1 Yesu yao" naung cao qere mho: ru wa da lhang mae" dai zug: dayaug wa yao" jo, nho" re zam" ra" mau" au: she dayaug qo" ra".Ai: jo, nho" zam: yaug wa dai zug: pho" jo, nho" re mageim: da" sin" pye' na:2 ra"ga: dai zug: pho" re ta" kyo" ako". – Ai ru: mung: dai zug: pho" wa yao: re khai: yu yang: ni" akhyo we' tin: mung: ngo the' gyo" ru wa pe" ru: khoru: i"?. Nao zam" ci: ra" jo, nho" japhin: alhab' sho' qhu" la, khoru: ga" re ana" mae" thoe gu: ngaui zam: japhin: ci mau" re kaid' zai mangaid:3 lo: ga: ta" ra". – Ailao" ngaui zam: yaug wa ngo khoru: kaid' lo: nae" i"?. Nga" asang wa ngo re ngaui zam: aya: yu: pye' byid: va". Ngo wa myid gaung dau: nae" re: qam: o:4 mabo mho' zo: nae" re: qho' ra". – Ngaui zam: aya: mae" khe' thug' pye' qere: ngo re lham: khae: yu genae" khyo: daja: kaid' nae" ga: myid: ra".5 Ai ru: mung: yao: wa yao" asang re jhin de, ko" ra" mo, alhab' re khai: yu yang: sao qhid' yaug re nao wa nga" asang re jhin6 khonho" de; i"? ga: myid' ra". – Jhin de, yaug wa Zhainlun: xau yae: dayo de; ga: ta" ra" ngaui zam: pho" wa ni" japhin: ce ngaid: ra" gyo" zaung mung: ngo" xe ein: tung"7 wa, ga: ta" ra". – Getau dayaug re nao nga" asang re jhin khonho" de; i"?ga: myid' ra". ai: yaug wa saung so gaug tang dataung de; ga: tau" ra". Ni" japhin: cengaid: ra" gyo" zaung mung: she' yo ein: tung" wa, ga: ta"8 ra". – Ai: nhag' lam: madin" ra" ngaui zam: pho" wa ai ru: qag qag za: kaid' ru: yang yao" asang wa yao: re khin" ra". Khoru: ga" re ce: myid gaung: byu qe wa yao: bam myid gaung: mau" zo"kaid' ru mae lao" bo" bao: yao: zo: qe tho' je: qag: ako".9 Ngo naonhaung" re dang dang mho geli" madang main" ra" jo, nho" yang yao: yao" qhid' mae" ba nam kaid' ge, ai lao" ai: gu: gain: byaug thao yao: bam wa apyaid' ato yham mae naonhaung" re tug: yu: li"10 genae". – Ngai: ra" mau" zo" mae vin tang" ra" yaug wa qi" ra" mau" zo" mae re: vin tang: kaid' li" nae".Ngai: ra" mau" zo" mae nhag' lam: madin" ra" yaug wa qi" ra" mau" zo" mae re: nhag' lam: din: nae"11 mangaid: . – Airu: mung: myid gaung: dao: jo, nho" we' tin: yang: naonhaung" ma vin tang: ko" ngaid: re wa dang main: ra" jo, nho" we' tin: yang: naonhaung" re khag'12 lam genae" i"?. – Naonhaung" wa su geje sang: ra" jo, nho" we' tin: yang: mavin tang: ko" ngaid: re naonhaung" sang ang: ra" jo, nho" rere: naonhaung" re khag' byid: genae" i"?13 Byu dayaug wa asang shid' yaug mae o: kaung maqo" kaid'. Pe" mung: ein: re dayaug re manug boe" mung: dayaug re jhid' de, nae". Ai ru: mangaid: lao" dayaug; bo: de, mung: dayaug re gaui mho: li" nae". Naonhaung" wa Mo"so we' ngaui hhang re daga" shid' ja: geim" o: kaung maqo" kaid' genae" ga: mho: ra".14 Ngaui hhang re myo, no; ra" Phareshe" qe ai: dao: re the' gyo: lao" Yesu re jung"15 ako". – Yesu wa yao: bam re naonhaung" wa su: qhid' kheim: mae yao: yao" gaung re dang main" ra" mo, ngaid: ako" ga: qu" jho nae" khyo: kaid' mo, ngaid: ako". Ngaid qere: Mo"so wa naonhaung" nhag' lam: re ba: ra". Khoru: ga" re byu: yang phug' te' ra" ja: wa Mo"so: qhid' kheim: mae maca'16 majhaid' boe" ra". – Moshe tarha" paug' we' lapa jham: paug' mae" mung dao: jham wa qid nyhab' byid: su majoe" shi: mae" re: , dang jhaug' ra" Yohan joe" li" ra" ba na mae" Mo"so: mang: din" ngaui bau: lau dao: re hau" kyo" lo" mung: yaug khao: ngo" ai: khyo yain" vao veko".17 Ngaid qe re: tarha" mung dao: mae" tung" ce' dace' byaug: lo" nae" laui: ra" tho' mug: gaung we' myid gaung byo; baui" lo" nae" wa je: laui: ra".18 Yham sang myhi" re shepye' yang: getau dayaug re dam: vhin" yu: ra" yaug wa myi: shaid' yaug ngaid: ra". Shepye' kao" to" ra" myiqe: re vhin" yu: ra" yaug re: myi: shaid' yaug ngaid: ra".19 Dalhang: mae" dai zug: dayaug wa phug' de; ra" ve; mai bau: re shaung: ve; ci mung: ne, khao: ngo" zo: pyo: shaug'20 pyo" na: ra". – Gaung geim" byang jhin to" mung: mho' zo: su Lazaru' ga: mang: ra" byu dayaug re: dai zug: pho" yham kham:21 dung: mae li" na: to: mung: , – Yao: wa dai zug: pho" zo bo" mae" sheim: gyo" ra" zosheim re gaug zo: nug: kyi: ga: dai zug: pho" yham kham: yae mae gaung pyaid' na: jo; ra". Lakha: jham re: yao" dae jaid:22 re li" yo, byid' ako". – Thao khomyhao" mangaid: re Lazaru' wa shid: lo" mung: mug: logyo: qe: yang Abraham: tao: kheim" khug khyo jhui" lo" ru qhug' ra". Dai zug: pho" re: shid: lo" mung: nyhab' shaung: pye' ako".23 Dai zug: pho" wa mai: vo: mug: mae dayae dayo: thaung" qhug' na: ru mae" tau: qu" ke' re Lazaru' wa Abraham: tao: kheim" mae zaung: jo; ru re myao: ke'24 ra". – Ailao" daizug: wa nga" pho" Abra- ham: we" ngo re nhag' khyag' yu la, ngo wa ce: mai:vo: mug: mae yhin" qhug' na: Lazaru' re yao" lo, nyhug' qid mae thug' jam mung: nga" sho mae li" tag' cae: nhao la, ngo wa mai:vo: mug: mae yhin" ru phau" na va" ga: ta" ra".25 Ailao" Abraham wa nga" zo: we" beim: wa, nao wa daui: na: ra" ayo, abang: mae yaug yo za: qo" na: lai: lo va". Lazaru' wa masho: majhin phau" lo va". Ana" yao: wa ce mae ngaui bau" ru qhug' na va". Nao wa26 dayae dayo: yhin" ru qhug' na: ava". – Ai: tho' mae nao we' ngonhaung" agyo: mae gyai no; ra" no; lao: khaung" yang kyo: to" ra". Airu: mung: no, lao: khaung: aire naon- haung" mae" re: ngonhaung" jhao" ngon- haung" mae" re: naonhaung" jhao" magai:27 qo" joe" lai: de, ga: mho: ra". – Ailao" yao: wa nga" pho" we" ngo nao re mho' shi: nae". Lazaru re nga" yham khyo nhao: ke'28 byid: la, . – Nga" nhaung: bam ngo" zo: na shi".Yao: bam kholao" ce: jo, qo khyo majoe" lo genae" tau: ai bam re lo" ta" shid'29 kyo: shao: ga: ta" ra". – Ailao" Abraham wa ni" nhaung: bam re ta" peim: nae" Moshe we' lapa qe na: bam: ako". Ni" nhaung: bam wa ai bam: dao: re tae" gyo: vege-30 shao: ga: ta" ra". – Dai zug: pho" wa nga" pho" we" ai: bam ta" ru: yang za: maga" nae". Shid: byaug va" mo, mae" daui: li" ra" dayaug yaug yao: bam jhao" ye" ngaid: re wa yao: bam nhag' lam: tha" lhag' lo" li"31 genae" ga: ta" ra". – Ngaid qere: Abraham wa Moshe we' lapa qe: dao: re matae" gyo: ko" re wa shid mo, mae" dayaug yaug daui: to" li" ngaid qe re: yao: bam lam" genae" mangaid: ga: dam: mho: ra".