1 Ai: au: byu phaung mo" wa Yesu jhao" li" zang" ham: na geyang: zo: nam majo, lao" naungcao qere khai: yu mung: ce bam wa zo: nae" zao: kho pe" re: maqo" lo:2 ko". – Yao: bam wa ngo we' daga" na: ru sam ba va". Ce bam zo: nae" zao: kho pe" re: maqo" lo: ko". Aimung: ngo yao: bam re3 nhag' gyai qu" myain" ra". – Yao: bam re vae: moe; zang yham khyo phao nhao: ke' re khyo le; mae vae: moe' shang" genae". Pe" mung: ga" re damyo" wa mug: va: mae" li" mo, ngaid: ako" ga: yao: bam re mho:4 ra". – Naungcao qe wa ce: seyo mae yao: bam re zho: nae" zo: nam khai: mae" tho'5 qho: yu nae" ga: dam: tau" ako". – AsAng wa yao: bam re naonhaung" cinmain" khonho" yho' qo" ashi: ko" ga: myid: lao" yao: bam wa cinmain" nhaid' yho' za: aqo"6 lo" ga: tau" ako". – Ai: au: mo, thaui: mo" zang re myid jao: mae zaung: na nhao: ra". Yao: wa cinmain" yho' re yu yang: jeju caung: mung: cinmain" yho' re khyoe' phai" yang: volo byu qe re gae byid: nae" tau: naungcao qere byid' ke' ra". Naung- cao qe wa volo byu qere gae byid: ko"7 ra". – Mavai" zo: za" ngo: nau" qo" ashi: ko". Ai rere: yao: wa yu mung: jeju caung:8 yang: cao" gae byid: nhao: ra". – Yao: bam zo" gyi: veko".Naungcao jham wa zo" tang" to" ra" aje, amain" gaug: zhag' re nhaid' dao: byang" sho' qo" gaug: zhang"9 yu: ako". – Zo" ra" volo byu byid taung kho ngaid: ako". Bin: zo: yang: volo byu qere10 phao nhao: ke' ra". – Naungcao qe we' daga" lha jui: mung: Dalamanuta' vo khyo yejoe" ako".11 Ai: au: Phareshe" qe AsAng jhao" ye: yang: yao: we' jho" ngag: na: ako". Yao: re lag yu: qu" nug: ra" khyo" mug: gaung mae" mug' pho: ve, lho dalam: kaid' qhu" la, ga:12 mho' ako". – AsAng wa so' mo" she mung: ce: amyu" wa pe" mung: ve, lho re mho' ko" i"?. Ngo naonhaung" re gegai: mho: ra". Ceru" amyu" jham re ve, lho qhu"13 nae" dao" nghae" ko" i"? ga: mho: ra". – Ai mung: yao: bam re to: co' yang lha jui: mung: thoete' khyo gau" de; ye" lo" ako".14 Naungcao qe wa cinmain" yu: ci nae" to" myhid' ako". Yao: bam mae cinmain"15 dayho' za: aqo" lo: ko" ra". – AsAng wa Herod' main" we' Phareshe" qe: main"16 re jao" ge, ga: mho: ra". – Naungcao qe wa ceru: ta" ru wa ngonhaung" cinmain" mavin yang: ta" ru ngaid: ra" ga: yao: cao:17 yao: jho" ta" na: ako". – Yesu ai re ba lao" naonhaung" pe" mung: cinmain" mabo: ra" khyo yao: cao: jho" ta" na ko" ana" joe" sho' maba: gyo" khae: yu shi: ko" i"?. Pe"18 mung: nhag' caid' na: ashi: ko". – Myo, jid' de, geyang: re: mamyao ko"?.No: khye' de, qere: ma gyo: ko"?. Maba: gyo" xam: shi:19 ko" i"?. – Cinman" ngo" yho' yang ngo byu ngo" taung re phai" zho" rure mabeim: ko" i"?. Zo" tang" aje, amain" jham khonho" gyain byang" sho' qo" gaug: zhang: ko"? ga: myid' ra". Yao: bam wa daxe: shid' gyain20 ngaid: ga: tau" ako". – Ai mae" byu byid taung re cinmain" nhaid' yho' za: cug' phai" zho" ra" au: aje, amain" jham khonho" dao: qo" gaug: zhang" yu ko"? ga: myid' ra". Yao: bam wa nhaid' gyain ngaid: ga: tau"21 ako". – Ai: ru re naonhaung" ana" joe" sho' khoru: mung: maba: gyo: shi: ko"? ga: mho: ra".22 Bedsaida: vo khyo joe" ye" re ai: vo mae" mo, wa myo, jid su dayaug re she: li" yang: ai: yaug: myo, jid' mae soe' byid: nae"23 tau: AsAng re mho' ako". – AsAng wa myo, jid yaug re vo yae khyo she: thug' ye: yang: myo, mae khata: tag' byid: yang: yao" au: dao mae lo, kai: byid: zo" nao daja: ja: re24 myao: i"? ga: myid' ra". – Ai: yaug wa byu jham re ngo myao ngaid qere: yao: bam wa sag' gae jham re" ru: su" lhau: ako" ga: ta"25 ra". – Ai: thao yao" myo, jid' dao lo, dam: kai: yang: yao: re mug: khyo tau: qu" nhao: ra". Ailao" yao" myo, gai: byaug yang: ja: khao: ngo" re gyang: gyang: za: myao: ra".26 AsAng wa yao: re vogaung: khyo davao ai: vogaung: mae" mo, re khag' rere: data" kyo: ga: jhaug' za: pin: ke' ra".27 Yesu we' yao" naungcao qe wa Phili- pi mug: mae" Kesare vo khyo lai: ye" lo" ako". Khyo le; mae yao" naung cao: qere byu jham wa ngo re khoyaug ngaid: ga: ta"28 ako" ga: myid' ra". – Damyo" wa AsAng re Babtizan: byid: yaug Yohan ngaid: ra" ga: , daqhae: wa Elia ngaid: ra". Aimung: damyo" wa Lapa qe mae" dayaug ngaid:29 ra" ga: ta" ako" ga: phaug' tau" ako". – Aire naonhaung" wa ngo re khag' ngaid: ra: ein: jho ko" ga: myid' ra". Ailao" Petru wa tau: mung: nao wa Meshiya ngaid: ra" ga: ta"30 ra". – AsAng wa yao" naung cao qere ngo khag' ngaid: ra" rure naonhaung" khag' rere: data" kyo: ge, ga: zug' nhao: ra".31 Aimae" dalam: Byu: yao: zo: wa qug: khai: kyi" khyag' myo: sho' ja: re phau: mung: zug: ade, qe , khin jaung qe , jham: ba pho" qe: yang ngag: lhaui" pye' mung: shid: ru qhug' nae". Ngaid yang: re: sam ba mae dam: daui: to" li" nae" khyo re mho"32 shid' kyo" ra". – Ce: akhyo re de: de: za: yao: bam re ta" kyo: lao" Petru' wa AsAng re getau khyo jhui" ye: mung: qobo vhin:33 ra" khyo" qeim: ra". – AsAng wa naungcao qere lhang: qu" mung: Petru re ju" phyo' gye we" nga" thao khyo qui" lo" wa nao wa Mo"so shaid' khyo mamyid byu: shaid' khyo za: myid yaug ngaid: ra" ga: mho:34 ra". – Ai: au: Yesu wa naungcao qe we' volo byu qere yao: jhao" khai: yu mung: yao: bam re nga" thao cao" nug yaug wa yao: yao" tau: mae ha: pye' yang: yao" pyao: yao: vo, mung: nga" thao cao" veshao: .35 Pe" mung: ga" re yao: yao" kao so' re khyaid' yu nug yaug wa kao seim" nae". Nga" mathao mae we' ngaui bau: lau dao: mathao: yang kao so' seim" qhug' yaug wa36 kao so' re khyaid' yu: ru qhug' nae". – Byu Sosu wa gu de gam re qo" sang: yu ngaid qere: yao: yao" kao so' seim byaug: ngaid:37 re pe" jeju so' ha" qo" nae"?. – Yao: yao" kao so' re pe" ja" jo, nho" yang qo" tha" yu38 nae"?. – Shaid' nghung" ru we' makhyang: mashab: ra" ce: ta mae ngo we' nga" mho" dao: re qho' ra" yaug khag' ngaid qere: Byu: yao: zo: wa yao: pho" phung bao we' shaogyang" ra" mug: logyo: jham we' daga" joe" li" ba mae yao: re qho' pye' nae" ga: mho: ra".