1 Zin sag' shid' dug no: ein: ra"yhau: gyin" ra" dug no: ba mae Yesu we' yao" naung cao qe yo dae khyo" lai: jao" lo" ako". Naung cao qe wa saungso gaug nhae mae" ashi: re shain" yu mung: lo, vo: mae2 nai: phaug' yang: zo" ako". – Phareshe" qe daqae: wa naonhaung" pe" mung: dug: no: ba mae ma gai: kaid' ra" ja: kaid' ko" i"?3 ga: myid' ako". – Yesu yao: bam re phaug' tau" ru wa Davi we' yao" byu qe vae: moe; mung: khoru: kaid' ko" ru re naonhaung"4 manghe' qu" ko" i"?. – Yao: wa Mo"so: yham khug khyo vao ye: mung: khin jaung qe za: gai: zo" ra" phain kai: cin main" re yu zo: mung: yao" byu qe re re: byid: zho"5 ra'. – Ailao" Yesu wa yao: bam re Byu: yao: zo: wa dug: no: ba: AsAng ngaid: ra" ga: mho: ra".6 Dugno: ba getau dug no: ne, mae Yesu wa ham phaung yham khyo vao ye: mung: mho" shid' na: ra". Ai:ham phaung jao:mae lo, yo lo, shid: ra" byu dayaug na: ra". –7 Ailao" Phareshe" qe , jham: ba mo, wa dug no: ba mae yao: wa no gai byid' la, magai: byid' la, ga: qobo zhaug' nae" tau: jo" qu"8 na: bam:ako". – Yesu wa yao: bam: nhag' myid re ba: pye' mung: lo, dashaid' shid yaug re to" mung: ce: qhid' au: mae li" ye, ri: ga: mho: ra". Ailao" ai: yaug wa to" li"9 mung: yeye; jo; ra". – Yesu wa yao: bam re ngo naonhaung" re myid: geli". khang" dao: tarha" wa dugno: ba mae gai: ra" mau" kaid' mung: kao khyaid' nae" we' magai: mau" kaid' mung:byu se' pye' nae" kholam: re kaid' gai: ga: akhang" byid' to" ra" i"?10 ga: myid' ra". – Yesu wa yao: bam re gam: sho' lhang: qu" mung: ai: lo, dashaid' shid yaug re ni" lo, jhao" ke' wa, ga: mho: ra". Ailao" ai: yaug wa yao" lo, jhao" ke' we' lo, geshaid' re" khyo: gai: lo" byaug: ra". –11 Yao: bam nhag' kyid kyid yo: mung: Yesu re khoru: kaid' nae" ra" akhyo re yao: bam yao: cao: jho" qham: ako".12 Bana dayo, gyo: mae Yesu wa Myi" thao zo" lao"bam khyo do, ye: mung: damyi geim" geim" Mo"so jhao" jhaung: mho' na:13 ra". – Mug: bo" li" lao" yao" naung cao qe re khai: yu yang: yao: bam mae"daxe: shid' yaug re khyin: yu mung:yao: bam re14 logyo: qe ga: mhang" to" ra". – Ai: logyo: qe wa Petru' ga: mhang" byid' ra" Simon we' yao: nhaung: Andare: , Yaku' we'15 Yohan , – philib' we' Batholme , Mathe" we' Thoma' , Alphe yao: zo: Yaku' we'16 Simon – Yaku' yao: zo: Yuda, we' thao phyao: yao: re gye tug' she nae" yaug Yuda, Iskarud' bam ngaid: ako".17 Yesu wa logyo: qe we' daga" bug gaung mae" gyo" lo mung: jao: dae mae lo: thang: na: ra". Ailao" naung cao qe we' daga" Yerusalem: vogaung: mae" joe" li" ko" ra" volo byu ajham ataung phung: mo" zang wa Yesu mung dao: re tae" gyo" yu nae" we' no phyo: mo, re gai nhao nae" tau:18 Yesu jhao" zang" ham: li" ako". – Makhy- ang" ra" yui jham: yang yhin" qhug' ra" mo, re: li" mung: gai byid' ru qhug' ako". –19 Yesu gaung mae" qam: so' thug' mung: yao: bam: no phyo: alhab' re gai byid: qhug' ko" ru: yang volo byu qe alhab' mo; wa AsAng re the' tin: nae" tau: mae" yao: re qam: ke' yang: cao" qho: ako".20 Yesu yao" naungcao qe re qu" yang: mho: ru wa myaung sho" ra" mo, Naon- haung" wa nga: lho" ko" ra"pe" mung: ga" re Mo"so: mang: din" wa naonhaung" mang: din" ngaid: ra".21 Ana" moe, shab' na mo, naonhaung" wa nga: lho" ko" ra". Pe" mung: ga" re naonhaung" nhag' shid nhag' dag: ru qhug' li" genae". Ana" kaug' ngug: na mo, naon- haung" nga: lho" ko" ra". Pe" mung: ga" re naonhaung" qi: ru qhug' nae".22 Byu: yao: zo" mathao mae byu jham naonhaung" re ngag: ha: pye' jung" gaui mung: naonhaung" mang re ta" phyo' qheim" ru qhug' gelao" naonhaung" nga:23 lho" ko" ra". – Ai ru: qhug' gelao" thug' jhu: sho' ngaui bau: ge, pe" mung: ga" re mug: gaung: mang: mae naonhaung" jhaung qhu" wa gyai qi" ra". Naonhaung" re ai ru: kaid' ra" mo; phug' phyid' qe wa naonhaung" re kaid' ru we' dakhyo: phug' kai: ta mae" lapa qere re: ai ru: kaid' veko" ra".24 Ngaid qere: jo, nho" qo" ra" mo, we" naonhaung" wa byuxa: voqoe, genae" lhe". Pe" mung: ga" re naonhaung" wa myain myain yo yo za: qo" na: ako".25 Ana" zo" gyi: shaug' gyi: mo, naon- haung" wa byuxa: voqoe, qhug' ko" ra". Pe" mung: ga" re naonhaung" vae: moe; phau: genae". Ana" qi: na mo, naonhaung" wa byuxa: qoe; ru qhug' genae".Pe" mung: ga" re naonhaung" kaug' qhui qhug' genae".26 Byu alhab' yang naonhaung" re gai: ra" mo, ga: ta" nhao nug ko" mo, we" naon- haung" wa byuxa: voqoe, genae" lhe". Pe" mung: ga" re yao: bam: phug' kai: qe re: lapa apyag' qere ai we' dakhyo: caung: khin" byid' lai: lo veko" ra".27 Nga" mung dao: re tae" gyo" ra" mo, naonhaung" re ngo mho nug: ru wa naon- haung" gyevo re jhid' de, ge, Naonhaung"28 re manug: ra" mo, re jeju kaid' ge, .– Naon- haung" re nhang" ra" mo, re min byid: ge, naonhaung" re mhug' zo: vhain" zo"29 ra" mo, re jhaung: mho' byid: ge, . – Ni" boqae dashaid' re pyo' ra" yaug re getau dashaid' re: khae byid: shi: wa, ni" adao: bau: qhang yu: pye' ra" yaug re akhug: bau:30 re: yu nhao shi: wa, . – Nao jhao" li" mho' ra" mo, alhab' re byid: wa, ni" zai yu: pye'31 ra" yaug mae" dadam: mho' yu lo: . – Byu qe naonhaung" re kaid' byid: nhao nug: ra" khyo: naonhaung" re: yao: bam re ai: khyo:32 kaid' byid: ge, – Naonhaung" re jhid' de; ra" mo, re za: naonhaung" jhid' ko" ngaid: re naonhaung" pe" so' ha" genae".Qobo qo" ra" mo, lao" yao: bam re jhid' de; ra"33 mo, re jhid' kao: ako". – Naonhaung" re gai kaid' mo, re za: naonhaung" gai kaid' ko" ngaid: re naonhaung" tau: pe" so' ha" qo" genae" qobo qo" mo, lao" re: ai: re"34 khyo: kaid' ako". – Dam: qo" xe' nae" mo, re za: naonhaung" shai byid: ko" re pe" so' ha" qo" genae". Qobo de, mo, lao" re: shai byid' ru re dam: qo" yu nae". Qobo qo" mo, yao: cao: jho" shai byid: ko" ra" mangaid:35 i"?. – Ai ru: mung: naonhaung" wa gye vo re jhid' kao: na ge, . Yao: bam re gai kaid' na ge, nhag' lam: mamyid: qug: lo: shai ngho: byid: ge, Ai ru: kaid' lao" naonhaung" so' ha" mo" qo" genae". Myhao: thao" ra"36 Mo"so: yao: zo: boe" genae". – Mo"so wa jeju maba: so: mo, mashab makhyang" ra" mo, re jeju min byid' ra". Ai ru: mung: naonhaung" yao: pho" nhag' khyag' myid bo yaug ngaid: ru we' dakhyo: naonhaung" mae re: nhag' khyag' myid bo ge, .37 Su re dapyam" ge, alao" za: Mo"so wa naonhaung" re mapyam" yhin" nae". Su re dao: daphyid' ge, ai lao" za: Mo"so naon- haung" re dao: maphyid' nae". Amung: su: qobo re khyaid' byid: ge,. Alao" Mo"so re: naonhaung" qobo re khyaid' byid' li"38 nae". – Su re byid: gae ge, alao" naon- haung" re re: byid: gae: li" genae".byang" sheim sho' deim" jhain yang: main: ra" jao lag: yang: naonhaung" re dam: lag byid' li' genae".39 Yesu wa dao: tau" ceyang re: yao: bam re mho: kyo" ashi".Myo, jid yaug wa myo, mamyao yaug re khyo gai: jhui" ra" i"?. Yao: tao shid' yaug: geim" dung: gyain: khyo40 byid: gyo" genae" mangaid: i"?. – Naung cao wa mho" pho" tho' maje ngaid: ra". Ngaid qe re: naung cao wa cao jab lam: lang" sho' mho" xeim: zhao: yu va" yaug kam" wa khag' ngaid yang: re: yao" mho"41 pho" we' dakhyo:boe" nae". – Yao: yao" myo, jid' khug mae thao: je; bo thoe ma gyo: lo: ni" mao: nhaung" pho" myo, jid' mae" phaui: lhug re pe" mung: qu" na:42 ra". – Yao: yao" myo, jid' mae" thao: je; re mamyao: ru ni" mao: nhaung: pho" re ni" myo, jid' mae" phaui: lhug re ngo yu: pye' byid: nae" ein: khoru: gai: ta" nae" i"?. O" lho yhe' yaug we" ni" myo, jid' mae" thao: je; re shi" sao qhid' yu: pye' wa, airu: lao" za: ni" mao: nhaung: pho" myo, jid' mae bo: ra" phaui: lhug re qang: qang: za: myao yang: qo" yu: pye' byid: nae".43 Malho" ra" ashi: zaui" ra" shi: gae wa agai mangaid: lho" ra" ashi: zaui" ra" shi: gae wa gai: ra" shi: gae ngaid: ra".44 Zaui" ra" ashi: re qu" yang: shi: gae khao: ngo" re gai: qu" ba: yu: ra". Naon- haung" wa zau: gae mae" pho' ham" shi: re zau: jam" mae" sabyi' shi: re khag' maphyo'45 yu: qu". – Gai: ra" yaug wa yao" nhag' khug bain" mae" gai: ra" jo, nho" re phoe' thug' ba: ra". Amung: magai: ra" yaug re: yao" nhag' khug bain" mae" magai: ra" ja: re phoe' thug' ba: ra". Pe" mung: ga" re nhag' khug mae byang" bo: to" ra" mae" yao" nhaid' mae" jhau: thug' ke' ra".46 Ngo mho: ra" dao: re lao" macao" ko" ru naonhaung" wa ngo re pe"mung: AsAng47 we" AsAng we" ein: yao: ako". – Ngo jhao" li" yang: nga" dao: re tae" gyo" yu yang: cao" ra" yaug wa khag' ngaid qere: khoru" yaug we' dau: ein: ru ngo wa naonhaung" re ta" kyo: geli".48 Ai:yaug wa zang khung: no, no, dau: mung: laung: mo" baui dao mae zang baung: zhaug' mung: yham kaid' yaug we' dau: ra". Qid je" li" mung: moe bug: yang yham re li" zao" geim: thaung: ngaid yang: re: gang" tang za: zhaug' to: va" mung: ai: yham malaui: ngaid: ra".49 Ngaid qere: nga" dao: re gyo" yu mung: macao" ra" yaug wa zang baung: re myid qao mae mazhaug' lo: myid cin mae za: zang zhaug' yang: yham kaid' yaug we' dau: ra".Qid je" li" lao" moe bug yang yham re li" zao" thaung: lao" ayao: jao" lang" gyoe: pye' ra". Amung: yham byo, gyang: gyoe; lo" ru wa pye: byin yao: ngaid: ra" ga: mho: ra".