1
Ai: ayo, mae Roma' jhaung zug: Siza: Augustu wa mang: din" geim" mae na: ra" byu japhin: re gaug: yu nae" tau: mae"2
amyin" khyo" ke' ra". – Ai: byu japhin: yu: ru wa Suri mang: mae Kureni' mang: zug: kaid' na: au: sao qhid' lhang yu: ra"3
japhin: ngaid: ra". – Ai ru: mung: byu myo: sho' wa mang japhin: ke' nae" tau: yao: yao" co' phyid' vogaung: khyo lo" ako". –4
Ailao" Yoseb' re: Davi boe: mae" ngaid mung: Galile" mang: Nazared' vo mae" mung:Yuda, mang: Beleham ga: mang:5
ra" Davi vogaung: khyo – yao: vhin" yu nae" ra" Mari' we' daga" mang japhin: ke'6
nae" tau: mae" do, lo" ko" ra". – Mari' wa maqao" gaung ngaid: ra". Yao: tao Belehem mae na: na shi: ko" au: khau ba na nge; li"7
mung: – yao: wa yaug gai nau" zo: qhid' re khau: ra". Aimung: Mari' wa zo nau" re pin: cug' yang thab' mung: nung: zo lhao: mae lhang" to" ra". Pe" mung: ga" re yao: tao tau: mae" bang" do, qe, mae jo, qo ma jo, lo: yang: ngaid: ra".8
Ai:mug: mae yao zam: mo, wa yao: bam: yao jham re din" yo mae myi" re lhaug'9
zaung" mung: na: jo; ako". – Ai: au: qu" ge, AsAng: mug: logyo: dayaug yao: bam: nhae mae thug' li" mung: AsAng: phung bao wa yao: bam: lhang" gam: mae bao qhi: li" ra". Ailao" yao: bam gyai gyaug: din: pye'10
ako". – Aimung: mug: logyo: wa da gyaug ge, qu" ge, byu alhab' mo; tau: ngaui bau: dao: gai ngo naonhaung" jhao" vin: li" ru11
ngaid:. – Ana" ba khyaid' yu yaug AsAng Khristu wa Davi vomo" mae naonhaung"12
tau: khau: li" va". – Ceru wa naonhaung" tau: mae" ave, ngaid nae".zoshao nau" nin" da yaug re pin: cug' yang thab' mung: nung: zo lhao: khug mae lhang" to" ru re naon-13
haung" ye: myao genae" ga: ta" ra". – Ai: mug: logyo: we' daga" mug: gaung mae" mo, ajham ataung nyag din taung" thug' li" mung:Mo"so re caung: khin" ako".14
Mug: gaung tho' zhao" myhao: mae Mo"so wa phung bao qi" qhang: na veshao: . Myid gaung: dao mae re: yao: o ngaui: ra" mo; dao mae yaug yo cae: tae" ru ajo; jo,15
veshao" wo" ga: nghaui" caung" ako". – Ai: mug: gaung: logyo: jham yao: bam khyi" mae" mug: gaung khyo phao: lo" ge thao re yao zam: mo, wa ngonhaung" Belehem vogaung: khyo ye: ge lang: . AsAng ngon- haung" re li" ta" kyo" ra" khyo re ye: qu" qu"16
gelang: ga:yao: cao: jho" ta" ako". – Ailao" yao: bam wa hin hin za: ye" lo" mung: Mari' we' Yoseb' re re: nung: zo lhao: mae lang" jo; ra" zonau" re re: ye: myao: ako". –17
Ai re yemyao gelao"ai: zoshao: akhyo mug: logyo: li" ta" kyo" ra" dao: re yao: bam wa18
hau" pyo: ke' ako". – Yao zam: mo, hau" ke'ra" gu: re the'gyo" ra" mo, alhab' geim"19
wa mug' byaug: ako". – Mari' wa ai:gu: alhab' re xam" ci mung: yao" aung khug20
mae myid: qu" na: ra". – Yao zam: mo, wa mug: logyo: ta" ru we' dakhyo: the' myao: ba: yu mung: Mo"so: phung bao re caung: khin" zo" re" dam: tug' lo" ko" ra".21
Ai: zonau" wa she' ba byang" mung: nyaug phyid' yo, joe" lao" yao: myhi" aung mae ve, ma vin shi: mae" mug: logyo" yang mhang" byid' ra"mang we' dakhyo: Yesu ga: mhang" byid' ako".22
Ai:thao mae Moshe' tarha" mae bo: ru we' da khyo: shao kyang" nae" ayo, joe" lao" yao: pho" tao wa zonau" re AsAng jhao" qhaug' byid: nae" tau: Yerusalem: vo23
khyo jhui" do, lo" ako". – Zo:qhid' yaug gai nau" alhab' wa Mo"so: qhid' kheim: mae shao gyang" ca" ga: Mo"so: mung dao: mae bo: ru we' da khyo: zonau" re Mo"so24
jhao" qhaug' byid: mung: – AsAng: tarha" mae ta" to" ru we' da khyo: phaung" kyug' da zam" mangaid: lao" Jid: au shid' dau: ngaui" byid: ca" ga: bo: ru we' da khyo: xeim: ngaui" byid: ko" ra".25
Ai:ayo, mae Simon ga: mang: ra" mao: zo: da yaug Yerusalem: mae na: ra". Yao: wa dang main" ru we' tarha" re phug' cao" yaug ngaid: ra". Amung: yao: wa Israel amyu" qe khyaid' yu: ru qhug' nae" tau: mae" myid: lao" na yaug ngaid: . Shao gyang" solo re: yao: we' daga" ngaid: ra". –26
Yao: wa Meshia re mamyao myao wa shid nae" mangaid: ga: shao gyang" solo: yang qhu" ra" ve, lho re myao: to: yaug ngaid:27
ra". – Yao: wa shao gyang" solo: yang nhug' peim: qhug' mung: pa" jhaung: yham khyo vao ye" ra".Yao: myhi" we' yao: pho" tao wa khang" dao: tarha" we' dakhyo: ai: zonau" re kaid' byid: nae" tau:pa" jhaung: yham28
khug khyo jhui" vao li" gelao". – Simon wa ai: zonau" Yesu re yao" lo; yang lham: vo; yu yang: Mo"so re caung: khin" zo" re" ,29
AsAng we" ni" dao: gyang" dang va" ru mung: ana" ni" jeim pho" ngo re yaug yo za: lo" nhao la, se, .30
Byumyu" alhab' qhid' kheim: mae nyhang" jaung: to: mung:31
Taung bug qe re nao myid: o: ra" khyo: qhu" byid: nae" bo" bao we'32
Ni" amyu" Israel tau: mae" phung bao ngaid: ra". Ni" khyaid' yu: ra"khyo re nga" myo, jid' yang zhaug' za: the' myao va" ga: mho: ra".33
Ai:zoshao we' tin: yang: Simon jhau: ra" dao: re the' gyo: lao" Mari' we' Yoseb'34
wa mug' ako". – Simon wa yao: mo' re min gam byid: mung:yao: myhi" Mari' re qu" wa, ce: zoshao wa Israel amyu" myo: sho' mo, tha" lang: nae" we' myo: sho' mo, khyaid' yu: ru qo" nae" tau: Mo"so: yang khyin: to" ra" yaug ngaid: ra".Byu myo: sho' mo; nhag' khug mae myid: yaung: to" ru myao: thug' li" nae" ve, lho ngaid: ra". –35
Ni" nhag' lam: kheim ce' re shae ceim" yang thug' kyao" to" ru we' da khyo: ngaid: li" nae" ga: mho: ra".36
Ai mae" ru Asha: kaung mae" Phanuel yao: zo: ga: mang: ra" phyid' mao: lapa da yaug na: ra". Zoqae: yo, re yham qo" mung: yao" yham sang pho" we' nhaid' zin za: qhug' zam" na: ra". yao: wa she' xe: byid zin joe" sho' cug' mo" mo" na: ra". –37
Yao: wa pa" jhaung: yham we' ma gao: lin lo: za:zo: shaug' zang: jhaung: mho' yang: myi" na" Mo"so re goe; pa" na yaug ngaid:38
ra". – Ai: au: re yao: dazab joe" li" mung: Mo"so re caung: khin" zo" re" Yerusalem: re khyaid' yu nae" ga: myid: lao" na ko" ra" mo, alhab' re ai: zoshao: khyo re ta" kyo" ra".39
Yoseb' we' Mari' tao wa AsAng: tarha" we' dakhyo: ja: nam jab re bin: zaui: so: co' mung: Galile" mang: mae" yao: mho' na: ra" Nazared' khyo dam: lo" ako".40
Ai:zoshao wa qi" qhang: li" mung: qam: o: bo: li" ru we' juyi laba lajhao bo: li" ra". Mo"so:min gam jeju wa yao" dao mae bo: jo; ra".41
Yao: myhi" we' yao: pho" tao wa zin khao: ngo" Yerusalem: khyo lai loe, poe42
lhaung" do, lo" ako". – Yesu daxe: shid' zin byang" lao"li jo; ru we' dakhyo:yao: mo' wa Yerusalem: khyo lai loe, poe vao43
do, lo" ako". – Ai:poe baui: yang: Mari' we' Yoseb' wa yham khyo dam: phao: lo" ako". Ngaid qere: zoshao Yesu wa Yerusalem: mae na: gyo" co' nhaung: ru myhi" pho"44
tao wa maba ko" ngaid: ra". – Yao: tao wa Yesu re vogaung: bao: we' ngaid naeva" ga: myid: jho yang: daba gyam sho' phao: lo" mung: jho" ba: ra" byin cao: qe we' ba nam45
qe: phaung mae cao" qho: ako". – Zoshao re ma myao lao" Yerusalem: khyo dam:46
tug' qho: do, lo" ako". – Sam ba ein: ba re yao: tao wa Yesu re pa" jhaung: yham mae Yuda, qe: mho" pho" qe: phaung gaung: mae zaung: jo, yang: mho" pho" qe ta" ra" dao: re tae" gyo: zo" re" yao: bam re dao: tug' myid: mung: na: na: ru re yao:47
tao lo" myao: ako". – Yao" dao: re the' gyo: mo, alhab' wa juyi bo: ra" yao" dao: myid: we' phaug' tau" ra" dao: re mug' ako". –48
Yao" myhi" pho" tao wa yao: re the' myao lao"mug' byaug: ako". Yao: myhi" wa nga" zo: we" , ni" pho" we' ngotao re pe" mung: yang: nao ce ru: kaid' i"?. Ni" pho" we' ngotao wa nao re sang: kho: yang: qho:49
lhau: ga: ta" ra". – Yesu wa yao: tao re naotao ngo re pe" mung: qho: ko" i"?Ngo wa nga" pho" yham khug mae na ca" ga" ru re naotao maba ko" i"?ga: phaug' tau"50
ra". – Ngaid qe re: yao: tao wa Yesu ta"51
ru re maba: gyo: ko" ngaid: ra". – Yesu wa myhi" pho" tao we' daga" Nazared' vogaung: khyo dam: tug' phao: lo" mung: mho dao: gyo: xam: mag za: na: ra".Yao: myhi" wa ai: gu: alhab' re yao" aung khug52
mae xam" to"ra". – Yesu wa gaung khyao qi" qhang: li" ru we' juyi laba lajhao bo: li" mung: byu: qhid' kheim:Mo"so:qhid' kheim: mae nga: qo" li" ra".