1 Lai loe, poe ga: mhang" ra" main" mabo:2 cin main" poe joe" nae" jhao" li" ra". – Khin jaung yin" qe we' jham: ba pho" qe wa volo byu qere gyaug ge yang:Yesu re sae za: mha" se' pye' nae" khyo qho: ako".3 Naung cao daxe: shid' yaug mae bobo: ra" Yuda, Iskarud' nhag' lam: khug mae4 yui vao mung: – Yuda, wa khin jaung yin" we' jham: ba pho" , gug: gam qe jhao" ye: mung: yao: bam: lo, mae Yesu re khoru: qhaug' byid: nae" akhyo byin ye: qham:5 ra". – Yao: bam wa gyo" ngaui gemung: yao: re ngaui byid: nae" ga: dao: so: byid'6 ke' ako". – Yuda, re: ai re myid vang" mung: volo byu qe maba mabeim: lo: Yesu re yao: bam: lo, khyo qhaug' byid: nae" tau: mae" ayo, khoau: yo" nae" rure qho: na: ra".7 Ana" wa lai loe, yao nau" se' ca" ra" main" mabo: cin main" poe joe" li" va". –8 Ailao" Yesu wa Petru' we' Yohan re ngon- haung" zo: nae" lai loe, poe myi" xeim re ye: nyhang" seim" to: ge, ga: mho mung:9 nhao: ke' ra". – Yao: tao wa Yesu re khojo, qo mae ye: nyhang" seim" nae" nao o: i"?10 ga: myid' ako". – Yesu wa ni" shid' tao vogaung: khyo vao ye" lo" ko" re qid am vo; ci: ra" byu dayaug lham: tug: li" nae".Yao:11 vao lo" ra" yham khyo vao ye: mung: – Ai: yham sang re nga" naung cao qe we' ngo lai loe, poe myi" xeim zo: nae" qe, khoqe, ngaid: ra" i"? mho" pho" myid: nhao: ke' ra"12 ein: ye: ta" ge, . – Ailao" yao: wa ni" shid' tao re sham" shaung: to" ra" tho' pyae mae" qe, mo" daqe, re ceim" shid' li" nae".Ni" shid' tao ai: mae ye: nyhang" seim" na ge,13 wa, ga: pin: ke' ra". – Yao: shid' tao thug' ye" lo" ko" re yao: shid' tao re Yesu ta" ke' ru we' dakhyo: yemyao gemung: lai loe, poe myi" xeim re yenyhang" seim" ako".14 Ayo, joe" lao" Yesu wa naung cao qe15 we' daga" zogai" mae zaung: ra". – Yesu wa yao: bam re ngo qug: khai: kyi" khyag' ru maqhug' shi: re lai loe, poe myi" xeim naonhaung" we' daga" zo: shaug' nae" ngo16 gyai myid: o: ra". – Naonhaung" re ngo dang dang mho geli". Mo"so: mang: din" mae lai loe poe magyang" dang: li" li" wa lai loe, poe myi" xeim cere khonhae" re:17 ngo mazo: lo: nae" ga: mho: ra". – Yao: keim re yu yang: jeju caung: mung: ce: keim re yu yang: naonhaung" yao: cao: jho"18 gae shaug' ge, . – Naonhaung" re ngo mho geli". Mo"so: mang: din" majoe" li" li" wa ce: sabyi' qang: re ana" mae" thao gu: ngo19 mashaug' lo: nae" ga:mho: ra". – Ai: thao cin main" yho' rere: yu yang: jeju caung: cug' phai" mung: yao: bam re byid' ra".Ce wa naonhaung" tau: byo; qeim: pye' nae" nga" gaung sho: ngaid:. Ngo re myid: beim:20 nae" tau: ceru: kaid' ge, ga: mho: ra". – Ai we' dakhyo: yao: wa myi" xeim bin: zo: thao sabyi' keim re re: yu yang: ce: keim wa naonhaung" tau: sheim: pye' qhug' nae" ra" nga" sa: mae tau" ka" to" dao: thang"21 sag' ngaid: ra". – Ngaid qere: qu" ge, ngo re qhaug' pye' nae" yaug wa ngo we' daga" ce:22 zobo" mae ngaid: ra". – Byu: yao: zo: wa Mo"so tau" phyid' to: va" ru we' dakhyo: ye: zaui: zai va". Ngaid qere: Byu: yao: zo: re qhaug' byid' pye' ra" yaug wa byuxa:23 voqoe, qhug' nae" ga: mho: ra". – Ailao" naungcao qe wa ceru re khoyaug lam: kaid' nae" ngaid: i"? ga: yao: cao: jho" myid' ako".24 Ai mae" ru yao: bam: gu: mae" khoyaug lam: wa qi" thao" su ngaid nae" la, ga: jho"25 ta" ngag: na: ako". – Ailao" Yesu yao: bam re mho: ru wa taung bug byumyu" jhaung zug: wa yao: bam: mang: byu qe: dao mae kheim: so' we' ug: ako". Kheim: so' qo" ra" jhaung zug: re wa mang: byu qe: yang jeju asang ga: mhang" byid: nae" rure o: ako". –26 Naonhaung" wa ai we' dakhyo: magai: ngaid naonhaung" mae qi" thao" ra" yaug wa ngai: thao" yaug we' dakhyo: ngaid shao: .Zug: kaid' nug yaug wa daui mung27 yaug we' dakhyo: ngaid shao: . – Zozo: gai" mae zaung: jo, yaug we' daui mung yaug wa khoyaug lam: je: qi" ra". Zaung: jo, yaug mangaid: i"?ngaid qere: ngo wa naonhaung" phaung mae daui mung yaug28 we' dakhyo: ngaid: . – Naonhaung" wa ngo qug: khai: kyi" khyag' qhug' ra" au: ngo29 we' daga" za: na mo, ngaid: ako". – Nga" pho" wa ngo re mang: din" ug nae" akhang"30 byid' to" ru we' dakhyo: – Naonhaung" wa nga" mang: din" akhug mae nga" zozo: gai" mae zo: shaug' mung: Isreal daxe: shid' nyaug re ug nae" akhang" naonhaung" re ngo byid: nae" ga: mho: ra".31 Yesu wa Simon we" Simon we" tae" gyo: wa, gaug re aseim we' amo getau tau pyao" shaung: ru we' dakhyo: naon- haung" alhab' rere: magai: ru we' gai: ra" rure pyao" kyang" pye' nae" yui wa akhang"32 mho' na: ra". – Ngaid qere: ni" nhag' lam: mabyo; lo" nae" tau: mae" jhaung: mho' byid' to: va". Nao dam: myid: phaug' lo lao" ni" mao: nhaung: qe re qam: o: pyang"33 byid: wa, ga: mho: ra". – Petru' wa AsAng we" ngo kyam: khug khyo ngaid ngaid shid nae" ru" khyo ngaid ngaid cao" nae"34 jin" jin" za: ngaid: ga: tau" ra". – Yesu wa Petru' we" ngo nao re mho li" ana" myi yao: qo, mateim shi: re nao ngo re maba ga: sam lhang ha: pye' li" nae" ga: mho: ra".35 Ai:thao mae Yesu wa yao" naungcao qere ngo naonhaung" re ngaui re: , phyid' cui: re: , khyid zhaung: re: mabo lo: za: nhao: ke' re naonhaung" mae daja: ja: qo ca" ru bo ko" i"?ga: myid' ra". Yao: bam wa36 daja: re: maca" ga: tau" ako". – Ana" kam" wa ngaui thaung re: , thaung a: re: qo" ra" yaug yu: vin ge, shae maqo" ra" yaug wa yao" bau: qhang aung" pye' yang: shae vai:37 ci ge, . – Khoru: ga" re ngo naonhaung" re mho geli". Jham: paug' mae yao: wa tarha" macao" ra" mo; japhin: mae bo: ke' ru qhug' ra" ga: tung" to" ru wa ngo mae dang va".Gai gai: yao: ai tung" to" ru wa ngo38 mae gyang" dang va" ga: mho: ra". – Ailao" naung cao qe wa qu" wa, cemae shae shid' khyae: jo; ra" ga: ta" ako".Yesu wa ai: gu:ga" va" ga: phaug' tau" ra".39 Yesu wa Vomo" mae" thug' mung: yao: khonhae" re: lhaung" ye" ra" Zhainlun: bam shaid' khyo ye" lo" ra".Yao" naung cao40 qere: yao" thao cao" ye" ako". – Ai: jo, qo khyo joe" ye: lao" yao: wa naung cao qere naonhaung" ju" phyo' ra" khyo magyo" vao lo" nae" tau: mae" jhaung: mho' na ge, ga:41 mho: ra". – Yao: wa naungcao qe mae" lhae dageim qui" ye: mung: paid' thaug' thaug'42 yang: – Pho" we" nao nug: re keim cere ngo mae" qhui" ke' byid: la, ngaid qere: ngo o nug: ra" khyo: mangaid: pho" o ngaui: ra"43 khyo: dang veshao: ga: mho' ra". – Ai: au: mug: logyo: dayaug Yesu re qam: li" byid'44 ra". – Yesu wa yao" nhag' lam: khug mae myid: qug: dayae yo" ru qhug' ru yang je: qam: ke' mung: jhaung: mho' ra". Yao" gaung mae" bau kyoe: wa sa: ru" ru myid45 gaung khyo zo; gyo" lo" ra". – Yao: wa jhaung: mho' ru mae" to" mung: naung cao qe jhao" dam: tug' lo" re yao: bam myid: qug: myid: myaung: geyang: yab: jo; bam46 ko" rure lo"myao: ra". – Ailao" Yesu wa yao: bam re naonhaung" pe" mung: yab: myhid' jo, ko" i"? to" mung: naonhaung" ju" phyo' ra" khyo magyo" vao lo" genae" tau: jhaung: mho' ge, ga: mho: ra".47 Yesu ai ru: jhau: na: au: naung cao daxe: shid' yaug mae bobo: ra" Yuda, Iska- rud' wa byu phaung qhid' mae Yesu jhao"48 ye: yang: bo: baug li" baug: ra". – Ailao" Yesu wa Yuda, we" nao wa Byu: yao: zo: re bo: baug baug yang: qhaug' ra" i"? ga:49 mho: ra". – Yesu we' daga" na: ra" mo, wa boe" li" nae" ave, re ba: qu" geyang: Yesu re AsAng we" ngonhaung" shae ci naeva"50 laug i"? ga: myid' ako". – Naung cao qe mae" dayaug wa khin jaung yin" jeim pho"51 no: khye' pyo' xoe: khyo" pye' ra". – Ngaid qere: Yesu wa ai ru: da kaid' ga: ta" mung: jeim pho" no: khye're yao" lo, tin: byid:52 yang: gai byid' ra". – Ailao" Yesu wa yao: re myhag' nae" ga: joe" li" ko" ra" khin jaung qe , gug: gam gye zug: qe , lau: de, qere naonhaung" wa cang tau: re myhag' ru ru: ngo re myhag' nae" tau: shae lhae sin:53 ci yang: li" ko"i"?. – Ngo wa pa" jhaung: yham mae ba khao: ngo" naonhaung" we' daga" na ngaid yang: re: naonhaung" ngo re ma myhag' ko" ngaid: ra".ngaid qere: ceyo, cekhin: wa naonhaung" ayo, akhin: mung: mug: caid' zug' qam: so' ug: ra" ayo, akhin: ngaid: ra" ga: mho: ra".54 Yao: bam wa Yesu re taui" she mung: khin jaung yin" yham khyo jhui" ye" ako". Petru' wa va: va: mae cao" ye" lo" ra". –55 Byu daqhae: wa yham vang" agaung: mae myi: maid: gao yang: zaung: na: bam: ako".Petru' wa yao: bam: phaung mae ye:56 bo: zaung: na: ra". – Daui daui o: kaung myiqe: nau" dayaug ai: myi: khyeim" mae Petru' zaung: jo; rure the' myao lao" yao: wa Petru' re zhaug' qu" mung: ce: yaug re: AsAng we' daga" na: qin" yaug ngaid:57 ra" ga: ta" ra". – Ailao" Petru' wa myiqe: nao we" yao: re ngo maba va" re ga: ha:58 pye' ra". – Ai: thao dazab zo: mae dayaug dam: li" myao mung: nao re: Yesu' bam we' daga" lhaung" na yaug ngaid: ra" ga: ta" ra". Ailao" Petru' wa byu nao we" ngo mangaid:59 va" re ga: ha: ra". – Ai:thao dayo, qug kho mae dam: dayaug wa yao: re byu ce: yaug re: Yesu we' zam" yaug dayaug ngaid: ra". Khoru: ga" re yao: wa Galile" mang: byu da yaug ngaid: ra"ga: zhaug' za: li" ta" ra". –60 Ailao" Petru' wa byu nao pe" ta" rure ngo maba ga: dam: ha: pye' ra". Yao: jhau: na: ra" au: mae yao: nyag we' ke' qo, teim: li"61 ra". – Ailao" Yesu wa lhang: lo yang: Petru' re jin" qu" ke' ra". Aimung: Petru' wa AsAng: dao: qo, mateim shi: re nao wa ngo re sam lhang ha: pye' nae" lhe" ga" dao: re62 myid: beim" ke' ra". – Ai ru: mung: Petru' wa taung gaung khyo thug' lo" mung: ye: zag: gyi: ngug: ra".63 Yesu re zaui" ci: ra" mo, wa yao: re64 jung" mung: be; ako". – Yao: bam wa Yesu myo, re thab' pye' byid: mung: nao re be, yaug khag' ngaid: ra". Pa: qu" wa,65 ga: ta" ako". – Amung: yao: bam wa getau: khyoe' dao: myo: sho' we' Yesu re maphug' makhyaid' kaid' ako".66 Mug: bo" li" lao" au:she lau: de, qe khin jaung mo" qe we' jham: ba pho" qe daga" za: zang" ham: na: bam: ako". Yao: bam: phaung khyo Yesu re jhui" li" nhao: ako". –67 Aimung: yao: bam wa nao Meshia ngaid: i"? ngonhaung" re ta" kyo: la, ga: Yesu re myid' ako'. Yesu wa yao: bam re ngo ta" kyo: ngaid qere: naonhaung" lam" genae"68 mangaid: . – Ailao" ngo naonhaung" re myid: ngaid qere: naonhaung" dam: phyid genae" mangaid: . Ngo re re: nhao gezai69 mangaid: . – Ngaid qere: Byu: yao: zo: wa ana" mae" thoegu: phung bao kheim: so' bo: ra" Mo"so: lo, yo shaid' mae zaung: na nae" ga: mho: ra".70 Yao: bam alhab' mo, wa aire nao Mo"so: yao: zo: ngaid: i"? ga: myid' ako". Ngaid: ra" ga: naonhaung" yao: ta" veko" ra" ga:71 tau" ra". – Yao: bam wa ngonhaung" sagso: getau pe" qo lo" i"? yao: ta" ra" dao: thoe yao: ngonhaung" the' gyo" bam va" ga: ta" ako".