1 Yesu yao" naungcao qere mho: ru wa byu re nhag' lam: tha" lang: nhao: ra" ja: wa khonhae" re: boe" na zai ngaid: ra". Ngaid qere: shaid' nghung" ru boe" nhao: ra" yaug2 wa byuxa: voqoe, nae". – Ce: zoshao mae" dayaug yaug re nhag' lam: tha" lang: nhao: ra" yaug wa lang zang: mae laug lhang taui" lhao: mung: qid dae khug khyo pye' zaui:3 ke' ru wa yao" tau: je: gai: ashi". – Aru: mung: naonhaung" wa lha" yang: na ge, ni" mao: nhaung: pho" nao re zai" shaid' ngaid: re yao: re qeim: mho" wa yao" nhag' lam: tha" lhag' lo lao" qobo khyaid' byid: wa, . –4 Dane; ba mae za: yao: wa nao re nhaid' lhang shaid' mung: nhaid' lhang geim" nao jhao" li" mung: ngo nhag' lam: atha" qo" va" ga: ta" lao" wa yao" qobo re khyaid' pye' byid: ca" ga: mho: ra".5 Logyo: qe wa AsAng we" ngonhaung" re lam" jang" myid qi" li" nhao la, ga: mho'6 ako". – Ailao" AsAng wa lam" jang" myid ao: jid' qhi" kholao" bo ko" ngaid: re wa ce: pho' ham" gae re agyi: apain we' daga" bain" lo" mung: qid dae mae ye: yaug; jo, wa ein: ta" gelao" pho' ham" gae wa naon- haung" mho dao: re tae" gyo" li" nae".7 Naonhaung" mae" dayaug yaug wa yothaung: phaug' o: kaung mangaid: lao" nung: yao zam: yaug yham khyo joe" lo lao" yao: re nao zo zo: wa, se, ein: ne,8 khao: ngo" ta" genae" i"?. – Mata" genae". yao: re yaug kam" wa ngo zo: shaug' na: au: mai bau: nyhang" ve; ci , lo, cid' pye' mung: ngo re caung da" la, ai:thao re za: nao zo: wa, ga: naonhaung" ta" genae"9 mangaid: i"?. – Ai:o: kaung wa nao mho: ra" gu: re shab shab za: cao" pyang" kaid' byid: yang: nao wa yao: re jeju so: nae"10 i"?. – Ai we' dakhyo: naonhaung" re ta" to" ra" mau" zo" alhab' bin: zaui: gelao" ngonhaung" wa mageim" daui daui byu qe angaid: . Ngonhaung" wa ngonhaung" yao" mau" zo" re zaui: mo, za: angaid: ein: ta" ge, ga: mho: ra".11 Yesu wa Yerusalem: khyo do, lo" na: au: yao: wa Samari mang: we' Galile" mang: mug: kyo: khyo" lai: ye" lo" ra". –12 Vogaung: dalam: khyo vao ye" lo" re ye, gyaid de; ra" byu daxe yaug wa Yesu re li"13 qhug' ko" ra". – Yao: bam wa va: va: mae ye; jo, mung: AsAng Yesu we" ngonhaung" re nhag' myain" yu la, wo" ga: zag: hug'14 ako". – Yao: bam re Yesu myao lao" naon- haung" gaung khin jaung qere lo" qhu" ge, ga: yao: bam re ta" ra". Yao:bam khyo mae su" na ko" au: no gai: shao" lo" byaug:15 ra". – Yao: bam mae" dayaug wa yao: gai: shao" lo" byaug va" ru re myao lao" dam: tug' lo mung: thoe qi: we' Mo"so re caung:16 khin" ra". – Yao: wa AsAng: khyid qao: mae goe; jo, yang: jeju re beim: so" ra". Ai: yaug17 wa Samari byu ngaid: ra". – Yesu wa byu daxe zo: yao: ye, gyaid gai: shao" lo" byaug veko" mangaid: i"?. getau gug yaug wa18 khai: lo" ko" ra"?. – Pe" mung: taung bug byu dayaug za: Mo"so: jeju re caung: byid: nae" dam: tug' lo: ra" i"? ga: myid' ra". –19 Yesu wa yao: re to" mung: lo" se, ni" lam khug myid wa nao re gai: shao: lo" nhao: ava" ga: mho:ra".20 Phareshe" qe Yesu re Mo"so: mang: din" wa khonhae" joe" li" nae" i"?ga: myid' ako". Ailao" Yesu wa Mo"so: mang: din" wa myo; yang myao: ra" khyo" joe" li" nae"21 mangaid: . – Qu"ge, Mo"so: mang: din" wa cetau mae ngaid: ra" mangaid: lao" thoetau mae ngaid: ra"ga: khoyaug re: maqo" ta". Khoru: ga" re Mo"so: mang: din" wa naon- haung" khug mae ngaid: ra" ga: yao: bam re22 mho: ra". – Ailao" Yesu wa yao" naung cao qere Byu: yao: zo" bana re myao nug ko" ngaid yang: re: maqhug' myao nae" ayo,23 ata joe" li" nae". – Byu daqhae: wa qu" ge, Byu: yao: zo: wa thoetau mae na: ra". Cetau mae na: ra"ga: ta" gengaid yang: re: naonhaung" daye: gae" qu" ge, .24 Lhe' caid' wa mug: gaung dashaid' mae" abao dashaid' jheim khyo bao: lo" ru we' dakhyo: Byu:yao: zo: joe" li" bana mae25 re: airu: boe" nae". – Ai qere: yao: wa ceta mae" mo; yang ngag: ha: pye' ru we' qug:26 khai: myo: sho' shi" phau: nae". – No"a' ta mae boe" ru we' dakhyo: Byu: yao: zo: joe" li" nae" bana mae re: ai ru: boe" nae". –27 No"a' lha khug vao lo" mung: daqid shi" li" yang: alhab' mo; nab: shid: pye' ra" bana joe" sho' Sosu byu qe wa zo: yang: shaug' yang: myi:yu myi:byid: mung: na: ako". –28 Ai we' dakhyo: Lod' bana mae re: byu qe wa zo" yid shaug' pyo: , zai vai zai aung: qho zo: qho shaug' yham kaid' volai yang:29 na: ako". – Sodom: vogaung: mae" Lod' thug' lo" ra" bana mae mug: gaung mae" fang myi: gyo" lo mung: byu alhab' re ngha"30 se' pye' ra". – Byu: yao: zo: joe" li" nae" bana mae re: ai we' dakhyo: ngaid nae". –31 Ai:ba mae yham khaung dao mae na yaug wa yham khug mae jo; ra" yao" zai re dalo" yu: na lo: .Yodae mae na yaug re: dadam:32 tug' lo" lo: . – Lod' yao: myi: boe" ra" akhyo33 re myid: beim: ge, – Yao: yao" kao loe, nug: ra" yaug wa kao so' seim" nae". yao: yao" kao seim ra" yaug kam" wa kao so' qo"34 yu: li" genae". – Ngo naonhaung" re mho geli". Ai: myi mae byu shid' yaug yab jaung: dalam: mae za: yab: jo, ko" re dayaug re jhui" yu: ru qhug' mung: dayaug re wa nha:35 to: co' ru qhug' nae". – Myiqe: shid' yaug laug lhang lhang: na ko" ru mae" dayaug wa jhui" lo" pye' ru qhug' mung: dayaug36 wa dang: gyo" na: ru qhug' nae". – Yo mae mau" daga" zaui" na ko" byu shid' zo: mae" dayaug re jhui" yu mung: dayaug re wa37 tang" to: co' li" nae" ga: mho: ra". – Naung cao qe wa Yesu re AsAng we" ai khotau mae boe" zai ngaid: ra" i"? ga: myid' ako". Yesu wa sho: mao jo; ra" jao: mae zeim ngha, jham zang" ham: li" genae" ga: mho: ra".