam wa su byo ngaid: ga:38 jho mung: gyaug: nin" ako". – Ailao" Yesu wa yao: bam re naonhaung" pe" mung: gyaug: din ko" i"?.naonhaung" nhag' khug39 mae pe" mung: aug' o: ko"?.– Nga" khyid we' lo, re qu" ge, naonhaung" myao: na: ra" yaug wa ngo yao: ngaid va".Ngo re soe' qu" ge, pe" mung: ga" re subyo wa gaung sho: we' shoqug: shoqae mabo ngaid: ra". Ngo wa naonhaung" myao: ru we' dakhyo: gaung sho: we' shoqug: shoqae bo yaug40 ngaid: ra" ga: mho mung: – Yao" khyid lo,41 re naung cao qe re qhu" byid' ra". – Yao: bam wa ngaui bau" ru we' mug' vhao: na gemung: matai: bin: lam" ko" ngaid: ra". Yesu wa yao: bam re ce tau zo: pho: daja:42 ja: majo, ko" i"? ga: myid' ra". – Ailao" yao: bam wa ngo: phaid' datam" we' byo:43 yhid byid' ako". – Yao: wa aire yu mung: yao: bam: qhid' kheim: mae zo" qhu" ra".44 Ai ru: mung: Yesu wa yao: bam re nga" akhyo we' tin: yang: Moshe: jham: , lapa qe: jham: , caung: khin" jham: paug' jham mae tung" to" ra" gu: alhab' geim" wa gyang" dang: lo ca" ein: ngo naonhaung" we' daga" na shi" au: mae" ai: gu: alhab' naonhaung" re45 ta" to: va" ga: yao: bam re mho: ra". – Yao: bam: laba lajhao wa jham: dao: jham re ba: gyo: genae" khyo" yao: bam: nhag' myid re46 kham: phung" byid: mung: , – Ceru: ga: jham: tung" mae bo: ra". Khristu wa qug: khai:kyi" khyag' qhug' mung: sam ba ein: ba mae dam:47 daui: to" li" ca" nae". – Yao" mang re lao: yang: nhag' lam: tha" lhag' ra" khyo , qobo khyaid' ra" khyo re Yerusalem: mae" qhid mung: byumyu" cao jab alhab' re hau" kyo: byid: ca" ga: tung"48 to" ra". – Naonhaung" wa ai: akhyo jham we' tin: mung: myo, myao sagso: qe ngaid: ako". –49 Airu: mung: nga" pho" pin: to" ra" dao: dang naonhaung" adao khyo nhao: ke' shi: nae". Ngaid qere: tho' zhao" myhao mae" qam: o: naonhaung" dao mae majoe" gyo" li" li" wa Yerusalem: vogaung: mae lao" na ge, ga: mho: ra".50 Ai: thao Yesu wa naung cao qere Bethani' vogaung: nhae khyo jhui" ye: mung: yao" lo, shid' lo; geim" tau yang:51 yao: bam re min gam byid' ra". – Ai re" ru: yao: bam re min gam byid' na: au: Yesu wa naungcao qe mae" gao" lo" mung: mug: gaung khyo jhui" to' yu: ru qhug' ra". –52 Yao: bam wa Yesu re goe; pa" yang: gyai ngaui bau" ru we' Yerusalem: khyo dam:53 tug' lo: ako". – Yao: bam wa pa" jhaung: yham mae Mo"so: mug' pho" jeju re caung: khin" mung: malam: lai: na: na: ako".