1
Thao: ba mae AsAng wa Kapenaum: vogaung: dam: joe" vao lo" mung: yham dayham mae na: ga" khyo re ta" hau"2
ako". – Volo byu qe wa kham: dung: lao" maqui" lo: sho' zang" ham: li" ako". Yesu wa yao: bam re mung dao: ta" kyo" na:3
ra". – Ai: au: khyid lo, shid: ra" byu dayaug re byu byid yaug dao zung mae vo, mung:4
AsAng jhao" dao: li" ako". – Yao: bam wa mo, paug' saung" thau mung: AsAng jhao" maqo" te' ye: mung: AsAng: au: tho' pyae yham mhao: caid' phung" mung: dao zung we' daga" no yaug re yhoe" khyo" ke'5
ako". – Yao: bam lam" jang" nhag' lam: re Yesu the' myao lao" khyid lo, shid yaug re nga" zo: we" ni" qobo re khyaid' pye' byid:6
va" ga: ta" ra". – Ai: nhae mae zaung: jo, ko" ra" jham: ba pho" daqhae: nhag' khug mae ce:yaug wa Mo"so re khyoe' dao: pe"7
mung: jhau: i"?. – Mo"so mae" lai mung: khag' re: qobo re maqo" khyaid' byid: ga:8
nhag' khug' mae myid: ako". – Yao: bam: nhag' khug mae ai ru: myid: na ko" rure Yesu wa nhag' khug mae myao: kyao" pye' mung: naonhaung" nhag' lam: mae ai: ru9
pe" mung: myid: na ko" i"?. – Ce: khyid lo, shid yaug re ni" qobo khyaid' pye' byid: va" ein: ta" ru we' ni" yab qo re vo, mung: su" lo" wa, ein: ta" ra" dao: shid' kheim:10
mae kholam: wa je: ta" laui: ra"?. – Byu: yao: zo: wa myid gaung dao mae qobo khyaid' pye' byid: nae" kheim: so' qo" rure11
naonhaung" ba: yu geshao:. – Khyid lo, shid yaug re to" wa, ni" yab qo re dang" vo, mung: yham khyo lo" wa, ga: mho:12
ra". – Ai: yaug re: ajao" yao" yab qo re tau: vo, mung: mo, phaung gaung: khyo" thug' lo" ra". Ailao" alhab' mo, geim" wa mug' ru we' ceru"ru ngonhaung" mamyao: qu" ga: Mo"so re caung: khin" ako".13
Ai: thao mae AsAng wa tham: ye khyo dam: ye" lo" ra". Byu mo, thaui: jham AsAng jhao" zang" ham: li" gelao" Yesu wa yao:14
bam re mho" shid' na: ra". – Yao: su" lo" au: Alaphe" yao: zo: Levi wa khang: gaug jao: mae zaung: jo; rure myao: ra".15
Ailao" AsAng wa nga" thao cao" wa, ga: yao: re lhaung: ra". Levi to" mung: yao" thao cao" ye" lo" ra". Ai: yham mae khang: gaug mo, we' makhyang: mo, wa AsAng we'16
daga" qhain" zaung zo" na: ako". – Yesu wa ai re" khyo: khang: gaug mo, makhy- ang: mo, we' daga" zo qhain: zo" rure myao gelao" Phareshe" qe we' jham: ba pho" qe wa ce:yaug wa pe" mung: khang: gaug mo, ma khyang: mo, we' daga" zo boqhain: zo" la, i"? ga: yao" naungcao qere myid'17
ako". – Yesu ai: dao: re the' gyo: lao" qao" zin" ra" mo, wa mo cid' pho: su maca". No phyo" ra" mo, za: aqo: ra". Din: main: mo, re naung myid qo" nhao nae" tau: ngo gyo" li" ru mangaid: . Qobo qo" mo, we' makhy- ang: mo, re naung myid qo" nae" tau: ngo ali" ga: yao: bam re dam: tug' mho: ra".18
Zo: shaug' lhaung" jao" ko" ra" Yohan naungcao qe we' Phareshe qe li" mung: Phareshe qe we' yohan naungcao qe wa zo: shaug' lhaung" jao" ko" ra". Ni" naung- cao qe wa pe" mung: zo: shaug' majao" ko"19
i"? ga: li" myid' ako". – Yesu wa myi: vhin" poe vao mo, wa pho" sag' we' daga" na: ra" au: mae zo: shaug' gai: jao" i"?. Yao: bam pho" sag' we' daga" ana: na: au: zo: shaug'20
malhaung" jao" ko" ngaid: ra". – Pho" sag' re yao: bam: phaung mae" kao" jhui" lo" nae" ba na joe" lo nae". Ailao" yao: bam zo:21
shaug' jao" genae" ngaid: ra".– Mai bau: xug' mae pin: cug' asag' yang magai: pho. Pin: cug' sag' yang pho lao" asag' wa axug' re lao" zhain: yu yang: jaid: ra" akhu je: lae:22
li" nae". – Ai we' dakhyo: sabyi' qang: asag' re shoqid thaug' axug' mae khag' make'. Pe" mung: ga" re shoqid thaug' axug' wa baug: go; lo" yang: sabyi' qang: re sheim: pye' zai ngaid: ra". Airu: mung: sabyi' qang: asag' re shoqid thaug' asag' mae ke' ca" ra" ga: mho: ra".23
Yesu wa dug no: ba re saungso yo khyo" lai: jao" lo" ra". Yao" naungcao qe wa saung so gaug nhae re shain" yu ko"24
rure myao gelao" – Phareshe" qe wa qu" wa, dug no: ba mae magai: kaid' ra" mau" re yao: bam zaui" na: ako" ga: myid'25
ako". – Ailao" AsAng wa Davi we' yao" byin cao: qe vae: moe; qhug' qin" ko"26
re. – Khin jaung Abiatha ayo, mae Mo"so: yham khyo vao ye: mung: khin jaung qe mae" jain" yang: khag' re: magai: zo" ra" phain kai: cinmain" yho' jham re yu zo: ko" khyo re naonhaung" dalhang re:27
maqhug' nghe' qu" ko" i". – Aimung: dug no: ba wa byu qe: tau: ngaid: byu wa dug28
no: ba tau mangaid:. – Ai va" tho' mae Byu: yao: zo: wa dug no: ba: AsAng re: ngaid: ga: mho: ra".