1 Ai: thao mae naungcao qe we' ai: jo, qo mae" thug' lo" mung: yao: na: qi" lo: ra" vo2 khyo dam: lo" ra". – Dug no: ba joe" lao" ham phaung jao: mae byu myo: sho' mo, re mho" shid' byid' ra". Yao" mho" dao: re the' gyo: mo, alhab' gyo" mug' ako". Aimung: yao: bam wa byu ce:yaug ce nho" ba: ta" ba: jhau: ru wa khai: mae" mho" yu: la, i"?.Ceru" mau" jham re yao: zaui" qhu"3 ra". – Yao: wa Mari yao: zo: lo, gin se" yaug mangaid: i"?.Yao" mao: nhaung qe wa Yaku' , Yoseb' , Yuda, we' Simon nhae tao ho' we' yao: nhae: mo" tao ho' re: ce mae ngonhaung" we' daga" na: na ko" ma ngaid: i"? ga: myid: nghung: na: ako".4 Yesu wa yao: bam re mho: ru Lapa wa yao" mug: , yao" ba nam ug zo: we' yao" ug' khug' mae" je mung: getau mae za: myo, nho nga: lao: aqo" ra" ga: mho:5 ra". – Nophyo: dajhid' dathao qhug' mo, re gai byid' ru mae" jain" mung: mug' pho"6 mau" rere: mazaui" qhu" lo: – yao: bam malam jang" rure Yesu qu" mug' ra". Ai: thao mae avai: ayae mae" vo jham khyo su" lhang" qin" mung: cao" mho" shid' ra".7 Logyo: daxe: shid' yaug re yao: jhao" khai: yu mung: shid' zo: dazam" zam" kaid' mung: nhao: ke' ra".Mashao magyang" yui jham re khe' thug' pye' nae" kheim: so' re:8 byid' ke' ra". – Naonhaung" gyaung: khyo tau: mae" zaung: bao" mae" jain" yang: zao: kho, thaung pyain we' phyid' cui: mae ngaui dake' vin ge, . Khyid zhaung:9 kam" wa zhaung: ge, – bau: shid' khye'10 dapaug' ve, ge, ga: mho: ra". – Aimung: naonhaung" wa yham dayham khyo vao ye" re ai: yham mae" dam: mathug' shi"11 yo, joe" sho' ai: mae na: jo, ge, . – Davo vo mangaid: lao" dayaug yaug naonhaung" dao: malham: tug; yu: ru we' naonhaung" dao: matae" gyo: ngaid: re ai: jo, qo mae" thug' lo" ge, . Aimae" phao: thug' lo: au: re yao: bam: tau: mae" sagso: boe" veshao: naonhaung" khuvo: mae" phaui: lhug re ko: khyo" to: co' ge, . Ngo naonhaung" re jhaug' za: mho geli". Tarha" pyam" yhin" ra" ba mae ai: vogaung: wa Sodom: we' Gomora' tho' mae je: phau: zo: nae" ga:12 mho: ra". – Naungcao qe thug' ye" lo" mung: byu jham re nhag' lam: tha" nae"13 tau: cao" ta" hau" kyo: ko" ra". – Yui jham rere: khe' thug' pye' byid' ru we' nophyo: qhug' mo, rere: xau boe, byid: yang: nogai nhao: ra".14 Ai: au: mang: gyi Antipa' Herod' wa Yesu akhyo re the' gyo: lao" Babtizan: Yohan shid: ru mae" daui: to" li" va". Aimung: mug' pho" mau" zaui" qhu" nae"15 qam: so' qo" ru ngaid: ra" ga: ta" ra". – Byu damyo" wa Yesu re Elia ngaid: ra" ga: ta" mung: daqhae: wa Lapa dayaug ngaid: ra". Mangaid: lao" Lapa qe mae" dayaug yaug16 ngaid nho dau: ra" ga: ta" ako". – Herod' ai re the' gyo: lao" ce:yaug wa ngo yang au: phyid' pye' byid' ra" Yohan dam: daui:17 to" li" ru ngaid: ra" ga: ta" ra". – Qhid' re Herod' wa yao: nhaung: Philib' yham sang myhi" Herodi re lhaid' ngho" ra" mathao mae Yohan re kyam: lhaung" nae" amyin" byid: mung: kyam: mae lhaung" to"18 ra". – Pe" mung: ga" re Yohan wa Herod re ni" nhaung" yham sang myhi" lhaid' yu: re19 wa magai ngaid: ra" ga: qeim: ra". – Airu: mung: Herodi wa Yohan re manug: qu" mung: se' pye' nug ngaid qere: Herod' mathao mae khoru: yao: maqo" se' ngaid:20 ra". – Pe" mung: ga" re Yohan wa din: main" ru we' shaogyang" ra" byu da yaug ngaid: rure Herod ba mung: yao: re gyaug phug' ru we' qu" gam byid' ra". Yohan: mung dao: re the' gyo: lao" ngo yao" nhag' lam: mamyain ngaid qere: yao" mung dao:21 re gyai gyo: nug: ra". – Ana" Herod wa yao" co' phyid' qug yo, nge; ra" daba mae yao" zug: qe , Galile mang: mae" zug: ade, qe , gye zug: mo" qe we' myi" xeim zo"22 ra". – Ai: myi" xeim zo: poe mae Herodi yao: zo: myiqe: nau" wa zo: poe khyo vao li" mung: li" go" nhain" qhu" ra". Ai: rure Herod we' yao" bang" vo qe qu" ngaui: ako". Herod wa myiqe: nau" re nao o: ra" ja: ngo re mho' la, ngo nao re byid: nae" ga: mho:23 ra". – Nao mho' ra" gu: nga" mang: din" dakhyae: joe" sho' ngo nao re byid: nae" ga:24 jham tang: yang: ta" ra". – Ailao" myiqe: nau" wa thug' lo" mung: yao: myhi" re ngo25 pe" ja: mho' nae" ga: myid' ra". – Myiqe: zo: wa hin hin za: mang: zug: pho" jhao" dam: tug' vao lo" mung: Babtizan: Yohan: au: re bo" lang" dao mae ke' mung: ana" yao: ngo re byid: nae" rure ngo o: ra" ga:26 mho' ra". – Mang: zug: pho" wa nhag' gyai kaug' byaug: ra". Ngaid qere: yao: bang" vo: qhid' kheim: mae jham tang: yang: ta" pye' va" dao" yang myiqe: zo: mho' rure27 magai: ha: pye' ngaid: ra". – Aimung: yao: wa gug: gam gyezo: dayaug re Yohan: au: re ye: phyid' ci: lo nae" amyin" we' daga" nhao: ke' ra". Gyezo: pho" wa kyam: khyo ye: yang: Yohan: au: re ye: phyid' ra".28 Au: lam: re bo" lang" dao mae kai" ci: lo mung: myiqe: zo: re lo: byid' ra". Myiqe: zo: re: yao: myhi" re lo" dam: kai" byid'29 ra". – Yohan: naungcao qe ce: khyo re the' gyo: gelao" yao: bam li" mung: mao gaung re li" gaug: shaung: nyhab' pye' ako".30 Logyo: qe wa Yesu jhao" lhang" gam: khyo" zang" lo mung: yao: bam kaid' ra" mau" jham we' mho" shid' kyo" ra" ja:31 jham re lo: zhao: kyo" ako". – Volo byu qe myo: sho' mo, ye: ye: lo lo abang mabyid gemung: AsAng we' yao" naungcao qe zo zo: nae" lao" ayo, maqo" ko" ngaid: ra". Aimung: Yesu wa yao" naungcao qe we' cae: tae" ra" jo, qo dakhyo khyo ye: mung: nyhao: nhaung" yao: za: dazab zo: ye:32 lhau" no" yu gelang: ga: mho: ra". – Yao: bam wa cae: tae" ra" dajo, qo khyo lha jui:33 mung: gau" ye" lo" ako". – Volo byu jham yao: bam thug' ye" lo" rure cao" myao: ke' we' yao: bam khai: khyo ye" ga" rure ba geyang: vo khao: ngo" mae" mo, wa taung gaung khyo" cao" tao" ye" lo" mung: yao: bam: qhid' mae ye: joe" yang: yao: jhao"34 zang" ham: li" ako". – Yesu lha mae" thug' yang: volo byu jham re qu" ke' re zam: yaug mabo: ra" yao phung: re" ru: boe" na: rure myao lao" yao: wa nhag' qu" myain: yang: myo: sho' ja: re mho" shid' na: ra".35 Ba gyam: lo" lao" naungcao qe wa Yesu jhao" qui" te' ye: mung: ce: jo, qo wa seyo segae: re: ngaid: ra". Ba re: vao:36 lo" na: ava". – Byu qe vogaung: khyo zo: shaug' lo" qho: vai zo: vegeshao: nhao: ke' wa, se, yao: bam wa zo: nae" pe" mavin37 ko" ngaid: ra" ga: ta" gelao" , – AsAng wa naonhaung" yao: ce bam re zo: shaug' khin: zho: ge, ga: mho: ra". Ailao" yao" naungcao qe wa ngonhaung" ngaui shid' yo kye' yang ye: vai mung: yao: bam re38 byid: zho: zai i"? ga: myid' ako". – AsAng wa naonhaung" cinmain" khonho" yho' qo" shi: ko" ye: qu" ge, ga: yao: bam re ta" ra". Yao: bam wa cinmain" ngo" yho' we'39 ngo: shid' dau: za: aqo" ga: ta" ako". – Ai: au: byu qere aphung: phung: kaid' yang: vohau: yo mae zaung: na nhao ge, ga: yao:40 bam re mho: ra". – Yao: bam wa dazhain mae dayo dazhain mae ngo" xe dazhain41 zhain zaung: nhao mung: – AsAng wa ai: cinmain" ngo" yho' we' ngo: shid' dau: re yu yang: mug: gaung khyo tau: nghao" qu" mung: Mo"so re jeju caung: thao cinmain" re khyoe' phai" mung: volo byu jham re gae byid: nae" tau: naungcao qe re byid' ke' ra". Aimung: ngo: shid' dau: rere: yao: bam re42 gae byid' ra". – Yaug khao: ngo" gyi: sho'43 sho' qhug' zo: thao re – aje, amain" dam: cao" gaug: zhang: ru dao: daxe: shid' dao:44 byang" sheim sho' ngaid: ashi". – Cinman" zo: mo, myiqe: zoshao qere manghe' yaug gai qe za: ngo" taung kho ngaid: ra".45 Volo byu qere nhao: ke' zo" tham: thoete' mae" Bedsaida: vo khyo gau" de;46 ye" lo" na genae" tau: nhao: ke' ra". – Volo byu qere bin: au" ke' thao mae jhaung: ye: mho' nae" tau: bug gaung khyo do, ye" lo"47 ra". – Myi" thao joe" lao" lha wa tham: gaung: mae gau" joe" lo" na: ako". Yesu wa taung gaung mae yao: za: na: thang:48 gyo" ra". – La au: madau yang: naungcao qe lha gau: qug' na ko" re yao: the' myao: ra". Myi" byid yo, re qid dao mae su: yang:49 yao: bam re su" lai: lo" na: ra". – Yao: wa qid dao mae su" na: rure yao: bam the' myao gelao" ai wa mai: byo ngaid nho dau: ra" ga: myid yang: zag: gyi: hug' ke'50 ako". – Yao: bam AsAng re myao lao" gyai gyaug: nin" ko" ra". Ailao" jao" AsAng wa jhau: ke' mung: dagyaug ge, ngo angaid:51 ga: ta" ra". – Yao: bam jhao" lha khug khyo vao lo" ra". Ailao" la hug' ru thang: lo" ra". Yao" naungcao qe wa matho' ta" lo: sho'52 mug' byaug: ako". – Pe" mung: ga" re byu ngo" taung re cinmain" zho" ra" mug' pho" mau" zo" re yao: bam maba: gyo: geyang: ngaid: ra". Yao: bam: nhag' myid wa aire maqo" khae: yu ngaid: ako".53 Qid tham: thoete' khyo gau" de; ye: mung: Genesared' vo khyo joe" ye" lo"54 yang: ai: mae ye: thang: na: ako". – Lha mae" yao: bam thug' li" lao" jao" volo byu55 qe Yesu re ba: pye' geyang: – Avai: ayae mang: geim" jao: sho' tao" ye" lo" mung: no phyo: mo, re yab myhung: phaung: thin we' zung geim" geim" Yesu na thoe the' gyo" ra" jo, qo khao: ngo" khyo dao:56 li" ako". – Vozo: vozang khao: ngo" mae" hau" mo" cao" yang: volo byu qe wa no de; ra" mo, li" jhui" lhang" to: mung: no mo, yao" bau: thao re kholao" the' tin: nae" tau: mae mho' ako". Yao" bau: thao mae qo" the' tin" ra" mo, alhab' wa no phyo: gai: shao: lo" ako".