1 Mo"so: yao: zo: Yesu Khristu ngaui bau" lau dao: aqao: wa ,2 Lapa dao: mae bo: ru Qu" ge, nao ye" lo" nae" ni" khyo re nyhang" byid: nae" tau: mae" nga" logyo: re ngo nhao: ke' ra".3 Seyo mae hug' ra" thoe wa AsAng Mo"so: khyo re nyhang" to: ge, Yao" khyo re din: za: nyhang" jhao" ke' ge, ga: lapa Esaia pa dao: paug' mae tung" to" ru we'4 dakhyo: – Yohan wa seyo mae" thug' li" mung: qobo khyaid' pye' byid: nae" qhug' nae" tau: nhag' lam: tha" pye' yang: Babtizan: khae: yu ge, ga: hau" kyo" ru5 we' Babtizan: byid' na: ra". – Yerusalem vo mae" we' Yuda mang: mae" mo, wa Yohan jhao" ye: yang: yao: yao" qobo re yeta" khyaid' ru we' Yodain: gyaung: mae6 Babtizan: ye: khae: yu: ako". – Yohan wa ma dae myao: mug' yang qo; ra" mai bau: ve, mung: sho: qid phyid' cui: cui" ra". Jhin khyag' we' byo: yhid re zo: shaug' yang:7 na: ra". – Aimung: hau" dao: kheim: wa nga" thao mae joe" li" nae" yaug wa ngo tho' kheim: so' qam: o: je: bo yaug ngaid: ra". Ngo wa yao" khyid zhaung: taui: goe;8 pheim nae" lao" mamain: qi". – Ngo wa naonhaung" re qid mae Babtizan: byid' ra". Yao: wa shao gyang" solo mae Babtizan: byid' li" nae" ga: ta" hau" kyo" ra".9 Ai: au: mae Yesu wa Galile mang: Nazared' vo mae" joe" li" mung: Yodain: gyaung: Yohan: lo, mae Babtizan: khae: yu:10 ra". – Qid mae" thug' li" lao" mug: gaung go; bung" li" mung: solo wa yao" dao mae phaung" kyug' ru" ru AsAng: adao mae li"11 gyo" no" rure lham: myao: ra". – Mug: gaung mae" thoe jhau: thug' li" ru wa , Nao wa ngo jhid' de; ra" nga" zo: ngaid: nao re ngo o ngaui: ra" ga: ta" ra".12 Ayao: jao" shaogyang" solo wa Yesu re seyo khyo jhui" ye" lo" ra". – Seyo segae: mae ba na byid xe yui: yang ju" phyo' ru qhug' ra". Ai: seyo mae" myang kha: zoqhid jham we' daga" na: na: ra". Mug: logyo: jham wa yao: re li" caung: da" zho: jhaug' ako".13 Yohan re kyam: mae taung" lhaung" thao Yesu wa Galile khyo joe" lo" mung: Mo"so: mang: din" we' tin" ra" ngaui bau"14 lau dao: re hau" kyo" ra". – Yao: hau" ra" dao: wa ai: ayo, joe" li" ava". Mo"so: mang: din" wa jhao" li" va" mung: nhag' lam: re tha" pye' ge,. Gai: ra" ngaui bau" lau dao: re lam" jang" ge, ga: ta" hau" ra".15 Galile tham: yae cao" yang: su" lo" na: au: re Simon we' Andare nhae tao wa ngo: kung" zo: tao ngaid gemung: qid tham: mae myho: khyo" na ko" rure myao:16 mung: – Yao: nhae tao re nga" thao cao" ge, byu re cao" kung" ra" kung" su ngo toe'17 nae" ga: mho: ra". – Ayao: jao" yao: nhae tao wa geim we' myho: jham re to: co'18 mung: Yesu thao cao" lo" ako". – Ai mae" dajhid' zo: dam: lai: ye" lo" re Zebedi yao: zo: Yaku' we' Yohan nhae tao shid' yaug re dam: myao: ra".Ai: nhae tao wa lha dao mae zaung: jo, mung: geim jham re19 pho: na: ako". – Yesu wa dalhang: dae ai nhae re lhaung: ra".Yao: nhae tao wa yao: pho" Zebedi we' lao jhao: qere nha: to: co' mung: yao" thao cao" ye" lo" ako".20 Kapenaum: vo khyo vao lo" ko" ra". Dug no: ba mae yao: wa qham phaung jao:21 mae vao ye: yang: mho" shid' ra". – Mho" shid' ra" khyo re yao: bam wa gyo" mug' ako". Khoru: ga" re jham: ba pho" qeru: ma ngaid: kheim: so' qam: o: qo" ra" yaug ru: mho" shid' na: ra".22 Yao: bam: ham phaung mae ma shao gyang" yui de; ra" byu dayaug gyi: hug'23 mung: – Nazared' vo mae" Yesu we" nao ngonhaung" we' pe" tin' i"? ngonhaung" re phyo' qheim" pye' nae" ein: joe" li" i"?. Nao khoyaug ngaid: rure ngo ba: ra".Nao wa Mo"so: shao gyang" ra" yaug ngaid: ra"24 ga: hug' ke' ra". – Yesu wa yao: re sae za: tae" to: wa, yao: mae" thug' lo" wa, ga:25 mho lao" – Yui wa ai: yaug re lao" thin: lhang" ke' yang: qam: ke' zag: hug' mung:26 yao: mae" phao: thug' lo" ra". – Aire the' myao ko" ra" byu alhab' mo, wa mug' hao" bam mung: ce wa pe" ngaid va" i"?. Pe"ru" mho" shid' khyo asag' ngaid va" i"?. Ce: yaug wa mashao gyang" ra" yui jham re amyin" byid: nae" kheim: so' qo" ru we' yao" amyin" byid' rure yui jham tae" gyo:27 ko" ra" ga: yao: cao: jho" ta" ako". – Ai: lau dao: re Galile mang: geim" gam: sho' mae hau" nhao" lo" ako".28 Ham phaung jao: mae" thug' mung: Yaku' we' Yohan nhae tao we' daga" Simon we' Andare: shid' nhae tao: yham khug29 khyo vao ye" ako". – Simon yaug myhi" wa no qam" bug mung: lang" jo; ra". Yao"30 akhyo AsAng re ta" kyo" ako". – AsAng wa anhae khyo qui" te' ye: mung: yao: re lo, mae" tau: to' ke' ra". No qam" re: dalhang: dae gai: lo" byaug: ra". Aimung: yao: wa yao: bam re zo: shaug' nyhang" zho" ra".31 Ba vao caid' sham" zo" mae byu jham wa no mo, we' yui vao mo, re Yesu jhao"32 jhui" li" ako". – Davo geim" mae" byu jham wa kham: dung: mae li" ham phaung: na:33 ako". – No phyo: aja: ja: qhug' mo, re gai byid' ru we' yui myo: sho' rere: khe' ke' byid' ra". Yao: wa yui jham re dao: jhau nae" akhang" mabyid: ngaid: ra". Pe" mung: ga" re yui jham wa yao: khag' ngaid: ru re ba: ako".34 Thao: ba ne, seim mug: bo" myi: re AsAng to" mung: seyo khyo thug' ye" lo" yang:35 jhaung: ye: mho' ra". – Simon we' yao" byin36 cao: qe wa cao" qho: ako". – AsAng re myo lao" byu jham alhab' nao re qho: na: ako"37 ga: ta" kyo" ako". – AsAng wa vo khao: ngo" khyo ngo cao" hau" qin" nae" ye: gelang: pe" mung: ga" re ai: mau" we' tin: yang: ngo li"38 ru va" ga: yao: bam re mho: ra". – Aimung: Galile mang: geim" yao: bam: ham phaung jao: khao: ngo" mae cao" hau" qin" mung: yui jham rere: khe' pye' byid' ra".39 Ye, gyaid byu dayaug Yesu jhao" li" yang: paid' thaug' thaug' mung: AsAng we" nao qaid: re wa ngo re qo" gyang" shao: nhao byid: zai ngaid: ra" ga: yao: re mho'40 ra". – Yesu wa nhag' qu" myain: yang: yao" lo, yheim" ke' mung: yao: re zaui" ci zo" re" ngo qaid: ra" gyang" shao lo" se, ga: mho:41 ra". – Ailao" jao" yao" ye, gyaid gai: lo"42 mung: gyang" shao: lo" byaug: ra". – Yesu wa yao: re ce: akhyo khag' re re: data" kyo:43 ga: jhaug' za: zug' nhao: ra". – Ngaid qere: khin jaung pho" jhao" ye: mung: ni" gaung re ye: qhu" wa, . Aimung: volo byu: qhid' kheim: sagso: ngaid veshao:. Moshe pin: to: co' ru we' dakhyo: xeim: lo" ngaui" wa,44 ga: nhao: ke' ra". – Yao: wa thug' ye" lo" mung: ai: akhyo re qam: ke' ta" kyo" ru we' lau dao: hau" nhao" ke' ra". Ai ru: mung: Yesu wa vogaung: khyo de: de: za: magai: vao: qin" lo: mung: vo vai: vo yae khain mae na: qin" ra". Khyi" khao: ngo" mae" mo, wa yao: jhao" li" ako".