1 Ai:thao Yesu wa shao gyang" solo byang" mung: Yodain: gyaung: mae" dam: tug' lo: au: Solo yang seyo khyo2 jhui" ye" ra". – Ai: tau mae Yesu wa byid xe ba geim" yui: yang ju" phyo' ru qhug' ra". Ai nho" ba gu: mae Yesu wa pe" re: mazo: mashaug' lo: na mung: vae: moe'3 ra". – Ailao" yui wa Yesu re nao Mo"so: yao: zo: ngaid: re wa ce: laug baui re cin main" boe" nae" tau: amyin" byid: wa, ga:4 mho: ra". – Ailao" Yesu wa yui re byu wa zo: shaug' yang za: kao qo" daui: na nae" mangaid: Mo"so: dao: gyo: yang: za: kao daui ca" ga: jham: paug' mae tung" to" ra"5 ga: phaug' tau" ra". – Ai:thao yui wa Yesu re gyai myhao: ra" bam nyaug khyo jhui" do, lo" mung: myidkin dao mae"mang: din" alhab' geim" re myo, danyag mae ceim"6 shid' mung yang: – Ce:kheim: so' we' ai: mang: din" jham: phung bao alhab' re ngo nao re byid: nae". Ai:gu: alhab' wa ngo re qhaug' byid' to" ru ngaid mung: ngo byid: nug: ra" yaug khag' re ngaid qere: ngo qo"7 byid' ra". – Amung: nao ngo re goe; pa" ngaid: re wa ai: gu: alhab' nao re byid:8 nae"ga:Yesu re mho: ra". – Ailao" Yesu wa yao: re ju" phyo' yaug we" nga" thao khyo qui: wa, Ni"AsAng Mo"so re za: goe; pa" mung: caung da" ca" nae" ngaid: ga:jham:9 tung" mae bo: ra" ga: mho: ra". – Ai:thao re dalhang yui wa Yesu re Yerusalem: khyo jhui" lo" mung:pa" jhaung: yham maug nho thao mae yhe' to: yang: nao Mo"so: yao:10 zo: ngaid: re wa – Mho" khyo byae: gyo" lo" wa, khoru: ga" re nao re lhaug' zaung" byid: nae" tau:Mo"so wa mug: logyo: jham re nhao: ke' byid' li" nae".11 Amung: laug baui mae ni" khyid ma zao" thaung: lo: sho' yao: bam: lo; yang nao re vo; yu: li" genae" ga: jham: tung" paug' mae tung" to" ra" ga: Yesu re mho:12 ra". – Ailao" Yesu wa tau: mung: ai: AsAng ni" Mo"so re lag yu:ru magai: kaid' nae" ga: re: jham: paug' mae tung" to" ra"ga"13 mho: ra". – Ai:yui wa Yesu re aja: ja: mae" ju" phyo' qu" ru bin lao" Yesu anhae mae" dayo, dataung zo: na: ru mae" phao: lo" byaug: ra".14 Yesu wa shao gyang" Solo qam: o: we' Galile" mang: khyo dam: lo" ra".Yao" khyo re ai: mang: alhab' mae gam: sho' hau"15 nhao" lo" ra". – Yesu wa yao: bam: ham phaung yham mae mho" shid' byid' ra". Yao: re yaug nge; yang caung: khin" ako".16 Yesu wa yao: na: qi" lo: ra"Nazared' vogaung: khyo joe" lo" ra". Yao: bam: li jo; ru we' dakhyo: dug no: ba mae ham phaung yham khyo vao ye: mung: jham:17 dang: nghe' nae" tau: ye" ra". – Ailao" ham phaung yham qu" shaung yaug wa yao: re Esaia jham: dang: byid' ke' ra".Yesu wa ai: jham: dang: re phung" ke' we' ceru: ga:18 tung" to" ru re myao: ra". – AsAng: solo wa nga" adao mae ngaid: ra".Pe" mung: ga: re myaung sho: mo, re ngaui bau: lau dao: ta" kyo: nae" tau: mae" ngo re xau boe, byid' to" ra".Kyam: lhaung" to" ru qhug' mo, re loe, beim nhao nae"ru we' myo, jid mo, myo, dam: myao: li" nhao: ga" khyo re ta" kyo: nae" tau: re: se' da: be, khyaid' yhin" qhug' na: ra" mo, loe, beim nhao nae" ga"19 ru we' – AsAng: o ngaui kao bau: ra" zin na ayo, dau va" ru re ta" hau" kyo: byid: nae" tau: mae" yao: ngo re nhao: ke' ru ngaid:20 ra" ga: nghe' ra". – Ai:thao Yesu wa jham: tung" re dam: dang: mung: ham phaung yham qu" shaung yaug re dam: byid' ke' mung: zaung: jo; ra". Ham phaung yham mae na: ra" alhab' mo; yao: re zhaug' qu"21 na: bam: ako". – Ailao" Yesu wa ana" ba naonhaung" the' gyo: veko" jham: tung" to" akhyo wa gyang" dang: lo va" ga: ta"22 phung" ra". – Alhab' mo, wa yao: re caung: khin" mung: yao: jhau: ke' ra" dao: re mug' ru we' ce yaug wa Yoseb' yao: zo: mangaid:23 i"? ga: ta" ako". – Ailao" Yesu wa yao: bam re naonhaung" wa mocid' pho: su we" nao yao" mau byin: re shi" qhid' pho: gai wa, ga: dao: khyo: re pao yang: Kaperna:um: vo mae kaid' ra" akhyo ngonhaung" the' gyo: va" ru we' dakhyo: nao yao" vo mae re: kaid' qhu" wa, ga: ta" nug: ako" ga: mho:24 ra". – Ngo naonhaung" re dang dang yao: mho ge li" . Lapa qe wa yao: yao" vogaung: mae khoyaug re: myo, nho nga: lao: maqo"25 ko" ngaid: ra". – Ngo naonhaung" re mho: kyo: geli" tae" gyo: ge, lapa Elia ta mae Israel mang: mae sam zin: lho" khyaug' khye' mug: ma qu yang: mang: din" geim" bao" khug' mo" khug' lo: au: Israel amyu"26 qe mae cug' mo" na: ako". – Ai ngaid qere: Mo"so wa ai bam mae" dayaug jhao" re: lapa Elia re manhao: ke' ngaid: ra", Sidun mang: Zarephta vo mae" cug' mo" myhi"27 jhao" nhao: ke' ra". – Lapa Elisha ta mae re: Isreal amyu" mae" ye, gyaid de, mo, myo: sho' na ge ngaid yang: re: yao: bam dayaug re: magai: shao lho" ko" ngaid: ra". Suri amyu" Na:main: za: gai shao: lo" ra"ga:28 mho: ra". – Ham phaung yham mae na: ra" volo byu wa ce: dao: re the' gyo: ge lao" nhag' gyai gyo" gyid' ako".29 Amung: yao: bam wa Yesu re vothao byo, kam" mae" ye: deim" phyid' khyo" ke' nae" ga: yao:re vo yae khyo ceim" she:30 thug' ye" ako". – Airu: AsAng wa yao: bam: phaung gaung mae" kho' thug' lo" mung: phao: lo" pye' ra".31 Ai: thao mae Yesu wa Galile" mang: mae" Kaperna:um: vo khyo gyo" lo" mung: dug no: ba mae volo byu jham re mho"32 shid' ra". – Yao: thoe mo" ke' mho" shid' ra" khyo re yao: bam alhab' gyo" mug' ako". Pe" mung: ga" re yao" dao: thoe wa kheim: so' bo yang: ngaid: ra".33 Ai: ham phaung yham khug mae mashao: yui vao: ra" byu dayaug na: ra".34 Yao: wa thoe thaid' mung: – Nazared' mae" Yesu we" Nao ngonhaung" we' pe" tin" i"?.Ngonhaung" re lhau: phyo' nae" ein: nao ce: khyo joe" li" i"?. Nao khag' ngaid: ru re ngo ba: .Nao wa Mo"so: shao gyang" ra" yaug ngaid: ra" ga: zag: gyi:35 hug' ra". – Yesu wa yao: re sae za: na wa, Yao: mae" thug' lo" wa, ga: amyin" byid' ke' ra". Ailao" mashao yui wa ai: yaug re mo, phaung gaung: mae be; mho' lhang" ke' mung: yao: re pe" dae mate' lo: phao:36 thug' lo" pye' ra". – Volo byu qe alhab' wa mug' yang: ce: dao: jham wa pe" ru" ra" dao: kheim: jham ngaid: i"?. Byu ce yaug wa kheim: so' qam: o" yang makhyang" ra" yui jham re amyin" byid' ke' lao" yao:37 bam phao: thug' lo" ko" ra". – Ai lao" yao" akhyo wa ai: mang: geim" khyo hau" nhao" lo" ra".38 Yesu wa ham phaung jao: mae"thug' mung: Simon: yham khyo vao ye: ra". Ai: mae Simon: yaug myhi" no: qam" gyai bug: na:ra". Aru: mung: yao: bam wa Yesu re bao" yu nae" tau: lham: mho' ako". –39 Ailao" Yesu wa ai: myiqe: myhi" nhae mae yeye; jo, mung: noqam" we" gai: lo" wa, ga: amyin" byid' ke' ra". Ai:myiqe: myhi" wa noqam" gai: lo" byaug: ru we' alao" jao" to" li" mung: yao: bam re bang" da" ra".40 Ba vao: lo" na lao" nophyo: aja: ja: qhug' ra" mo, re Yesu jhao" jhui" li" ako". Yao: wa yao: bam: au: dao mae dayaug thao dayaug re lo, kai: byid: yang: no phyo: re41 gai byid' ra". – Yui jham re: nao wa Mo"so: yao: zo: ngaid: ra" ga: hug' yang:byu myo: sho' mae" thug' lo" pye' ako".Yao: Meshia ngaid: ru re yui jham ba ko" ru: yang Yesu wa yui jham re qeim mung: dao: jhau: nae" akhang" ma byid: ngaid: ra".42 Mug: bo" lao" ai: vogaung: mae" thug' lo" mung: cae: jhug tag mung: ra" jo, qo khyo ye" lo" ra".Byu phaung mo" wa yao: re cao" qho: mung: yao: re yeqho: myao ge lao"yao: bam mae" malo" byaug nae" tau:43 yao: re ceim"ta" ako". – Yesu wa yao: bam re Ngo wa Mo"so: mang: din" ngaui bau: lau dao: re gevo mae re: hau: ca" shi" ce mau" we' tin: yang: ngo wa nhao: ke' qhug'44 yaug ngaid: ra" ga:mho: ra". – Amung: yao: wa Galile" mang: mae" ham phaung jao: khain mae cao" hau" qin" ra".