1 Ngo dang dang mho geli". Mo"so: mang: din" wa qam: so' phung bao we' joe" li" rure mathe' myao myao wa ce mae na: jo, ko" ra" mo, mae" damyo" mashid shi: genae" ga: mho: ra".2 Ai: thao: khyaug' ba lai lao" Yesu wa Petru' , Yaku' we' Yohan bam re za: khai: jhui: mung: myhao: ra" bam dao khyo jhui" do, lo" ra". Yao: bam: qhid' kheim:3 mae ve, phung bao tha" lo" ra". – Yao" mai bau: bao: li" ru we' bao: bao: phyu: li" ra". Myid gaung dao mae" mai bau: phyu cid' kaid' mo, lao" maqo" kaid' lo"4 gyu: ru: bao: phyu: lo" ra". – Moshe we' Elia thug' li" mung: Yesu we' jho" jhau:5 na: ako". – Ai: au: Petru wa AsAng we" ngonhaung" ce: jo, qo mae na: re gai: ra". Ce mae ni" tau: dazaung , Moshe'tau: dazaung , Elia qhid' mae" dazaung sam zaung ngonhaung" re kaid' nhao la, ga: ta"6 ra". – Yao: bam gyai gyaug: nin" pye' ru: yang pe" ta" nae" maba lo: yang: ta" ke'7 ru ngaid: ra". – Ai:au: jham thaui: wa yao: bam re nghoe' gam: lo" mung: thoe thug' li" ru wa ce:yaug wa ngo jhid'de; ra" nga" zo: ngaid: . Yao" dao: re tae" gyo: ge, ga:8 jhau: thug' li" ra". – Ai: dazab mae yao: bam wa avai: ayae khyo lhang: qu" ke' ko" re Yesu mae" jain" yang: getau khag'9 rere: mathe' myao ko" ngaid: ra". – Bam dao mae" yao: bam dam: gyo" lo ko" au: Yesu wa naungcao qere Byu: yao: zo: wa shid: ru mae" madam: daui: to" li" li" wa naonhaung" the' myao: ra" akhyo re khag' rere: data" kyo: ge, ga: zug' nhao: ke'10 ra". – Naung cao qe wa ai: dao: kheim: re xam" ci gengaid: yang: re: shid: ra" mo, dam: daui: to" li" nae" ga" ru wa pe" ga" ru ngaid: ra" la, i"? ga: yao: cao: jho" ta"11 na: ako". – Ai: au: naungcao qe wa Yesu re Elia shi" saoqhid' joe" li" nae" ga: jham: ba pho" qe pe" mung: ta" ko" i"? ga: myid'12 ako". – AsAng wa yao: bam re ja: khao: ja: ngo" jin" jin" seim" nyhang" to: nae" tau: Elia joe" li" nae" ngaid: . Ngaid qere: jham: tung" mae Byu: yao: zo: wa qug: khai: kyi" khyag' aja: ja: qhug' yang: ngag: lhaui" pye'13 ru qhug' nae" ga" ru dang va". – Ngo mho geli".Elia wa joe" va". Yao" akhyo tung" to" ru we' dakhyo: yao: bam wa yao: re nug: khyo: kaid' pye' ve ko" ga: dam: tau" ra".14 Yesu we' naungcao sam yaug wa dang: ra" naungcao qe jhao" joe" lo" gelao" yao: bam: lhang" gam: byuphaung mo" zhang: zang" na: bam ko" ru we' jham: ba pho" qe wa yao: bam we' jho" ta" ngag: na ko"15 rure lo" myao: ako". – Ham: na ko" byu qe wa AsAng re nyag tin" labaug myao: ke' geyang: mug' byaug: ru we' AsAng jhao"16 tao" ye: mung: ye: tug: yu: ako". – AsAng wa naonhaung" yao: bam we' pe" ja" akhyo re jho" ngag: na: ko" ga: jham: ba17 pho" qere myid: lao". – Byu phaung mae" byu dayaug to" ye, mung: mho" pho" we" ngo wa nga" zo: re nao jhao" jhui" li" ra". Yao: wa ngho' yui vao yang: ngho' lhaung"18 be; ra". – Ai: ngho' yui vao li" lao" yao: re be; lhang" ke' mung: nhaid' mae" nyab dui" athaui: thaui: thug' ru we' zaui kyag' mung: gaung geim" lao" thin: lo" byaug byaug mung: ra". Ai: ngho' yui re khe' thug' byid: nae" tau: ni" naungcao qere ngo mho ngaid qere: yao: bam maqo" khe'19 thug' pye' ngaid: ako" ga: ta" ra". – AsAng wa lam khug myid mabo: ra" byumyu" we" ngo naonhaung" we' daga: khomyhao" joe" sho' na zai i"?. Ngo naonhaung" re khomyhao" joe" sho' zang: qhao" byid: zai i"?. Ai: yaug gai nau" re ngo jhao" jhui" li"20 geri: ga: ta" ra". – Ai: ngho' yui wa AsAng re myao: lao" jao" ai: yaug gai nau" re lao" thin: lo" mung: myid kang dam: mae be; lhang" ke' yang: nhaid' mae" nyab dui"21 athaui: thaui: lang" lhe' lhau: ra". – AsAng wa yao: pho" re yao: ceru: boe" ru khomy- hao" ngaid va"? ga: myid' ra". Yao: pho" wa ngai shi" ayo, mae" ngaid va" ga: ta"22 ra". – Yui wa zoshao re shid veshao: ga: myo: sho' lhang myi: mae re: , qid mae re: be; lhang" ke' ke' kaid' ra". Nao gai: boe" ngaid: re wa ngopha: re nhag' myain" ru23 we' bao" yu la, ga: ta" ra". – Yesu wa nao gai boe" ngaid: re ein: pe" mung: ta" i"?. Lam khug myid bo: ra" yaug: tau: ja: khao: ngo" gai: boe" ra" ga: ta" ra".24 Zo shao: yao: pho" wa ngo lam khug: ra" ngo malam: ra" nhag' myid re bao" thaug'25 yu la, ga: ngug byid we' ta" ra". – Ai: au: byu qere: yao: jhao" tao" zang" ham: lo: na: rure Yesu myao lao" no: jid: mung: maba: jhau: ra" zoshao khug mae" yui thug' lo" wa, thao phyao: khonhae" re: dadam: vao26 lo: ga: qeim: ke' ra". – Ai: yui wa gyi: hug' yang: ai: yaug gai re lao" thin: lhang" ke' mung: phao: thug' lo" ra". Zoshao wa su shid mao ru: lang" jo; ra". Byu qe wa yao: re shid: ava" ga: ta" ako".27 Yesu wa yao" lo, mae zaui: mung: she: to" ke' ra". Ailao" yao: to" ye; li"28 ra". – Yham khug khyo vao lo" mung: AsAng za: na: au: yao" naungcao qe wa AsAng re ngonhaung" ai: yui re pe" mung: maqo" khe' thug' pye' geli" laug i"? ga:29 myid' ako". – AsAng wa yao: bam re jhaung: mho' ru , zo: shaug' jao" ru za: mangaid: re getau pe" yang re: ceja" yui jham re maqo" khe' thug' pye' ngaid: ra" ga: ta" ra".30 Ai: jo, qo mae" to" mung: Galile mang: khyo lai: jao" lo" ako". Ai: akhyo re khag'31 rere: maba nhao nug ngaid: ra". – Khoru: ga" re Byu: yao: zo: wa su: lo, khyo qhaug' byid' pye' ru qhug' mung: yao: bam wa yao:32 re se' li" genae". – Se' pye' thao sam ba ein: re yao: dam: daui: to" li" nae" ga" akhyo jham re naungcao qejhao" qhu" byid' ra". Ai: akhyo jham re yao: bam wa maba: gyo: gengaid qere: yao: bam AsAng re mavae" myid: lo: ko".33 Kapenaum:vo khyo joe" ye" ako".Yham khug mae ye: vao: na thao yao: bam re naonhaung" khyo le; mae pe" nam jho" ta"34 ngag: lo ko"?ga: myid' ra". – Pe" mung: ga" re yao: bam khyo le; mae khag' qi" thao" ngaid: ga" rure yao: cao: jho" ta" ngag:35 ako". – Ai: au: AsAng wa zaung: jo, mung: naung cao daxe: shid' yaug geim" re khai: yu yang: je: qi: nug yaug wa alhab' mo; thao mae na mung: alhab' mo; daui daui yaug boe" ca" ga: mho: ra".36 Zoshao dayaug re jhui" yu yang: yao: bam: agaung: mae yhe' to: mung: yao: re po: zag: ci zo" yao: bam re mho: ru37 wa – Khoyaug ngaid yang: re: nga" myo, khung: re qu" yang: ceru" zoshao re khae: yu: ra". Ai: yaug wa ngo re khae: yu: ra". Ngo re lham: khae: yu: ra" yaug re: ngo re za: khae: yu: ru mangaid: ngo re nhao: ke' ra" yaug re lham: khae: yu: ru ngaid: ava" ga: mho: ra".38 Yohan wa AsAng Mo"so we" ni" mang: yang yui khe' thug' na: ra" byu dayaug re ngonhaung" myao:. Ngaid qere: yao: wa ngonhaung" we' daga" cao" yaug mangaid: mung: yao: re ngonhaung" tam" pye' co' va" ga: ta" ra".39 Yesu wa yao: re datam" ge, pe" mung: ga" re nga" mang khyao: yang mug' pho" mau" bin: zaui thao re nga" khyo re magai: ra" dao: xoe" xoe" za: qo" ta" byu khag'40 mana. – Naonhaung" gyevo: thao made,41 yaug wa naonhaung" thao de; ra". – Naon- haung" wa Khristu we' tin" ra" ga: nga" myo, khung: re qu" yang: dayaug yaug naonhaung" re qid dakeim lham: byid' ra". Ai: yaug wa akyu" maqo" nae" mangaid: . Ngo dang za: ta" ra".42 Ngo re lam jang" ra" ce: zoshao qe gu: mae" dayaug yaug re nao wa nhag' lam: tha" lang: nhao: ra". Ai: yaug wa yao" lang zang: mae laug lhang taui" lhao: byid: yang: bang: lae khug khyo pye' zaui: ke' ru wa je: gai: ashi".43 Ni" lo; yang nao re shaid' nghung: nhao: ngaid: re ai: lo, re qam" phyid' pye'44 wa, – Lo, shid' lo; geim" we' myi: mashid laug daung: re: mashid: ra" myi: mai: tham: gyo" nae" tho' mae lo, dalo, we' kao so'45 daui: ra" khyo vao nae" wa je: gai: ra". – Ni" khyid: yang nao re jhui" nghung" ngaid: re46 wa ai: khyid re zin" phyid' pye' wa, – Khyid shid' khyid: geim" we' myi: re: mashid laug daung: re: mashid: ra" myi: mai: tham: vao nae" tho' mae" khyid dakhyid we' za: kao so' daui: ra" khyo vao ye: nae" ru wa je: gai:47 ra". – Ni" myo, jid' yang nao re jhui" shaid' nghung" ngaid: re wa ni" myo, jid' re co'48 thaid' pye' wa, – Khoru: ga" re myo, zam" we' myi: mai: tham: khyo gyo" nae" tho' mae myo, te: we' Mo"so: mang: din" khyo49 vao nae" wa je: gai: ashi". – Ngaui" xeim: dau: re xo: ke' yang: kyang" shao: pye' ru we' dakhyo: byu alhab' rere: myi: xo" yang50 kyang" shao: pye' ru qhug' nae". – Xo: wa gai: ra". Ngaid: qe re: ai: xo: ngae: ru shao" lo" lao" pe" yang re: magai: dam: ngae nhao: lo: ngaid: ra". Naonhaung" mae jho" zam" khug: ra" xo: boe" na nhao ge, naon- haung" yao: cao: jho" myain myain" dau nyang vang yang: na ge, ga: mho: ra".