1 Ai: au: mae Phareshe qe we' Yeru- salem: mae" do, lo: ra" jham: ba pho" qe daqhae: Yesu jhao" zang" ham: li"2 ako". – Naungcao qe lo, ma cid' lo: zo zo"3 na ko" rure the' myao: ako". – Pe" mung: ga" re Phareshe qe we' Yuda, byumyu" qe wa yao: bam: phug' kai: qe kaid' to" ra" cao" khyao re cao" geyang: lo, macid' lo: zo4 mazo: ko" ngaid: ra". – Gai mae" vai: ci: lo: ra" alhab' rere: saoqhid' macid' shao: pye' re yao: bam mazo: ko" ngaid: ra". Ai mae kang: tam" khug' lao: jham re cid' shao: ra"5 li myo: sho' ja: rere: cao" ako". – Phareshe qe we' jham: ba pho" qe wa AsAng re ni" naungcao qe wa phug' phyid' li re macao" lo: mashao makha" lo; yang zo zo: ko"6 ra" i"? ga: myid' ako". – Yao: bam re: tau: mung: naonhaung" geim kaid' mo, ngaid: ako". Naonhaung" re tau" yang: Lapa Esaia pa: to" ru wa , Ce byumyu" wa yao: bam: nhaid' qid: yang za: ngo re phug' myao" ako". Nhag' lam: wa ngo we' gyai va" jo;7 ako". – Byu: mho" shid' dao: jham re za: mho" shid' byid' na gemung: yao: bam wa aje mae goe; pa" na ko" ra" ga: tung" to"8 ru we' dakhyo: ngaid: ra". – Naonhaung" wa Mo"so: amyin" dao: jham re to" pye' co' mung: byu: cao" khyao li'jham re za: phug'9 cao" na: ako" ga: ta" ra". – Naonhaung" wa naonhaung" yao" cao" khyao li re qo" phug' cao" nae" tau: mae" Mo"so: amyin" dao:10 jham re wa shepye' veko" ra". – Khoru: mung: ga" re Moshe wa ni" myhi" pho" re phug' myao: wa, yao" myhi' pho" re magai: dao: jhau: ra" yaug khag' ngaid qere: dang dang shid ca" ga: amyin" byid' to" ra".11 Naonhaung" kam" wa byu dayaug yaug yao: pho" mangaid: lao" yao: myhi" re bao" thaug' nae" daja: ja: qo" ngaid qere: ai re Mo"so re byid' to: va" aung lam kobain:12 ngaid: ga: ta" re wa – Ai: yaug wa myhi" pho" re masun: mageim magai: kaid' ga:13 tam" mung: – Yao: yao" su na aqae: qae: phug' cao" gyo" lo: li: yang Mo"so: mung dao: kye" khyo" pye' ako". Airu" ra" ave, getau myo: sho' ja: rere: naonhaung" kaid' cao" gyo" lo veko" ga: yao: bam re mho: ra".14 Ai: au: Yesu wa volo byu qere yao: jhao" khai: zhang" yu mung: yao: bam re mho: ru wa , alhab' geim" tae" gyo" yu15 mung: xam" to: ge, – Ngha khyo" aung khug khyo vao lo: ra" ja: pe" ja" yang re: byu re anyain: avho: maboe" nhao ngaid: ra". Byu: akhug mae" thug' li" ra" ja: za:16 byu re anyain: avho: boe" nhao: ra". – Gyo: nae" no: khye' de, mo, wa gyo" yu geshao: ga: mho: ra".17 Volo byu qere nha: to: co' mung: yham khug vao lo" lao" yao" naungcao qe wa ai: dao: tau" lase" re sho' kyo: nae" tau: mho'18 ako". – AsAng wa naonhaung" aire za: lao" re: maba: gyo: ko" i"?. Ngha khyo" byu: aung khyo vao lo: ra" pe" ja: re: nhag' lam: khug khyo vao lo" ru mangaid: . Vae: dug: am phae: khyo vao lo" mung: ngha ye:19 naung mae dam: thug' lo" ra". – Vae: dug: khyo vao mung: zo: vae re shao kyang" pye' yang: ngha min: zaung khyo gyo" lai: thug' mung: byu re manyain: vho: nhao: rure maba ge, i"?.20 Byu: aung khug khyo" thug' li" ra" ja"21 yang byu re nyain: vho: nhao: ra". – Byu: aung khug mae" magai: tau" da , su: myi: shaid' ru myiqe: avhang: qe we' zam"22 ru – Byu se' ru , ju" phyo' ru , shab' mhin: ra" phavae: mau" , myid nug' ru , su: zai khug' ru , gaui mho: ru , ngaid beim" ru23 we' go: joe; ru jham thug' li" ra". – Ce: magai makhe' ra" ja: alhab' wa byu: aung khug mae" thug' li" mung: byu re anyain: avho: boe" nhao: ra" ga: mho: ra".24 AsAng wa ai: jo, qo mae" Turu' we' Sidon: vovai: voyae vozo: jham khyo joe" ye" ra". Yao: wa yao" akhyo re khag' rere: maba nhao nug: yang: yham dayham khyo vao ye" ra". Ngaid yang: re: yao: maqo"25 vho' na ngaid: ra". – Pe" mung: ga" re yui jaung" ra" myiqe: nau" yao: myhi" wa lau dao: re the' gyo: yang: li" mung: yao" khyid26 qao: mae goe; pa" zo" – Yao: zo: myiqe: nau" khug mae" yui re khe' thug' pye' nae" tau: mho' vhao" ra". Ai: myiqe: wa Helini byumyu" Suri Phinid mang: byu ngaid:27 ra". – Yesu wa saoqhid' zo: qere shi" gyi: sho' zho: nae" . Zoshao qe: zo re yu mung: lakha: jham re khag' malhaung" byid:28 zho: ngaid: ra" ga: mho: ra". – Myiqe: myhi" wa ngaid: ra" AsAng: yao: zo: zo bo" mae" sheim: gyo" ra" zo ce' re lakha: jham gai: gaug zo" ako" ga: yao: dam: tau"29 ra". – AsAng wa ai: dao: the' gyo: yang: nao lo" wa, se, yui wa ni" myiqe: zo: mae"30 phao: thug' lo" pye' ava" ga: mho: ra". – Ai: myiqe: yao" yham khyo joe" lo" qu" re yui wa yao: zo: mae" phao: thug' lo" byaug mung: yao: zo: wa yab jaung: dao mae yab: lang" jo; rure lo" myao: ra".31 Dam: AsAng wa Turu' we' Sidon: vomo" mae" phao: thug' lo" byaug mung: Dekapoli mang: jao" lai: lo" zo" Galile tham:32 dae khyo lo" joe" ra". – Ai: au: mae no: jid yang: myain" maboe" ra" zoshao dayaug re AsAng jhao" jhui" li" mung: yao" dao mae lo,33 kai: byid: nae" tau: mho' ako". – AsAng wa volo byu phaung mae" yao: za: jo, qo getau khyo jhui" thug' lo" mung: yao" lo, nyhug' yang zoshao no: khyaung mae lhau byid' ra". Khata: re re: phoe" yu mung: zo shao:34 sho mae tag' byid' ra". – Ai: thao mug: gaung khyo tau: nghao" qu" zo" so' mo" she yang: ai: yaug re Ephatha' ga: ta" ra". Ai35 wa bung" lo" wa, ga: ta" ru ngaid: . – Ailao" jao" no: bung" lo" ru we' sho taui: beim: lo" byaug mung: dao: boe" boe" za: qo"36 jhau: ra". – Ai: akhyo re khag' rere: mata" kyo: nae" tau: volo byu qere zug' nhao: ra". Zug' to: nhao qere: je: ta" hau" qin"37 ako". – Matho' mho lo: sho' gyo" mug' pye' ru we' yao: wa ja: khao: ja: ngo" re agai shao shao kaid' byid' ra". No: magyo: yaug re no: gyo: nhao: ra". Nhaid' jid yaug re dao: ba: jhau nhao: ra" ga: ta" ako".