1 Ai: au: mae matho' nghe' lo: sho' myo" ra" byu ajham ataung zang" ham: li" ge mung: yao: cao: jho" zab: khyaid' na ko" au: Yesu wa sao qhid' yao" naung cao qe: re shi" ta" kyo" ra" . Lho she' ra" Phareshe" qe:2 main" re lha" ge, . – Khoru: mung: ga" re nghoe' to" ra" ja: alhab' wa de: de: myao: li"3 nae". – Amung: mug: caid' yo, mae naon- haung" ta" ra" dao: mug: bo" mae the' gyo" li" genae". Kug qe, mae naonhaung" dao: so' so' yang: ta" ra" dao: yham khaung dao mae" zag: hug' li" genae" ga: mho: ra".4 Nga" ba nam qe we"naonhaung" re ngo mho geli".Gaung khyao re qo" se' pye' ngaid qere: ai: thao getau pe" re: maqo" kaid' ra" mo, re dagyaug ge, .5 Naonhaung" khoyaug re gyaug ca" rure naonhaung" re ta" shid' geli".Gaung khyao re se' pye' thao naonhaung" re myi: mai: tham: khyo khyo" ke' nae" kheim: so' qo" ra" Mo"so re gyaug ge, ngaid va" yao: wa naonhaung" gyaug qo: ra" yaug ngaid:6 ra". – Jhikhyao" ngo" dau: re thang: the: shid' kye' yang qo" vai: mangaid: i"?. Ngaid qere: Mo"so wa ai: jhikhyao" dadau: re re:7 mato" myhid' ngaid: ra". – Naonhaung" au: mae" xae khe' re lao" alhab' nghe' to" ra". Airu: mung: dagyaug ge, naonhaung" wa jhikhyao" myo: sho' dau: tho' je: phug' de; ra".8 Naonhaung" re ngo mho geli".Byu qe: qhid' kheim: mae ngo re khae: yu: ra" yaug khao: ngo" re Mo"so: logyo: qe: qhid' kheim: mae Byu: yao: zo: wa ai: yaug re9 lham: ge; yu nae". – Ngaid qere: su: qhid' kheim: mae ngo re ngag: ha: pye' ra" yaug re kam" wa Byu: yao: zo: re: Mo"so: mug: logyo: qe: qhid' kheim: mae yao: re ngag:10 ha: pye' li" nae". – Byu: yao: zo: re nhaid' dao: thoe: yang shaid' ra" yaug wa qobo khyaid' byid' ru gai: qhug' ra".Ngaid qere: shao gyang" solo re jung" gaui: ra" yaug kam" wa qobo khyaid' byid' ru qhug' nae"11 ma ngaid: . – Airu: mung: naonhaung" re ham phaung jao: mae we' zug: qe: phaung khyo jhui" ye: ko" re pe" ru: khoru: ta" nae"12 laug ein: damyid: ci" ge, . – Pe" mung: ga" re ai: ayo, akhin: mae khoru: jhau ang: ta" ang: ru re shao gyang" Solo wa naon- haung" re mho" shid' ta" peim" li" nae" ga: mho: ra".13 Volo byu phaung gaung: mae" byu dayaug Yesu re mho" pho" we" nga" pho" shid: cug' to: co' ra"jo, nho" jham re ngo we' nga" mao: jho" gae nae" tau: nga"14 mao: re ta" byid: la, ga: ta" ra". – Ailao" Yesu wa ba nam pho" we" naotao: jo, nho" myho" gae byid: nae" tau: ngo re khag'15 yang qo mabyid' to: ga: tau" ra". – Yesu wa xo' mung: yao:bam alhab' re so' kho' o: byid: ru aja: ja: re naonhaung" lha" yang: jao" pye' ge, .Byu dayaug; dang main" ra" kao so' wa jo, nho" khonho" qo" yaug ngaid qere: yao: qo" ra" jo, nho"16 mae mabo ngaid: ra" ga: mho: ra". – Ai: thao yao: wa dao: tau" daja: re re: ta" kyo" ashi" dalhang: mae" myid gaung khyo" shi: gyai qo" ra"dai zug: dayaug na: ra". –17 Yao: wa yao" aung khug mae nga" qhovo: qhoshi: jham ke' to: nae" jo, qo ma jo, lo: ngo pe" ru: kaid' nae" i"?ga: myid: ra". –18 Ngo wa ceru: kaid' nae" jhi xug' jham re phyo' pye' mung: je: qi" ra" jhi jham re ngo dam: kaid' nae". Ai mae nga" gaug zo maui: lam: jham we' zai yo jham re ke'19 to: nae" ga: yao: re yao: ta" ra". – Amung: nga" solo re ngo ta" nae" . Nga" solo we" nao wa zin na myo: sho' tau: jo, nho" re la laug taung" zhang" to: va". Amung: zo: yang: shaug' yang: yaug yo ngaui bau: za:20 na wa, ga: myid: ra". – Ailao" Mo"so wa yao: re kopyaid' we" ana" myi yao: ni" solo wa nao mae" gao: lin: lo" yo, joe" va". Airu: mung: nao qaung" to" ra" jo, nho" jham khag' re" ngaid: byaug nae" i"?ga: mho: ra".21 Ai we' dakhyo: yao" tau: za: jo, nho" re khyui: zhang" to: yang: Mo"so: qhid' kheim: mae myaung: ra" yaug wa ceru" yaug we' dau: ra" ga: yao: bam re ta" ra".22 Ai: thao Yesu yao" naung cao qere mho: ru wa ai ru: mung: naonhaung" kao so' daui: na nae" tau: mae qo ca" ra" zo: shaug' we' naonhaung" gaung khyao qhid' mae" ve, mai bau: we' tin: mung: damyid:23 ci" ge, . – Kao wa zo:shaug' tho' je: yhau: gyin: mung: gaung khyao wa ve, mai bau:24 tho' je: yhau: gyin" ra". – Kuno, jham re qu" ge, yao: bam myug: shi: qho: re: maqho: sin: re: masin: yaid re: mayaid: yu ko" yao: bam: zai to: qe, we' jhi re: maqo" ngaid: ako". Ngaid qere: Mo"so wa yao: bam re zho" na: ra". Naonhaung" wa ngho' jham tho' je: phug' de; ako" mangaid:25 i"?. – Naonhaung" wa myid: ngau" myid: ci" gengaid yang: re: yao: yao" kao re da daung" kho je: qhang sho' qo" daui: na ko"26 i"?. – Airu" angai athao re za: lao" naon- haung" wa ma qo" kaid' poe" ko" re getau: gu: re pe" mung:myid: ci" myid: qug' na27 ko" i"?. – Seyo: bin: gae jham khoru: yaug; qi" li" ko" ru re qu" ge, yao: bam wa mau" zaui: jid: re: manai: ko". Ngaid qere: ngo naonhaung" re ta" kyo: geli".Sholo- mun jhaung zug: lao" re: ai: seyo: bin: gae dagae qhi" yaung" sho' maqo" shaung ve,28 ngaid: ra". – Airu: mung: lam khug; myid nang" ra" mo, we" ana" ba yaug: jo, mung: ne, mo" ba myi: khyeim" mae ngha" pye' nae" mhin: zo: laung la jham re lao" ai qhi" yaung " sho' shaung: vhe' byid' to" re atho' mago" naonhaung" re je yang: shaung: vhe' byid' li" nae" mangaid: i"?. –29 Ai ru: mung: naonhaung" wa pe" zo: pe" shaug' nae" la, ein: damyid: ci" damyid:30 qug: ge, . – Khoru: ga" re dang main" ra" Mo"so re malam: ra" ce: myid gye, dao mae" byumyu" alhab' wa ai jham we' tin: mung: khonhae" re: myid: ci" na: ako".Ai jham naonhaung" qo ca" ga" ru re naon-31 haung" yao: pho" ba: ra". – Mo"so: mang: din" re shi" qho ge, ai ru: lao" Mo"so wa ai: gu: alhab' naonhaung" re paug' byid' li" nae".32 Yao kyaung" ngai we" dagyaug ge, khoru: ga" re naonhaung" pho" wa naon- haung" re mang: din" byid: nug: ra". –33 Naonhaung" jo, nho" zai yo jham re aung" pye' mung: myaung sho: mo, re gae byid: ge, maqeim majaid; ra" ngaui thaung jham re kaid' yu ge, . Zu: yang re: maqo" zo" kao", khug' byu qe re: maqo" khug' be; thaid' ra" mabaui mabyo; jo, nho" re mug:34 gaung: dao mae qaung" to: ge, . – Khoru: ga" re naonhaung" jo, nho" jo; tau mae naonhaung" nhag' lam: re: bojo; na: ra".35 Naonhaung" wa pe"boe" lo" ngaid yang: re: jin" jin" ngaid: na genae" tau: phyid' cui: cui" ci yang: naonhaung" myi:36 baung: re te' to: ge, . – Myi:vhin" poe mae" lhang" lo: ra" AsAng re lao" na ko" ra" daui mung mo, we' dakhyo: kaid' na ge,. AsAng joe" lo mung: kham: loko' we' ayao: jao" yao: bam wa AsAng re kham: phung" byid'37 li" genae". – AsAng dam: joe" lo lao" lhaug' lao" na: ru re lo: myao: ra" daui mung yaug wa nga: lho" ra".Naonhaung" re ngo mho geli"ai: daui mung mo; AsAng wa yao: bam re zo bo" mae zaung nhao mung: yao" bau: qhang khyaid' pye' yang: yao: bam38 re caung da" byid' li" nae". – Gae gaung: myi: re mangaid: lao" qo, teim myi: re ngaid ngaid ai: AsAng re lhaug' lao" na ko" ra" daui mung mo, wa nga: lho" ko" ra". –39 Yham sang wa khug' byu li" nae" ayo, re ba: ngaid: re wa khug' byu re caid' vao li" nhao nae" mangaid: ein: ru re naonhaung" xam"40 to: ge, . – Ai ru: mung: naonhaung" wa jin" jin" za: lao" na ge, khoru: ga" re Byu: yao: zo: wa naonhaung" mabeim: maso: na ko" ra" au: joe" li" lo nae" ga: mho: ra".41 Ailao" Petru' wa AsAng we" ce: dao: tau" wa ngonhaung" tau: mae" ta" ru i"?. mangaid: lao" alhab' mo; tau: ta" ru ngaid:42 i"?.ga: Yesu re myid' ra". – AsAng wa xo' yang: yao" yham khug: byu qere ayo, akhin: khao: ngo" mae qo" ra" zo: shaug' re gae byid: nae" ngaid: ra".Gin bo nhag' gyang: mung: lam ga" ra" AsAng: yang nhao: to: co' ra" jo, nho" re zam: yaug khag' ngaid: ra". –43 Yao" AsAng dam: joe" lo: ra" au: vin tang: za: zaui" na: ru lomyao qhug' ra" daui mung44 yaug wa nga: qo" ra". – Ngo naonhaung" re dang dang mho geli".AsAng wa yao: qo" ra" gu: alhab' dao mae qu" caung nae" yaug ga:45 byu ai: yaug re lam: to: nae". – Ngaid qere: ai: daui mung yaug wa nga" AsAng dam: joe" lo nae" myao" shi" ga: yao" aung khug mae myid yang: yao: wa getau: daui mung byin cao: qe re se' da: be, khyaid' kaid' ru46 we' zo" yid shaug' yid: na: ra". – Ai: daui mung yaug ma myid: to" ra" bana we' yao: maba mabeim" ra" ayo, a khin: mae AsAng wa dam: joe" lo: li" nae". Ailao" yao" AsAng wa ai: daui mung yaug re xo sho' qobo dae byid: mung: mho dao: magyo" ra" mo, the' qhug' nae" dae re khae: yu nhao: li" nae". –47 Yao" AsAng: nhag' myid re ba ngaid qere: AsAng o ngaui: ra" khyo" makaid' byid: . Ja: nam jab re maseim" to: byid' ra"daui mung yaug wa qobo dae myo: sho' be; ru qhug'48 li" nae". – Yao" AsAng pe" o: ga" ru re maba yang: zaui" shaid' ra" yaug kam"wa qobo dae po: po: za: qhug' nae".Khoru: mung: ga" re myo: sho' byid' to:qhug' ra" mo, mae" myo: sho' dam: mho' yu nae". Myo: sho' qhaug' byid' to" ra" yaug mae" re: myo: sho' mho' yu: li" nae".49 Myid gaung: dao mae myi: ngha" nae" ein: ngo li" ru ngaid: , myi: ai re ngo bin: te' va" qa: we" ngo khoqhi" myid: ngaui50 nae" i"? – Ngo khae: yu ca" shi" Babtizan: dalam: jo, shi".Aru za: mazai" pin" pin" wa ngo gyai myid myo: myid laug: ngau" ra". –51 Ngo wa ce: myid kin dao khyo yaug yo nhao nae" tau: joe" li" ru ngaid: ein: jho ko"52 i"?mangaid: lao"kao: nae" ein: ali". – Aru: mung: ana" mae"thao phyao: byu ngo" zo: na: ra" ug' khug' dalam: mae shid' zo: wa dashaid' sam zo" gu: wa dashaid' jho" gao"53 lo" li" genae". – Yao: pho" wa yao: zo: we' gao: nae". Zo: qe wa pho" we' gao: nae". Yao: myhi" wa myiqe: zo: we' myiqe: zo: wa yao: myhi" we' yao: na wa yao: dau mo" we' yao: dau mo" wa yao: na we' jho" byo; gao" lo" li" nae".54 Volo byu mo; thaui: re Yesu ta" ru wa ba vao shaid' mae nhag' qhid' do, lo: na ru re myao lao" mug: qu naeva" myao: ga: naonhaung" ba: ta" ako".Ai we' dakhyo:55 lhaung" boe" ra". – Qid bang: shaid' khyo" la hug' lo lao" ba lhe' nae" myao: ga: naon- haung" lhaung" ta" ako".Ai we' dakhyo:56 re: lhaung" boe" ra". – Geim kaid' mo, we" naonhaung" wa mug: gaung we' myid gaung re qu" mung: ba zho mug: qu" nae" ave, ayaug: qo" ba: kho' to" ako".ai re ana" ta mae" ave, ayaug: re naonhaung" pe" mung: maba: kho' khaui" qu" ko" i"?.57 Dang main" ru kaid' nae" tau: mae" naonhaung" yao: pe" mung: dao: maqo"58 phyid' ko" i"?. – Byu dayaug yaug nao re yug: zhaug' mung: tarha" yung" khyo jhui" ye" lo" re tarha" yung" khyo majoe" shi: re yao: we' gai: boe" sho' jho" jhau: nyhang" wa, ai ru: mangaid: lao" nao re tarha" zug: jhao" qhaug' li" nae".Tarha" zug: pho" wa gug: gam qere dam: qhaug' mung: nao re59 kyam: lhaung" to" li" genae". – Nao xe' ca" khyug' ca" ngaui alhab' mabin: xe' xe' wa kyam: khug mae" nao qo" thug' nae" mangaid: ga: volo byu qere ta" ra".