1 Dane; re" ba dajo, qo mae Yesu wa jhaung: mho' na: ra".Yao: jhaung: bin: mho' lao" yao" naungcao qe mae" da yaug wa AsAng we" Yohan wa yao" naung cao qe re jhaung: mho' nae" mho" byid' ru we' dakhyo: ngonhaung" re re: jhaung: mho' nae" mho" byid: la, ga: mho' vhao"2 ra". – Yesu wa yao: bam re naonhaung" jhaung: mho' ko" re ceru: ein: mho' ge,- “mug: gaung: dao mae" pho" we" AsAng: mang kheim: shao gyang" veshao: wo". Ni" mang: din" joe" li" veshao:. Mug: gaung: mang: mae nao nhag' dag: ru we' dakhyo: myid gaung: dao mae re: nhag' wa dag: lo3 veshao: . – Ne, qug ngonhaung" qo: ra"4 zo: pho: ngonhaung" re byid: la, – Ngon- haung" re shaid' ra" mo; qobo re ngon- haung" khyaid' pye' byid' ru we'da khyo: ngonhaung" qobo jham re re: khyaid' pye' byid: la, ngonhaung" re ju" phyo' nae" khyo dajoe" nhao magai: ra" khyo mae" ngon- haung" re lhoe' yu la,” ein: mho' ge, ga:5 mho: ra". – Yesu wa yao" naungcao qere naonhaung" mae" dayaug yaug gae gaung: myi: re ba nam pho" yham ye: mung: ba nam pho" we" ngo re cin main" sam yho'6 kho lhau" shai byid:la, . – Nga" ba nam pho" dayaug gyaung: su" ru mae" nga" yham khyo joe" vao lo: ra" yao: re byid: zho: nae" pe" maqo" ga: ta" re ,7 Ba nam pho" we" ngo re dali" nhaung" khoe' na kham: pyid' pye' va". Ngo we' nga" zo: qere: yab: bam va". Ai ru: mung: to" yang: nao re maqo" byid: ga: qe, khug8 mae" ta" li" nae". – Naonhaung" re ngo mho geli" nao wa yao" ba nam pho" ngaid: ru: yang mato" li" mabyid' ke' ngaid qe re: nao wa mathang mano: mho' na: ru: yang: yao: wa to" li" mung: nao qo: ra" cin main"9 re byid' li" nae". – Naonhaung" re mho geli". Mho' ge, alao" qo" yu: li" nae". Qho ge, alao" naonhaung" myao nae". Kham: thaug' thaung: ge, alao" naonhaung" re10 phung" byid' li" genae". – Pe" mung: ga" re mho' ra" yaug khag' ngaid qe re:qo" yu: li" genae". Qho: ra" yaug re: myao: li" nae". kham: thaug' ye: thaung: yaug re wa kham: phung" byid' li" nae".11 Naonhaung" yao: pho" qe khag' ngaid qere: yao" yao: zo: mug mho' re laug baui byid: nae" i"? ngo: mho' re lhao maui byid:12 nae" i"?. – Qo, au" mho' re gung gug' byid:13 nae" i"?. – Makhyang" ra" mo, naonhaung" lao" re: naonhaung" yao: zo: qere gai: ra" ja: byid: nae" ba: ako". Ai: tho' mae" je yang: mug: gaung: dao mae" pho" wa yao: re mho' ra" mo, re shao gyang" solo byid' li" nae" ma ngaid: i"?ga: mho: ra".14 Yesu wa nhaid' jid: ra" yui re khe' thug' pye' ra". Ai:yui phao: thug' lo" byaug lao" nhaid' jid: ra" yaug wa dao: jhau: li" mung: volo byu qe wa mug' hao" byaug: ako". –15 Daqhae: wa yao: wa yui zug: Bezebula, yang yao: re qam: so' byid: mung:yui jham re khe' thug' pye' ru ngaid: ra"ga: mho:16 ra". – Daqhae: ngaid lao" wa yao: re lag yu: qu" nae" tau: mug:gaung mae" mug' pho"17 ve, lho re mho' ako". – Yesu wa yao: bam: aung khug mae pe" myid: na ko" ru re ba yang: yao: bam re mang: din" dalam: wa mang: byu qe gao" lin: lo" gelao" wa byo; qeim va". Yham khaung damo' re: myid18 ma jho" qhain: lao" wa byo; baui: va". – Ai ru: mung: yui jham jho" gao" lin gelao" yui: mang: din" khoru: ba: gang" tang lo: nae" i"?. Pe" mung: ga" re naonhaung" wa ngo re yui zug: Bezebula mang khyo" yui jham19 re khe' pye' ra" ga: ta" ako". – Ngo wa Bezebula, qam: so' khyo" yui jham re khe' thug' ngaid: re wa naonhaung" naung cao qe wa khag' qam: so' yang yui jham re khe' thug' ko" ra" i"?naonhaung" yao" naung cao qe yao: bam shaid' ru re sagso: qhu" byid:20 aveko". – Amung: yang: ngo wa Mo"so: lo, nyhug' yang yui re khe' thug' pye' ru ngaid lao" wa naonhaung" jhao" Mo"so: mang: din" joe" li" va" ga" sagso: ngaid: ra"21 ga: mho: ra". – Qam: bo: ra" yaug wa yao" yham re shae lhae we' zaung" na: au: yao" jo, nho" jham gug: gug: za: ngaid: ra". –22 Ngaid qere: qam: je: bo: ra" yaug wa yao: re li" aung lao" za: she, yao: lam: ra" sin: we'23 zai yo jham re re: gae byid' pye' ra". – Nga" bo: made; ra" yaug wa nga" gye vo ngaid: . Amung: ngo we' daga" madang: qhain" ra" yaug wa abyi asin" yaug ngaid: ra".24 Ai:mashao: ra" yui wa byu dayaug mae" thug' lo" mung: gaoso yo khaung: mae ye: du" qin" mung: no:qo cao" qho: lhau: ra" maqhug' lao" yui wa azhao ngo na co' ra" yham khyo dam: tug' lo" nae" ngaid: ra" ga:25 ta" ra". – Aru: mung: yao: dam: tug' joe" lo" re yham khug wa phyao: sham" jhaid' pye' mung: shaung yhaung" to: ko" ru re26 lo" myao lao" , – Ai:yui wa dam: thug' ye" lo" mung: yao: tho' je: makhyang" ra" yui nhaid' dau: re khai: jhui" lo mung: ai: yham mae lo: laung" bam: ako". Ai ru: mung: byu ai: yaug; ave, wa sao qhid' mae" tho' je: qo: byaug: ra" ga: mho: ra".27 Ai re" ru: Yesu dao: jhau: na: au: mo, phaung mae" myiqe: dayaug wa nao re laui: ra" aung khug we' qao bam wa nga:28 lho" ra" wo" ga: hug' yang: ta" ra". – Ailao" Yesu dam: tau" ru wa Mo"so: mung dao: re tae" gyo: mung: cao" pyang" ko" ra" mo, kam" wa nga: lho" ko" ra" ga: mho: ra".29 Yesu avai: ayae volo byu qe lhang" gam: zang" ham: na: jo, ko" au: dao: ceru: ga: jhau: phung" ra".Ana" ce: bang: mae" byu qe wa makhyang: mo, ngaid: ako".Yao: bam wa mug' pho" ve, lho re mho' ako".Ngaid qere: Yona' ve, lho mae" je yang: pe" ve, lho re: yao: bam re qhu" byid: nae" mangaid: . –30 Yona' wa Nineve" vobyu qe:tau: mae" ve, lho ngaid: ru we' dakhyo: Byu: yao: zo: re: ceta mae" byu qe: tau: mae" ve, lho ngaid:31 li" nae". – She:ba' jhaung zug: myhi" wa Solomon jhaung zug' juyi: dao: re tae" gyo: nae" tau: mae" va" ra" mang: mae" joe" li" ra". Airu: mung: tarha" pyam" ra" bana mae She:ba' jhaung zug: myhi" wa to" ye, mung: naonhaung" re qobo zhaug' li" nae". Naonhaung" re ngo mho geli" ce: jo, qo mae solomon: jhaung zug: tho' je: qi" yaug32 na: ra". – Nineve" vobyu qe wa Yona' hau" kyo" ra" mung dao: re the' gyo: gelao" yao: bam: qobo mae" tha" lhag' lo" ako". Ai ru: mung: tarha" pyam" ra" bana mae Nineve" vobyu qe wa to" ye, mung: naonhaung" re qobo zhaug' li" genae".Ce: jo, qo mae Yona' tho' je: qi" ra" yaug na: ra" ga: mho: ra".33 Myi: baung: re te' mung: khag' malhaung" nyham" to: dao" yang re: mamaug: lhaung" to: yham khug khyo vao lo: ra" mo, alhab' re bao byid: nae" tau: mae" myi: baung: lhao: kyo' mae34 lhaung" lhao" to" ako". – Ni" myo, jid' wa gaung khyao: tau: mae" myi: baung: ru" ru ngaid: ra". Ai: ni" myo, jid' qang: qang: za: ngaid: re wa ni" gaung geim" bao: jo; li" nae". Ngaid qere: ni" myo, athab' zang ngaid: re wa ni" gaung geim" caid' jo; li"35 nae". – Ai ru: mung: naonhaung" mae bo: ra" bo" bao wa mug: caid' mangaid: nae"36 tau: lha" ge, . – Ni" gaung mae dakhyi" mae re: macaid' jo, lo: gaung geim" bao: jo; ngaid: re wa myi: baung: bao: qhi: ra" bo" bao: yang ni" dao mae bao byid' ru we' dakhyo: ni" gaung geim" bao: jo; li" nae" ga: mho: ra".37 Yesu dao: jhau: na shi" au: Phareshe" dayaug wa yao: we' zo daga" zo: nae" tau: Yesu re khai: ra".Yesu wa ai: yaug; yham khyo ye: mung: zo zo: nae" ga: ye: zaung:38 jo; ra". – Yesu zo mazo: shi: re cid' shao" ru makaid' ru re Phareshe" qu" ba lao"39 mug' ra". – Ai ru: mung: Yesu wa yao: re naonhaung" Phareshe" qe: ug' khug' kang: keim jham re adao shaid' mae za: cid' shao: ako". Ai: ru naonhaung" akhug mae wa khug' pyag' taung pyi" ru we'40 makhyaid' ru byang" ug: to" ako". – Ko" dug: qe we" adao shaid' mae phain" to" ra" Mo"so wa akhug shaid' mae re: phain" to"41 ra" mangaid: i"?. – Naonhaung" ug' khug' kang: keim jham mae bo: ra" zo: pho: jham re myaung sho" ra" mo, re byid: ge, . Ailao" ja: khao:ngo" naonhaung" tau: mae" shao gyang" lo" li" nae".42 Phareshe" qe we" naonhaung" wa byuxa: voqoe, qhug' genae". Naonhaung" sham: nhang: bain gya ru" ra" ao: pho' aja: ja: mae" xe bam dabam Mo"so re qhaug' byid: genae" ngaid yang: re: naonhaung" wa tarha" Mo"so re jhid' de; ru re to" pye' ko" ra". Daxe bam mae" dabam Mo"so re qhaug' byid' ru za: mangaid: dang main" ru we' Mo"so re jhid' de; ru re re: mato" pye' co' lo: ai: gu: alhab' re phug' myao:43 cao" pyang" ang: ako". – Phareshe" qe we" naonhaung" wa byuxa: voqoe, qhug' ako". Khoru: ga" re ham phaung jao: mae getau jaung: to" ra" jo, qo mae zaung nug mo, , gai aung: jao: mae re: su: yang lham: phug'44 myao" ru o mo, ngaid: ako". – Naonhaung" wa byuxa: voqoe, qhug' ako".Naonhaung" so: xam: majo, lo" ra" lab we' dau: ako". Byu jham wa lab ngaid: ru re maba mung: ai: lab dao khyo" su" lai: lhau ko" ra"ga: mho: ra".45 Jham: ba pho" dayaug wa mho" pho" we" nao ceru: ta" ru wa ngonhaung" re khyoe' ru ngaid: ra" ga: Yesu re ta" ra". –46 Yesu dam: mho: ru wa jham: ba pho" qe we" byuxa: voqoe, genae" lhe". Naon- haung" su re matho' aung: vin: ra" qo la: tau: kai: byid: mung: naonhaung" yao: wa lo, nyhug' yang lao" mazao" thaung: ko". –47 Naonhaung" wa byuxa: voqoe, qhug' genae". Naonhaung" wa naonhaung" phug' phyid' qe: yang se' pye' ra" lapa qe: lab jham re gyai yaung" sho' laug zao zao byid'48 ako". – Airu: mung: yang: naonhaung" wa naonhaung" phug' phyid' qe kaid' lai: lo" va"mau" jham re naonhaung" bo: myid vang" ru re naonhaung" yao: sagso: qhu" byid' na: ako". Naonhaung" phug' phyid' qe wa lapa qere se' mung: yao: bam: lab49 jham re laug zao zao byid' ako". – Ai ru: mung: Mo"so: juyi khyo" ta" ru wa lapa qe we' logyo: qere yao: bam jhao" nhao byid: nae". Yao: bam: yang daqhae: re se' pye' mung: daqhae: re wa yhin" genae"50 ga: mho: ra". – Airu: mung: Abela' sa: mae" ru phain we' yham: agyo: mae se' pye' qhug' ra". Zakharia sa: joe" sho' mae" xao qug: we' mug: thug' sao peim mae" se' pye' qhug' ra"lapa alhab' mo; xao qug: wa ana" cebang: mae" byu qe qhug' vin:51 li" genae"ngaid: ra". – Ngaid va" ngo naon- haung" re mho geli". Ai: xao qug: alhab' re ana" cebang: mae" byu qe xao qug: qhug'52 vin: li" genae". – Jham: ba pho" qe we" naonhaung" wa byuxa: voqoe, genae" lhe". Naonhaung" wa juyi: jhaung qham aso: re zaui" zang: ci: ako". Ai: akhug' khyo naon- haung" yao: re: mavao. Vao nug mo, re re: tam" to" ako"ga: mho: ra".53 Yesu wa yao: bam re ce:ru: ga: ta" gyain" na shi" au: Phareshe" qe we' jham: ba pho" qe wa yao: re nhag' kyid kyid yo: gemung: aja: ja" qobo paug' qho: na:54 ako". – Yao" nhaid' mae" thug' nae" dao: shaid' dao: kheim: jham re lhaug' lao" na: ako".