1 Ai: au:re ai: jo, qo mae byu damyo" wa li" mung: Galile" mang: byu damyo" sa: re Pilaid' zug: wa ngaui" xeim: we' daga" lhau:2 lhag' pye' ra" ga: ta" kyo" ako". – Yesu yao: bam re mho: ru wa Galile" mang: byu qe ai re" ru: se' pye' qhug' ko" ru: yang:Galile" mang: byu alhab' mo, tho' je: xo: ra" qobo qo" mo, ngaid ko" ra" ein: naonhaung"3 jho ko" i"?. – Gai gai: yao: airu: mangaid:, naonhaung" re ngo mho geli". Naonhaung" re: nhag' myid matha" lhag' ko" re wa airu we' dakhyo: naonhaung" re: byo; qeim:4 byaug genae". – Ailao" Siloam: mae" gye byu gai" byo; gyo" lo" mung: lo" nhai" se' pye' ra" byu daxe: she' yaug wa Yerusalem: vobyu alhab' tho' qobo qo" mo, ngaid: ako"5 ein:naonhaung" jho ko" i"?. – Ngo naon- haung" re mho geli". Airu: mangaid: naon- haung" re: nhag' myid maphaug' lhag' ko" re ai we' dakhyo: za: shid: dam: genae".6 Yesu ce: dao: tau" tau" ru wa byu dayaug wa qhovo: khyae khug mae pho' ham" dagae re qho" to" ra".yao: wa ai: gae mae" shi: re li" qho: phyo' ra".ngaid qere: dace'7 re: mamyao ngaid: ra". – Airu: mung: yao: wa khyae lhaug' yaug re ngo wa ce: pho' ham" gae mae" ashi: re li" qho: ru sam zin ngaid va" ngaid yang: re: ngo ashi: dace' re: maqhug' phyo' yu shi: , Ce:pho' ham" gae thau: lhang" pye' wa, khoru: ga" re myid8 gaung amyid vho" ra" ga: ta" ra". – Ngaid qere: khyae qu" shaung yaug wa AsAng we" dazin za: wa yaug: jo, shi: veshao: apain gam: sho' dau: mung: myid jin" ke' qu" shi:9 nae". – Ai lao" sao nhag' ashi: gai: zaui" li" shi: maba ashi: ma zaui" li" lao" kam" thau: lhang" pye' wa, ga: mho: ra".10 Dugno: ba mae Yesu wa ham phaung yham dayham mae mho" shid' na: au: –11 Yui bin: yang: daxe: she' zin geim" no: na: ra" myiqe: dayaug na: ra".yao: dao gug' byaug mung: din: din: za: ma gai: ye,12 ngaid: ra". – Yesu wa yao: re myao lao" khai: yu mung: myiqe: myhi" we" nao wa no phyo: mae" sho' za: gai: qao" ava" ga:13 mho: ru we' – Yao" lo, re myiqe: myhi" au: dao mae kai" ke' ra" alao" jao" ai: myiqe: myhi" wa yao: dao gug' ru din" jhao" lo" byaug mung: Mo"so re caung: khin" ra". –14 Ai re" ru: dug no: ba mae Yesu no gai byid: yang: ham phaung yham qu" gam yaug wa nhag' yo: mung: volo byu qere mau" zaui: nae" bana khyaug' ba jo; ra". Ai ru: mung: ai: bana aqho" gu: mae no li" ya: gai: yu geri: . Dug no: ba mae wa dali" ge, ga: mho:15 ra". – AsAng wa yao: re geim kaid' ra" mo, we". naonhaung" dug no: ba mae yao: yao" nung: mangaid: lao"myao: re qid jhaug' nae" tau: gug' nyhug' yham mae" lhaung"16 pheim: ke' ko" mangaid: i"?. – Abraham: myiqe: zo: ce:yaug wa yui: yang daxe: she' zin geim" taui" to" ru qhug' ra".Dug no: ba re ai: mae" magai: pheim: ke' i"?ga: phaug'17 tau" ra". – Yesu ai: gu: mho lao" yao: re gye kaid' nug: ra" mo, wa gyai qho' aveko". Volo byu mo, thaui: qe kam" wa Yesu zaui" ra" mug' pho" mau" zo" jham: mathao mae ngaui bau" ako".18 Yesu wa Mo"so: mang: din" wa pe" we' dau: i"?ngo pe" ja: we' dao: tau" nae"19 i"?. – Mo"so: mang: din" wa ceru we' dau: ra". Byu dayaug wa Ao: shi: re yu mung: yao" yo mae sin" ke' ra". Ao: shi: jid' wa yaug qi" li" mung: ngho' jham wa ao: gae akaung ako' jham mae li" khug no" na: ako" ga: ta" ra".20 Yesu wa Mo"so: mang: din" re ngo pe" we' dau tau" nae" i"? ai wa ceru we' dau:21 ra". – Myiqe: myhi" dayaug wa main" re yu mung: cin main" sam phai" mae phyu" ke' lao" cin main" bam geim" re bai" do, li" nhao: ra" main" we' dau: ga: ta" ra".22 Yesu wa Yerusalem: khyo do, lo" au: volo byu qere mho" shid' zo" re" vozo: vo zang khao: ngo" re su" lai: ye" lo" ra". –23 Byu dayaug Yesu re AsAng we" khyaid' yu qhug' ra" mo, ma laug ko" ngaid: ra" i"?24 ga: myid' ra". – Yesu wa yao: bam re jhe' lhae" ra" kham: dung: khyo vao ye: nae" tau: naonhaung" qam: ke' ge, naonhaung" re ngo mho geli". Byu myo: sho' mo, ai: kham: dung: khyo vao ye: nae" qam: ke' li" genae". Ngaid yang: re: yao: bam maqo"25 vao ye: genae". – Yham sang wa kham: re li" pyid' pye' mung: naonhaung" wa taung gaung mae ye; jo, yang: AsAng we" ngo re kham: li" phung" yu la, wo" ga: mho' ko" re yham sang wa naonhaung" khai: mae" joe" li" mo, ngaid ko" ru re ngo maba26 ga: ta" li" nae". – Ailao" naonhaung" wa ngonhaung" AsAng we' daga" lhaung" zo: lhaung" shaug' mo, ngaid: AsAng wa ngon- haung" vogaung: mae mho" shid' byid' qu"27 va" ga: ta" li" genae". – Ngaid yang: re: yham sang wa naonhaung" khai: mae" joe" li" mo, ngaid ko" rure ngo maba makhyang" ra" mo, we"ngo mae" thug' lo" ge, ga: tau"28 li" nae". – Naonhaung" wa Mo"so: mang: din" khug mae Abraham: Isag' Yaku' we' lapa alhab' re myao genae". Naonhaung" kam" wa taung gaung khyo khe' thug' pye' ru qhug' genae". Aimae naonhaung" wa kaug' myain" qhui: thoe we' zaui kyag'29 kyag' genae". – Ai: ayo, au: mae mug: zhaung mug: pyi ba thug' ba vao mae" zang" lo mung: Mo"so: mang: din" mae lo"30 ham: bam: li" genae". – Ai ru: mung: qu" ge, nhaung thao" mae ngaid: ra" mo, wa qhid' au: mae ngaid: li" genae". Ana" qhid' au: mae ngaid: ra" mo, wa nhaung thao" mae ngaid: li" genae" ga: mho: ra".31 Ai:yo, khin: mae Phareshe" daqhae: wa Yesu jhao" li" mung: nao re Herod' se' nug: ra" ga" aru: mung: nao ce:mae" phao: qhui:32 wa, ga: li" ta" ako". – Ailao" Yesu wa yao: bam re qu" shi: ge, ngo wa ana" ne, we' ne, mo" ba: gu: mae yui jham re khe' thug' mung: no phyo: mo, re gai byid: yang: na nae". Amung: sam ba ein: ra" ba mae nga" mau" zo" re zaui" pin" nae" ein: ai zagne33 pho" re lo" ta" kyo: ge, . – Ngaid qere: ana" ba , ne, mo" ba , sao pho" ba wa ngo gyaung: xo' su: ca" shi". Lapa wa Yerusa- lem: mae" lai yang: getau mae se' pye' nae" ma-ang ngaid: ra".34 Yerusalem: we" Yerusalem: we" nao wa lapa qere se' pye' mung: Mo"so: yang nhao: ke' ra" mo, re laug baui: yang pye' se' ra" vogaung: . Qo, zang wa qo, nau" jham re yao" daung vho' khug mae zhang" to" ru: ngo wa ni" vobyu qere nga" lo, khug zhang" to: nae" tau: mae khonho" lhang qam: ke' ngaid qere: nao maqaid ngaid:35 ra". – Ai ru: mung: ni" yham re cae: jhug' tag shepye' pye' ru qhug' li" nae".Ngo ta" nae". Mo"so: mang khyo" joe" li" ra" yaug wa nga: lho" veshao: wo" ga: nao mata" ta" wa ana" mae" ngo re maqhug' myao lo: nae" ga: mho: ra".