1 Dane; re" ba mae Yesu qu" ke' re pa" caung: yham mae" aung lam bain" mae jo, nho" qo" ra" mo, aung lam ke' na ko"2 ru re myao: ra". – Gyai myaung sho" ra" cug' mo" myhi" dayaug thang: the: ngaui shid' kye' alu: ke' ru re yao: myao: ra". –3 Yesu wa ngo naonhaung" re mho geli" ce: myaung sho" ra" cug' mo" myhi" wa geje4 alhab' tho' alu: ngaui je: ke' ava". – Khoru: ga" re geje wa yao: bam magain: mago" qo" ra" jo, nho" mae" jain" ra"gu: alu: ke' ako". Ngaid qere: cug' mo" myhi" wa sho: jhin myaung sho" mae" yao: zo: nae" ru alhab' re alu: ke' pye' ava" ga: mho: ra".5 Naung cao qe daqhae: wa pa" jhaung: yham wa yaung" ra" laug baui jham: yang kaid' to" ru we' Mo"so re qhaug' byid' to" ra" alu: zai jham: yang gyai yaung" jo; ra"6 akhyo re jho" ta" na: ako". – Ailao" Yesu wa ce: naonhaung" the' myao: ra" gu: alhab' wa laug baui dabaui we' dabaui makai" jo, lo: sho' byo; sin" byaug: ra" ba na ayo, joe" lo: li" nae" ga: mho: ra".7 Ailao" yao: bam wa AsAng we"ce: gu: khonhae" boe" li" nae" yha"?cegu: boe" nae" ve, lho wa khoru: ngaid nae" ga: myid'8 ako". – Yesu wa naonhaung" ju" phyo' ru maqhug' genae" tau: lha" yang: na ge, byu myo: sho' wa nga" aqid ve, yang: thug' li" mung: ngo wa Meshia ngaid va". Ayo, joe" va" ga: ta" li" genae". Ngaid qere: yao: bam:9 thao da cao" ge, .– Naonhaung" mang: byo, lao baui: ru we' tau: lhain: gye to" ra" thoe the' gyo: gelao" dagyaug ge, ai: ru alhab' wa sao qhid' boe" li" ca" nae". Ngaid yang: re:lo" thao" bana wa mangaid: shi: nae" ga: mho: ra".10 Yesu wa xo' yang: mang: damang: we' damang: byu damyu" we' damyu" mang:11 jho" khaid' li" genae". – Bao" khug' gyo" lo nae" myid lab: mo" lab: nae".No phyo: qam" aja: ja: gyo" lo nae". Mug: gaung mae qu" gyaug qu" lhaung sho' ra"ve, lho jham boe"12 thug' li" nae". – Cegu: alhab' maboe" shi: re naonhaung" re cam" yu mung: pyam" yhin" li" genae". Yao:bam wa naonhaung" re tarha" pyam" nae" tau: ham phaung mung: kyam: khug lhaung" to" li" genae". Naonhaung" wa nga" mathao mae jhaung zug: qe we' zug: ade, qe: qhid' kheim:13 khyo jhui" ye" ru qhug' genae". – Ai: ru wa naonhaung" tau: mae ngaui bau: lau dao: sagso: kham nae" tau: akho: akhang" agu14 gai ngaid: li" nae". – Ngaid qere: naon- haung" gaung re khoru: ta" qid' yu nae" ein: ru re nhag' khug mae damyid: ci" na15 ge, – Naonhaung" re mata" aung genae" tau: ngo wa naonhaung" nhaid' mae aung16 gyang: dao: ke' byid: nae". – Naonhaung" myhi" pho" , mao: nhaung: qe we' ba nam ug zo: zam" cao: qe wa naonhaung" re gye tug' she genae". Daqhae: se' pye' ru qhug'17 genae". – Nga" mathao mae naonhaung" re yaug khao: ngo" qu" gyid' li" genae". –18 Ngaid qere: naonhaung" au: mae" xae19 dakhe' lao" gyo" nae" mangaid: . – Naon- haung" wa zang: qhao" yang: tang tang za: ye, ge, alao" khyaid' yu: ru qhug' genae".20 Yerusalem: vomo" re gyevo qe li" lhang" kham" to" rure naonhaung" myao gelao" ai: vogaung: byo; baui" lo" nae" ayo, joe" li"va"21 rure beim: ge, . – Yuda, mang: mae na: ra" mo, wa bam khyo tao" phao geshao: mang: mae lae" qin" ra" mo, re: vo khyo madam: tug' lo" geshao: vomo" khug mae na: ra" mo, re: phao: thug' geshao: voyae mae" vozo: khain mae na: ra" mo, re: vomo"22 khug khyo mavao: lo" geshao: . – Khoru: ga" re ai: bana jham wa jham: paug' mae ta" to" ru gyang" dang: lo nhao: ra". Qobo dae23 byid' ra" bana jham ngaid: nae". – Ai: bana ayo, mae gaung la: mo, we' nug' nau" jhui" ra" mo, wa gyai qug: khai" ru qhug' genae". ce: mang: mae qug: khai: kyi" khyag' ru joe" li" nae".ce: byumyu" qe: dao mae Mo"so qobo dae byid' ru joe" li" nae" ngaid:24 ra". – Damyo" wa shae gye mae gyoe; gyo" genae". Damyo" re wa mang: din" khao: ngo" khyo sham" tai: lo" ru qhug' genae". Bag zeim amyu" qe yao: bam: ayo, magain gain wa Yerusalem: vomo" re khyid nao: jao: boe" li" genae".25 Ai:yo, khin: mae ba kyi lho" mo" jham mae" ve, lho aja: ja: boe" thug' li" nae". Myid gaung: dao mae" mang: khao: mang: ngo" mae na yaug: mayo boe" nae". Qid mang: dae mae" bang: lhung" to" ra"thoe: yang gyaug nhag' lam: thao" li" genae". –26 Mug: gaung mae" qam: o: alhab' wa daui: nain" li" yang: myid gaung dao mae ai: gu: boe" li" rure myao gelao" byu qe wa ko,27 ko, gyaug: nin" shid: li" genae". – Ailao" Byu: yao: zo: wa kheim: so' phung bao mo" we' jham thaui: mae joe" li" rure the' myao28 genae". – Ce:gu: boe" qhid: li" na lao" naonhaung" wa au: tau: nghao" ke' mung: mug: khyo qu" ge, khoru: ga" re naon- haung" re khyaid' yu nae" bana wa joe" li" va" ga: mho: ra".29 Ce we' tin: yang: dao: tau" dalam: re dam: ta" kyo" ra". Pho' ham" gae we'30 getau: sag' gae alhab' re qu" ge, – Ai jham a nyaug nau" taid' li" lao" zin vao kheim:31 joe" li" va" rure naonhaung" ba: ako". – Ai we' dakhyo: ta" to" ra" gu: boe" na: rure naonhaung" the' myao gelao" naonhaung" wa Mo"so: mang: din" joe" li" na va" rure32 beim: so: ge, . – Naonhaung" re ngo dang dang mho geli" ana" daui: na: ra" mo, alhab' mashid: gain shi" re ai: gu: alhab'33 boe" li" zai ngaid: . – Mug: gaung we' myid gaung wa lai: lo" byaug: li" nae".Ngaid qere: nga" dao: wa khonhae" re: lai: lo" nae" mangaid: .34 Airu: mung: ceta mae" zo" lai shaug' ze aqug: akhai: mae za: dathaui" yaug: na ge, magyang: malau" maboe" nae" khyo:35 lha" na ge, . – Myid gaung dao mae na: ra" mo, alhab' geim" dao mae myho re" ru:36 nyag tin" labaug nghoe' li" nae". – Airu: mung: naonhaung" wa boe" li" nae" cegu: mae" qo" loe, nae" we' Byu: yao: zo" qhid' kheim: main: qi" za: qo" ye; qhu" nae" tau: khonhae" re: jhaung: mho' zo" lao" na ge, ga: mho: ra".37 Amung: yao: wa na" gaung re jhaung: yham mae mho" byid' na mung: myi" lao" wa Zhainlun: bam khyo ye: yab yab kaid'38 ra". – Volo byu mo, thaui: jham wa yao: mho" shid' dao: re tae" gyo: nae" tau: ne, seim no' no' pa" jhaung: yham khyo li" lo: ako".