1 Dane; re" ba mae Yesu wa pa" jhaung: yham mae volo byu qere mungdao: mho" shid' na: au:khin jaung qe , jham: ba pho" qe we' au: she nhag' bo ade, qe li" mung: –2 Yesu re nao ce: mau" zo" jham re pe" kheim: so' khyo" yang kaid' i"? nao re ai: kheim: so' khag' yang byid' ngonhaung" re ta" khyo:3 la, ga: myid' ako". – Yesu wa naonhaung"4 re shi" dao: dakheim: myid: geli". – Yohan qid nyhab' byid' ru wa Mo"so: kheim: so' khyo" yang ngaid: i"? mangaid: lao" byu: kheim: so' khyo" yang ngaid: i"?ngo re ta"5 kyo: gela, ga: phaug' tau" ra". – Yao: bam wa ngonhaung" khoru: ta" zai i"?Mo"so: kheim: so' khyo" yang ngaid: ra" ein: ta" lao" aire naonhaung" pe" mung: Yohan re6 malam ko" i"?ga: yao: ta" li" nae". – Byu: kheim: so' khyo" ngaid: ra" ein lao" re: volo byu qe wa Yohan re lapa ngaid: ra" ga: myid: lam: na ko" ru yang yao: bam ngon- haung" re laug baui: yang pye' li" genae" ga:7 yao: bam yao: cao: jho" ta" ngag: ako". – Ai ru: mung: yao: bam wa ai: kheim: so' khai: mae" ngaid: ru re ngonhaung" maba ga:8 tau" ako". – Ailao" Yesu wa yao: bam re ai: mau" zo" jham re pe" kheim: so' khyo" yang ngo kaid' ga" ru re ngo re: naonhaung" re mata" kyo: nae" ga: mho: ra".9 Ai: thao Yesu wa volo byu qere dao: tau" daja: re dam: ta" kyo" ra". Byu da yaug wa sabyi' khyae da khyae qho" to: mung: khyae ngho" zaui: mo, re ngho: byid: co' yang: yao: wa mug: va: khyo gyaung: su"10 lo" ra". – Sabyi' shi: phyo' yo, joe" lao" yao" o: kaung dayaug re khyae ngho" zaui: mo, jhao" khyae ngho: phug' sabyi' shi: mho' nhao: ke' ra". Ngaid qere: khyae ngho" zaui: mo, wa ai: o: kaung pho" re lham: be, mung: akeim dam: nhao: ke' ako". –11 Khyae sang wa ai:thao dayaug re dam: nhao: ke' ra".Yao: bam wa ai: yaug rere: be, mung: aqho' aqhid gaung lam: shopyaid'12 nhao: ke' ako". – Thao re o: kaung sam yaug ein: yaug re dam: nhao: ke' ra". Khyae ngho" zaui: mo, wa yao: re re: dae lham: te' mung: taung gaung khyo lham: deim"13 geim: thug' pye' ako". – Ailao" khyae sang wa ngo pe" ru: kaid' nae" laug i"? ngo jhid' de; ra" nga" zo: re nhao: ke' nae".Yao: bam wa yao: re lham: phug' myao: ko" maba ga:14 ta" ra". – Ngaid qere: khyae ngho" zaui: mo, wa yao: re lham: myao gelao"ce yaug wa khyae sang: yao: zo: ngaid: ra".Yao: re se' pye' gelang: . Ailao" yao" jo, nho" wa ngonhaung" qo" sang zai ngaid: ra" ga: yao:15 bam yao: cao: jho" ta" ako". – Khyae ngho" zaui: mo, wa yao: re khyae taung gaung khyo deim" geim: thug' lo" mung: se' pye' ako". Ailao" khyae sang wa ai: khyae ngho" zaui: mo, re khoru: kaid' nae" laug i"?. –16 Khyae sang wa khyae ngho" zaui: mo, re li" se' pye' li" nae".Amung: ai: khyae re re: getau: khyae ngho" zaui: mo, re dam: kai" ngho: byid' pye' li" nae"ga: mho: ra". Yesu ta" dao: re volo byu qe the' gyo: gelao" ai ru: wa mangaid: veshao: ga: ta" ako". –17 Yesu wa yao: bam re zhaug' qu" mung: , yham kaid' ra" mo, khyin: khyo" pye' ra" laug baui wa yham jheim lo" jhid' nae" tau: yhau: gyin" thao" ra" laug baui boe" lo va" ga" ra" jham: dao: pe" ga" ru ngaid: ra" i"?18 ga: myid' ra". – Ai: laug baui dao" gyo" lo" lao" khag' ngaid qere: adau dau gyug' lo" ru qhug' li" nae". Amung: ai: laug baui: yang: gyo" zao" zag: ra" yaug re: aphaui: phaui: mhain" pye' li" nae" ga: mho: ra".19 Khin jaung qe , jham: ba pho" qe wa yao: bam re qang yang: dao: tau" cegu: ta" gyain: va" ga" ru re gyo" beim: geyang: Yesu re cam" yu nae" khyo qho: na: ako". Ngaid qere: yao: bam wa volo byu qere20 gyaug: ako". – Ai ru: mung: yao: bam wa ayaug: agu gai lao" na: ako". Yao: bam Yesu re mang: zug: lo, khyo qo" qhaug' byid: nae" tau:Yesu yao" dao: thoe: yang qobo qo" zhaug' sho' ye:kung" nae" tau: mae" byu daqhae: re byu gai lho she' nae" khug vag: byid: mung: Yesu jhao" nhao: ke'21 ako". – Yao: bam wa Yesu re mho" pho" we" nao ta" ra" dao: we' nao mho" kyo" ra" khyo wa dang: ru re ngonhaung" ba: ra". Nao byu: myo, nho nga: lao: re maqu" lo: Mo"so: myid: o: ra" khyo re dang main" ra" khyo" mho" shid' byid' rure ngonhaung"22 ba: ra". – Ngonhaung" wa Roma' Siza: re khang" daug gai: ke' i"? magai: byid: i"?ngonhaung" re ta" kyo: la, ga: myid'23 ako". – Ailao" Yesu wa yao: bam: nhag' lam: kaui: ra" rure ba: jhoe" pye' yang: naonhaung" ngo re pe" mung: lag li" qu" na24 ko"?. – Ngo re ngaui da kye' qhu" qu" gela, ngaui ce mae khoyaug: sulho we' adao mae khoru: tung" to" ako"ga: myid' ra". Yao: bam wa Siza: sulho we' mang aso: de; ra"25 ga: tau" ako". – Amung: Yesu wa yao: bam re Si:Za: we' tin" ru wa Siza: re byid: ge, Mo"so we' tin" ra" gu: kam" wa Mo"so re26 byid: ge, ga: mho: ra". – Yao: bam wa volo byu qe: qhid' kheim: mae Yesu re qobo maqo" zhaug' ko" ngaid: ra". Amung: yao: bam sae za: na: ako". Yesu phaug' tau" ra" dao: thoe re mug' hao" byaug: ako".27 Shid mo, dam: daui: to" li" nae" ga" rure makhae: yu: ra" Saduke" qe daqhae:28 Yesu jhao" li" mung: – AsAng we" danhae ho' mae" yao: mao: wa yham sang myhi" yu mung: zo: dau made, shi: mae" shid: pye' yang: yao:nhaung wa yao: mao" cug' gaug mung yao: mao" tau: nyaug xo' zo: dau myhung byid: ca" ga: Moshe tarha" mae bo:29 ra". – Dalhang re: yao: mao: yao: nhaung: nhaid' yaug na: ako".Mao: mo" yaug wa yham sang myhi" yu mung: zo: dau made,30 shi: re shid: lo" byaug: ra". – Ai:thao mao:31 le; yaug cug' dam: gaug: ra". – Ai:thao sam yaug ein: yaug cug' dam: gaug ra".Yao: tao ho' nhaid' yaug geim" cug' gaug mung: zo:32 dau maqo" lo: shid: pye' ako". – Lo" thao"33 mae myiqe: myhi" re: shid: lo" ra". – Shid: lo" ra" mo, dam: daui: to" li" ra" bana mae ai: myiqe: myhi" wa khoyaug: yham sang myhi" lam: ngaid nae" i"?yao: tao ho' nhaid' yaug: geim" yao: re ngho" veko" ra" ga:34 myid' ako". – Yesu wa yao: bam re ce:myid gaung: dao mae na: ra" yo, bang: mae Sosu byu qe wa ug' khug' vai" yang: na: ako". –35 Ngaid qere: shid: ru mae" dam: daui: to" li" ra" ta re mug: gaung: mang: din" vao main: qi" ra" mo, wa ug' khug' vai" ga: ru majo,36 lo: genae". – Yao: bam wa mug: logyo: qe we' dakhyo: mashid lo: za: shid: ru mae" dam: daui: to" veko" ru mung: Mo"so: zo: dau qe ngaid: ako".37 Shid: ra" mo, dam: daui: to" li" akhyo re Moshe wa de: de: sagso: qhu" byid' to" ava". Myi: nga" na: ra" thao" paung" we' tin" ra"jham: dao: mae Moshe' wa AsAng re Abraham: Mo"so , Isag: Mo"so Yaku'38 Mo"so ga: ta" to" ra". – Mo"so wa shid: jo; ra" mo; Mo"so mangaid: daui: na: ra" mo; Mo"so angaid: . Alhab' mo, wa yao" qhid' kheim: mae daui: na: ako" ga: mho: ra". –39 Jham: ba pho" qe daqhae: wa mho" pho" we" gyai gai: ra" dao: kheim: ngaid: ra" ga:40 ta" ako". – Khoru: ga" re yao: bam wa yao: re dao: dakheim: re: mavae" myid: lo: ko" ngaid: ra".41 Yesu wa yao: bam re Meshia wa Davi yao: zo: ngaid: ein: khoru: qo" ta" ko" i"?. –42 Khoru: ga" re Davi yao: yao: lao" re: caung: khin" paug' mae ai: AsAng Mo"so mho: ru wa ,43 Ni" gyevo qere ni" khyid kai: jao: ngo mato: byid: byid: wa Nga" lo, yo shaid' mae zaung: jo, wa, ga: nga" AsAng ta" to" ra". –44 Davi wa Yesu re AsAng ga: ta" ra". Airu: ngaid: re Meshia wa Davi zo: myid: khoru: gai: boe" nae" i"?ga: myid' ra".45 Volo byu qe alhab' mo, yao" dao: re tae" gyo" na ko" au: Yesu wa yao" naung cao qe re , jham: ba pho" qe re lha" yang:46 jao" pye' ge, – yao: bam wa bau: qhang ve; pye' mung: su" qin" lhau nug mo, , gai jao: mae su: yang lham: phug' myao: nae" rure o ngaui mo, , ham phaung yham mae getau jaung: to" ra" tao" khau" mae zaung nug47 mo, . – Cug' mo" qe: yham zai ug' khug' re lhaid' zo" ci gemung: su: qu" gai nae" geim kaid' yang: jhaung: qhang qhang mho' mo, ngaid: ako".Yao: bam: qobo dae je: xo genae" ga: mho: ra".