1 Yesu wa yao" naung cao qere khon- hae" re: jhaung: mho' na genae" we' qam: mashain genae" tau:mae" dao: tau" khyo"2 mho" shid' ra". – Vogaung: dalam: mae Mo"so re re: magyaug , byu rere: pe" shui manho: ra" tarha" zug: dayaug na:3 ra". – Ai:vogaung: mae cug' mo" myhi" dayaug re: na: .Yao: wa tarha" zug: pho" jhao" dazab makyo ye: mung: ngo we' tarha" yung" jho" zaung: ra" yaug: agyo: mae nga" shaid' mae" dang main" ra" khyo" dao: phyid' byid: la, ga: tarha" zug: pho"4 re mho: ra". – Ngaid qere: tarha" zug: pho" wa bana myao" sho' dao: mata" phyid' lo: na: ra". Thao re tarha" zug: pho" wa ngo wa Mo"so re re: magyaug byu rere: pe"5 shui manho yaug ngaid: – Ngaid qere: cug' mo" myhi" wa dazab makyo li" jhau: nyha: na: ru re ngo manug: tho' gyo: yao" mau" re ta" phyid' byid: nae" ngaid: ra" ga:6 yao" nhag' khug mae myid: ra". – Madang main" ra" tarha" pho" khoru: ga: ta" ra" ru7 re gyo" qu" ge, . – Mo"so wa myi" na" mho' yao: na ko" ra" yao" byu qe: shaid' mae ye, mung: tarha" din" ra" khyo" dao: maphyid'8 byid: lo: na nae" i"?. – Naonhaung" re ngo mho geli". Mo"so wa phyaid phyaid za: yao: bam: tau: tarha" din" ra" khyo" dao: phyid' byid' li" nae". Ngaid qere: Byu: yao: zo: joe" li" ra" bana re myid gaung: dao mae lam" myid re wa the' myao nae" laug i"? ga: mho: ra".9 Yao: yao" gaung re ngaid beim: mung: su geje re qu" ngai: ra" mo, tau: mae" ce: dao: tau" khyo" yang mho" shid' ra". –10 Dalhang mae" byu shid' yaug wa jhaung: mho' nae" tau: pa" jhaung: yham khyo ye"ako".Dayaug wa Phareshe" ngaid mung: dayaug wa khang: gaug yaug ngaid: ra". –11 Phareshe" wa ye; jo, yang: Mo"so we" ngo wa nao re jeju so" ra" wo". Khoru: ga" re ngo wa su re" ru: mhug' zo: mhug' shaug' ru , madang main" ru , su: myi: re shaid' ru , ce: khang: gaug yaug re" ru:12 makaid: . – Ngo wa dadug no" gyo: mae zo: shaug' shid' lhang jao" ra".ngo qo" ra" gu: mae" daxe bam mae" da bam re byid'13 ra" ga: ta" ra". – Ngaid qere: khang: gaug yaug wa va: mae ye; jo, yang: mug: gaung khyo lao" mavae" tau: qu" lo: yao" qao gao theim mung: pho" Mo"so we" qobo jab re nhag' myain" yu la, wo" ga: jhaung:14 mho' ra". – Ngo naonhaung" re mho geli". Khang: gaug yaug wa shaogyang" za: yham khyo phao: lo" ra". Phareshe" wa qobo maloe, ngaid: ra".15 Byu daqhae: yao: bam: zoshao qe: dao mae Yesu yao" lo, kai: byid: veshao: ga: yao: bam: zoshao qere Yesu jhao" jhui" li" lo: ako". Aire naungcao jham myao gelao"16 yao: bam re qeim: ke' ako". – Ailao" Yesu wa zoshao qere yao: jhao" khai: yu mung: yao: bam re mho: ru wa zoshao qere ngo jhao" li" nhao ge, yao: bam re datam" to: ge, . Pe" mung: ga" re Mo"so: mang: din" wa ce bam ru" mo; tau: mae" ngaid: ra". –17 Ngo naonhaung" re dang dang mho geli". Mo"so: mang: din" re ce: zoshao qere" ru: makhae: yu ko" re wa ai: mang: din" khyo maqo" vao genae" ga: mho: ra".18 Jo, nho" qo" ra" Yuda, lau: de; da yaug wa Yesu re gai lho" ra" mho" pho" we" apyaid ato: kao so' qo" nae" tau: mae ngo pe" nam kaid' ca" shi" i"?ga: myid' ra". –19 Yesu wa nao pe" mung: ngo re gai: lho" ra" ein: ta" i"?.Mo"so mae" je yang: gai: ra" byu20 dayaug re: mana. – Nao wa khang" dao: tarha" mae bo: ra" myi: lao dashaid' , byu dase' , dakhug' , madang main" ra" sagso: dakaid' , ni" myhi" pho" re phug' myao: wa, ga" khang" dao: re ba gau ngaid: ra"21 mangaid: i"? ga: ta" ra". – Ailao" ai: yaug wa Yesu re ai: khang" dao: tarha" alhab' re ngo zoshao: yo, mae" phug' cao" lo va" ga:22 phaug' tau" ra". – Yesu cedao: re qhug' gyo: lao" yao: re daja: kaid' ca" shi" ra". Nao qo" ra" gu: alhab' re aung" pye' mung: myaung sho: mo, re gae byid: wa, Ailao" nao wa mug: gaung: dao mae jo, nho" qo" nae". Airu: bin: kaid' lao" nga" thao cao" wa, ga:23 ta" ra". – Ai: yaug wa ce: dao: re the' gyo: lao" yao: wa gyai nhag' kaug' lo" byaug: ra". Pe" mung: ga" re yao: wa jo, nho" gyai qo"24 yaug ngaid: ra". – Yao: airu: nhag' kaug' ru re Yesu myao lao" jo, nho" qo" ra" mo, Mo"so: mang: din" khyo vao nae" gyai qug'25 ako". – Khoru: mung: ga" re jo, nho" qo" ra" dai zug: da yaug Mo"so: mang: din" khyo vao nae" tho' mae ma dae myao: wa nghe' no: dung: khyo" vao: lai nae" je: laui:26 ashi" ga: mho: ra". – Ailao" yao: bam wa ai: khyo: ngaid: re wa khoyaug za: khyaid' yu:27 khyo qhug' zai i"? ga: myid' ako". – Ailao" Yesu wa byu: yang maqo" kaid' boe" ra" gu: alhab' re Mo"so wa qo" kaid' poe" ra" ga: mho: ra".28 Ailao" Petru' wa ngonhaung" wa yham dang: ug' khug' re to" pye' co' mung: yang:29 ni" thao cao" va" ga: ta" ra". – Yesu wa yao: bam re ngaid va".Ngo naonhaung" re dang dang mho geli". Mo"so: mang: din" mathao mae myhi" pho" , mao: nhaung: , myi: zo: we' yham dang: ug' khug' re to" pye' co'30 ra" mo, wa – Ce: ta mae ngaid qere: , thao: bang: ta mae ngaid qere: , apyaid ato: kao so' re qo" genae" ga: mho: ra".31 Yesu wa naung cao daxe: shid' yaug: gu: re yao: jhao" khai: yu mung: ana" ngonhaung" Yerusalem: vo khyo do, lo" gelang: .Byu: yao: zo: we' tin: yang: lapa qe tung" to: co' ra" pa dao: alhab' dang: lo: li"32 nae". – Byu: yao: zo: re bag zeim qe: lo, khyo qhaug' byid' pye' li" genae".Yao: bam wa yao: re shao" pyao: ru , pyam" yhin" ru , khata: phoe" gyain" ru qhug' li" nae". –33 Yao: bam wa Byu: yao: zo: re be, mung: se' pye' genae".Ngaid qere: sam ba ein: ba re dam: daui: to" lo" li" nae" ga: mho:34 ra". – Ce: dao: kheim: re naungcao qe ma ba: gyo: ko".Dao: dakheim: re: maba: gyo: genae" tau: nyham" to: byid' ru mung: pe" mho: rure lase" maba: gyo: gengaid: ra".35 Yesu Yerikho" vogaung: khyo joe" ye" lo" na: au: myo, jid dayaug khyo yae mae36 zaung: jo, mung: mho' zo" na: ra". – Yao: wa byu thaui: mo" lai: lo" na: thoe re the' gyo: lao" pe" ngaid: ra"? ga: myid' ke' ra". –37 Yao: bam wa Nazared' vo mae" Yesu su" lai:38 lo" na: ra" ga: ta" kyo" ako". – Ailao" yao: wa Davi yao: zo: Yesu we" ngo re nhag' myain" yu la, wo" ga: zag: hug' ke' ra".39 Qhid' au: mae su" ra" mo, wa yao: re sae za: na nae" tau: qeim: ako". Ngaid qere: yao: wa Davi yao: zo: Yesu we" ngo re nhag' myain" yu la, wo" ga: je: qam: phin:40 yang: hug' ra". – Ailao" Yesu ye; thang mung: myo, jid yaug re yao: jhao" jhui" li"41 nhao: ra". Yao: joe" li" lao" – Nao wa ngo re pe" nam kaid' byid: nhao nug: i"? ga: yao: re myid: lao" yao: wa ngo myo, myao42 nug: ra" ga: dam: tau" ra". – Yesu wa myo, myao: lo shao: ni" lam jang" myid wa nao re gai byid: va" ga: mho: ra".43 Ai yao: jao" yao" myo, myao: li" mung: Mo"so re caung" ra". Aire myao: ra" mo, alhab' geim" Mo"so re ceim" caung: khin" ako".