1 Daba mae khang: gaug mo, myo: sho' we' qobo qo" mo, wa Yesu mung dao: re tae" gyo: nae" ga: yao: jhao" zang" li"2 ako". – Ailao" Phareshe" qe we' jham: ba pho" qe wa ceyaug wa qobo qo" ra" mo, re khae: yu mung: yao: bam we' daga" lhaung" zo" ra" ga: nyung: na: ako".3 Airu: mung: Yesu ce: dao: tau" re ceru:4 ga: mho: ra". – Naonhaung" mae" dayaug yaug wa yao dayo dau: qo" ru mae" dadau: byaug: byaug lao" yao: pe" ru: kaid' nae" i"?. yao: wa dang: ra" gug xe: gug dau: re gyo, zo: jao: mae nha: to: co' mung: ai: byaug:5 lo" ra" yao re myao sho' qho: li" nae". – Ai: byaug: lo" ra" yao re qho: myao lao" yao: wa gyai ngaui bau" ru we' yao" lo, sin dao6 mae vo, yang: dam: lo: ra". – Yham khyo joe" lao" yao: wa mao: nhaung: qe we' yham kyo: cao: qere khai: yu mung: yao: bam re ngo we' daga" bo: ngaui bau: gela, wo". Khoru: mung: ga" re byaug: lo" yao7 re dam: qhug' va" ga: ta" ra". – Ngo naon- haung" re mho geli:". Mo"so: mang: din" mae nhag' myid tha" maca" lo: dang main" ra" gug xe: gug yaug: ma thao mae ngaui bau" ra" tho' qobo qo" ra" byu dayaug nhag' myid tha" lhag' lo: ra" mathao: yang mug: gaung: dao mae je yang: ngaui bau" ra".8 Thang: the: ngaui daxe kye' qo" ra" myiqe: myhi" dayaug re: dakye' re zai" phyaug' pye' lao" myi: dam: te' ci mung: dayham: geim" sham: yang: qhug' sho'9 gelho: za: qho nae" mangaid: i"?. – Yao: wa aire myao lao" yao" ba nam qe we' yham kyo: cao: qere khai: yu mung: ngo we' daga" bo: ngaui bau: gela, khoru: mung: ga" re zai" phyaug' pye' va" ngaui re dam:10 qhug' va" wo" ga: ta" ra". – Ai we' da khyo: qobo qo"su dayaug nhag' myid tha" lhag' lo" ra" ma thao mae Mo"so: mug: logyo: qe wa je: ngaui bau" ako".11 Yesu xo' yang: ta" ru wa byu dayaug wa yao: zo: yaug gai nau" shid' yaug qo" ra". –12 Angai yaug wa yao: pho" re nga" pho" we" ngo gai: qo" ang: ra" jo, nho" re ana" yao: gae byid: la, ga: mho' ra". Ailao" yao: pho" wa yao: zo: tao re yao" jo, nho" re gae byid'13 ra". – Ai: thao mataung" myao" re yao: zo: angai yaug wa jo, nho" ai: gu: re yu: ci mung: mug: va: khyo thug' ye" lo" ra". Ai: mang: mae pyo: poe" kaid' mung: ngaui14 re nug: khyo: yhung" pye' ra". – Yao" ngaui alhab' yhung: zo" gain thao re ai: mang: din" geim" mae bao" khug' gyo" lo mung: yao: wa sho: jhin qug: khai: qhug' byaug:15 ra". – Ai ru: mung: yao: wa ai: mang: mae byu dayaug jhao" ye: cao" khug: na: ra". Ai: yaug wa yao: re yao" khyae mae vo, ye:16 zaung" nae" tau: nhao: ke' ra". – Yao: wa vo, jham zo" ra" vo, zo shigyao: daung" re17 lao" zo: nug: li" ra". – Lo" thao" mae myid: beim" li" mung: nga" pho" yham mae na: ra" o: kaung qe wa masheim: pe' go" zo: shaug' na ko" ra" aja, ana" ngo cetau mae18 moe' kyaug' shid: lo" na: . – Ngo yham khyo dam: tug' lo" yang: nga" pho" re nga" pho" we" ngo wa mug: gaung mae" Mo"so19 re re: , nga" pho" re re: shaid' va". – Ngo ni" zo: ein: mhang" nae" ma main: qi" lo: . Airu: mung: ngo re ni" o: kaung pho" dayaug re" khyo: to: la, ein: nga" pho" re20 lo" ta" nae" ga: ta" ra". – Ailao" yao: wa to" mung: yao: pho" jhao" dam: lo" ra". Yao: va: mae ngaid shi" au: mae" yao: pho" wa yao: re myao: ke' mung: nhag' qu" khyag' ru we' tao" ye: yang: yao: zo" lang zang: mae ye:po mung: bo: baug ye: baug: ra". –21 Yao: zo: wa nga" pho" we" Ngo wa Mo"so re re: nga" pho" re re: shaid' va". Ngo ni" zo: ein: mang nae" mamain: qi" lo: ga:22 ta" ra". – Yao: pho" wa daui daui mo, re gai: thao" ra" mai bau: yu: li" mung: yao: re vhe' ge, lo, mae lo, pin: pin: byid: ge, khyid mae re: khyid zhaung: zhaung: byid:23 ge, . – Aimung: je: xau: yaung" ra" nung: nau" se' ge, ngonhaung" ngaui bau: taung" zo: shaug' poe kaid' gelang: .24 Khoru: mung: ga" re nga" zo: ceyaug wa shid va" ru mae" dam: daui: li" ru ngaid: byaug: lo" ru mae" dam: qhug' ru angaid: ga: mho: ra".Amung: ngaui ngaui bau: bau:25 za: zo:shaug' poe kaid' ako". – Ai:au: zo: qhid' yaug wa yodae mae yena: ru mae" yham khyo joe" lo: na: au: yham mae zang be, mao" thaung: thoe we' go" na ko" ru26 re lo: the' gyo" ra". – Airu: mung: yao: wa daui daui byu dayaug re khai: yu mung: pe" kaid' na ko" i"? ga: myid' ra".27 Ai: daui mung yaug wa ni" nhaung: dam: tug' joe" lo mung: ni" pho" wa ni" nhaung: qao" qao" za: dam: joe" lo yang: nung:jaung nau" re se' nhao: ra" ga: tau"28 ra". – Zo: qhid' yaug wa gyai nhag' yo: mung: yham khug khyo mavao lo: na: na: ra". Ailao" yao: pho" wa thug' ye: mung: yham khug khyo vao lo nae" tau: ye: jhau:29 ra". – Yao: zo: zo: qhid' yaug wa yao: pho" re qu" wa, ngo wa jeim dayaug re" ru: pho" tau: mae" cenho" zin mau" zaui" lo va". Pho" dao: re ngo khonhae" re: mangag: qu". Ngaid qere: pho" ngo re pe" daja: byid' qu" i"? nga" byin cao: qe we' pyo: poe" kaid' nae" tau: caid' be, dadau: lao" re: pho" ngo re mabyid' qu" ngaid: ra".30 Ngaid qere: ni" jo, nho" re yaug zhang: myhi" we' zam" mung: mageim: da" sin" pye' ra" yaug ni" zo: dam: joe" lo lao" nao wa yao" qhid' mae" nung: jaung nau" re31 se' i"? ga: ta" ra". – Yao: pho" wa nga" zo: we" nao wa khonhae" re: ngo we' daga" za: na: ra". Ngo qo" gu: alhab' wa ni" re"32 ngaid: ra". – Ni" nhaung: wa shid: byaug va" ru ngaid: . Ngaid qere: yao: wa ana" dam: daui: li" va".Yao: byaug: byaug va" ru ngaid: . ana" dam: myao va". Airu: mung: ngonhaung" wa ngaui bau: za:zo: shaug' poe kaid' gai: ra" mangaid: i"? ga:jhu" ra".