1 Ai: jo, qo mae" AsAng wa to" ye, mung: Yodain: gyaung: thoete' Yuda mang: mug: kyo: mae joe" ye" ra". Byu phung: mo" zang yao: jhao" dam: ham: li" geyang: yao: khonhae" re: lhaung" kaid' ru we' dakhyo:2 yao: bam re mho" shid' ra". – Phareshe" qe wa AsAng jhao" li" mung: yaug gai dayaug wa yao" yham sang myhi" re kao" pye' nae" tarha" vao: ra" i"? ga: yao: re3 lag qu" au: myid' ako". – Yesu wa naon- haung" re Moshe khoru: amyin" byid' to"4 ra"? ga: myid' ra". – Yao: bam wa gao: myhao" tung" khye' tung" byid: mung: kao" pye' nae" akhang" byid' to" ra" ga: tau"5 ako". – Naonhaung" nhag' lam: saung" kyaung geyang: Moshe ai: tarha" re tung"6 to: co' ru ngaid: ra". – Mug: thug' saopeim phain: ra" ayo, mae" Mo"so wa yaug gai7 we' myiqe: re phain: ke' ra". – Ai: mathao: yang yaug gai wa myhi" pho" re nha: to: co' mung: yao" yham sang myhi" we' ye:8 zam" khug: na: li" nae". – Ai shid' zo: wa dagaung dasho: za: boe" ca" genae". Yao: shid' zo: wa shid' yaug mangaid: dayaug9 za: ngaid: ra". – Mo"so: yang zham" to" rure byu: yang dazai" kao: ge, ga: ta"10 ra". – Thao dalhang naungcao qe qe, khug mae na shi: ko" au: ai: akhyo we' tin: yang:11 yao: re dam: myid' ashi: ko". – AsAng wa Yao: bam re yao: yao" yham sang myhi" re kao" pye' mung: getau dayaug re dam: yu ra" yaug wa yao" yham sang myhi" re shaid'12 yaug ngaid: ra". – Myi qe: yaug re: yham sang pho" re kao" pye' mung: getau dayaug we' dam: lo, xo' yu: ra" yaug wa lao shaid' ra" yaug ga: mho: ra".13 Ai: au: zoshao qere lo, kai: mung: min byid: veshao: ga: AsAng jhao" jhui" li" ako". Naungcao qe wa jhui" li" mo, re14 qeim: tam" ra". – Yesu myao lao" nhag' qu" yo" ru we' yao" naungcao qere ai: zoshao qere ngo jhao" nhao: ke' ge, . Pe" mung: ga" re Mo"so: mang: din" wa ai: ru" mo;15 mang: din" ngaid: ra". – Ngo dang dang mho ge li". Mo"so: mang: din" re zoshao we' dakhyo: makhae: yu: ra" yaug wa ai: khug khyo maqo" vao genae" ga: mho:16 ra". – AsAng wa zo shao qere yao" tao: kheim" khyo vo; yu mung: yaug nge; au: dao mae lo, kai: mung: min byid' ra".17 Khyo mae su" na: au: byu dayaug to" li" yang: AsAng: qhid' kheim: mae paid' thaug' thaug' yang: yao: re gai: ra" mho" pho" we" apyaid ato: kao so' qo" nae" tau: mae ngo pe" nam kaid' ca" shi"? ga: li" myid'18 ra". – Yesu wa nao ngo re pe" mung: gai: ra" mho" pho" ein: ta" i"?. Mo"so mae" je19 yang: gai: ru khag' mana. – Byu dase' , su: myi: dalhaid' , su: zai dakhug' , madang: ra" sagso: dakaid' , damhug' pyag' zo: , ni" myhi" pho" re phug' myao: wa, ga" khang" dao: jham re nao ba: mangaid: i"?ga: ta"20 ra". – AsAng Mo"so we" ai khang" dao: jham alhab' re ngo ngai shi" yo, mae" cao"21 pyang" lo va" ga: tau" ra". – Yesu wa yao: re jhid' kao myid we' zhaug' qu" yang: ai ru: ngaid: re nao mae daja: ca" ashi". Nao lo" wa, ni" jo, nho" jham re lo" aung: mung: sho: jhin mo, re gae byid: wa, alao" mug: gaung: mang: din" mae jo, nho" qo" nae". Ai: thao pyao: zang re vo, mung: nga" thao22 cao" la, ga: mho: ra". – Ai: dao: re yao: the' gyo: lao" myo, nho phyug' mung: sham: lo" byaug: ra". Pe" mung: ga" re yao: wa jo, nho" gyai qo" yaug ngaid: ra".23 Yesu wa avai: ayae khyo lhang: qu" yang: jo, nho" qo" yaug Mo"so: mang: vao nae" gyai qug' ra" ga: yao" naungcao qere24 mho: kyo" ra". – Naung cao qe wa ai: dao: re the' gyo: lao" mug' ako". Yesu yao: bam re xo' mho shi" ru wa nga" zo: qe we" jo, nho" re lam: ra" mo, Mo"so: mang: vao25 nae" aqhi" qug' ra" nhaung mhao". – Jo, nho" qo" ra" yaug Mo"so: mang: din" vao nae" tho' mae ma dae: myao: wa nghe' no: dung: khyo" lai: lo" nae" je: laui: ashi" ga:26 dam: mho: ra". – Yao" naungcao qe wa matho' mho lo: sho' mug' byaug geyang: , airu: ngaid: re wa khoyaug za: khyaid' yu: ru qhug' nae" laug i"? ga: yao: cao: jho" ta"27 ako". – Yesu wa yao: bam re zhaug' qu" mung: ce: mau" re Sosu byu qe ma qo" aung: kaid' qere: Mo"so wa maqo" kaid' boe" ru daja: re: majo, kho ru: ga" re Mo"so wa alhab' re qo" kaid' yaug ngaid: ra" ga: mho: ra".28 Ai: au: Petru wa ngonhaung" qo" ra" zai yo alhab' re to: co' yang: nao jhao" cao: qin" mo, ngaid: va" ga: yao:29 re phaug' tau" ra". – Yesu wa ngo dang dang mho geli". Nga" mathao we' ngaui: bau: lau dao: mathao mae yham yo , mao: nhaung: nhae: mo" , myhi" pho" , myi: zo: ,30 yothaung: jham re to: co' ra". – Ai: yaug wa dayo nho" ra" akyu" ein: nae" ana" ce: ta mae yhin" ru we' daga" yham yo , mao: nhaung" , nhae: mo" , myhi" pho" , zo: dau jham rere: , thao: bain: mae apyaid ato: kao31 so' rere: qo" khae: yu genae". – Qhid' lo" ra" mo, myo: sho' wa thao gyo" genae". Thao gyo" ra" mo, wa qhid' lheim" genae" ga: mho: ra".32 Yao: bam Yeruslam: khyo do, lo" na ko" au: Yesu wa naungcao qe: qhid' au: mae su" na: ra". Naungcao qe wa mug' ru we' thao cao" ako". AsAng wa naungcao daxe shid' yaug re dam: khai: yu mung: yao: mae boe"33 li" nae" akhyo re ta" kyo" ra". – Byu: yao: zo: wa ai: mae khin jaung qe we' jham: ba pho" qe: lo, mae qhaug' pye' ru qhug' nae". Ai bam wa Byu: yao: zo: re se' pye' nae" tau: dao: phyid' mung: taung bug qe: lo, khyo qhaug'; pye' li" genae".34 Yao: bam re: Byu: yao: zo: re myid nug: myid khyaid' kaid' yang: khota: phoe" sheim" ru we' be, yang: se' pye' li" genae". Sam ba ein: ra" ba re dam: daui: to" li" nae" ga: yao" gaung mae boe" lo nae" khyo re naungcao qe re mho: ra".35 Zebedi yao: zo: Yaku we' Yohan tao wa Yesu jhao" te' ye: mung: yao: re mho" pho" we" ngo tao nao re mho' ra" ja: byid: nae"36 rure ngo tao o: ra" ga: ta" ako". – Ailao" AsAng wa yao: tao re ngo nao tao: tau: pe" kaid' byid: nae" ru o ko" ga: myid'37 ra". – Yao: tao wa nao kheim: so' phung bao we' jhaung zug: boe" lao" ngo tao re ni" lo, yo shaid' mae dayaug lo, vai: shaid' mae dayaug nao we' daga" zaung nhao la, ga:38 ta" ako". – AsAng wa yao: nhae tao re nao tao pe" mho' na ko" rure nao tao yao: lao" maba ko" ngaid: ra". Nao tao wa ngo shaug' ca" ra" keim re qo" shaug' genae" i"?.Ngo khae: yu ca" ra" Babtizan: re qo" khae: yu39 genae" i"? ga: myid' ra". – Ngo tao qo" doe, nae" ga: tau" ako". Yesu wa ngo shaug' ca" ra" keim re qo" shaug' genae" ngo khae: yu ca" ra" Babtizan: rere: qo" khae: yu40 genae" ga: mho: ra". – Ngaid: qe re: nga" lo, yo shaid' , lo, vai: shaid' mae khoyaug zaung nae" rure khyin: yu nae" tau: ngo mae kheim: so' majo, . Ai wa Mo"so: yang nyhang" jaung: to: byid' ra" mo; tau: mae" za: ngaid: ra" ga: mho: ra".41 Getau: naungcao daxe yaug ai: akhyo re the' gyo: gemung: Yaku' we' Yohan tao42 re nhag' yo" ako". – Yesu wa yao" naung- cao qere khai: yu mung: naonhaung" ba: ru we' dakhyo: myid kin: jhaung zug: qe wa yao: bam o: khyo: ug: ako". Au: she kaid' mo, wa ham" hung: kheim: ci:43 ako". – Naonhaung" gyo: mae kam" airu: magai: ngaid. Naonhaung" mae ade, kaid' nug yaug wa alhab' mo; daui daui yaug44 boe" ca". – Naonhaung" mae" au: jhaung boe" nug yaug khag' ngaid qere: alhab' mo;45 jeim kaid' ca". – Pe" mung: ga" re Byu: yao: zo: lao" re: su re yam" zo: nae" tau: joe" li" ru mangaid: su re caung: da" nae" we' byu myo: sho' re khyaid' yu nae" tau: mae" yao" kao re dain: pye' byid: nae" ga: joe" li" ru angaid: ga: mho: ra".46 Yao: bam Yerekho" vo khyo joe" ye" ako". Naungcao qe byu phaung mo" we' daga" Yerekho" vo mae" dam: thug' lo: na ko" au: Tima" yao: zo: Baratime" ga: mang: ra" mho'zo: byu dayaug wa khyo yae mae47 zaung: jo; ra". – Nazared' mae" Yesu joe" na: rure the' gyo: lao" zag: hug' mung: Davi yao: zo: Yesu we" ngo re nhag' myain" yu48 la, wo" ga: ta" ke' ra". – Byu myo: sho' wa yao: re sae za: tae" to: nae" tau: qeim: ako". Ngaid qere: yao: wa Davi yao: zo: we" ngo re nhag' myain" yu la, wo" ga: je:49 zag: hug' ra". – Yesu wa ye; thang mung: yao: re khai: jhui" lo ge, ga: ta" ra". Yao: bam wa myo, jid yaug re ngaui bau: se, to" wa, AsAng nao re khai: na: ra" ga: ta"50 ako". – Ai: yaug wa bau: qhang khyaid' shelhaui" pye' mung: Yesu jhao" ye" lo"51 ra". – Yesu wa ngo ni" tau: mae" pe" kaid'52 byid: nae" nao o: i"? ga: myid' ra". – AsAng Mo"so we" nga" myo, myao nhao la, ga: myo, jid yaug ta" ra".Yesu wa yao: re lo" wa, ni" lam khug myid wa nao re gai nhao: ava" ga: mho: ra". Ayao: jao" myo, myao: li" mung: yao" thao cao" ye" lo" ra".