1 Ai: thao AsAng wa getau nhaid' xe yaug re khyin: yu mung: yao: yao: ye: nae" vogaung: jo, qo khao: ngo" khyo shid' zo: dazam" zam" yao" qhid' au: khyo ye" lo" genae" tau: yao: bam re nhao: ke' ra". –2 Yesu yao: bam re nhao: ke' ru wa gaug yaid jao: myo: sho' jo; ra". Ngaid qere: gaug yaid mau" zaui: mo, malaug ngaid: ra". Amung: gaug sang wa yo khyo mau" zaui: mo, re nhao: ke' byid: nae" khyo: jhaung: mho' na3 ge, . – Ye: ge,, zagne jham: phaung gaung: khyo yao nau" jham re nhao: ke' ru we' dakhyo: naonhaung" re nhao: ke' ra". –4 Zaung: bao" re: daci ge, , thaung pyain re: davin ge, , ngaui thaung re: dabovin ge, , khyid zhaung: re: dazhaung: ge,, khyo le; noqo mae khag' rere: dajhau: nai" na5 ge, . – Yham dayham yham khyo vao ye: nae" ngaid lao" ce: yham khug mae ngaui bau: yaug yo veshao: wo" ein: sao qhid' ta"6 ge, . – Ai: yham mae ngaui bau: yaug yo: rure kao bau: ra" byu na: ngaid: re naon- haung" bang" se" min gam dao: ai: yaug: dao mae ngaid veshao: . Ai ru" ra" yaug mana ngaid: re wa naonhaung" bang" se" min gam dao: wa naonhaung" jhao" dam:7 tug' lo: li" nae". – Ai:yham mae na mung: yao: bam da" byid' rure zo: shaug' ge, pe" mung: ga" re mau" zaui: yaug wa o: kaung phug' qo" yu ang: ra". Dayham mae" dayham khyo thug' thug' vao vao dakaid'8 ge, . – Naonhaung" vogaung: khyo vao ye: khao: ngo" bang" lham: tug: yu ko" ngaid: re wa naonhaung" qhid' kheim: mae da"9 byid: ko" ru re zo: ge, . – Amung: naon- haung" wa no phyo: mo, re gai: li" nhao ge, . Mo"so: mang: din" wa naonhaung" we' ajhao" za: mae joe" li" na va" ein: ta"10 kyo: ge, . – Davo vo mae" mo, naonhaung" re malham: khae: yu ko" re hau" mo" khyo11 thug' ye: mung: , – Naonhaung" tau: sagso: boe" veshao: . Naonhaung" khuvo: mae de; ra" naonhaung" vo mae" phaui: lhug re ko: khyo" co' ge,. Mo"so: mang: din" wa joe"12 va" ein: ta" co' ge, . – Ngo naonhaung" re dang dang mho geli". Ai: ne, re" ba mae Sodom: vo tho' mae ai: vogaung: je: phau: genae".13 O" korazin: vo we" nao byu xa: vo qoe, nae". O" Bedsaida: vo re: byu xa: vo qoe, .qhug' nae" .Naonhaung" shid' vo mae kaid' qu" ra"mug' pho" mau" re Turu' we' sidon: shid' vo mae zaui" qhu" ngaid: re daba: ne, mae" jid mo" mai bau: ve, myiqe, bam" lhau: mung: naung myid atha"14 qo" byaug genaeva". – Mo"so wa tarha" pyam" ra" bana mae naonhaung" shid' vo wa Turu' we' Sidon: tho' je yang: phau:15 genae". – Kaperanaum: we" nao re: mug: gaung joe" sho' thaug' ye; jo, nae" i"?. Nao wa movo: mug: khyo joe" sho' khyo" pye'16 ru qhug' li" nae" lhe" ga: mho: ra". – Yesu wa yao" naungcao qere naonhaung" dao: re tae" gyo" ra" yaug wa nga" dao: re tae" gyo" ra" yaug ngaid: ra". Amung: ngo re ha: ngag: pye' ra" yaug wa ngo re nhao: ke' yaug re ha: ngag: pye' ra" yaug ngaid: ra" ga: mho" shid' ra".17 Ai: nhaid' qui yaug wa ngaui bau: taung" dam: lhang" lo mung: AsAng we" ngonhaung" wa ni" mang lao: yang: mho: ke' lao" yui jham re: tae" gyo" ako" ga:18 lo: zhao: kyo" ako". – Yesu wa yao: bam re mug: mae" lhe' caid' ru" ru yui byid:19 gyo" lo" rure ngo myao: ke' va". – Tae" gyo: ge, ngo naonhaung" re lhao maui jham we' gung gug' jham: dao mae zab: lai: lo" mung: yui: qam: o: alhab' re qo" aung doe, nae" kheim: so' byid' to: va". Naonhaung" re pe" ja" yang re: dae maqo"20 te' genae". – Ngaid qere: yao: bam naon- haung" mho dao: tae" gyo: ko" ein: dabau: ge, naonhaung" mang re mug: gaung: dao mae tung" xam" to: va"ru: yang ngaui bau: ge, ga: ta" ra".21 Ai:au: mae Yesu wa shao gyang" Solo mae ngaui bau: nhao mung: mug: gaung we' myid gaung: AsAng pho" we" ngo wa nao re caung: khin" ra" wo". Khoru: ga" re juyi ba jhao: ra" mo, we' nhag' gyang" ra" mo, mae" nyham" to" ra" zoshao qe re qhu" byid: va". Ngaid va" pho" we" ai: akhyo:22 gu: re nao o ngaui: ru wa dang va". – Nga" pho" wa ja: nam jab alhab' ngo re qhaug' byid' to: va".Yao: zo: khoyaug ngaid: ga" ru re pho" mae" jain" yang: khag' maba ko". Pho" wa khoyaug ngaid: ga" ra" ru re: yao: zo: we' yao: zo" yang bao: myhao" ba nhao nug: ra" yaug za: ba: ra" ga: mho: ra". –23 Ai:au: Yesu wa naungcao qe jhao" lhang: lo mung: yao: bam re naonhaung" myao: ra" gu: jham re the' myao: ra" mo, wa nga: lho" ko" ra".24 Naonhaung" re mho geli". Lapa qe we' jhaung zug: myo: sho' mo, myao nug gengaid yang: re: maqhug' myao ko" ngaid: ra". Naonhaung" the' gyo" ra" gu: jham re gyo: nug gengaid yang: re: ma qhug' gyo: ko" ngaid: ra" ga: mho: ra".25 Dane; re" ba mae jham: ba pho" dayaug wa to" ye, yang: mho" pho" we" ngo apyaid ato: kao so' qo" nae" tau: mae" ngo pe" kaid' ca" i"? ga: Yesu re lag yu: qu" ra"khyo:26 myid' ra". – Ailao" Yesu wa yao: re tarha" paug' mae pe" ru: ga: tung" to" ra" i"?nao khoru: ba: nghe' yu: i"? ga: tug' myid' ra". –27 Ailao" jham: ba pho" wa , AsAng ni" Mo"so re aung khug nhag' lam: ni" kao so' alhab' ni" gaung khyao qam: o: alhab' myid nyain juyi alhab' we' jhid' de, wa, amung: ni" yham kyo: cao: re ni" gaung khyao ru: jhid'28 de, wa, ga: tung" to" ra" ga: ta" ra". – Yesu wa nao ta" ru jo: ra". Ai ru: kaid' wa, alao" nao apyaid ato: kao so' qo" yu: li" nae" ga:29 mho: ra". – Ngaid qere: ai: jham: ba pho" wa yao: myid: ra" khyo: jao dang yu nug yang:Yesu re nga" yham kyo: cao: ga" ru30 khag' ngaid: ra" ga: myid' ra". – Ailao" Yesu wa dalhang: mae" byu dayaug wa Yerusalem: mae" Yerikho” vogaung: khyo gyo" lo" ra" au: cang tau: we' thaung" qhug' ra". Cang tau: jham wa ai: yaug re mai bau: khyaid' pye' byid: mung: be, yang: alaug31 laug shid: ru shepye' to: co' ako". – Ai:thao mae khin jaung dayaug wa khyo ai: gau: khyo" su" gyo" lo" ang: ra". Ngaid qere: khin jaung pho" wa ai: yaug re lo" myao32 lao" geshaid' khyo" jao" lai: lo" ra". – Ai we' dakhyo: Levi boe: mae" dayaug re: ai: jo, qo khyo joe" lo mung: ai: yaug re lomyao lao"33 gegau: khyo" jao" lai: lo" ra". – Ngaid qere: khyo ai: gau: khyo" Samari byu dayaug gyaung: su" lo: re ai: cang tau: qhug' ra" yaug jhao" joe" lo mung: yao: re lamyao34 lao" nhag' qu" myain" ra". – Yao: wa cang tau: qhug' yaug jhao" te' ye: mung: yao" dae khu jham mae xau we' sabyi' qang: vhe' gyaid byid: yang: thab' byid' ra". Bin lao" yao" myao: dao mae ai: yaug re vo; zhaung mung: bang" do, yham dayham khyo jhui" lo" mung: nyhang" caung byid'35 ra". – Thao: ba re yao: wa ngaui shid' kye' phoe' yu yang: bang" do, yham sang re byid: mung: ce yaug re nyang" za: caung wa, yao: re caung yang: gain: ra" ngaui getau alhab' rere: ngo dam: tug' lo lao" nao re lo: byid: shi: nae"ga: bang" do, yham sang36 re pin co' ra". – Yesu wa jham: ba pho" re ai:byu sam yaug: gu: mae" cang tau: qhug' ra" yaug yham kyo: cao: wa khoyaug lam:37 ngaid: ra" i"? ga: myid' ra". – Ailao" jham: ba pho" wa ai: cang tau: qhug' ra" yaug re nhag' myain" ra" yaug ngaid: ra" ga: tau" ra". Yesu wa nao re: ai we' dakhyo: lo" kaid' wa, ga: mho: ra".38 Yesu we' naung cao qe su" ye" lo" na ko" au:vogaung: dalam: khyo joe" lo" ako". Matha ga: mang: ra"myiqe: zo: dayaug wa Yesu re yao" yham mae bang" lham: lham" ra".Yao: nhaung: myiqe: nau" dayaug qo"39 ra". – Yao: wa Mari' ga: mang: ra". Mari' wa Yesu khyid qao: mae zaung: jo, mung: yao" mung dao: re tae" gyo" na: ra". –40 Matha wa bang" da" mau" kaid' na zo" re" Yesu jhao" lo yang: AsAng we" nga" nhaung: wa bang" da" mau" alhab' re ngo dayaug re za: shepye' to: byid' ru re AsAng pe" dao" maqu" nghae" i"? yao: re nhao: ke' byid: la,41 ga: ta" ra". – AsAng wa Matha re Marthta Matha nao wa mau" myo: mau" laug: ru:42 yang myid qug: myid ci" na: ra". – Ngaid qere: je: qo" ca" ra" ru wa da ja: za: ngaid: . Mari' wa jo: ra" ja: re khae: yu: ava". Ai:ru re yao: mae" khag' re: maqo" yu: pye' byid: lo: nae" ga: mho: ra".